رأس السنه بتاعي
سلاماتي
معلش بقى أكتب التدوينه دي بالعاميه.... ونرجع نكمل الذوق في التدوينه الجايه بإذن الله
سماح يا باشمهندس خالد ويا باشمهندس عصفور
رأس السنه عندي عيد كبير
في ناس كتير قوي في العالم بيحتفلو بيه
لكن انا ليا احتفالي الخاص
لأني ببساطه في مثل يوم الاثنين واللي كان يوم 1992/12/31
ختمت القرآن حفظا
وكان عمري 8 سنوات وشهرين و6 أيام
وكان يوم أربعاء وكنا بين المغرب والعشاء وكنت قاعد على الكنبه الخضرا اللي في بيتنا في قطر
وكنت فرحان قوي لأني هستريح من أبويا شويه
لكن اللي كنت متأكد منه أن أبويا اللي حفظني القرآن كان فرحان اكتر مني بكتيير لدرجة انه عمل وليمه كبيره وذبح ذبائح ودعا الناس للاحتفال بهذا المناسبه واللي اتعملت بعد كده كتير
ان الناس تعمل حفله لختم القرآن بعد ما يحفظوا أولادهم
وكان هناك احتفال خاص آخر
وهو اني بهذه المناسبه أصبحت أصغر حافظ للقرآن في قطر "على فكره قطر كلها قد مركزنا في مصر " وسلامات بقى عالتليفيزيون والصحافة والراديو ...وعشت لي معاهم يومين
لكن الحدث الآخر هو أنى اصبحت كمان أصغر من ختم القرآن في العيله وفي البلد
لأنه لم يكن يسبقني الا عمي الأصغر د عبد الله واللي ختمه اكبر من السن ده بشهرين وشويه
وكمان في البلد
وظللت محتفظا بهذا السبق لحد ما الناس في البلد بتاعتنا افترت قوي
فطلعت لي انغام و هاجر ختموا القرآن سن 7 سنوات وقعدوا متربعين شويه على العرش ربنا يحفظهم يا رب
لحد ما طلع ثروت أخو انغام وخلص القرآن 6 سنوات وقاعد دلوقتي ومدلدل رجله كمان
ربنا يحفظهم كلهم يا رب ويبارك فيهم
وبمناسبة ثروت كان في مسابقة قرآن بيكرموا فيها الفائزين في البلد وبيحضرها المحافظ وشوية ناس كمان و اختاروا اللي يفتتح الحفلة بالقرآن اتنين
أنا وثروت
وأنا ماشاء الله مليان حبتين وثروت في ايدي 6 سنوات
والراجل بيقدمنا في الحفله إليكم نموذجااااااان ..ويمد في الكلام قوي
نموذج من البدايه ...ونموذج من النهااااايه ......لدرجة اني حسيت اني عجوز وكركوبه وهطلع من الحفله أدفن على طول
لكن نيجي على الوجيعه بقى
عملنا ايه بحفظنا للقرآن
حامل القرآن لا بد له من صفات خاصه
غير سهله
مسؤلياته جسيمه
أخظاؤه مضاعفه
لا بد بعد أن يكرم الفرد بالحفظ ان يسعى للعمل
واحنا شايفين ان الأمه بتزيد مصاحف فقط بعدد الحفاظ ولا يؤثرون في الناس
وكمان كتير منا بعد ما بيحفظ القرآن بينساه ويكسل يراجع تاني
مع ان فيه حديث بيقول
قال صلى الله عليه وسلم:عرضت عليَّ ذنوب أمتي فلم أر فيها ذنباً أعظم من رجل أوتي شيئاً من القرآن ثم نسيه
معلش بقى أكتب التدوينه دي بالعاميه.... ونرجع نكمل الذوق في التدوينه الجايه بإذن الله
سماح يا باشمهندس خالد ويا باشمهندس عصفور
رأس السنه عندي عيد كبير
في ناس كتير قوي في العالم بيحتفلو بيه
لكن انا ليا احتفالي الخاص
لأني ببساطه في مثل يوم الاثنين واللي كان يوم 1992/12/31
ختمت القرآن حفظا
وكان عمري 8 سنوات وشهرين و6 أيام
وكان يوم أربعاء وكنا بين المغرب والعشاء وكنت قاعد على الكنبه الخضرا اللي في بيتنا في قطر
وكنت فرحان قوي لأني هستريح من أبويا شويه
لكن اللي كنت متأكد منه أن أبويا اللي حفظني القرآن كان فرحان اكتر مني بكتيير لدرجة انه عمل وليمه كبيره وذبح ذبائح ودعا الناس للاحتفال بهذا المناسبه واللي اتعملت بعد كده كتير
ان الناس تعمل حفله لختم القرآن بعد ما يحفظوا أولادهم
وكان هناك احتفال خاص آخر
وهو اني بهذه المناسبه أصبحت أصغر حافظ للقرآن في قطر "على فكره قطر كلها قد مركزنا في مصر " وسلامات بقى عالتليفيزيون والصحافة والراديو ...وعشت لي معاهم يومين
لكن الحدث الآخر هو أنى اصبحت كمان أصغر من ختم القرآن في العيله وفي البلد
لأنه لم يكن يسبقني الا عمي الأصغر د عبد الله واللي ختمه اكبر من السن ده بشهرين وشويه
وكمان في البلد
وظللت محتفظا بهذا السبق لحد ما الناس في البلد بتاعتنا افترت قوي
