شويتين تفاؤل
سلاماتي
بداية كل عام وانتم بخير بعيد الأضحى المجيد وأسأل الله أن يرزقنا جميعا حج بيته والوقوف بعرفة وزيارة بيت نبيه عليه أفضل الصلاة والتسليم
أرسل إلي أخي الكريم بهاء سفير الورد من رام الله إكسيرا للتفاؤل أحضره وصورته ...... و علىّ أن أقوم باستجماع كل قوى التفاؤل عندي للقيام بتحضير كلماته هنا
وأحمد الله أني كنت وما زلت أتحدث عن التفائل والبشاره في كل وقت وحين ومن أكثر ما يحركني أني متفائل ومتيقن بنصر الله لأمتنا يوما من الأيام
ولعلي قد كتبت في هذا الأمر تدوينتين سابقتين
سننتصر ...حتماً سننتصر بإذن الله
وقائع مبشره في سكة النصر
وأقول لماذا نتفائل؟
شويتين تفاؤل ....عندما أحس وأدرك وأشعر أني ربي وربكم هو "الله" سبحانه وتعالى وليس رباً سواه
أفرح عندما لا يقنطني من رحمته وعندما أذنب وأعلم انه يغفر لي ويسامح لأنه كريم ودود
فلأنه ربي فلابد ان اتفائل
شويتين تفاؤل ....عندما أحس أنني اصطفيت من بين خلق الله لأكون في زمرة المسلمين ولم أكن غير ذلك ولو شاء ربي لفعل
شويتين تفاؤل ....عندما أرى كثيرا من شباب المسلمين رغم ضياع الأمه وانهزامها ما زالوا يتمسكون بدينهم وبالتزامهم رغم أمواج المغريات والشهوات وتملأ المساجد ويزيد حفظة والقرآن مقارنة بما سبق من زمن
شويتين تفاؤل ....عندما ترى مناظر الحجيج والمعتمرين في التلفاز وشوق الملايين لأن يكونوا في موقفهم يناجون ربهم
شويتين تفاؤل ....عندما ترى مدونات الشباب المختلفه والمتنوعه والتي تبرز التجربة نضجها يوما بعد يوم ويزيد فيها المتميز وصاحب الفكرة والهدف
شويتين تفاؤل ...عندما ترى انتفاضات المواطنين في مصر قد بدأت ضد الظلم والفساد من طلاب وأساتذة جامعات وقضاه وعمال وموظفين حكوميين ...والبقية تأتي بإذن الله
شويتين تفاؤل ....عندما ترى أن الكثير من أهالينا في فلسطين صابرين على الجوع وعلى الحصار في سبيل نصرة قضيتهم وقضيتنا بالرغم من ان العالم كله يقف ضدهم
شويتين تفاؤل ...عندما يتبقى لي بضع ايام لأكون حرا في ربوع الحياة وأنهى مرحلة الدراسات السفلى "عكس الدراسات العليا" أو البكالوريوس ( undergraduate ) .....
