ناس ذوووق......1
سلاماتي
اسمحوا لي أن نتحدث سويا اليوم عن أمر غاية في الأهمية
عن قيمة عظيمة تزين كل من تحلى بها
وعن آفة كريهة بدأت في التغلغل بين أفراد مجتمعاتنا وأنفسنا
عن الذوق أتحدث ...أو الايتيكيت (عشان لو في ناس خيخة بتقرا)..ما علينا
هناك الكثير من الأمور التي تناسينا فيها الأسلوب العالي في الذوقيات والذي قبل أن يساهم في تسهيل الأمور والأعمال إنما هو تاج عز وزينة لصاحبه والمتمتع به
وقعت يدي على كتب قليله في هذا الأمر
منها كتاب الذوق سلوك الروح للأستاذ عباس السيسي رحمه الله
وكتاب تقرير ميداني للأستاذ محمد أحمد الراشد
وحلقة الذوق أو الايتيكيت للأستاذ عمرو خالد
وأحببت أن أشارككم في بعض الجمل الكاملة التي أحضرتها من التقرير الميداني كاملة بقليل من التصرف حتى نحاول سويا أن نعلو ونسمو بأفعالنا وروحنا نحو المعالي
يقول الأستاذ الراشد:
يستحب أن يكون الفرد أن يكون كثير الاغتسال وخاصة أيام الحر حيث يعرق البدن، بحيث لا نشم منه رائحة العرق ولا من قميصه ولا من جوربه حين ينزع حذاء من المساجد والمجالس.
وأن ينظف أسنانه بالسواك أو الفرشاة أو بهما معا عدة مرات في اليوم ، وخاصة عند التوجه إلى المسجد أو إلى النوم،
وفي مجالسة الآخرين والحضور الاجتماعي
نكره أن يقص أظافره في مجلس، أو يضع رجلا على رجل أمام من هو أكبر منه سنا أو مقاماً ، إلا أن يكون بين أقران ..
وفرقعة الأصابع أو عظام الرقبة في المساجد والمجالس قبيحة، وكذا كثرة التنخم والنحنحة ، أو التمخط بصوت عال، ولو استطاع أن يقوم ليتمخط في بيت الخلاء ، أو الحمام لكان أجمل ، وليكن المنديل معه دائماً ، ومناديل الورق، وليكتم التجشؤ قدر استطاعته ، فإن تساهله فيه إنما هو من العيب الشديد.
وإذا كان ضيفا
فليأكل أكله الاعتيادي الذي يأكله في بيته أو أكثر ، لتطيب نفس من دعاه ، ومن العيب أن يأكل بضع لقيمات فقط، حياء أو لسبب آخر، فإن ذلك يؤذي الكريم، ويؤذي نساء البيت اللواتي أعددن الطعام، وسرورهن يكون بمقدار أكل الضيف
وفي الزيارات
وليكن طرق الباب يرفق ، ولمسه الجرس قصيرة ، ليست متصلة مجفلة ويكون الوقوف يعد الطرق جانبا لا أمام الباب، إذ فتحته امرأة، أو وقع النظر إلى الداخل.
ومن الظلم أن يستهين زائر بأوقات الناس فيتأخر كثيراً عن الموعد ولا يأبه ، وأظلم منه من يتشبه بالغريبين فيحاسب على تأخر دقائق قليلة.
وفي استعمال السيارة
نلتزم بقواعد المرور ، فإنها من الطاعة الشرعية لأولي الأمر ولو لم يحكموا بالإسلام ، ونحب أن تكون سيارة المسلم نظيفة مثل داره وثوبه.
ولا يليق أن تقف أمام بيت صاحبك وتنادي عليه بمزمار السيارة في وقت ظهيرة أو نصف ليل، لئلا تزعج جيرانه ، وإنما ذلك فعل الشباب الطائش.
وإذا سقت سيارتك في طريق ترابي وقاربت أحدا يمشي فاخفض السرعة إلى أدنى ما تستطيع ، لئلا تؤذيه بالغبار ، ولربما يكون قد لبس قميصه لتوه، وهذا من أبشع الظلم واللاإبالية .
وإذا سبقك سائق يجهل منه وأخذ دورك في المرور أو في احتلال موقف فلا تسابقه ، بل أصبر وكن أرفع منه.