فطلعت لي انغام و هاجر ختموا القرآن سن 7 سنوات وقعدوا متربعين شويه على العرش ربنا يحفظهم يا رب
لحد ما طلع ثروت أخو انغام وخلص القرآن 6 سنوات وقاعد دلوقتي ومدلدل رجله كمان
ربنا يحفظهم كلهم يا رب ويبارك فيهم
وبمناسبة ثروت كان في مسابقة قرآن بيكرموا فيها الفائزين في البلد وبيحضرها المحافظ وشوية ناس كمان و اختاروا اللي يفتتح الحفلة بالقرآن اتنين
أنا وثروت
وأنا ماشاء الله مليان حبتين وثروت في ايدي 6 سنوات
والراجل بيقدمنا في الحفله إليكم نموذجااااااان ..ويمد في الكلام قوي
نموذج من البدايه ...ونموذج من النهااااايه ......لدرجة اني حسيت اني عجوز وكركوبه وهطلع من الحفله أدفن على طول
لكن نيجي على الوجيعه بقى
عملنا ايه بحفظنا للقرآن
حامل القرآن لا بد له من صفات خاصه
غير سهله
مسؤلياته جسيمه
أخظاؤه مضاعفه
لا بد بعد أن يكرم الفرد بالحفظ ان يسعى للعمل
واحنا شايفين ان الأمه بتزيد مصاحف فقط بعدد الحفاظ ولا يؤثرون في الناس
وكمان كتير منا بعد ما بيحفظ القرآن بينساه ويكسل يراجع تاني
مع ان فيه حديث بيقول
قال صلى الله عليه وسلم:عرضت عليَّ ذنوب أمتي فلم أر فيها ذنباً أعظم من رجل أوتي شيئاً من القرآن ثم نسيه
في هذه الذكرى
وفي راس السنه
أسألكم ان ترجعوا الى القرآن
وأن يتعلمه من يجعله
وان يذكره من نسيه
وأن يعمل به من حفظه ومن لم يحفظه
وأن تدعو لي بأن اكون كذلك
آمين آمين آمين
وفي راس السنه
أسألكم ان ترجعوا الى القرآن
وأن يتعلمه من يجعله
وان يذكره من نسيه
وأن يعمل به من حفظه ومن لم يحفظه
وأن تدعو لي بأن اكون كذلك
آمين آمين آمين
67 قالوا رأيهم/ أضف تعليقك:
يااااه ماشاء الله
ربنا يكرمك ويعزك
انا مكسوف من نفسى طبعا
بس اللى حفظ القرءان وهو عنده ست سنين ده ؟؟ كان بدأ فيه وهو جنين ولا ايه ؟؟
انا مندهش
ماشاء الله
بس طبعا المهم ان الانسان لما يحفظ يبان فى سلوكياتة وتصرفاتة ودعوتة للناس للخير
ربنا يكرمك يا دكتور محمد وينفعك بالقراءان يارب
وكل سنة وانت طيب
تحياتى
ما شاء الله يا محمد ... نحمد الله الذى انعم عليك بحفظ القرآن فى مثل هذا السن ...
وذكرى جميله حقا ...
وربنا ينعم علينا بالمثل ان شاء الله
ماشاء الله عليك
يجعل كل ده فى ميزان حسنات والد حضرتك
جزاه الله خيرا الجزاء
ادعيلنا احنا كمان
هاه قربت اهو احصلك
ادعيلنا ماشى
السلام عليكم
وربنا يجعلك من ورثه الفردوس
معلش نسيت اعلق على حته فى التدوينه
فعلا كتيير اوى بيحفظ القران
بس فين التدبر والعمل بما فيه
اللهم اجعلنا ممن يستمعون القول فيتبعون احسنه
اللهم امين
ربنا يباركلك في حفظك ويحفظه في قلبك وعقلك و يرزقك العمل به
اسهل حاجة الناس كمان لما تشاور على واحد تصرفاته فيها اخطاء وتقولك شفت اهو حافظ القرءان..
ربنا يكتبلنها جميعا حفظه والعمل بما فيه
وبعدين ازاي دكتور وتيجي عالوجيعة
انا اللي اعرفه ان الدكتور بيعالج الوجيعة
:)
الله عليك وعلى والديك
قطر دلوقتي ما بقتش أد مركزكم، بقت أد مركزنا احنا ههههههههه
عندي سؤال يا دكتور
هو الواحد لما يكون حافظ القرآن ووالده واخواته، يبقى ماشي ع الأرض عادي كده زينا، ربنا يبارك فيك ويكرمك، أنا عارف شعورك الجميل لأن خالد أخويا ختم الحفظ في ستة أشهر، ولسة فاكر اليوم لغاية دلوقتي، كنت باحس دايما ان بيتنا مليان بركة، وإن ربنا بيبارك في الحياة حوالينا بسبب القرآن، ربنا يحفظك بحفظ القرآن، ويجعلكم أفضل الناس يارب
دمت ودام القرآن يباركك
نسيت اقولك ربنا يرحم والدك رحمة واسعة
صوته طيب جداااااااا
ما شاء الله الله أكبر
فعلاً والله ذكرى أحلى من أحلى عيد
جعلها الله ثقيلة في ميزان حسنات والدك
أختكم الكريمة طالما كلمتني عن والدكم رحمه الله وعن مشواره معكم لحفظ القرآن فأترحم عليه وأدعو الله له بصدق
جعلكم الله صدقة جارية لوالدكم الطيب ، وجعلكم قلوباً وعت القرآن فعملت به وأهدته للبشرية.
