عندما يغيب العقل
سلاماتي
أسهبت حين قررت ووفقت لانشاء مدونتي في مواضيع كثيره
كنت أحس أني بعد انتهاء دراستي مليء الجعبة بالأفكار والقناعات التي تستحق أن تكتب
كنت آخذ وآعطي
كنت أعمل وأتعلم
كنت أسير في الحياة بشكل متوازن
أما اليوم فانا أبحث عن عقلي فلا أجده
أبحث عن فكري وأفكاري فتتوه مني
أين ذلك اليوم الذي كنت أجهز فيه أفكار خمس موضوعات فأكثر وعندما أجلس لأدون أكتب
أعلم أن الكتابة رزق
وأوقن أن الرزق رزقي ورزق
وفقني ربي لأعدد مواضيع كتاباتي
جعلت رسالة مدونتي أن أحاول أن يكون ديني ومنهجي سلوكا لكل الناس ليس الملتزمين فحسب
وفقنا الله لسلسلة من السلوكيات كان منها
عن الذوق والتيكيت في التعاملات تدوينتان
وعن الحوار والنقاش بيننا وبين بعضنا كانت تدوينة
وعن فهم طبائع الآخرين وتقدير نفسياتهم كانت
وعن خلق قبول الاعتذار والمسامحه كانت تدوينة
وعن اللمسات الجميلة وهمسات الحب والود الرقيقة كانت
وعن آفة الفصل بيننا وبينا معتقداتنا وأفعالنا كانت
وعن آفة التعميم ونشر الأحكام على الجميع كانت تدوينة
وعن آفة تجنب رؤيتنا لانغماسنا فيما نلوم من أخطاء الناس كانت
أما عن الجانب الدعوي
كانت تدوينتان حريصتان على أن نقوم جميعا بعمل في مجال الدعوة والنصح والإرشاد مهما كنا
هما
كانت هذه بعض التدوينات التي أحببت أن أذكر بها نفسي وأذكر بها أحبابي
وأيضا أشجع نفسي أني كنت أملك الأفكار من زمن قريب
قبل أن أحبط
وقبل أن أتوقف
ولكني "متعود" على العند
أسأل الله أن يردنا ردا جميلا
وأن يكتب هذه الكلمات لنا لا علينا
وأن يتقبل منا أجمعين
41 قالوا رأيهم/ أضف تعليقك:
منتظيرن ابداعك يادكترة
العيلة دي مش هاتنزل للارض ابدا
لازم ترفع راسها عالي ان شاء الله معانا
سلام يا باشا
لا غيب الله لكم عقلا
معلش يا دكترة
هي ساعات بتتربس كده مع الواحد
و حصلت معايا قبل كده و انت فاكر
منتظرين مزيد من موضوعاتك الجميلة و المفيدة
ماشي يا سيدي
اتحجج زي ما انت عاوز
:)
بهزر انا عارفه الحاله اللى عندك دي قوي
ربنا يوفقك يارب ويرزقك بفكر وكتابات اجمل واجمل
وانا مستنيه اهو
قعدالك على باب المدونة يا دفعه
:)
وفقك الله
ربنا يفتح عليك
لابد للعقل الحر من ان يشرق بعد الغياب
دمت بخير
ياباشا ولا يهمك
كلنا ذك الرجل
انا برضه بأمر بنفس الحالة
بس هناك فارق جوهري بيني وبينك
انك حصلت لك هذ الحالة ربما لانشغالك الشديد
أما انا فحصلت نظرا لفراغي الشديد
الاقيش عندك وظيفة
؟؟
ان شاء الله تعدي الأحباط وترجع احسن من الأول
ونفع الله بمواضيعك
تحياتى لك يا اخي ودمت بكل الخير
بتحصل يا عم الشيخ
معلش
هى الحياة لما الواحد بتكثر عليه الاشنغالات قد يؤدى ده
لقصور فى بعض الجوانب
قد تحتاج لصفاء ذهنى
او لراحة
ممكن
او ممكن تقابلنى ويكون ده الشفا
:)))
عايزين نتقابل قريبا ان شاء الله
مرحبااااا
ولا يهمك يا دكتور حر ...
كن فاصلة ولا تكن نقطة ..
لاتدع شيء يهزمك .. استمر في عطاءك وابداعك..
تحياتي .