ولا تحرص على إيقاف سيارتك في ظل بيتك أو بيت جارك بحيث تمنع مرور السابلة قرب الحائط ، فترتضي لسيارتك الظل، وللناس الحر.
وقم في السيارة الحافلة للمرأة وأعطها مكانك ، ولو كانت سافرة ، ولا تزاحم عند الركوب ، ولا تضايق قارئ الجريدة الجالس إلى جنبك بالنظر في جريدته.
وفي المساجد
نكره أن يصحب الصغار جدا من أولاده، وأن يلبس قميصا قصيراً يكشف عن أسفل ظهره إذا ركع.
وإذا خرجت من الصلاة بيدك نعلك فلا ترمه على الأرض وأنت واقف، لأنه سيحدث ضوضاء، ويثير وسخا في وجه من أنحني للبس حذائه، ولكن اقترب بيدك من الأرض بالانحناء ، وضعه برفق.
وإذا سرت عند جدار وقاربت نهايته عند زاوية يتعطف فيها الطريق فابتعد عن الجدار، إذ ربما فاجأتك عند الانعطاف امرأة ، بل أي سائر ، وقد يكون ما تكره ، من وسخ أو غيره.
ونحن أجل من أن نبصق في الشارع ، إلا في ناحية فيها تراب عند الضرورة واستعمال المناديل واجب ، ولا نلقي زجاجة فارغة في الشارع أو عليه أو منديلا مستعملا.
وللأذواق بقية إن شاء الله
68 قالوا رأيهم/ أضف تعليقك:
بسجل حضصور بس أول تعليق
يا مسهل
وده تسجيل تانى تعليق
اما التدوينة ففي الحقيقة نفتدم لكثير من تلك الاداب والذوقيات في حياتنا حتى بين الملتزمين للاسف الشديد اخونا الكريم دكتور محمد
تذكرة غاية في الاهمية بالفعل
وأذكر بس على اخر نقطة حضرتك كتبتها في التدوينة اننى كنت في منطقة وسط البلد في فترة من الفترات كنت أتحسس خطاي في الشارع الاسفلتي من كثرة البصق على الارض وكنت أتذكر ان الملائكة تتأذى مما تأذيت منه فأصبر
تدوينة تستحق الوقوف عندها بالفعل طويلا وكثيرا
حياكم الله وفي انتظار البقية
جزاكم الله خيرا على اثارة هذا الموضوع
قد يعتقد البعض أن الحديث عن الذوق أو الايتيكيت كما يطلق عليه ..حديث عن شىء ثانوى أو حديث عن شىء مستجلب من الغرب وأن هذاالكلام ليس من ديننا
من يعتقد ذلك أخطأ خطأ كبيرا
ولكن في الحقيقة إن الذوق ليس بهذه الثانوية و ليس بهذه البساطة التي تجعلنا نستتفه الحديث عنه ..
فلم تشهد اللغة العربية لفظة أوسع و أشمل على الإطلاق من لفظة " الذوق " .. بل إننا نستطيع أن نقول أن الإسلام بعباداته ومواقفه المتعددة جاء ليسمو بالذوق لدى البشرية جمعاء .. وأن رسالة الإسلام في مجملها رسالة داعية إلى السمو الذوقي .. يقول المولى عز وجل :
( إنا جعلنا ما على الأرض زينة لها لنبلوهم أيهم أحسن عملاً). الكهف
و النبي محمد صلى الله عليه بعثه الله ليدعم هذه الرسالة الربانية .. نعم .. أرسل لأجل هذه الرسالة وفقط ..
باختصار نستطيع أن نقول أن رسالة محمد صلى الله عليه وسلم هي الذوق ..
يقول صلى الله عليه وسلم : " إنما بعثت لأتمم مكارم الأخلاق " ..
الذوق هو الفطرة .. فإذا انتكست الفطرة ذهب الذوق وهلك الناس ..
إنك حينما تمر في الشارع كل يوم و تجد القمامة والأقذار ملقاة على جنبات المرافق وفي كل مكان بل يراها الناس دون نقد أو حتى تقزز بل استساغوها دون أي شعور بالتغير الفطري ؛ فإن هذا ليس إلا انتكاسا للذوق ..
و إنك حينما تجد السيارات تتصارع وتتسارع في الطرقات في مشهد سيء جدا .. و أصوات منبهاتها تتعالى دون أي مبالاة لما قد تسببه هذه الأصوات من خرق للذوق والفطرة البشرية ..