وأستأنف مشوار الحياة
شويتين تفاؤل ... عندما اراكم تزوروني هنا وازوركم عندكم لنعلم ونتعلم من بعضنا بحريتنا ونعمل عقولنا التي وهبنا الله اياها في ذلك
وأخيراً
شويتين تفاؤل ....عندما أحبكم وتحبوني في الدنيا ....ثم يجمعنا الله تعالى جميييعا في مستقر رحمته يوم القيامه
وأمرر هذا الأكسير الى عمنا الكبير أبو يحيى ..عصفور المدينه
بداية كل عام وانتم بخير بعيد الأضحى المجيد وأسأل الله أن يرزقنا جميعا حج بيته والوقوف بعرفة وزيارة بيت نبيه عليه أفضل الصلاة والتسليم
أرسل إلي أخي الكريم بهاء سفير الورد من رام الله إكسيرا للتفاؤل أحضره وصورته ...... و علىّ أن أقوم باستجماع كل قوى التفاؤل عندي للقيام بتحضير كلماته هنا
وأحمد الله أني كنت وما زلت أتحدث عن التفائل والبشاره في كل وقت وحين ومن أكثر ما يحركني أني متفائل ومتيقن بنصر الله لأمتنا يوما من الأيام
ولعلي قد كتبت في هذا الأمر تدوينتين سابقتين
سننتصر ...حتماً سننتصر بإذن الله
وقائع مبشره في سكة النصر
وأقول لماذا نتفائل؟
شويتين تفاؤل ....عندما أحس وأدرك وأشعر أني ربي وربكم هو "الله" سبحانه وتعالى وليس رباً سواه
أفرح عندما لا يقنطني من رحمته وعندما أذنب وأعلم انه يغفر لي ويسامح لأنه كريم ودود
فلأنه ربي فلابد ان اتفائل
شويتين تفاؤل ....عندما أحس أنني اصطفيت من بين خلق الله لأكون في زمرة المسلمين ولم أكن غير ذلك ولو شاء ربي لفعل
شويتين تفاؤل ....عندما أرى كثيرا من شباب المسلمين رغم ضياع الأمه وانهزامها ما زالوا يتمسكون بدينهم وبالتزامهم رغم أمواج المغريات والشهوات وتملأ المساجد ويزيد حفظة والقرآن مقارنة بما سبق من زمن
شويتين تفاؤل ....عندما ترى مناظر الحجيج والمعتمرين في التلفاز وشوق الملايين لأن يكونوا في موقفهم يناجون ربهم
شويتين تفاؤل ....عندما ترى مدونات الشباب المختلفه والمتنوعه والتي تبرز التجربة نضجها يوما بعد يوم ويزيد فيها المتميز وصاحب الفكرة والهدف
شويتين تفاؤل ...عندما ترى انتفاضات المواطنين في مصر قد بدأت ضد الظلم والفساد من طلاب وأساتذة جامعات وقضاه وعمال وموظفين حكوميين ...والبقية تأتي بإذن الله
شويتين تفاؤل ....عندما ترى أن الكثير من أهالينا في فلسطين صابرين على الجوع وعلى الحصار في سبيل نصرة قضيتهم وقضيتنا بالرغم من ان العالم كله يقف ضدهم
شويتين تفاؤل ...عندما يتبقى لي بضع ايام لأكون حرا في ربوع الحياة وأنهى مرحلة الدراسات السفلى "عكس الدراسات العليا" أو البكالوريوس ( undergraduate ) .....
وأستأنف مشوار الحياة
شويتين تفاؤل ... عندما اراكم تزوروني هنا وازوركم عندكم لنعلم ونتعلم من بعضنا بحريتنا ونعمل عقولنا التي وهبنا الله اياها في ذلك
وأخيراً
شويتين تفاؤل ....عندما أحبكم وتحبوني في الدنيا ....ثم يجمعنا الله تعالى جميييعا في مستقر رحمته يوم القيامه
وكل عام وأنتم بخير
وأمرر هذا الأكسير الى عمنا الكبير أبو يحيى ..عصفور المدينه
56 قالوا رأيهم/ أضف تعليقك:
اخيييرا
التعليق الاول
علي العموم كل سنة وانتا بالف خير
واحشنا اوي والله
وان شاء الله نحسبك من المتفاءليين
تحياتي
سلامون
جزاكم الله خيرا
كل سنه وانت طيب يا دكتور
الظاهر انك واخد حبايتين تفاؤل عاملين مفعول
ربنا يديم التفاؤل يا حبيبى ويكرمك على يوم الاتنين القادم يارب ويكون لك اخر الامتحانات
صديقى العزيز دكتور محمد أبو زيد
بجد انت انسان جميل اوى
"عندما أحس وأدرك وأشعر أني ربي وربكم هو "الله" سبحانه وتعالى وليس رباً سواه"
ياااااه
الكلام ده يطمن اوى ويدى الواحد أمل
ان مهما كانت الحياه صعبة
ان ربنا اكبر من كل حاجة ومن كل حد
"عندما ترى مدونات الشباب المختلفه والمتنوعه والتي تبرز التجربة نضجها يوما بعد يوم ويزيد فيها المتميز وصاحب الفكرة والهدف"
تعرف انا بحس الاحساس ده دايما
وبفرح اوى لما عالم التدوين يوم عن يوم يزيد
ويزيد معاه تعبير الشباب عن تجاربهم
وامالهم
واحلامهم
بجد البوست ده أجمل عيدية لينا فى عيد الاضحى
كل عام وانت بخير
وعيد سعيد عليك وعلى اسرتك يارب
تحياتى
اخوك احمد
خالص خالص تحياتى....
