بصراحه
سلاماتي
وصلني هذا التاج الثمين "السمين " من أختنا المباركه صانعة الحريه وهي صانعة التاج أيضا ووجب الرد عليه بصراحه أسأل الله أن أوفق فيه
1-ماهى سورتك فى القران(اى احب سوره اليك تقرأها فى فرحك وفى حزنك)؟
سورة يوسف "أحسن القصص" صوره مريحه نفسيا
لكن أكثر السور التي أحبها والتي أكتشف جمالها وعظمتها يوما بعد الآخر الرعد ...يونس ...الشورى
2-ماهى احب ايه اليك الايه التى دائما تتمناها؟
ونودوا أن تلكم الجنة أورثتموها بما كنتم تعملون الأعراف 43
3-ما هى اكثر ايه تخاف منها وتدعوا الله الا تكون من اصحابها؟
وبدالهم من الله مالم يكونوا يحتسبون الزمر 47
4-ما هى الايه التى تشعر بانها تتحدث عنك؟
حسب المواقف وليست بصوره عامه
وعامة الشيخ محمد يعقوب كان له جمله جميله وواقعيه إذا أحسست بالضيق فافتح المصحف واقرأ وستصدم بآية تقع على جرحك وتداويه
يعني فيه مثال طريف كنت وقعت فيه من حوال 6 سنين كان معايا محمول وكانت لسه غاليه المهم ضاع مني في التاكسي والراجل خده ومشي وانا قعدت اتصل عليه ميردش من العصر لحد الليل المهم صليت يومها حتة مغرب ولا احلى ولا أجمل ودعاء وخشوع ووقار وكده ... لحد مالراجل اتصل بيا بعد المغرب يقوللي تعالى خد المحمول بس بعد ما كان شبع اتصالات ايم الدقيقه بجنيه ونص خدته وأنا فرحان وصليت العشا عااااادي وسرحت عاااادي فأصبحت الآيه تتحرك أمامي
"مر كأن لم يدعنا الى ضر مسه" يونس 12
وهذا مثال فقط وبالطبع هناك آيات لمواقف جميله أخرى لكن حسب الموقف
5-من احب صاحبى واحب صحابيه اليك؟
بالطبع سيدنا أبوبكر الرقيق الجميل والقوي الثائر
والسيده فاطمة بنت النبي صلى الله عليه وسلم
6-من احب نبى اليك بعد الحبيب صلى الله عليه وسلم؟
سيدي ابراهيم خليل الرحمن
وحفيده يوسف سيد الشباب
7-اذا كنت على العهد النبى صلى الله عليه وسلم فمن كنت تحب ان تكون ولماذا؟
الحقيقه هو سيدنا معاذ بن جبل "الصحابي الحبيب " بتشديد الباء
فعلا صحابي غريب لكن تاريخه جميل أمسكه النبي ذات يوم واحتضنه وقال يا معاذ والله إني أحبك والله إني أحبك وقابله عمر بن الخطاب يوما في المسجد في الفجر فاحتضنه بشده وقال : والله يأخي يا معاذ لقد ذكرتك البارحة قبل أن أنام فأخذت أتقلب في فراشي شوقا اليك
شايفين الحب
فهناك حقا في معاذ بن جبل سفير النبي الكريم ما يدعوني للتعجب من حب الجميع له والتمنى أن أراه وأحبه وأكون مثله بإذن الله
8-ما هو منتداك وموقعك المفضل؟
دكتور ريست
اسلام أون لاين
9-ما هى احب الاسماء التى تحب ان تنادى بها؟
محمد
10-من هو كاتبك المفضل؟
أ فهمي هويدي ... بلديات بقى
11-مدون له عليك فضل او استفدت منه؟
كتيييييييييييييييييييير خد عندك أستاذي الحبيب ذو الرؤيه العميقه م خالد حفظي وطني وينطبق عليه الدهن في العتاقي
أستاذي الغالي م محمد عصفور المدينه رمانة الميزان في المدونات
أستاذ أحمد على صاحب مدونة يوميات عيل مصري أجدع وأكبر وأعقل عيل فيك يا مدونات ودعوة لمتابعة تعليقاته في كل مكان