هذا ليس إلا انتكاسا في الذوق ..
وإنك حينما تركب أتوبيس النقل العام و ترى عدم النظام و السب والشتم عند محاولتك أن تجد لك طريقا للعبور بين الواقفين ..
و حينما ترى أحد المواطنين يمسك مشرطا في يده و يقوم بتمزيق جلد الكراسي .. وتجد آخر يمسك قلما في يده ويقوم بالشطب والكتابة على هذه الكراسي ..
بل واستساغة الناس لهذه الأمور .. وعدم سعيها إلى النهي عنها ..
لا يمكن لك أن تعتبر ذلك إلا انتكاسة للذوق و الفطرة ..
وحينما تركب الميكروباص وتسمع بعضا من الأغاني التي يشغلها السائق و يسمعها ويتراقص عليها .. حينما تدقق السماع في كلمات وألحان هذه الأغنيات .. فلا تجدها تحمل معنى ولا لحنا ولا صوتا ولا أي شيء يمكن أن ترضاه الفطرة ..
لا يمكن لك أن تعتبر ذلك سوى انتكاسة ذوق ..
..
دعك من هذا كله ..
بل إن تدني أخلاقنا ليس سببه سوى انعدام الحس .. و تخلف أساليب وسلوك أحاديثنا و محاوراتنا ليس سببه سوى تدني الذوق ..
إن مشكلات الأزواج .. و انقطاع صلة الأرحام .. والخصومات الفردية والجماعية ..
بل و الاختلاف المشين في الفقه والعلوم الشرعية .. وتقاذف الدعاة .. و عداوات الجماعات الإسلامية .. ليس لها سبب سوى انتكاس الذوق ..
بل إن عدم مبالاتنا لمشاهد القتل و الفتك بإخواننا في كل مكان ، عدم مبالاتنا بمشاهد اغتصاب أخواتنا في فلسطين ، و عدم اهتزاز جوارحنا لمشاهدة مشهد لهدم بيت أو ضرب شيخ أو ذبح طفل ...
كل هذا ليس إلا نتيجة انتكاس الذوق .. و تدني الفطرة ...
إننا نستطيع أن نرجع كل معصية وكل شائنة وكل كارثة في زماننا وفي كل الأزمنة إلى انتكاس الذوق .. و اضمحلال الفطرة ..
جزاكم الله خيرا مرة أخرى
وفى انتظار التكملة
يانهااااااااااااااااااار بجد مش ممكن
أنا بقى هعلق على طول وبرضه هيبقى أول تعليق...ههههههه
....
تكلمت عن أمر غاية فى الأهمية ..فالذوق هو مسألة تكوين وتربية
..
ولنا أكبر أسوة فى الذوق والإتيكيت وهو الحبيب صلى الله عله وسلم فهو من سعى لنشر الذوقيات والسلوكيات السليمة بين المسلمين...
وأعتقد بأننا جميعا فى أمس الحاجة لنتعلم هذه الذوقيات فالتحلى بما ذكرت من الذوقيات وغيرها يزيد فى جمال سلوكيات المسلم ويعزز محاسنه ويحبب شخصيته ويدنيه من القلوب والنفوس
...
ولو تكلمنا عن ذوقيات التعامل للرسولنا الكريم ما انتهينا ولكن حضر الأن فى ذهنى قول أنس رضى الله عنه(خدمت النبى صلى الله عليه وسلم عشر سنين فما قال لى أف قط وما قال لشئ صنعته لما صنعته؟ولا لشئ تركته لما تركته؟..صلى الله عليك يامعلم الأمم
....
فآآآآآه لو تمت المقارنة بين هذا وحالنا نسأل الله العافية
....
فعلى كل منا تحرى الذوق فى جميع تعاملاته الذوق فى المظهر العام له؛ الذوق فى اللقاء والتحية من بشاشة والوجه ؛ الذوق فى الحديث من اختيار للألفاظ الحسنة؛ الذوق فى الزيارة؛ الذوق فى المائدة
وفى جميع تصرفاتنا
.........
معذرة على الإطالة
بس فرحة أول تعليق
:):)
:(
:(
لا لليأس
:(
الحبيب الدكتور الحر
تدوينة رائعة وذات ذوق خاص كثيرا ما تذهب بعيدا عن خاطر الانسان وسلوكه وفعله الا ما رحم ربى.