تدوينه رائعه وتطور هائل وملحوظ ف اسلوب كتابتك
اتمنى من الله ان يديم عليك هذا التفاؤل
والتفاؤل كما املحت انت وكما اريد ان اؤكد انا ...
التفاؤل سببه ان الله " عز وجل " هو ربنا و لا اله الا هو .. و هذه حقيقة و حق وليس لأننا فقط نقول ونؤمن ذلك
ونحن عبيد وعبادا له وحده " سبحانه"..
كل سنه وانت أطيب
إكسير تفاؤل عندما أرى ابتسامة بن أبي زيد
كل عام وأنت بخير يا دكتور
وبعدين انت مش قلت لي انك بتدرس السحر عمال تقول إكسير ودراسات سفلية
ربنا يحفظك يا حبيبي ويديم علينا وعليك التفاؤل
الحمد لله الذي أنعم علينا بنعمة الحب في ذاته والتي أحس قيمتها كلما رأيت آثارها علينا وعلى سلوكنا وإن شاء الله موازيننا وأرى كيف أرى عبيدا حرموا منها كأنما يصعدون في السماء
إبن الغالي
نقبل الله منا ومنكم صالح الأعمال
كل عام وأنتم بخير
لا أدري لماذا لاأجد عندي هذه الروح
أتصور أن هناك فرقا كبيرا بين اليقين بالنصر والتفاؤل به
فمازال المشوار طوييييييييييييلا يامحمد
و أرجو ألا أكون ( محبطا ) بكسر الباء
وكفاية كدة مش عايز أنكد عليك زعلى الزوار
................
لي عتاب شديد على كلمة
الدراسات السفلى
أرجو التوضيح
التفاؤل قوة دافعة للعمل من بعد السكون...
كل عام وأنت بخير يا صديقى
ربنا يسبطك ويبسطنا معاك
ربنا يسهل ويستر علينا
ماشاء الله على التفاؤل ده كله
وياريت تديني شوية تفاؤل من اللي عندك لحد ما اشوفك
سلام يا عمنا
كل سنه وانت طيب يا دكتور محمد
وشويتين تفاؤل
لما اشوفك بتاخد جايزه نوبل انشاء الله
عيد سعيد
خدت العيديه بتاعه خالتك فرنسا ولا
لاء
انا رحت مدونتك
وسبتها هناك
سلامى
الحر
للدكتور
الحر
ياليت قومى يعلموووووووووووووون
كويسيين الشويتين دول
خلتني أتفاؤل بجد
ربنا يجمعنا جميعاً عنده على سرر متقابلين
ربنا يكرمك يا دكتور و بكره تتمنى يوم من أيام الدراسات السفلى لما تشوف قهر الدراسات العليا و عقد الدكاترة اللي على حق
:)
ربنا يكرمك علطول يا دكترة
أولا كل عام وأنتم بخير وصحة وعافيه
وبصراحة لازم التفاؤل فعلا
وخصوصا وإحنا فعلا مسلمين
ربنا يكرمك
مهمة فعلا الجرعة دي
جزاكم الله خيرا
كل عام وانتم بخير يا دكترة
وانا معاك انه لازم يكون هناك تفاؤل
بس اهم حاجة عملنا لدين الله عزوجل ودعوتنا
وياعم خليهم 3 شويات مادام انت عايز تتفاءل
وكل عام وانت بخير
أحييك أخى العزيز على موضوعك الجميل .. و لكنه أصبح أمرا مرهقا جدا للنفس أن تستخلص بواعث التفاؤل من وسط هذا الكم الضخم من المحبطات ... بالفعل أحييك على هذا التفاؤل و الذى أدعو الله أن يرزقنى ببعض منه
و أذكر بهذا الشطر الجميل من البيت الشهير لإيليا أبى ماضى
كن جميلا تر الوجود جميلا
كل سنة وانت طيب يا دكتور
وان شاء الله تخلص الدراسات الفلى على خير
ربنا معاك ويوفقك
كل سنة وحضرتك طيب ..