اللؤلؤه المكنونه ....... ومحدش يسألني ليه ؟
:D
شباب مركز ومنظم ....فوضى منظمه و ومضات
فواكه المدونات ....فرنسا هانم ....بت خيخه وأي كلام ...لماضه
وبصراحه كل اللي في المفضلتين عن اليمين وعن الشمال كلهم على رأسي من فوق وأتعلم منهم
12-من هو قارىء القران المفضل اليك؟
المنشاوي بلا منازع وأحب أن أقلده ثم أبي رحمه الله في الترتيل
مصطفى اسماعيل وعبد الباسط في التحقيق
الشريم والحذيفي في الصلوات
13-من هو منشدك المفضل؟
أنا طبعا ...احم احم ولا قصدكم غيري ..آه ماشي
لا الصراحه هم بالترتيب عصام فتحي ... عبد الفتاح عوينات ..عماد رامي .. أبو راتب ..وملحقتش أبو مازن قوي لكن روحه عاليه وأناشيده لها طعم مع انها بتسجيل البيت
14-ما هو نشيدك المفضل؟
أناشيد الحب والأخوه عامة
ومنها اخي هل رأيت الهلال المنيرا
أخي في فؤادي وفي مسمعي
وأخي صبرا على ألم الفراق
وأناشيد الحماسه
تهون الحياه وكل يهون
كبروا يا مسلمين
15-اذا كان لك دعوه واحده تدعوها وستتحقق فبماذا ستدعوا؟؟
اللهم هيئ لهذه الأمة أمر رشد يعز فيه أهل طاعتك واجعلنا منهم
16- من هو الداعيه المفضل اليك او شيخك المفضل؟؟؟؟
الداعيه ..عمرو خالد في الرقائق والعمليات
الشيخ محمد حسان .. في مواضيع متنوعه
الداعيه محمد احمد الراشد ..في فقه الدعوه
الشيخ محمد الغزالي ..في حرارة الكتب ونبضها وهمتها وفهمها
الشيخ ...د القرضاوي في الفقه والفهم والتحليل العلمي لمؤلفاته الرائعه ال 150
17- ما هى اكثر عباده تشعر انها تجعلك قريب جدا من الله؟
قراءة القرآن في الصلاة
18- من احب افراد عائلتك اليك؟؟
أمي أكرمها الله ولا تقل عن أبي رحمه الله في منزلتها
19-ما هو املك فى الحياه؟؟
شخصيا ..أن يرضى الله عني وان يبلغني فيما يرضيه أملي
وقطريا ..أن ينتشل الله مصر من دوامة الضياع التي تحيا فيها ويعلي رايه الاسلام
وعالميا .. أن يمكننا الله من فتح روما ونكون في جيوش التحرير لكل البقاع المحتله
20- هتمرر التاج لمييييين؟؟؟
زي ما قال عم العصفور ..هو هيمر لوحده
تحديث
أمرر التاج إلى نوران بت خيخه وأي كلام
قبل ما التاجات تغلى
56 قالوا رأيهم/ أضف تعليقك:
ربنا يكرمك يارب على الإجابات الجميلة دى
فعلا صحابي غريب لكن تاريخه جميل أمسكه النبي ذات يوم واحتضنه وقال يا معاذ والله إني أحبك والله إني أحبك وقابله عمر بن الخطاب يوما في المسجد في الفجر فاحتضنه بشده وقال : والله يأخي يا معاذ لقد ذكرتك البارحة قبل أن أنام فأخذت أتقلب في فراشي شوقا اليك
***********
اليك هذه الهديه
************
أخى
أخى هل رأيت الهلال المنير
فانك أسمى مكانا و نورا
أخى هل تجولت بين الحقول
فانك أمرح منها طيورا
و لى أخوة كالينابيع
تروى الحياة و تسقى ثراها النجيع
ملائكة و حدائق ساحرة
و مصاحف تهدى الجموع
أحن اليهم بألف حنين
و كل حنين يهز الضلوع
و كل حنين له هيكل
أكان سنا أم حماما وديعا
فأطمع لو كان طوعى قصيدى
لأملأ دنياى شعرا بديعا
فشعرى قليل
و كيف سيحوى .