والله هذه التدوينة أخجلتني من نفسي ومن حالي مع كتاب الله الكريم .. جعلنا الله جميعاً من أهل القرآن الذين هم أهل الله وخاصته
القران ده تاج وتاج كبير كمان
فكرتني بالذي مضى
الله يرحم الجميع ويخلي والدتي
اللي هي عمتك برضو
يعني الحكاية من بعضها
ذرية بعضها من بعض
ربنا يوفقنا لمراجعته واتقانه يارب
دمت بكل الود
ربنا يبارك فيك وفي والديك وعائلتك ومركزكم
وفي قطر كمان ياعم
ورأس السنة الهجرية
وأعاننا الله وإياك على الحفاظ على حق كتابه
أولا
HAPPY NEW YEAR
كل عام وانت إلي الله أقرب وعلي طاعته ادوم..
تقبل الله منا ومنكم
ثانيا
انت زعلان لأنك حافظ
والعمل بسيط
امال اللي مش حافظ يعمل ايه
..
كلامك ده جه علي الوجيعة
انا ما بعرفش احفظ خالص
قوللي اعمل ايه
وانا ادعيلك
بسم الله ما شاء الله
ليك حق تحتفل بيه كل سنة
واكيد الاحتفال السنوى ده بمثابة اعادة تفكير ومحاسبة للنفس
ربنا يغفر لينا ذنوبنا ويتجاوز عن سيئاتنا
وكم من حملة القرآن لا تراهم قدر المسؤلية
اللهم بارك لك فى حفظك و نفعك و نفع الناس بما تحفظه من القرآن
يا لها من مناسبة سنوية جميلة
و عقبال ما تحتفل بالانتهاء من كتاب "فتح البارى" لابن حجر العسقلانى
:) :) :)
أخوك
ابن حجر العسقلانى ... بس المزيف
كل سنه وانت طيب
وكلنا طيبين ما شاء الله عليك انا بتمنى وانا كبيرة وهبله كده انى احفظ كتير بس اعمل ايه فى البنزهير اللى فى دماغى لازم اقعد كل شويه اراجع تانى ومش عارفه احفظ ربنا يقوينى
السلام عليكم ورحمة الله وبركاته
كل سنة وانت طيب يا دكتور
والله عنيا دمعت وانا بقرا التدوينه دي ، حسيت اني مقصره اوي ، وفرحت اوي بالولاد والبنات اللي ربنا يحفظهم يارب ويبارك فيهم
بالمناسبة الحفله اللي بتتعمل لما يتم ختم القرآن دي تقليد من زمان اوي ، وكانت بتتعمل خصوصا في الريف والصعيد لما الطفل يتم الحفظ
ماشاء الله عليك يا عم
عموما ده ثالث تعليق ليا على المدونات كلها ومدونتك برضو.. انا بكتفي بس بقراءة التعليقات كل يوم خصوصا بتاع اللؤلؤة وخيخة دي وقرايبنا بقى ...هههه
بس فعلا الموضوع ده كويس ...
انا طبعا مش فاكر موضوع ختمك للقرآن ده قوي لأني كان عمري وقتها ثلاث سنين وشوية تقريباً رغم اني كنت معاك في قطر وقتها برضو
بس ربنا يكرمك يا عم
ياريتني كنت خلصت انا كمان في الوقت ده بدل مناخلصت في سن التاسعة وشوية او العاشرة يعني تقريبا كنت في اولى اعدادي او آخر خامسة ابتدائي
مهو انا كنت في اولى ابتدائي وانا 5سنين تقريبا يعني داخل صغير اصلاً.....
بس بصراحة مكنش عندي اهتمام قوي بتسجيل الوقت ده قوي زيك يمكن لأني حسيت وقتها انه مالوش لازمة بعد منتا كلت الجو بقى..هههههههه
بس بجد والله زي ماقلت قبل كده في مقال( رسالة لا أستطيع ارسالها) انك تشعر بالفخر فعلا وانت حافظ القرآن وان دي أسمي شئ قدمهولنا بابا قبل وفاته .
بس انت ياعم يا بختك لأنك ختمت القرآن في وجود بابا .لكن انا واختك الصغرى خلصنا بعد وفاة بابا(ربنا يرحمه)..
على العموم احنا برضو اتعملتلنا وليمة كبيرة وكنا عازمين ناس كتير برضو واظنك فاكر بعد ختمي انا واختك للقرآن... (إذن احنا كده متساويين)
المهم بقى
أولاً بعد ان من الله علينا ووفقنا لحفظ كتابه يتبقى بجد العمل به وان احنا نكون فعلا قدوة لغيرنا بالقول والعمل بجد لأن نظرة الناس للي حافظ القرآن مختلفة بجد وانا لاحظتها والكلام ده مش لي انا واخي بس .ده لأي حد بجد حافظ القرآن بيقرأ الكلام ده لأن الموضوع ده مهم جدا لأن الناس فعلا بتحترم اللي حفظ القران ولو حتى سنٌه صغير والكلام ده والله عن تجربة.
ثانيا:
اكيد نعرف ان منزلة صاحب القرآن عند ربنا عظيمة وكلنا عارفين حديث
(قال رسول الله صلى الله عليه وسلم: يقال لصاحب القرآن ااقرأوارتق ورتل كما كنت ترتل في الدنيا فإن منزلتك عند آخر آية تقرأها) فيا ريت كلنا نهتم بموضوع الحفظ ده
ثالثأ:
بجد انا نفسي كل اللي مش حافظ بجد يبدأ يحفظ .والله يا جماعة الموضوع سهل جدا وسيبونا بقى من اللي بيقعدوا يقولوا اللي مش حفظ وهو صغير مش هيعرف يحفظ وهو كبير والله الكلام ده مش صح ..طب والله انا عارف واحد بدأ يحفظ وهو في الثانوية وماشاء الله دلوقتي هو مدرس في الكلية بتاعته يعني متعطلش وماشاء الله عليه حفظه دلوقتي قوي كمان يمكن يكون قوي عننا...