احييك على تفاؤلك .. الذي يمثل بحد ذاته باعث على التفاؤل
خالص التهانى القلبية بمناسبة عيد الاضحى المبارك
كل عام وانتم بخير
جزاكم الله خيرا
كل سنة وانت طيب
دكتور
ياريت نتعرف أكتر بعد زيارتك الكريمة لمدونتي
جزيت عني خيرا
...
وأكيد احنا متفائلين
طبعا بعد كلامك
الله عليك يا محمد
بوست مليان ريحة ورد و ياسمين وبحر
ونسيم الصباح
بوست مليان تفاؤل بجد
تصدق وانا عمالة اقرا البوست بتاعك
اكنى معايا شكولاتاية كبيرة طعمها حلو عمالة امزمز فيها
كل سنة وانت طيب
وان شاء الله تخلص الدراسات السفلى والعليا
ونيجى نباركلك
اختك خيخة
نسيت اقولك
اجمل حتة عجبتنى اوى
لما بتقول
شويتين تفاؤل ....عندما أحس وأدرك وأشعر أني ربي وربكم هو "الله" سبحانه وتعالى وليس رباً سواه
أفرح عندما لا يقنطني من رحمته وعندما أذنب وأعلم انه يغفر لي ويسامح لأنه كريم ودود
فلأنه ربي فلابد ان اتفائل
برافو عليك يا محمد
اختك خيخة
كل عام وانت بخير يا دكتور
ومتشكرين لحديثك عن التفاؤل
اجاباتك جميلة جدا
نسأل الله أن يديم عليك التفاؤل والسعادة
الدكتور حر
يلا كلها يومين وتتحرر من كليه الطب
وبوست رائع ربنا يبارك فيك
وكل سنه وانت طيب
والسنه الجايه علي عرفات
وجزاك الله خير
التوأمان
أخييييييييرا
الحمد لله
بس دي كوسه بقى ولا بلاش أقول
عموما نورتونا
وسلامون
*************
القعقاع المصري
وجزاكم يا هندسه
وانت طيب بإذن الله
وزي ما اتفقنا لازم تدعى قوي ان شاء الله يوم الاتنين
دمت بكل خير
*************
أحمد باشا الصباغ
الصديق الغالي اللي بتسعدنا طلته
الحمد لله ان البوست نفع عيديه
ربنا يكرمك يا خال
وتبقى حاجه كبيره وحلوه كده ان شاء الله
*************
د سيد
نورتنا يا غالي
والحمد لله انك انبسطت
ربنا يتقبل منا كلنا
ولك كل الود
*************
عمنا الغالي ابو يحيى
عصفور المدينه
الابتسامه أحلى وأسهل حاجه طبعا
وكنت نسيت أقولك على بقية العلوم اللي اعرفها
وربنا يديم المحبه بيننا
ربنا يكرمك يا رب
دمت بكل خير
وأنا متفائل ان تفاؤلك هيكون أحسن من تفاؤلي ي اجابتك ان شاء الله
************
عمنا الغالي م خالد
وطني
كل سنة وحضرتك طيب
المشوار طويل
وايه يعني
هدفنا أكبر ويستاهل
مش أنا اللي هقول لحضرتك
ولازم نركب اللي بيحصل على المأمول
عشان نتفاءل
وربنا كبير بإذن الله
وأنا عملت تحديث مخصوص لحضرتك عشان اشرخ السفلى
يسعدني مرورك دوما
لك كل الود
*************
أبو الفدا
نورتنا يا غالي
وجملتك في محلها
دمت بكل خير
*************
صاحب المضيفه
وعندك بنص جنيه تفاؤل للمضيفه وصاحبها
ربنا يبسطك يا باشا
ويبسطهم كمان
*************
فرنستنا الغاليه
كل سنه وانتي طيبه
عيديتك وصلت يا باشا
ربنا يخليكي لينا يارب
ونوبل مين ده اللي بتقولي عليه؟