.شعورى اذا كان بحرا وسيعا
جزاك الله خيرا
انت بتنزل التاج وانا نايم ماشي يا محمد فينا من الحركات دي
عجبني أوي استثمارك للسؤال في حكاية الموبايل دي موعظة بليغة
وبعدين ليه حطيت سعادتك مع المنشدين مش حطيت نفسك مع القراء
ربنا يبارك فيك ويجمعنا على خير وييسر لك ويردك إلينا بالظفر والنجاح
احلى حاجه فى التاج دة
انه يظهر لنا ايات ممكن نمر عليها واحنا بنقرا بس مش ناخد بالنا منها
وزى ما حضرتك اتكلمت عن الايات اللى بتاثر فيك
فذكرتنا بها
اجابات حضرتك جميله
واستفدت بيها فعلا
جزاك الله كل خير
وكل سنه وحضرتك طيب
مش ممكن أول التعليقات ...فى تقدم
..
ماشاء الله إجابات جميلة فعلا ومنظمة
لو مااتجاوبتش كده ماتبقاش انت..
أكرمك الله وحقق لك دعواتك وفوقها
....
بس عندى سؤال رخم شوية
ليه ماحدش يسألك ليه؟
:)
:)
وفقك الله أخى لما يحب ويرضى
أخي الحبيب بارك الله لك
إجاباتك رائعة أكرمك الله ونفع بك
حلوة أوي موضوع الموبايل
بالنسبة لأناشيد أ[و مازن
طارق أ[و زياد أعاد انشادها مرة أخرى بنفس اللحن ونفس الاداء
وأداءه كما تعرف رائع
يسر الله تعالى لنا لقاءا قريبا
ربنا يكرمك يا سيدي على الاجابات دي ...
انا فاكر طبعا موضوع الموبايل... بس هي عادة البني آدم دائما انه ميعرفش ربنا الا وقت الغرق..
المهم شد حيلك في مذاكرتك... ولازم تبقى علاقتنا بربنا كويسة دايما في كل وقت (من عرف الله في الرخاء..عرفه الله في وقت الشده)مش لازم نزنق يعني .هههه
وبعدين اشمعنا بدأت بعصام بفتحي .... منتا داوشنا دايما بعماد رامي في كل أناشيدك....
ربنا يوفقك في امتحاناتك ومتنسناش من دعواتك....
أخوك
شكرا على اشتراككم معنا في حملة مدونون ضد أبو حصيرة .. ونرجو منكم وضع بنر الحملة على موقعكم للأعلان على الحملة ونشرها .. وشكرا
التاج ده كدة تحسه راقى اوى وبيفكر الإنسان بثوابت وقواعد فى حياته
بجد جزاه الله خيرا اللى عمله
إجابات حضرتك متميزة ما شاء الله بس الاحلى ان التاج متمررليش عشان كاميكاز بينفض فى المدونة للعيد إن شاء الله
:D
تحياتى
جميلة اجاباتك يا دكتور
أسأل الله أن يحققلك أمنياتك
بصراحة.................أجمل ما فى الاجابات ما فيها من صراحة وصدق
أحسبك كذلك ولا أزكيك على الله
بارك الله فيك وأسمعك الكلمة التى تحن لهلا القلوب
سلام عليكم طبتم فادخلوها خلدين
بس عايز الصراحة أنا نفسى أعرف ليه ؟
أعطيتنى ما لا أستحقه
من له فضل على من؟؟؟
ومن يستفيد من من ؟؟؟
الاعتراف بالحق فضيلة
جزاكم الله خيرا على ما تقدمه فى مدونتك من متعة وافادة لكل من يزورها
جعلها الله فى ميزان حسناتك
دمتم بكل خير
دكتور باشا
سلاماتي اولا
الباقي تمام يا كبير في كل الردود لكن انا وقفت شوية عن المدونات الليهم فضل عليك
لي حق أزعل لآنك مش حاططني معاك وعمال تقول في مدونات كتير ورا بعضها
وبعدين اللؤلؤة المكنونة لوحدها تحت
طبعا انا عارف انه حقك واني مش هاقدر أتكلم
لكن على الأقل كنت حط اسمي في وسط اللي فوق دول يمكن أكون زي حد فيهم ولا حاجه من باب أحب الصالحين ولست منهم
على العموم لما تقرا ردي عندي هاتعرف المضمون بس من غير ضحك الله يخليك
سلام يا عسل
صاحب المضيفة
ماشاء الله
ربنا يبارك فى حضرتك ويجازيك خير باذن الله
اللهم ارزقك الاخلاص فى القول والعمل
اجابات حضرتك رائعه
اللهم ثبتك على الحق اللهم امين
j
ماشاء الله
الإجابات رائعة
وكل عام وأن بخير
بإذن الله لما أشوف حضرتك أبقى أديك العيدية
هتبقى حلوة إنشاء الله
تاج جميل
ورائع
جزيت خيرا
تحياتي لك
سلام
ما شاء الله
ربنا يثبتك أكتر
ويوفقك دوما
تحيااااتي
د / محمد
ازيك
عامل ايه ؟؟؟
كويس انى عرفت انك منشد
انا بحب الانشاد جدا جدا
اجاباتك
عظمه على عظمه
بجد حاجه تشرفنا بين جميع المدونات العالميه
دى رايى
ربنا يزيدك من علمه
وكل سنه وانت طيب
السلام عليكم ورحمة الله وبركاته
ماشاء الله
بجد والله بستاد من حضرتك اووى..