يعني والله الموضوع مبيعطلش ..أهم حاجة ان احنا منسوفش ..
طب لو فضينا حتى نصف ساعة من اللي بنقعدهم على المدونه والتعليقات والله هنحفظ كتير بس احنا نبتدي ونسيبها على الله
وأخيرا بقول لأخي بقى كل سنة وانت طيب وبجد دي مناسبة جميلة قوي وحقيقي حق ليك انك تفتخر بيها
وبجد وبجد اكتر حاجة مفرحاني في التعليق ده اني علقت قبل شوية ناس معينين كده اهمهم طبعا(اللؤلؤة المكنونة)..هههههه
انا بهدي النفوس بس
وبرضوam.zaidاللي نفسها تلحق تعليق في الاول برضو
وانا بجد آسف لو كنت طولت او حد فهمني غلط وكل عام وانتم جميعا بخير ودعواتكم بقى عشان بنمتحن.............. أخوك/خليفة
ما شاء الله عليك
ربنا يحفظك ويكرمنا بحفظ كتابه يارب
وصلت رسالاتك
وكل عام وانت الى الله اقرب
أنا طبعا مش هقدر افتح بؤى معاك تانى خاااااااااااااااااااااالص
ده انت شكلك فقدت الأمل خالص
ده انا الكل بقى يشمت فيا ...
:)
بس المهم "كل سنة وانت طيب"
انت كل فترة تدخل تكتب كام موضوع تقلب علينا بيهم المواجع ...بس بجد بجد ده فى وقته جداااااااااااااااااااا
ربنا يبارك لك يارب ويكرمك بكرامة القرآن ويجعل حفظك له وعملك به فى ميزان حسناتك وان يجعلك من العاملين بكتابه..أنت وأخواتك
وأن يرحم عمى ويجعلكم عملا صالحا له ان شاء الله..آمين آمين
ادعيلى بقى بجد انى أختمه ..هانت باذن الله
ومش لازم يكون فى رأس السنة ان شاء الله حتى فى رجليها بس ادعيلى ان يمن الله علينا بختمه
ياااااااااااااااااارب
ماشاء الله لاقوة الا بالله
ربنا يبارك لحضرتك وعقبالنا يارب الظاهر الحفظ على الكبر بيكون صعب شويه ربنا يعنا يااارب
وربنا يرحم والدك ويسكنه الفردوس الاعلى اللهم امين يارب العالمين
دكتور محمد
ازي عنيك دلوقتي
يارب تكون شايف الكلام اللي في التعليق
هههههههههههههه
ربنا ينفعك بما علمك ويرزقك علما نافعا ويجعل القرآن شفيعك يوم القيامه ويلحقنا بحفظه القرآن ويجعله لنا في الدنيا هاديا وفي القبرمؤنسا ويوم القيامه شفيعا وعلي الصرط اماما ومن النار سترا وحجابا
ويزيد يارب حفظه القرآن
وبارك الله فيك يادكتور
الحقيقة يا أخي
بجد انت جميل
جميل قلبا وقالبا
قلبا بحفظك للقران
و قالبا بدونتك الرائعة
جزاك الله كل خير
و اتمني لك العلم والعمل بالقران
اسالك الدعاء
ربنا يرحم والدك و والدي يا رب
:))
يا بختك
انا مابحسدكش انا بقر بس
انا بقى بلا فخر حافظة نص سورة البقرة
وطبعا كام سورة كدة من السور الصغنونة
وفرحانة بنفسى اوى
وفاكرة بقى ان عملت اللى مايعمل
وان ماحدش ادى
رغم ان والدى واعمامى واولاد اعمامى كلهم من حفظة القرآن
بس ان شاء الله ناوية انى استمر فى حفظ القرآن وناوية اخلى ابنى شريف يحفظ القرآن
وربنا يكرمك يا محمد يارب
وفعلا راس السنة بتاعك غير اى راس تانية
انت راسك على راسنا من فوق
كل سنة وانت طيب
اختك خيخة
طبعا من حقك تحتفل براحتك
ومن حقك تفرح باحتفالك
ومن حقنا ان احنا نصفق لك
بايدينا
وبقلوبنا
وبكل جوارحنا
انت بتحتفل لختمك القرأن
بارك الله فيك
ورحم الله والدك
وبارك فى الارض الطاهره
التى هى بالفعل طاهره
فالارض التى تنجب اطفالا يختمون القرأن فى سن الثامنه
والسابعه
والسادسه
مثل الطفل ثروت
انها بالفعل
ارض طاهره
د / محمد
اليك تحياتى
وسلاماتى
ودعواتى لك
بدوام الصحه والتقرب الى الله عز وجل
السلام عليكم
نصيحه جميله اخى نسأل الله ان يوفقنا و اياكم الى حفظ القران الكريم و الى تيسير العمل به
كل عام و انتم الى الله اقرب و على طاعه ادوم
تحياتى ابو مفراح
اكرمك الله يا دكتور
وتقبل منك حفظك هذا
وجعله فى ميزان حسناتك
ورزقك العمل به
مكنتش اعرف خالص ان حضرتك سنك صغير
كنت فاكرك اكبر
ربنا يكرمك
ان الله يعلى بهذا القرآن اقوام
اسأل الله انتكون منهم
كل سنة وانت من اهل القران
حفظا وعملا .. بارك الله فيك
وربنا يزيدك من فضله
السلام عليكم
بارك الله فيك
وجعل مدونتك نور لنا اجمعين
ربنا يتقبل منك وتُعلم مما عُلمت
ويهدينا السبيل
البوست ده تذكره للحافظين وغيرهم بالعمل بما قرؤا وعلموا
جزاك الله خيرا
الغالي دكتور حر
قرأت البوست اكثر من مرة
بصراحة ماشاء الله عليك
من بين حروفك أرى عزة وفخراً بالقرآن
وفقك الله في مؤاجعته دائماً
وأعانك دائماً على العمل به
فينك يا دكتور .. مستنيينك .. ليك عندنا جايزة
اخي الكريم جزيت خيرا
امتعتني مدونتك و اهديك
مدونة الجرح و التعديل
على فكرة عيد ميلادي يوافق اس السنة و مش هاحتفل بالاثنين
http://tashne3.tadwen.net
السلام عليكم
تشرفت بدخول مدونتك
وان شاء الله مش الاخيره
اما حفظ القرآن ما شاء الله عليك
ربنا يبارك فيك وتكون قد حمله
بس مش بالحفظ والله يا دكتور
في حافظينه ومش عاملين بيه
وفي حافظينه وعاملين بيه كويس
تحياتي
جزاك الله كل خير
انشاء الله نسعى لتلبية دعوتك فادعو الله ان يعيننا
سماح النوبادي يا إبن الغالي
يسر الله لك ما ترجو ورزقك ما تتمني
اللهم آمين آمين آمين
................