*************
عمر محمود
يا ريت يا سيدي
مهندس مصري م محمد
الحمد لله
والله فرحان اني خليتك تتفاءل
وعارف والله ان اللي جاي أصعب
لكن نعمل ايه
بقى
اتخنقت
معلش
كل سنه وانت طيب
************
بيدو
وانت بالصحه والسلامه
لازم ما دمت بتشوف الشمس
تتفاءل
نورتنا يا غالي
************
آفاق الحريه
كل ينه وانت طيب
ويا سيدي نخليهم
10 شويات ولا يهمك
************
ابن حجر باشا
نورتنا يا غالي
فعلا هو موضوع صعب
لكن مش انت بتقول عليا مبتسم على طول
كن جميلا ترى الوجود جميلا
دمت بكل خير
***********
قطة الصحراء
وانتي طيبه
وربنا يسمع منك يا رب
دمتي بكل خير
***********
يونيك
الحمد لله كده تمام
خليكي متفائله على طول
***********
اسلام رفاعي
وحضرتك طيب يا سيدنا
**********
صريح أوي
وده شيء يشرفني انا كمان
ومتفاءل دايما ان شاء الله
**********
اختنا الكبيره خيخه
جرى ايه بس
هو انتي كل حاجه عندك حلوه
تبقى شوكولاته
لكن برضه
أهو تفاؤل
زتباركيلنا دوما بإذن الله
دمت بكل خير
**********
بهاء
ينبوع التفاؤل
جزيت خيرا على التاج الجميل
وربنا يتقبل منا ومنك ان شاء الله
**********
الفاتح الجعفري
أحمد باشا
وانت طيب يا حبيب
وعلى اتفاقنا في الدعاء يوم الاتنين
وسوا في عرفات ان شاء الله
الحمد لله
شويتين تفاؤل .. عندما أشعر أن هناك من يشاركني رؤيتي الإسلامية يعبر بها بلسانه هو .. عن مشاعري وأحاسيسي
جزاك الله خيرا
كل سنه وانت طيب يا دفعه
ويعود عليك الايام بخير وصحه يارب
ويكرمنا جميعا السنه ودى ونكون من اصحاب الدراسات العليا عمل قريب
جميل تاج التفاؤل ده
ادام الله عليك النعمه الغاليه دى
ايدك على العيديه بقى
طبعا موضوع جميل من غير ما اقرأه مش اخوي ولا ايه بس ادعي انها ما تكونشي اول وآخر مرة اقعد على النت
عمي دكتور حر ... أولا هذا أول تعليق لي في مدونتك و لي الشرف الحقيقة و إنشاء الله لن تكون الأخيرة
ثانيا ... مش عايز أبان متشائم بس للأسف ما تقوله يصب في خانة واحدة أنا مؤمن لا بد منها حتى أصير متفائل مثلك
هو هزة عنيفة تدفع المصريين للخروج من مكامنهم و تدفعهم دفعا للتحرك من أجل الحفاظ على أرواحهم و أرواح ذويهم
عايز مثال ... أقولك
من المتوقع أن متوسط أسعار جميع السلع ستزيد في العام القادم بمعدل لن يقل عن 25% و عارف الحجة ايه؟
زيادة أسعار السلع العالمية
عارف ليه احنا الوحيدين اللي بنتأثر هذا التأثر الكبير في أسعار السلع؟
لأننا شعب مستهلك لا ينتج يعتمد في غذائه الرئيسي على الإستيراد؟
قوللي بالله عليك ... كيف التفاؤل مع تلك الحقيقة؟
كل سنة وحضرتك طيب
معلش جاية متاخرة...
والف مبرووك على الانطلاقة الكبرى بعد انتهاء الدراسات السفلى
:D
ربنا يعينك..
وان شاء الله نحسبك من المتفاءليين..