يارب يعز بيك الاسلام
ويبارك فيك
بستفاد مش بستاد
اتكتبت غلط
:)
جزاك الله كل خير
شكرا لحضرتك كتر على نصايحك لى بجد باسعد باخ لى انه نصحنى
بس انا كنت بلدة جداااااااا فى اللغه العربيه
وبجد كويس قوى انا الكلام بيطلع كدة
بس بجد هاحاول اراعى بس احيانا بكون اللفظ مش عارفه اجيبه لغه عربيه او عامه فابكتبه زى ما بجى على فكرى
كمان مش باراجع البوست بعد ما باكتبه انا باكون منفعله وباكتب بسرعه قبل ما افقد حماسى لكتابه الموضوع
وجزاك الله كل خيرا
ربنا ييكرمك يارب
ابن عمر
جزيت خيرا على مشاركتك وعلى هديتك
وأدام الله الحب بيننا
**************
حبيبنا أبو يحيى
العصفور
حضرتك أكتر واحد عارف نفسك في النوم والصحيان
وبعدين الواحد يقبل على نفسه اسمه في وسط المنشدين ميقبلهوش في وسط الاسماء الكبيره دي
نلقاك على خير ان شاء الله
************
رفقة عمر
جزيت خيرا فعلا كلامك صحيح عن التاج وربنا يتقبل منا ومنك
*************
أماني باشا
لأ كده تستاهلي العيديه زي اللي بديهالك كل عيد عشان جيتي بدري
واقولك على سؤالك اجابه رخمه
كده
بس
دمت بكل خير
***************
صانعة الحريه
ربنا يتقبل منك هذا التاج الجميل
ويتك شفاك على خير بإذن الله
***************
حبيبي محمد صيد الخاطر
ربنا يكرمك على تواصلك الجميل
واعرف فعلا موضوع أبو زياد
واسمعه في اوقات كثيره
لكن للموضوع ألوان أخرى
لناس أخرى
ربنا يكرمك يا رب
ونلقاك على خير
خليفه بيه
أو خلو باشا
منورنا ياع م في المدونه كده على طول
طبيعة الانسان بقى زي ما بتقول
وبعدين عصام فتحي أحن وأقرب لي من صوت عماد لكن عصام قليل الاناشيد شويه
شد حيلك
**************
أعداء أبو حصيره
معاكم
وتم ما طلبتم
ومنهم لله الظلمه
******************
إنسانه
اي والله ادعيلها ربنا يشفيها اللي عملت التاج
بس مين كاميكاز ده؟
دمت بكل خير
*****************
بهاء
جزيت خيرا على تواصلك الجميل
وكل عام وانت بكل خير
اللؤلؤة المكنونه
بداية مخصوم من عيديتك نص جنيه عشان التدوينه اللي فاتت
والحمد لله انك حسيت كده ي التاج ده
وكمان الفضل والدعم مش شرط يكون مادي
ممكن يكون لوجيستي
هتقوللي يعني ايه دعم لوجيستي
هقولك
مش عارف
بس هو حاجه شبه اللي اقصدها يعني
ربنا يوفقك ويحقق أمانيك ويرزقك البركه والقبول
ودمت سالمه
عمي ابو مالك صاحب المضيفه
منورنا اولا
ولا تزعل ولا حاجه
تقريبا في اغنيه بتقول
انت غيرهم
هو ده ردي عليك
وقريت ردك يا كبير واستعنت بصديق على ما فهمته الحمد لله
لك كل الود
عاشقة الفردوس
جزيت خيرا على تواصلك
ودعائك الطيب
ودمت سالمه
**********
عبد الرحمن باشا ياسين
جزيت خيرا علىالتواصل
ومنتظر العيديه
هههه
**********
سلوى
وجزاك خيرا
ومشكوره على التواصل
ومنتظرين جديدك
**********
فرنستنا الغاليه