ملحوظة هامة جدا جدا جدا
ألم تقرأ في الجبرتي أو البداية والنهاية أو التاريخ الكبير أن
31/12 دا هو يوم مولدي
مش واخد بالك إن الشمس النهاردة شمسين؟؟؟
بارك الله فيك يا حبيب
وتقبل الله من الغالي حسن تنشئتك
اكيد انا منورة المدونة .... واكيد هتقولي حمد الله على السلامة .... كل سنة والامة الاسلامية كلها بخير ، وحضرتك اولهم يا دكتور يارب
حاجة جميلة جدا ان راس السنة تفكرك بمناسبة حلوة زي ده ، ولكن في حاة نفسي اقولها ان انا كنت بحب النبة الخضرا بتاعتكم دي قوي ، وفضلت عندنا شوية وبعدين كسرتها من كتر التنطي عليها ، ولو كنت اعرف قيمتها في ذكرياتك كنت احتفظت بيها.......هههههه
في حاجة كان نفسي تقولها او تذكر الناس بيها ، هو صحيح راس السنة بيفكرك بمناسبة رائعة لكن انت مقولتش للناس تعمل ايه في اليوم ده وازاي تستقبل السنة الجديدة ، ومتمشيش ورا الناس التانية ويقولولك happy new year، كل واحد لازم يراجع نفسه ويحدد اهدافه ويشوف اخطائه ويشوف ازاييقدر يخدم الاسلام وازاي ، وايه الحاجة الي قصر فيها ، وايه عيوبه ، ويحاول يصلحها ويتجنبها
وبصراحة ........ انا كان نفسي الاقي التعليقات كده على الموضوع ، ونشوف كل واحد ازاي بيقضي اليوم ده ، وازاي بيبدا السنة الجديدة بتاعته، لكن كلهم انشغلوا بموضوع حفظك للقران، طبعا هو موضوع جميل جدا ، واكيد بتبقى ذكرى جميلة تدوم تطول العمر ، صحيح الواحد ختمه في اولى ثانوي بس مكانشي مصدق نفسه، وبيحس دايما انه شايل حاجة كبيرة فوق طاقته بتحكمه وبتحكم تصرفاته ، وبتخليه يراجع نفسه ، لانه مش اي حد هو حامل
والقران وربنا يعينا يارب
وبدعي فعلا لكل واحد محفظشي القران انه يحفظه زي ماقال اخو الدكتور الحر معلشي طولت عليك يا دكتور استحملني بقى بقالي كتيييييييير معلقتش ، وسلامو عليكم لحد ماربنا بفتح عليا المرة الجاية قريب قووووووووي
ودعواتكم عشان الامتحانات وربنا يوفقنا كلنا
sokar
حبيبت بس أهنيكم بالسنة الجديدة و أن شاء الله تكون فيها إلى الله أقرب وتحقق فيها كل أهدفك ، ولا تنسى أن تضع لنفسك فى بدايه السنه ده ، (أيه اللى أنت عايزة من عام 2008 ) ويا ريت يكون فى ورقه . عايز علاقتك مع ربنا تكون ازاى ، عايز تحقق ايه فى عمل ، عايز تحصل على دورات أيه ، عايز تصلح ايه فى علاقتك مع أهلك , وفى النهايه لا تنسى علاقتك مع القرأن
اولا جزاك الله خيرا على البوست وربنا يكرمنا اجمعين بحفظ القران بس فعلا الاهم من الحفظ اننا نكون قران يمشى على الارض وده صعب جدااااا
تحياتى وان شاء الله السنه ديه تكون سنه فرح وسعاده ليك ولينا
تحياتى
انا كمان والله علقت و جيت تاني
الحقيقة انت عندك هنا جو جميــــــــــل جدا من طاعة ربنا و التذكير بيها
و عاوزة اقولك علي حاجة و ابشرك بيها
انا رجعت تاني للمصحف و القراءة و التلاوة بعد ما قرأت البوست بتاعك
و حسيت اني صغــــــــــــــــــيرة جدا جدا جنبك و جنب حفظة القران الكريم
ربنا يجزيك خير يا رب العالمين و يرحم موتي المسلمين جميعا
كل عام و انت بالف خير
و كل عام و انت الي الله أقرب
الي لقاء قريب
:))))
ما شاء الله عنك يا دكتور
ربنا يبارك فيك وفي والدك اللي حفظك القرآن
ويجعلك يا رب من أهلك القرآن الحافظين والعاملين
ويجعله شافع لك يوم القيامة
وفقك الله واعانك واعاد عليك الأيام بخير
ماشاء الله سنك صغير جدا ربنا يارب يبارك فيك ويعزك
ربنا يكرمك يادكتور وينفع بك
بس انا لي طلب انه زي ماوالدك كان سبب في حفظك للقران كن انت كمان سبب في تحفيظ اي حد لكتاب الله
وده يكون اعظم معروف ممكن تعمله لانسان
ودعواتك لي في امتحاناتي
ما شاء الله .. بارك الله فيك .. وبارك الله في والدك الكريم .. اظن يكفيه هذا الجميل أنه حفظك القرءان في هذه السن الصغيرة .. بس بالمنسبة .. بلدكم أسمها ايه .. ؟؟ أه يا عم ده .. .. أنا اتعقدت الصراحة ..الواحد مكسوف من نفسه جدا .. بالتوفيق يا دكتور .. وجزاكم الله خر