تحياتى
وضاح
طيب الحمد لله ان في سبب كمان للتفاؤل
ربنا يديدم الود ان شاء الله
وكل عام وانت بخير
*********
لماضه
اونت طيبه ان شاء الله
انا عارف انك بتغيبي عشان تذاكري
ربنا معاك
(:
وربنا يسمع منك ان شاء الله
**********
في الجنه ان شاء الله
ابقى اقرأيه في الجنه ولا يهمك
ومفاجأة طبعا تواجد على صفحات المدونه
وبعموده ان شاء الله
*********
الساموراي
نورتنا في أول تعليق
وان شاء الله تنورنا دايما
انا والله مستعد اضحي في سبيل الهزة أو الصدمه اللي بتقول عليها دي
ولكني على المدى البعييييييييييد مؤمن وموقن ان في تغيير هيحصل
فعشان كده أكتر متفائل شويتين
انا عارف انها صعبه
لكنها مش مستحيله ان شاء الله
***********
نازك الملائكه
كل سنه وانت طيبه
وان شاء الله نطلق انطلاقه جديده بس دعواتكم معانا قوي يو م الاتنين
ومنورانا دايما
أعلق بدل ما اخد مخالفة
بس انا شكلى كده خدتها... ما علينا ؟؟؟
بس انا متفائلة
وكما قلت لأن الله ربنا فلا داعى أبدا لعدم التفاؤل
ان الله يحب الفألة ويكره الطيرة
واليك بعض أبيات شاعر التفاؤل أبو ماضى
كن بلسماً إن صار دهرك أرقما
وحلاوة إن صار غيرك علقما
إن الحياة حبتك كل كنوزها
لا تبخلن على الحياة ببعض ما
أحسنْ وإن لم تجز حتى بالثنا
أي الجزاء الغيثُ يبغي إن همى
من ذا يكافئ زهرة فواحةً
أو من يثيبُ البلبل المترنما
عُد الكرامَ المحسنين وقِسْهُم
بهما تجدْ هذينِ منهم أكرما
يا صاحِ خُذ علم المحبة عنهما
إني وجدتُ الحبَّ علماً قيما
لو لم تَفُحْ هذي وهذا ما شدا
عاشت مذممةً وعاش مذمما
فأعمل لإسعاد السوي وهنائهم
إن شئت تسعد في الحياة وتنعما
أيقظ شعورك بالمحبة إن غفا
لولا الشعور الناس كانوا كالدمى
أحبب فيغدو الكوخ قصراً نيرا
وابغض فيمسى الكون سجنامظلما
دمت بكل خير وجعلك الله دائما متفائلا ً
دكتور حر
قريت تدوينتك و أنا في حالة أبعد ما تكون عن التفاؤل خاصة لما قريت مصرع 16 في المنيا
بجد أخبار فلسطين واجعاني اوي اوي اليومين دول بس منكرش ان تدوينتك رسمت انفراجة علي وجهي في طريقها لإن تصبح ابتسامة ان شاء الله
علشان تأثير مدونتك عليا قررت اني لازم أعلق عليها
في أكثر من جملة في المدونة أثرت فيا اوي
ان ربي وربك الله
الله
اللهم انصرنا و أعز أمتنا يا جبار
جزاك الله خيرا
شويتين تفاؤل:عندما أري لفتات الخير حتي لو كانت بسيطه
أحس فعلأ أن الخير في وفي أمتي الي يوم القيامه كما قال الحبيب صلي الله عليه وسلم.
أضحي مبارك
صباح التفائل والانشراح وامتحان النسا والجراحة وكل حاجة حلوة
ازيك يادكتور
والله فتحت نفسي
ربنا يكرمك
أصل أنا في الكام يوم بتوع العيد دول
خدت شوية احباط لما كنت خلاص اتخنقت على اخري
جزاكم الله خيرا يا دكتور علي شويتين التفاؤل دول
بصراحة جيين في وقتهم
وكل عام وأنتم بخير
جميل
من حقنا نتفاؤل
وننظر للنصف المملوء من الكوب
هنلاقى ان فيه خير كتير اوى
وده يدفعنا نشتغل اكتر
الحمد لله
كما قال الرسول حقا
الخير فى وفى امتى الى يوم الدين
مهما نظرنا لتفشى الباطل واهله
وتفشى المحرمات
بس الحمد لله الخير برضه
بيزيد وبيزيد اوى
من غير اعذار ولا اسباب..ندخل ع التعليق
...