فالذوق هو ترجمة عملية لأعلى مراحل حسن الخلق والمواقف التى يعلو فيها قيمة الأدب والخلق على ما سواها من سوء المعاملة أو سوء أددب الحديث او النظر الى الآخرين بنظرة تعالى وكبر أو غير ذلك من السلوكيات التى للأسف أصبحت واقعا فى مجتمعنا أكثر من الواقع نفسه - إنما هى مواقف تنم على أن صاحبها لديه أدب جم وخلق قويم وحس مرهف وتربية عالية وهى ما نسميها ((الذوق))
الموضع مهم ..
فعلا احنا اهل الذوق .. او المفروض .. ان تكون كده .. احنا خرجنا التعاليم ده على العالم كله ونسينا نطبقها على نفسنا ..
اقول ايه ؟؟
الف شكر على الموضوع ..
وادعولى يا جماعة .. ورايا مذاكرة
سلام
ياه يا دكتور
أنا فاكر حلقة عمرو خالد دي
بس الناس مش في دماغها
و في اللي ينضف بيته و يوسخ بره
في الشارع و عند و قدام الجيران
إحنا فعلاً في إحتياج للذوق بس مين يسمع و يعمل بالكلام ده
:(
جميل بجد يا محد البوست
واد ايه فيه قيم جميلة
والحمد الله اتبسطت لانى تقريبا بطبق معظم الحاجات الحلوة اللى جت فيه
ربنا يكرمك يارب
ودايما كدة بتفتح عنينا على حاجات مهمة
بس كان ليا استفسار صغنوووون
هو انت تقصد مين لما كتبت بين قوسين
( علشان لو فيه حد خيخة بيقرا )
كنت تقصدنى انا بالذات
ولا اى خيخة تانى غيرى
نيهاهاهاهاهاع
سلام
اختك خيخة
ربنا يبارك فيك يادكتور
فعلا اد ايه الاسلام دين شامل وعظيم
الحمد لله علي نعمه الاسلام
صدقني الناس مفقدتش الذوق الناس فقدت الاسلام
وجزاكم الله خير
بارك الله فيك أخي محمد والحقيقة كله إلا حكاية نظافة السيارة دي لأن سيارتي معظم الوقت مركونة لتفضيلي المشي فتتسخ
وأيضا في المساجد
أن يخرج الخارج ولا يتلكأ أمام الباب وأن يتحرك بهدوء ويضع حذائه بدون صوت وألا يتنخم ويقفل الموبايل
أضف إلى الإتيكيت حسن اختيار نغمات المحمول أيضا
:)
انا جاوبت على التاج
بس مييييييييييييين يسمع
ده لو نص كلامك ده اطبق
كانت 75% من امراض مصر اختفت ولا ايه رايك يا دفعه
يا سلام على ذوقياتك يا د محمد
السلام عليكمورحمة الله وبركاته
والله حضرتك اللي ذوقك
لو كل واحد اهتم انه يطبق الذوق والاتيكيت في حياته كلها اكيد هانبقي عايشين في يوتوبيا
تحياتي
الله
جميل اوى جزاك الله خيرا
السلام عليكم ورحمة الله وبركاته
اول مرا ازور حضرتك هنا وان شاء الله مش اخر مرا
اختيار جميل وموضوع اهم واجمل
ياريت كلنا نهتم بيه
بجد شوقتني اني اشتري الكتاب وانا بلفعل سجلت اسم الكاتب
تحياتي لك ولقلمك المميز
اختك
رودي
للأسف يا محمد
إحنا بقينا في مجتمع يفتقد الاحساس بالذوق العام
يعني ساعات بقول للي حواليا
ان المجتمع ماشي بالعكس
ايوة كل حاجه فيه بالعكس
من بداية للتعاملات الشخصية اللي بين الأفراد
لغاية السلوكيات العماة التي بتخص المجتمع كله
احنا محتاجين لاعادة تأهيل من جديد علشان نوصل للكلام ده
وكل اللي قلته ينفع يكون بداية كويسة
دمت بكل الود
جميل الذوقيات دى الحمد لله
مصدرها الاسلام
وموجودة فيه
بس احنا ناخد بالنا
فعلا لازم الملتزمين خصوصا ياخدوا بالهم
من الذوقيات دى
ويلتزموا بيها
لان ده من دينا اكيد
جزيت خيرا
على الرغم من إن التفاصيل دى دقيقة جدا ... إلا إنها مؤثرة جدا
و الله ماحدش هاياخد باله منها إلا اللى ذوقه عالى بجد
أحييك على روحك الجميلة يا صاحب الذوق العالى
وكما قال أخ فاضل..