فعلا ذكرى جميله
ما شاء الله
ربنا يجعلك من العاملين به
ووفقت دوما
تحياتي
اولا كل سنه وانت طيب
ثانيا
انا حقيقي فرحان ليك
وسعيد بيك
وبتمنى ربنا يكرمني واحقق جزء من اللي انت عملته بالنسبه للقران الكريم
ربنا يجعل عمرك اللي فات في ميزان حسناتك
وعمرك اللي جي في ميزان الحسنات زي اللي قبله
معذرة يا دكتور
جيت متأخر
إنت عارف زنقة الإمتحانات
ربنا ما يوريك
الزنقة أقصد
التدوينة دى أثرت فيا أوى
نص السنة فرصة الواحد يراجع على حفظة و ينجز ف موضوع الحفظ الجديد
جازكم الله خيرا على التذكرة
Vربنا يكرمك الموضوع اكثر من رائع
ما شاء الله عليك يا دكتر
ربنا يزيدك كمان وكمان
بس برضه بأكد عليك أوعى تترك القراءن وراجع بإستمرار ولو انت زعلان من اللى عنده ست سنين ده عندكوا فى البلد لسة الفرصة قدامك
عارف إزاى بإنك تحفظ أولادك إن شاء الله القراءن وهما فى سن أصغر منه يعنى ممكن 5 سنين كدة وبكدة بقى تبقى كسبت الجولة
وربنا يوفقك ويكرمك بس أمانة عليك متنسناش من دعائك
وبعد إذنك تقبلنى أخ من إخوانك
أخوك فى الله el_aml
وجزاكم الله خيرا
أحمد باشا الصباغ
ربنا يكرمك يا رب
مش مهم الواحد يكون حافظ القرآن بقدر ما يكون عامل بيه
ربنا يرزقنا جميعا الاتنين
***********
السيد شبل
هي بالفعل نعمه عظيمه نسال الله أن نحافظ عليها
وربنا يوفقنا جميعا لحفظ كتابه
***********
عاشقة الفردوس
اهو انا وقفت أهو على ما تحصليني
ربنا يتم لك على خير ويوفقك للحفظ والعمل بإذن الله
**********
مناجاه
أشكرك لزيارتك وتنورينا دايما ان شاء الله
جزيت خيرا على دعواتك
وفعلا حافظ القرآن تحت المنظار
ومش حد قلك ان الطب تخصصات ؟!!!ولا ايه
دمت بكل خير
**********
يوميات عيل مصري
عم أحمد الغالي
مركزنا مركزكم مش مشكله
المهم مين أحسن
موضوع البركه في البيت لا يمكن انكاره أبدا
ربنا يكرمك ويعزك يا رب
**********
مناجاه
ربنا يرحمه ويتقبل منه
وجزيت خيرا
*********
قبس من نور
جزيت خيرا على دعواتك واسأل الله أن يتقبل منك يا رب
ويلحقك بركب الحفاظ والعاملين بكتابه
**********
صاحب المضيفه
ربنا يوفقك يا غالي للحفظ والمراجعه
ويحفظ ويكرم أهلينا
دم بود
********
عصفور المدينه
أبو يحيى الغالي
تقبل الله دعواتك
وجعلك من العاملين المخلصين
صريح أوي
تقبل الله منا ومنك
انا قلتلك الحفظ حمل أيا كان وله مسؤوليات كتير
الحفظ اخي يحتاج الى عزيمه فقط
وتنظيم
ومؤاخاه لأي أخ في حفظ القرآن
أو الانتظام مع محفظ والضغط على نفسك
أو اسأل أي أخ سلفي ختمه بسرعه في سن كبير
لأني وعيت عالدنيا لقيتني حافظ
ربنا يكرمك يا رب ويوفقك
**********
بنت أبيها
نورتينا في زيارتك الأولى
فعلا حمل القرآن مسؤليه
ربنا يعينا عليها
دمت بكل خير
*********
ابن حجر العسقلاني
المزيف
مهو لازم اقول كده
مادمت قلت التاني
يا راجل دانت خليته أبو العساقيل
هههههه
ربنا يتقبل دعائك يا رب
لك كل الود
*********
appy
نورتينا بزياراتك
وممكن تحفظي وانت كبيره بسهوله
بس عاوزه جهد شويه
وأهم شيء
خليكي مع ربنا عشان يوفقك
دمت بكل خير
********
خمسه فضفضه
والله يا دكتوره أنا كمان نفسي أظل على العهد في الحفظ
ربنا يسترها معانا
والتقليد ده أنا اعرف انه كان بيتعمل على بسيط فعلا زمان
ربنا يكرمك ويعزك
**********
د خليفه
طبعا سباق وبتنورني
يا عم الأخ أخ برضه
هههه
وردك ينفع تدوينه مستقله
ربنا يبارك فيك يا رب
*********
لماضه
ربنا يكرمك ويبارك فيكي
والحمد لله رب العالمين
**********
أماني
انت اللي جبتيه لنفسك
ربنا يكرمك ويوفقك وتختمي القرىن في أي وقت ان شاء الله
دمت بكل خير
**********
رفقة عمر
ربنا يكرمك ويا رب يتقبل دعواتك
صعب لكن مش مستحيل