هكذا تعودنا منك تفاؤلك ومحاولتك بأن تبعثه فى روح كل من حولك بمنتهى البساطة والسهولة ...وكأنك بلسان حالك تقول(ماحدش واخد منها حاجة)
...
حقا ما أجمل أن نبتسم فى وجوه الآخرين حين يظنوا أننا سوف نبكى وليتعلموا كيف يضحكون
...
الله اسأل أن يديم عليك هذه النعمة وأن يحفظها عليك وأن تستمر مصدرا للتفال والبساطة..آمين
والحمد لله الواحد دايما جواه أمل ومتفائل بكل خير لانك كما قلت ربى وربك الله
وما ذلك على الله بعزيز[]
عرفت من المخبرين بتوعى انك عندك امتحان بكرة
قلت اجى اسيبلك دعاء صغنون وامشى
ربنا يوفقك يامحمد
وبالنجاح دايما يارب
ويجعل الصعب قدامك سهل
ابقى طمنا عملت ايه
اختك خيخة
السلام عليكم
ازيك يادكترة عامل ايه ربنا يعيينك؟
قد لانملك الكثير في هذه الدنيا وقد نصاب باكتئاب مما يحدث لنا فيها ولكننا نعيش بالتفاؤل والامل والطموح
لعلنا ننالهم
انا متفائل ان الله سيرحم الموحدين من امة رسوله محمد صلي الله عليه وسلم واساله ان يغفر لنا ويعفو عنا
وانا متفائل لاني من امة رسولها محمد صلي الله عليه وسلم
ومتفائل لان كل حاجة في الكون بتتغير وان شاء الله الفجر القادم هو فجر الاسلام لاصين ولا هند وبتنجان ازرق حتي
اني احبك في الله
والسلام
كل سنه وانت طيب
وعام سعيد باذن الله
تقبل الله طاعاتكم
يا محب التفاؤل كل لحظة وانت متفائل
(:
من النادر جداً أن أرى شباباً ينتمون
لجيلنا ويتحدثون بهذه اللهجة المتفائلة
صدقاً الإكسير يبعث الروح ويجدد الابتسامة
وكيف تنزوي الابتسامة إذا كان خلفها أمل بالله ؟
سلم الله يمينك ، وأعانكم الله على الدراسات السفلى
يارب يكون امتحانك كويس
جميل اكسير التفاؤل والحمد لله انك بتقدر تجيب التفاؤل من كل الضغوط حوالينا لانها بجد مرهقة قوى
بس بالتفاؤل كل صعب بيهون وكل مالواحد بيتمسك بربنا صح ربك بيديله على قد عمله ونيته
اشكرك جزيلا وفى انتظار رد ابو يحيى عليه - تحياتى وكل سنة وانت واسرتك بكل الخير
تحياتى
هبة
انا بس حبيت اجى واطمن عملت ايه فى الامتحان بتاع النهاردة
يارب يكون طلع سهل
وبالنجاح والتوفيق يارب يا محمد
سلام
اختك خيخة
بداية
السلام عليكم ورحمة الله وبركاته
أشكر لكل من زارنس
وسال عني ودعالي في الامتحلت الأخير ان شاء الله
وخاصة أختنا خيخه ربنا يكرمها يا رب
وإلى متابعة التعليقات
اللؤلؤة المكنونه
كنت لسه هعملها
بس حظك إني مش فاضي بس
جزيت خيرا على الأشعار الجميله
************
واصطنعتك لنفسي
ايمان
معلش هو احنا كده لازم نستخلص المنح التي في طيات المحن
وربنا كبير
دمتي بكل خير
************
صابرينا
منوره في زيارتك الأولى
والحديث بتاعك ده سبب من أسباب التفاؤل
جزيت كل خير
***********
صيد الخاطر
عم محمد
صباح القشطه والأبهه
ايه يا عم الشيخ
هو انت مش هتبطل الإحباط ده بقى والقعده للحيطه زي الصوره بتاعتك
عموما لسه التفاؤل هيزيد لما أشوفك ان شاء الله
***********
القلم السكندري
وجزاكم يا سيدي
وربنا يديمه ان شاء الله
إمام الجيل
أيوه يا عم محمد
حقنا طبعا نعمل اللي عاوزينه
وانت بالذات لازم تبث التفاؤل ما دمت عامل فيها إمام
(:
ربنا يكرمك يا رب
**********
أماني
يا ستى أنا عارف انك هتعلقي براحتك بعد العيد
انت عارفه ليه!!!!