الحضارة سلوك وليست أسلاك
تسلم يا دكتور علي البوست الحضاري ده
وفعلا .. المسلمون هم أولي الناس بهذا الذوق وهذا السلوك الحضاري
تحياتي
الذوق
موضوع مهم فعلا ومفقود في كثير من الأحيان في وسطنا والله
فعلا محتاجين الموضوع اللي اسمه الذوق ده
وربنا يكرمك وجزاكم الله خيرا
تسلم ايديك يا ذوق...
بصراحة انا ملتزم جدا معاك ببند الأكل عند المضيفين...
وبصراحة هنا أنا
باقوم بالذوق على اتم وجه..وكمان باستلف اذواق من اللي جمبي :)
الذوق اناسمعت الكلمة دي قبل كده اعتقد كان فى تلاتينيات القرن الماضى و اعتقد انك قويس انك تكلم عن التاريخ
وتدوينة تاريخية رائعة
بدأت تتغلل !!! دى مستقره فى الأعماق
افدتنى وقومت بعض سلوكياتى
اشكرك
ابو الذوق
ايه الكلام الجامد ده
تعيش وتهادينا بذوقياتك
اللهم ما اجعلنا من الذين يستعمون القول فيتبعون احسنه....
رائع اوي يا دكتور
ونصائح في غاية الدقة وهذا ما يجب ان يكون عليه سلوك المسلم.. فالمسلم هو القدوة
وجزاك الله خيراً...
خالص تحياتي
ذكرتني بهذه الكتب الرائعة
جمعتني القراءة بهم كثيرا وأفادتني كثيرا
جزاك الله خيرا لتذكيرك لنا بهذه الآداب التي غابت عن كثير منا
:)
دينا كله اخلاقيات واتيكت كنت قرات ربع العادات فى كتاب الاحياء لابى حامد الغزالى رحمه الله
وكنت لسه فى بدايه تعرفى على دينى وذهلت لما لاقيت كل الااتيكت اللى كنت باقراه فى المجلات الغربيه موجود فى دينا يعنى احنا اللى سابقين فى فن الاتيكات من 1400 سنه بس للاسف الناس بتفرح باى شئ غربى وبس جزاك الله خيرا لتذكيرنا بهذا الاسلوب الراقى فى التعامل
احنا متفقين ان التعليقات مش هتبقى
جميل وشكرا وكده
وعلشان كده لازم اغربل التدوينه
مره واتنين علشان اعلق
ومتزعلشى من رأيى
شوف يا دكتور محمد
ما احلى ذوقك
وهذا ليس بالجديد عليك
ولو كل الناس اتبعت الكلام الجميل ده
صدقنى الاقسام بتاعه الشرطه هتتحول لمتاحف
جميله قوى التدوينه دى
تسلم ايدك يا دكتور
والله ملاحظات جميلة اوى وايجابية وانا حاسس انى ان شاء الله هلتزم بالكتير منها
ومعظمها حاسس زى ما تكون كاتبها بتلسن عليا هههههه
زى الواحد يرمى الحذاء وهو واقف يقوم يخبط جامد ويعمل صوت عالى وانا حذائى مقاس سبعة واربعين يعنى اشبه بإنهيار عمارة هههه
هبقى اخد بالى واوطى احطة بشويش
والله من حلاوة موضوعاتك انا ببقى نفسى اخلى كل اصدقائى يقرا الحاجات دى لان فيها افادة كبيرة وبإسلوب قريب من النفس بس مش عارف ادعوهم ازاى
جزاكم الله خيرا
تحياتى
بارك الله فيك يا أخ محمد الموضوع مهم والذوق اصبح شئ يقتقده العديدة من الناس واصبح الكبير لا يعطف على الصغير والصغير لا يوقر الكبير وكل الامور اللى ذكرتها هامة جدا فى حياتنا وواجب عليه مراعاتها حتى نكون مسلمين حقا نراعى الذوق العام والاخلاقيلت الدينية والروحيه ...والله ولى التوفيق.