http://roo7elqanon.blogspot.com/
نرجو المزيد يامبدع ....ونامل فيك الخير دائما... كما تعودنا
واكثر ما يعجبني في اسلوبك هي اللغة العربية .... تخصصي
سيبك من العربي.... وماعتذر بجد عن اني معلقتش بقالي كتير بس انت عارف
المشاغل بقى
في انتظار المزيد
فرجه قريب ان شاء الله
بتحصل كتير
مش أقولك حصلت معايا كام مرة
بس هو أكيد طفش من اللى انت بتعمله فيه
(:
استعن بالله وتذكر أنه الرزاق
ما كان منك وما سيكون بتوفيقه وحده
أنا واثقة أن غيبة عقلك لن تطول وسرعان ما سيعود
رزقك الله روقان البال وصلاح الحال
ليس للتدوين طعم بدون تدويناتك
وفى انتظار ابداعاتك القادمة باذن الله
قاعدة جنب لماضة بالظبط
(:
MAI
كلنا بنمر بلحظات لا نستطيع ان نفعل فيها أي شيء
المهم إننا نتخطى تلك اللحظات
منتظرين كتاباتك
دكتور حر
حقيقى موضوعاتك كلها جميله فعلا
وفعاله جدا
ولها فكر محترم وعالي ومتوازن
وعادي انك تعدي على فترات مش عارف تكتب
بتحصل كتير يعنى
رغم ان انا رغايه زي ما انت عارف انما ياما قعدت قدام صفحة الكتابه واكتب شويه واشيلهم واكتب غيرم والاخر ما اكتبش خالص
ان شاء الله ترجع تكتب تاني كتير
بس ما تبقاش تكتب كل يوم موضوع بقى عشان نلحق نقرا
تحياتي لك وربنا يكرمك ان شاء الله
وما جيتش التجمع لييييييييييه
من الناس الى كان نفسي اتشرف بهم فعلا
لا يا حاج محمد والله الحالة دي بتيجي مع اختلاف ظروفها لينا كلنا سواء في الكتابة او العمل او اي من مظاهر الحياة التي ندور فيها ،،،
لكن ندعو الله عز وجل ان يفك هذا الذي اعتبره كرب وهم الم بك لانه علي راي الاستاذ انس احنا مش عايزين العيلة دي تنزل الارض ابدا وفقك الله الي ما يحب ويرضي
سلامي للاسرة
ابن عمك
بدل ما تدفع عقلك الي التفكير والابتكار وانشاء الجديد اتركه ليسرخي
انها فترة راحة ان لم تعطيها له اخذها بنفسه
وسوف تري ان شاء الله
تحياتي
لما الواحد بيختلط عليه الأوراق وبيفكر عكس التيار اللى كان دايما مالك وجدانه بيكون جواه حاجات أكبر بكتير وموضوعات يمكن أشرس من أنها تتكتب بسهولة ويسر وتوصل ببساطة للى قدامك
أحساسى انك لم ينضب عقلك ولكن ما يتملكك الآن فترة إنتقالية تمر بها بكل جوارحك - بمعنى آخر بتكبر وبتتطور - وهيه دى الأنتقال - انت مش قادر تكتب زى مبتكتب ومش نافع تسكت لأن جواك بيصرخ بموضوعات فى منتهى الأهمية
رأيى الشخصى مش تبطل كتابه وطلع الأفكار المزدحمة بكل مرارتها وكل ما تحتوى من أفكار وحبة حبة نقيهم وظبطهم ونزلهم بشكل سهل وسلس
لو فعلا حاسس ان عقلك واقف عن التفكير والكتابة فنصيحتى ليك روح لأول مكتبة وأشترى أول كتاب تحبه عينيك وساعتها وانت بتقراه هتلاقى نفسك فى منتهى السعادة والأفكار بتتنطط حواليك
فى إنتظارك دوما
وأمنياتى بكل التوفيق
هبة
شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي
صاحب المضيفة
:)
ياسيدي ربنا يكرمنا
بس انت شد حيلك وادعيلنا
وربنا يستر عالعيله
***************
القعقاع المصري
اللهم آمين
وتسلم يا غالي
مهندس مصري
اي والله فاكر يا هندسه
ربنا يخليك ليا
ونرجع على طول ان شاء الله
وشد حيلك في الشغل
****************
لماضه
بقى كده
:))
واعملي فيها بتعرفي حالات بقى
:)
ربنا يكرمك ويكرمنا على طول
بس كده
لميتلنا الحشود على باب المدونة
:)))
عصفور المدينه
:)
وجودك بيزيدنا حبا
يا غالي
بس دعواتك
**********
احمد سعيد بسيوني
منور يا دكتور
وربنا يكرمك
يارب
يونيك
ربنا يسمع منك
وتعود الحياة والأمل
جزيتي كل الخير
*************
صيد الخاطر
كلماتك أحزنتني يا حبيب
أسأل الله أن يفك عنا وعنك
واستعن بالله ولا تعجز
أعانك الله
مصطفى ريان
ربنا يكرمك يا سيدي لكلماتك الجميلة
وربنا يوفقنا جميعا ان شاء الله
**************
إمام الجيل
ماشي يا عم الحاج
بس اشوفك بس
خليك انت تقلان بس كده
:)
ربنا يقويك يا غالي
rooro
نورتينا في زيارتك الاولى
وان شاء الله تكون فاصلة
ربنا يكرمك