خلاص ما دمتي بتحبي الأناشيد أعملك واحد مخصوص ولا يهمك
وبعدين بقى مدونتي متشرفش الى في العالميه بس
اومال فين بقية المجرات والكواكب التانيه
هسامحك في دي على ما تخفي بس
ربنا يتم شفاكي على خير
***********
نازك الملائكه
يااااااااااااااااااااه
دانتي فعلا خلصتي الكلام خالص
ربنا يعينك ويوفقك ان شاء الله
ومشكوره على التواصل بإذن الله
دمت بخير
اخى محمد
كل عام وانتم بخير
اعاد الله تلك الايام عليكم بالخير والبركات
بصراحة كده يادكتور
تاج مالوش حل
بارك الله ليك
وانت منحاز لفهمي هويدي ومالو ياعمنا
على فكرة انا منتظرك في ابيات شعر وصلتلي ملهاش حل
تعالى وشها في ميخا
إجاباتك جميلة .. وغريبة فعلا
جعلتني أشعر أنني أعرفك منذ فترة .. أو أني أعرفك حقا
فهل نعرف بعضنا؟؟
........
ربما جذب انتباهي أيضا أنني الزائر رقم عشرة آلاف وعندما تصفحت المدونة فإني كسبت رقما آخر .. فهل هناك جائزة؟؟
ربنا يكرمك اخي الفاضل
ردودك طيبة حقا
وتتلاقى اجابتي معك في حب سورة يوسف .. ربنا يرزقنا عفافا كعفاف سيدنا يوسف
وربنا يكرمك ويجيب دعائك اللهم آمين
تحياتي لك
يعنى بصراحة مش عارفة اروح منك فين
يامحمد زى ما بتحب ان الناس تناديك
اخجلتم تواضعنا والله لما ذكرت انى من فواكه المدونات
يعنى مش عارفة اقولك ايه بصراحة
بس بجد مبسوطة جدا من جوايا
يبقى معنديش دم خالص لما اسمى يذكر فى تدوينة من تدويناتك ومتبسطش
المهم اجابتك على التاج الثمين السمين
كانت رائعة
بس يعنى لو فيها بواخة الا هو التاج ده الواحد بيجيبه منين
يعنى اقدم عليه فى القرعة
وانا وحظى
ولا ده الواحد بيروح يجيبه من الجمعية التعاونية
ولا اعمل ايه بالظبط
اصل يعنى داخلالى اهه فى شهرين عاملة المدونة بتاعتى و لا شوفت تاج
ولا شميت ريحته ولا حاجة خالص
ولا اعرف الواحد بيلاقى التاج ده فين
يعنى انام واصحى الاقى التاج محطوط على باب البلوج
ولا حد هيبعتهولى فاكس
ولا ايه بالظبط
يعنى ياريت يا دكتور محمد تنورنى الله يكرمك
علشان لو التيجان دى بتغلى الحق احجزلى اتين تلاتة من دلوقتى
اهه ينفعوا وقت زنقة
سلام
اختك خيخة
دكتورنا الكبير
الله عليك اجاباي جامده جدا ربنا يبارك فيك ويعزك
عجبتني حته الموبايل علشان كتير باحس في نفسي بالحاجه الدي
اللهم اغفر واعفو يارب
وجزاكم الله خير
دكتور
انت بتمتحن ولا بترد ع التاجات
ربنا معاك يارب وتخلص امتاحاناتك على خير
يا عم الكلام الكبير ده احنا مش قدة، الله يسامحك
أنتم اللي نتعلم منكم
وربنا يبارك فيكم ويجعلكم في كل خطوة سلامة، وتعيش وتتزين بالتاجات الحلوة
كل عام وانت طيب يا أحلى دكتور في الدنيا
علشان فاهمة حكاية انه التاج ده بيروح لوحده مش عايزة ارد رغم انى كان ممكن احصل على مركز متقدم جدا في الردود بس قلت الطيب احسن ..