بجد جزاك الله خير لان الموضوع قيم جدا خاصة فى عصر قلت فيه الذوقيات التى هى نفسها المروءه والانسانيه
فى انتظار تكمله الموضوع
تحياتى
فعلا ناس ذوق
:(
كثيرا مانجد مثل هذه التصرفات والافعال السيئه
جزاك الله خيرا ع التنبيه
الدين المعامله
أولا وحشنى جداونفسى أشوفك بخير
ثانيا جزاكم الله خيرا
على كلماتك
بس مكنش ليها لازمة كلمة خيخا ياريس احنا بنكلم عن الذوق اقرض مثلا أو أول مرة أخش عندك وأنا من الناس الخيخا هقول إيه
بس دا لا يقلل من جمال كلماتك
دمت طيبا عالى الذوف
الحاجات الجميلة دي ناس كتير نسيتها ربنا يهدي ابقي زروني
تحياتي
جزاكم الله خيرا
ده تفاؤل حذر جدا
أنا مبسوط منه
عاجبني
دايما نفكر لبكرة ونرتب اعمالنا
ولا نبني علي أوهام
وليكن لدينا هدف وطموح
بوركت يمينك
جزاكم الله خيرا
كم نحتاج إلي مثل هذه المقالات
بين غخواننا
وتعميمها بين الناس
فنحن قدوة للجميع
بوركت يمينك
حبيبي الغالي
جزاك الله خيرا
واحب أن أسجل عجابي الشديد بالتدوينة
فكتب الله اجرك واجزل مثوبتك
وحقيقثة موضوع العربيات ده اللي محتاج ذزق بالقوي
وربنا لايوريك سواقين الغربية عاملين ازاي
مش الغربية بس ده مصر كلها هباب في اخلاقيات السواقة
بس تعرف أحلىحاجة
لما تبقى عربيتك حديثة شوية ويجي واحد معاه -128- يسبقك ودمك يفور ويغلي
وتشد قصاده
وو ؟؟؟؟ انت عارف ياما ناس دخلوا في حيطان وعموايد
وناس برضه ربنا يكرمها وبتسبق
على فكرة أنا مبتريقش على ال 28 أنا لي واحد صاحبي معاه 28 لو عرف اني كتبت عنها هيطخني بالنار
تقبل تحياتي ياغالي
بوست جميل أوى والله .. جزاك الله خيراً
:)
والله انا بقى عندى ايحاء انى لازم قبل مدخل المدونة دى اتنحنح واخبط واسمى قبل مدخل اعمل اى حاجة
والله بجد تسلم
تسلم فى ايديك اللى كتبت
وعيونك اللى قرت
وعقلك اللى اختار الكلمات
والقيم ممتازة
تحياتى ويارب تكون احسن دكتور
الا انت فى كلية هندسة ولا حقوق
هع هع هع هع
سلام وتحياتى
هبة
جزاك الله خيرا كثيرا على هذه الذوقيات القيمة ..
وفعلا نحتاج لكثير منها أن تتواجد في مجتمعنا
تحياتي لك .. وبانتظار التتمة
ما شاء الله لا قوة إلا بالله
جميلة يا بن الغالي
توجيهات عملية قيمة
...................
تحية خاصة للأخ / الأخت ( اللؤلؤة المكنونة ) ما شاء الله تعليق راااااااااااائع ينم عن فقه وعلم وأدب
..................................
لو كان لي حق الإقتراح أو الطلب فأرجو أن تفرد تدوينة منفصلة للحديث عن السلوكيات المندرجة تحت بند ( الإيتيكيت ) وفيها مخالفة صريحة للأداب الإسلامية , فعلى سبيل المثال الأكل باليد اليسرى عند إستعمال الشوكة , مع إني جربت آكل باليمين مع إستعمال الشوكة ونفعت .. آي والله العظيم حصل
...........................