موفقه ان شاء الله
*******
الفاتح الجعفري
ماشي يا عم
براحتك
الحمد لله بشوف هنا كويس
ربنا يتقبل دعواتك يا رب
لك كل الود
mermaid
منورانا بزيارتك
ورنا يكرمك على كلامك الجميل
ويتقبل دعواتك يا رب
دمت بكل خير
*********
خيخه هانم
قري براحتك ولا يهمك
بس كانت مفاجأه لي ان عيلة خيخه يكونوا حافظين القرآن
ربنا يوفقك ويكرمك ويسهلك حفظ القرىن وتحفيظ شريف كمان
دمتي بكل خير
**********
خالتنا فرنسا
أهم شيء بس ربنا يوفقنا للاحتفال الكبير يوم القيامه ان شاء الله
وربنا يتم شفائك على خير
وكل مرضى السويس والأرض الطاهره
**********
أبو مفراح
ربنا يكرمك على تواصلك ودعواتك يا حبيب
وربنا يتقبل منا ومنك
**********
امام الجيل
ربنا يكرمك ويتقبل منك
هو انت كنت فاكرني عمو ولا ايه
يا عم ده احنا تلاقينا زمل
ربنا يجعلنا ممن يعلون بالقرآن ويعلون القرآن
دمت بكل الود
**************
يونيك
يا رب يسمع منك ويكرمك يا رب
دمت بكل خير
**********
زمرده
نورتينا في زيارتك الأولى
ربنا يسمع منك
والتدوينه فعلا قصدت بها ذلك
تقبل الله منا ومنك
***********
صاحب البوابه
ايه يا ريس
انت بقيت انت اللي غالي قوي
ربنا يكرمك ويوفقنا كلنا للعمل بكتابه
ومتتقلش علينا كده
لك كل الود
**********
ابو العساقيل
تمت يا ريس
مشكورين
بص يا دكتور هقولك اسمى يعنى ايه
ليه ابن اختى صغير مش بيعرف ينطق اسمى فبينادى ليه آآبى فسميت المدونة باسم كوكب آآبى
ومنورنى دايما
مهند
منورنا بزيارتك يا سيدي
وربنا يتقبل منك
ويوفقنا للعمل به يا رب
**********
التشنيع
ان شاء الله نزورها
ونورتنا بزيارتك
دمت بكل خير
********
سها
ربنا يعينك ويوفقك ان شاء الله
دمت بكل خير
**********
عمنا الغالي وطني
الحمد لله بالسماح
وبعدين أكيد الموضوع ده في المخطوطات القديمه بتاع الجبرتي والجماعه دول
عموما عندنا دي
وربنا يكرمك ان شاء الله
*************
سكر
اي نعم
نورتينا
وحمدالله على سلامتك
كلامك عن السنه الجديده تمام ومضبوط لكن ده مش كان موضوعي
والواحد كان مركز في الموضوع اللي فوق ده
ربنا يوفقك في امتحاناتك يا رب
ويتقبل منك
*******
ابن اسكندريه
ربنا يكرمك على تذكرتك وتهنئتك
الجميله
**********
only spot
ربنا يكرمك يا رب
هو الموضوع صعب بس دعواتك
دمت بكل خير
*********
mermaid
هو ده فعلا أحلى تعليق جاني في التدوينه دي
ربنا يكرمك ويوفقك يا رب
وان شاء الله تختميه
دمت بكل خير
بهاء
ربنا يتقبل دعواتك الجميله
يا رب
ويكتب لنا اللقاء بإذن الله
**********
أ محمد عبد الغفار
ربنا يكرمك يا سيدنا
ومنورنا دايما كده
**********
آفاق الحريه
ربنا يعزك يا باشمهندس
ويا ريت والله الواحد يفكر يعمل الموضوع ده
بيكون فعلا اثره رهيب
ربنا يوفقك ان شاء الله
***********
شاهنشي
شاهنشي اتعقد يا رجاله
يا باشا دانت بتكتب كل حاجه بتحليل ونظام مش هتغلب في الحفظ ان شاء الله
وبعدين بلدنا مش فيها انتساب
فيها انتظام بس
ربنا يكرمك كده وتنورنا على طول
*******
سلوى
ربنا يتقبل دعائك يا رب
ودمتي بكل خير
*******
ماسك
ربنا يكرمك يا حبيبي على الامنيات والدعوات الجميله دي
ودمت بكل الود
*********
جمعاوي
انا فاكر اسم زي ده برضه
خخخ
ربنا يكرمك يا غالي في امتحاناتك
ونص السنه جايه اهي
وان شاء الله
تبدا متكونش كلام
******
فقي
نورت التعليقات
وهاعتبر السطر ده بدايه بس
ربنا يكرمك يا عسل
*********
الأمل
نورتنا يا أخي الحبيب
وان شاء نشرف بإخوتك
أنا مش زعلان بأبو 6 سنين أبدا
لكن اقترحك جميل نحاول نعمله ان شاء الله
ربنا يكرمك يا رب
ويتقبل منا ومنك
**********
appy
يعني مشيتينا كلنا ورا ابن اختك
ماشي يا ستي
مشكوره على التواصل
رنا يحفظك يا دكتور ويجازى والدك عنك خير الجزاء
كل سنة وانت فى اسعد حال
الله أكبر..الله أكبر..الله أكبر ..ولله الحمد..