اجباتا صريحة اخونا الكريم دكتور محمد
ربنا يبارك فيكم ويوفقكم في الدنيا والاخرة
اجابات جميلة ومحددة
عجبنى تقسيمة كذا اجابة
جزيت خيرا
ومستنين نسمع صوت حضرتك قريبا
انا برضه بحب الاناشيد جدا
وساعات صوتى بيبقى حلو
اول مرة اخد بالى من المفلضة اللى
ع اليمين
بورك فيك
السلام عليكم ورحمته وبركاته
قراءة نص مبدع هي كتابة صامتة
ها هو إنسان يسطر مشاعرنا ونحن
نقرأ ذاتنا كأننا نكتبها
أو كأنه سطرها عنا ووقع اسمه بصفته
الخطاط أكثر من رائعة سلمت يداك
أكرمك الله وأعزك ورزقك حج مبرور
والسلام عليكم ورحمته وبركاته
و أنا باقرا إجابات التاج حسيت إحساس غريب شوية .. كنت حاسس إنك دايما مبتسم أو بتضحك و انت بتجاوب على كل سؤال .. و حديث تبسمك فى وجه أخيك صدقة فضل فى بالى لغاية دلوقتى
أنا ماعرفش ليه أنا حاسس بكدة .. انت ممكن تقول إن أنا باخرف .. لكن والله دة احساسى
أسألة جميلة و إجابات أجمل
شكرا لك
:)
عفواً
انا مش داخل اعمل إعلان والله
بس الوقت ضيق
فاضل على عرفة يوم
ناويين على إيه
8 ذى الحجة
الله يسامحك
بس خلاص
الباشا الكبييييييييييييير
سابع مرة أخش أحط تعليق
و النت يفصل
بأحجز مكان بس و جاى على طول
هو فعلا تاج سمين ودسم كمان :)
باركك الرحمن اجابات جميلة جداً وعميقة كذلك
أعجبتني آمالك في الحياة
فهي آمال متزنة لإنسان أحسبه يردد " إني على ثغرة من ثغر الإسلام فلا يؤتين من قبلي "
دمت عزيزاً سالماً
السلام عليكم
لا أقول هذا العيد
كل عام وانتم بخير
ولكن اقول
انتم الخير لكل عام
ولا تنسوا اخواننا فى فلسطين
وندعوكم لمتابعة
( العيد وضياع اقصانا )
مدونة قلب أبيض
الحق يقال انت نعم الأبن لأعظم آباء
ربنا يبارك فيك ويجعلك ابن بار بأبويك
حسيتك عامل زى الميه نقى قووى من وواضح جدا ومباشر فى كلامك
ربنا يوفقك لما يحب ويرضى وخلى بالك من والدتك - اكيد هيه جوه عيونك
تحياتى وبالتوفيق
هبة
وكل عام وانت بخير بمناسبه العيد الاضحى
وتقبل الله منا ومنكم
احمد الجيزاوى
كل سنه وانت طيب يا ابو زيد...