****************
رابطة هويتي اسلامية
اشكركم للدعوه
والدعوه قيد البحث
جزيتم خيرا
somaya abozaid
:)))
حلوة المشاغل دي يا حاجه
بس فعلا مش بقيتوا تيجوا كتير
عاوزين دعم من بنها
ربنا يعينك ويوفقك
***************
اللؤلؤة المكنونة
كده خلاص يبقى لازم ارجع
كملي بس انت دعوات وربنا هيكرم ان شاء الله
Mohammed
كده خلاص لازم ارجع
ماشي...... هعديهالك المرة دي
إيما ( أم البنين)
ربنا يكرمك
بس المهم دعواتكم
لأني محتاجها اليومين دول بشدة
****************
صبرني يارب
الغالية أم رحمة
شهاداتك أعتز بها
وربنا يتقبل
بالنسبة للتجمع انا مفتكرتش خالص معاده لأني مش متابع
لكن ان شاء الله نتابع فيما بعد
ونتشرف بلقاءك
ابو يوسف
الغالي استاذ احمد
يا سيدي ربنا يفكها ان شاء الله
بس شدوا حيلكم معايا
ودعواتكم وربنا يكرمنا ونقف ان شاء الله
لكم كل التحية
***********
kochia
كلماتك بها حكمة كبيرة
نورتينا في المدونة
تحياتي
Doba
الغالية ام يوسف
انتي بالذات قربتي من السبب الحقيقي
هو اضمحلال موضوع القراءة عندي في الفترة السابقة
لكن كلماتك كلها على راسي
ونسالكم الدعاء
********************
م/ الحسيني لزومي
حاضر يا باشمهندس
لكن لا نحب الدعاية بدون تعليق
والله المعين
somaya abozaid
:)))
على بركة الله
كلنا نمر بمثل هذه الحالة يا عزيزي ، جرب تقرأ كتاب جديد ، أو اتصل بصديق قديم ، أو اذهب إلى مكان تحبه ، و حتما ستجد ما تبدعه .
تحياتي لك يا دكتور
تقبل الله منك
وهدانا واياكم الى صالح الاعمال
والى ما يحب ويرضى
لا تيأس اخى لاكريم
كلنا نمر بتلك الحاله
تحياتى ومودتى
جزاك الله كل خير يا دوك
ربنا يعينك ويزيدك
ويزيدنا
د/هيما
عادة تكون الافكار موجوده داخلنا
ولكن نحتاج الى شرارة تطلقها
موقف عشته يحفزها
كلمة سمعتها تخرجها
فلا تقلق ولا تتعجل
يا دكتور
وفقك الله الى ما يحبه ويرضاه
لكن لا تطيل الغياب
ولا تقل ان عقلك اصابة الفراغ
انها مرحلة وان شاء الله تعدى
السلام عليكم ورحمة الله وبركاته
تحياتي أخي دكتور محمد
قد يغيب العقل لكن لا يطول غيابه
ودائما طالما اننا نحتك بالاخرين اظن اننا
نكتسب الكثير الذي قد يؤهلنا احيانا
ان لا نتأخر عن الباقين فلا تتأخر عنا كثيرا
وفقنا الله واياك ان يرزقنا عقولا دائما لا تغيب وان تكون دائما عامرة بذكره وطاعته
اعنك الله ونفع بنا بك
وجزاك الله خيرا
قيل لي : ان هذا يحدث للجميع
ولعلهم على حق
فكلنا من هذا _ الجميع _ من حين لحين
والغياب
ضعف الرغبة ربما
افتقاد الحافز ربما
تشوش الوجدان ربما
انشغال الأفكار .... والوقت بالتبعية ربما
وربما مجرد شحن لفترة أكثر وهجا
ولكنه أبدا
ليس غيابا للعقل
رزقك الله وإيانا
:) تحياتي لك
حمد كمال
مثلك من أعتز بوجوده ويدفعني الى المواصله
وأفكارك الي ذكرتها هي ما اؤمن به حقا
جزيت خيرا
*************
دعاء مواجهات
اللهم آمين
ونرتي يا منوفيايه
:)
Dr- Hema
وجزاك يا عم هيما وربنا يتقبل يا سيدي
ربنا معاك
ومنورني دايما
********
سها السباعي
مرحبا سها
فعلا كلامك تمام
قد تكون الشرارة ضعيفة
ربنا يكرمنا ويكر مك
ونفوق
الله المعين
يمكنكم الان الحصول على افضل اخصومات التى تعمل على تقدم افضل العروض الرائعة التى تعمل على تقدم فضل الخصومات الرائعة التى نقدمة الان من افضل عزل خزانات بمكة التى تعمل على تقدم افضل المميزات التى نقدمة الان من شركة تنظيف كنب مكة التى من خلالها نعلم على تقدم افضل الخصةومات التى تعمل على تقدم اضفل العروض الرائعة من افضل فريق من المتخصصون التى نقدمة الان وباقل الاسعار الرائعة حيث اننا نعمل على تقدم اضفل العروض الرائة من شركة تنظيف مكة التى لا مثيل لها الان وباقل الاسعار الرائعة التى نقدمة الان من تنظيف رخام بمكة التى تعمل على تقدم افضل المميزات التى نقدمة الان وباقل التكاليف التى نقدمة الان من مكافحة حشرات بمكة الان وباقل الاسعار الرائعة
Post a Comment
زد الموضوع جمالا بتعليقك