وكمان ربنا يسامحك على الكلام الكبير ده
ويا رب أطلع جزء منه
دمت بكل الخير
**********
يت خيخه وأي كلام
الله الله الله
ومخبرين كمان
بس أنا مطمن
أنهم مخبرين خيخه
(:
وشكر الله لك دعائك
*************
الفاتح اليعقوبي
أحبك الذي أحببتنا فيه
ووالله لو عاوزين نتفائل هنلاقي حاجات كتيير
ربنا يبارك فيك يا رب
***********
سمسم
وأنت بكل بخير
وتحياتك لمرورك
جمانه
الله يكرمك على دعواتك الجميله
وربنا يتقبل
*******
قبس من نور
جزيت خيرا يا دكتور
وزي ما بقول
اللي عاوز يتفائل هيتفائل
كن جميلا تر الوجود جميلا
جزيت خيرا على المرور
*******
هبه دوبا
كن جميلا ترى الوجود جميلا
وربنا يديم علينا استخراج واستخلاص التفاؤل
تحياتي لمروروك
وكلنا منتظرين أبو يحيى
دمت بكل خير
********
بت خيخه
ربنا يكرمك يا رب عالواجب الجامد اللي انت عاملاه معايا
الحمد لله خلصت على خير
ودخلت لدكتور بيضرب بيه المثل في العقد في الكليه
واسمه
..
..
..
..
..
.
.
.
.
شرييييييييييييف
هياعااااااا
لكن الحمد لله
على مين
جزيت كل الخير على الاهتمام
يادكتور لازم نتفأل مهما يحصل لازم نتفأل ولا نيأس من روح الله فإنه لا ييأس من روح الله الا القوم الكافرون وربنا يوفقك ويعينك فى الامتحانات وتنطلق الى الحياة العملية بكل حرية...والله ولى التوفيق.
الله عليك
حسيت عندك بتفاؤل
كل سنة وانت طيب عشان السنة الجديدة كمان
ياعينى ع التفاؤل
يادكتور خبى الحجات دى بتتنظر والله
انت حر انا نصحتك اهو
يارب يكرمك وتفضل ع طول متفائل كده
ويكرمك علشان كمان خلتنا نتفاؤل
بس اول ماشوفت دى
شويتين تفاؤل ...عندما يتبقى لي بضع ايام لأكون حرا في ربوع الحياة وأنهى مرحلة الدراسات السفلى "عكس الدراسات العليا" أو البكالوريوس ( undergraduate ) .....
وأستأنف مشوار الحياة
رجعت اتشائمت تانى وافتكرت انى فاضلى تلات سنين علشان استأنف حياتى زيك
والادهى والادهى انى افتكرت ان امتحان الكوميونتى بعد اسبوع
وامتحان رواند الرمد بعد اسبوعين
اهىءءءءءءءءءءءءءءءءءءءءءءءءءءءءء
ربنا يكرمك يا دكتور موضوع كله ذوق زيك ربنا يجعلنى انا وانت ننفذ كل كلمة فيه
وعلى فكرة الموضوع ده مكتسب بمعنى ان لو فيه حد يفتقد هذه السلوكيات لانه نشا فى اسرة غير مهتمة بهاواحنا بطريقة مؤدبةوذوق كده وجهنا ليها اكيد هيتغير
وعلى العموم فىالجنة ان شاء الله ياباشا هتلاقى الذوق كله
آسفيين ياباشا اعذرنى انت عارف انى ماليش فى النت والكلام ده نحو امية زى ماانت عارف انا كنت بعلق علي موضوع الذوق بس طلعت اوت
يالا بقى اهو كله بتاعنا وكل سنة وانت طيب
Post a Comment
زد الموضوع جمالا بتعليقك