والعيد الجاى " باذن الله " تكون احلامنا كلها تحققت
باذن الله
عازق الناي
ا سيد الغالي
حمدلله على سلامة حضرتك يا رب
وكل عام وانت بخير
ومنورنا كده على طول
***********
ميخا
الجمعاوي الأصيل
ربنا يجزيك خير ويتقبل منك
وان شاء الله جايلك
كل عام وانت بخير
*************
الكريم وضاح
جزيت خيرا
اتمنى ان نكون نعرف بعضنا حقا
والأرواح جنود مجنده كما تعرف
وبمناسبة الجايزه
عيني حاضؤ
هفكرلك فيها ان شاء الله
كل عام وانت بخير
***************
د نور
دائما ما تسعدنا طلتك
أسال الله أن يجيب دعائك
وكل عام وانت بخير
************
بت خيخه ...نوران
اه طبعا فاكهه بمزاجك أو بمزاجك
ربنا يكرمك يا رب
والتاج انا حولتهولك وبراحتك خالص معاه كما تشائين
كل عام وأنت بخير
************
أحمد باشا الفاتح الجعفري
منور يا كبير
وربنا يبارك فيك وينفع بيك يا رب
كل عام وانت بخير
************
عم أحمد على الغالي
دايما بتبكتني كده
:)
برضه
ربنا يخليك لي يا رب
وكلامك ده من تواضعك وأدبك بس ربنا يكرمك ويخليك للمدونين كلهم
***************
همسة قلم
أختنا الكبرى أسماء
لا تترددي في ادخال البهجه علينا بتعليقاتك
أكرمك المولى حيثما كنت
ووهبك دعاء لا يرد
كل عام وأنت بخير
*************
عم محمد إمام الجيل
منورنا يا غالي
وأسال الله أن يديم بيننا الود
وكل عام وانت بخير
************
هايدي
ارسم بالرصاص
يسرني ما قلت
وأسأل الله أن يتقبل منا ومنك وأن يختم لنا جميعا بخير
انه ولى ذلك والقادر عليه
عمي وشيخي
ابن حجر
ضحكتني يا جدع
هو فعل اانا بحب اضحك وابتسم وحتى لو كلمتني شات هتلاقي صورتي عالماسنجر فاغر فاه خالص
ربنا يكرمك يا سيدي ويتقبل منك
**********
dreamer
نورتنا يا فندم
وتنورنا دايما بإذن الله
لك تحياتي
**********
عمر محمود
ولمثل ذلك لا يكون الاعلان
جزيت عنا خيرا
وسلامنا لفاروق وبراء
كل عام وانت بخير
********
استاذي الغالي م خالد وطني
آمين يا رب
ويسامحنا كلنا
**********
جمعاوي روش طحن
هو الموضوع نيات بقى
بس انا عارف عودتك دي
(:
كل سنة وانت طيب يا غالي
**********
جمانه
حقا كما قلت
لا أسكت الله لكم صوت يا أهل فلسطين
بارك الله فيك
وكل عام وأنتم بخير
********
قلب أبيض
جزيت خيرا
ومتابعينكم بإذن الله
********
هبه
الله يسامحك على الكلام الكبير ده
الذي لا أستحق معشار معشاره
والله أعلم بحالي
كل عام وأنت بخير
******
أحمد الجيزاوي
جزاكم الله خيرا
وتقبل الله منا ومنكم
********
السيد شبل
يا رب يا سيدي
تتحقق كلها
أشكرك على التواصل
اخي دكتور حر فعلا اجابات موفقة
وياعم ضيع كل يوم موبايل علشان تخشع في الصلاة كويس
ووفقت كثيرا في اختيار سورة يوسف فهي فعلا سورة اكثر من رائعة
وكل عام وانتم بخير
واضح من اجباتك انك انسان متدين وعلى خلق
ربنا يوفك لما يحب ويرضى
وكل سنة وانت بالف خير
كل عام و انتم بخير
اهنئكم بعيد الاضحى المبارك
تحياتى ابو مفراح
معلش جيت متاخره بس ظروف الدراسه بقى
كل سنه وحضرتك الى الله اقرب
بجد ردودك ما شاء الله جميله
وخصوصا حكايه الموبايل ديه
:)
كل عام وأنتم بخير
عـــيد ســـعيد
أعادة الله عليكم بالخير والبركات
تحياتى
كل عام وانتم بخير .. تقبل الله منا ومنكم. طهر الله قلبك وأزاح الله همك وغفر الله ذنبك وبارك الله عملك وفرج الله كربك وسدد الله رأيك .. عيد جميل
آفاق الحريه
نورتنا يا باشمهندس
ويا سيدي ربنا يرزقنا الخشوع من غير ضياع
أعزك الله
وكل عام وانت بخير
************
قطة الصحراء
جعلني الله عند حسن ظنك
وكل عام وأنت بخير
***********
عمي أبو مفراح
وأنتم بخير
وتقبل الله منا ومنكم
************
د نور
ولا يهمك ربنا يوفقك ان شاء الله
وكل عام وانت بخير
***************
أحمد بيه الصباغ
خال المدونين
وكل عام وأنت بخير
وتعيش وتفتكر
**************
صريح أوي
جزيت خيرا على الدعاء الجميل
وكل عام وانت بخير
Post a Comment
زد الموضوع جمالا بتعليقك