بسم الله ماشاء الله ..حفظك الله أخى الكريم وزادك من فضله وجعل القرآن نور قلبك وأزاح الله به ماأهمك وجعلنا جميعا ممن يستمعون القول فيتبعون أحسنه ..
جزاك الله خيرا على التذكرة ودعواتك لنا باتمام الحفظ والعمل بما نحفظ
مدونة حضرتك بالفعل رائعة جعلها الله فى ميزان حسناتك وحجة لك لاعليك
بجد تدوينة جميلة والدليل على صدقها أنها أثرت فى ناس كتييير وحفزتهم للخير ..فعلا العزة فى الإسلام ..انا سعدت جدا بنبرة الإعتزاز بكونك تحفظ القرآن ومعها الاحساس بالتقصير وتمنى العمل به..فالمؤمن قلبه معلق بالخوف والرجاء ..وأكيد هترجع أمتنا تقود العالم للخير والحب والهداية والسلام طول مافى ناس بجد يهمها العمل بما تحفظ وليس الحفظ فقط ..أعتذر عن الإطالة بس بجد جزاك الله خيرا
نسيت أقول حاجة
اكيد هذا الشبل من ذاك الأسد
رحم الله والدك الكريم..وجزاه الله خيرا
ماليش دعوة انا جيت هنا كانوا يادوب لسة ماكملوش عشر ردود يمكن
والنت علق ومارضيش يبعت رد
يالا خير
ماشاء الله ماشاء الله تبارك الله على حضرتك وعلى اخواتك ربنا يحفظكم يارب ويبارك فيكم ويكرمكم ويجزي عنكم والدكم خير الجزاء
بجد ربنا يجعله في ميزان حسناته يارب
والله والله يا اخي لا تتصور قد ايه الموضوع دا ادخل السرور على قلبي .. ماشاء الله
ادعيلي بقى يا اخ محمد ان ربنا يتم عليا نعمته واخلص حفظ انا كمان ..
الله المستعان
اللهم آمين آمين آمين يارب ...
ويارب القرآن يكون ربيع قلبك وقلوبنا ....
ويارب ديما في تفوق على كل الاصعدة...
واشاركك الحروف
فما اجمل انسياب آيات القرآن داخل النفس وتأثيرها فيه....
دمت بكل ود..
خالص تحياتي
hello this is hossam
nice blog
really i wish god bless u
i hope to memorize the holly quran isa
this is from ma plane in 2008
hope be a frinds
c u soon
bye
السلام عليكم
عقبالي يارب اميييييييييييييين
اسال الله لك الاخلاص والعمل بالعلم
ولي الاخلاص وختم وحفظ كتابه
والسلام
ما شاء الله تبارك الله
ربنا يحفظك و يحفظ القرآن فى قلبك و عقلك
و ينفعك بيه
و فعلا وصيتك لينا بمراجعة ما حفظنا هى أفضل وصية فى بداية هذه السنة
جزاكم الله خيرا ...
د.حمــــــاس
اللهم إجعل القرآن الكريم حجة لك لا عليك يوم القيامه وأن ينفعك به وأن يكون شفيعا لك إن شاء الله ويارب يجعل أطفال وأشبال بلدك كلهم من حفظة القرآن الكريم لأنه هو الدستور اللي المفروض يتخذوه منهجا لهم في حياتهم وأحيي حضرتك على الموضوعات التي حضرتك كتبتها في هذه المدونة الرائعة جدا جدا من أولها لآخرها وأنا واحد من حفظة القرآن الكريم أنا بصراحة عشت في مكة أول عشر سنين من عمري حفظت فيهم يجي ثلاثة أرباع القرآن ولما جيت هنا توقفت وقعدت أحفظ في الربع الأخير بالتقسيط لغاية ما ختمته والحمد لله الصيف الماضي وأنا عمري الآن خمسة عشر سنه وربع
والسلام عليكم
بارك الله فيك
ورزقك العمل بما حفظت
اللهم اجعلنا ممن يحفظون حروفه ويقمون حدوده
عيدك مبااااارك
وادعي لاولادي يحصلوك ياااااارب
ومدونتك فعلا جميلة بارك الله لك فيها
وعام هجري سعييييييييييييييد
ما شاء الله لاقوة الابالله
عقبالى ياااااااااااااارب
دعواتكم اتمنى الا ياتى رمضان المقبل الا وانا خاتمه القران
بالله ادعوالى
وربنا يبارك لحضرتك يا دكتور ويجعلك مع السفرة الكرام البرره
خاصة ان صوت حضرتك جميل جدا فى القران
وكمان الاحكام اللهم بارك
عقبااااالى يارب
وربنا يعين حضرتك على العمل به
ماشاء الله ربنا يبارك فيك ويباركلك
وكمان يكتر م امثال انغام وهاجر وثروت
انا اتكسفت اوى م نفسى .. انا مش حافظه غير جزئين وبضعة ايات م اللى كانوا بيدهولنا ف المدرسه ..
يس .. واجزاء م الكهف
بس باذن الله هبدا اجدد النيه ان شاء الله
بعد دعوتك ده
وربنا يجازيك خير يارب
Post a Comment
زد الموضوع جمالا بتعليقك