كذلك ألفت الإنتباه إلى مسألة النية فهناك الكثير من العادات الحسنة يمكن بالنية تصبح عبادة
كفاية عليك كدة على قد فلوسكم
جزاكم الله خير الجزاء
أولا بعتذر عن كل هذا التأخير عن الردود
لانشغالي بعض الشيء
ونبدأ فيها تواليا بإذن الله
اللؤلؤه المكنونه
مفاجأه جميله
ربنا يسعدك يا رب
انك تكوني اول تعليق ومن باب الأقدار كمان
بالنسبه للتعليق الرائع والذي من المفروض علينا انه فعلا يضاف للمضوع
مش مجامله والله
ويكفيك شهادة عمك خالد في تعليقه ال 42
كما قلت
الذوق هو الرساله
الذوق هو الخلق
الذوق هو الفطره
ونضيف عليها
الذوق هو جمال الحياه
كل ما ذكرت لن أكرر فيه شيئا
أمثله تستحق الملاحظه
جزيت من الخير الكثير
همسة قلم ...أسماء
إذا كان الالتزام بالذوقيات مستحبا لكل الناس فإنه يكون واجبا على الدعاة والملتزمين
وموقف وسط البلد ممكن والله أن الحيوانات كمان تتأذى منه
عافانا الله وعافاك اختنا الكريمه
************
أماني
أنا غلب حماري
وكمان استنفذت كل الوسائل
أكيد انت فاهمه في ايه
وعلى رأي بنت عمك
ابقى الحقيه في الجنه بقى ان شاء الله
ههههههههههه
موقف النبي مع خادمه موقف جميل يستحق أن يوضع في الحسبان والتقييم
جزيت كل الخير
***********
المجهول
لا لليأس
..
..
..
يمكن
**********
أخونا
تعليقك دوما يسعدني
ويجعل المدونة حميميه ودافئه
فبالله عليك تنورنا على طول
ملخص كلامك
ان الذوق تربيه عاليه
ربنا يكرمك يا رب
**********
محمد حمزه
نورتنا في اول زياره
وموفق في امتحاناتك ان شاء الله
واحنا اي نعم صدرناها
لكن لما نلتزم بيها ان شاء الله
عمرها ما هتكون زي التانيين
أقوى وأجمل بكثير
لأننا الأصل
بارك الله فيك
************
مهندس مصري
منورنا يا كبير
كلنا يعلم
لكن نردد دائما
ده ما تعلم
في حيز ان تفعل
المشكله تتحل
لك كل الود
خيخه هانم
دائما بتتأرجح خيختك على موازين تصرفاتك الظاهره للمقابل المعامل
حد فاهم حاجه؟
كلنا خيخه باين
المقصود بما بين القوسين
هو أنت بالطبع ومن شابهك في الخواخه
تعيشي وتنورينا دايما
***********
الفاتح الجعفري
ربنا يبارك مرورك يا عم احمد
وربنا يستر عالباقي من ديننا
يا رب لا تجعل مصيبتنا في ديننا
***********
عصفور المدينه
أبو يحيى الغالي
بارك الله مرورك
مما دامت العربيه متغطيه يبقى تمام
ولا يهمك
ولا رنات الموبايل دي
ربنا يسترها
*************
لماضه
كلامك مظبوط فعلا
لكن اللي هيسمع هو احنا
انا وانت والمدونين وكل اللي بيقروا ويعلقوا واللي ممكن نقول غيرهم كمان
يبقى ممكن نغير ان شاء الله
واسألي حماتك كمان
ولا ايه يا دفعه؟؟
(:
**********
مخنووووق
يا سلام عليك انت يا عم
بس انت اي مخنوق فيهم بالضبط
(:
خمسه فضفضه
كلامك فعلا مضبوط يا دكتوره
بس أشكرك خلتيني أعرف ان يوتوبيا معناها المدينه الفاضله
دمت بكل خير
************
انسانه
الله
وجزاك كل الخير
************
بنوته مصريه
رودي
أشكرك لزيارتك وان شاء الله تشرفينا دايما
والكتاب في مجموعه كامله اسمها رسائل العين
وممكن تجيبيه لوحده
موجود في دار البشير في معرض الكتاب ان شاء الله
**********
صاحب المضيفه
توصيف كويس ان احنا ماشين العكس
الصوره بتاعة مصر اللي في المدونة شمال فوق بتعبر عن كده
بس ان شاء الله يكون بدايه
***********
إمام الجيل
احنا احسن من يضيع الكنوز
بوركت كلماتك
***********
موضوع غايه ف الروعه ... وقد استفدت منه ... والحمد لله ... امنياتى بدوام التوفيق ... وعام جديد سعيد
سيدنا ابن حجر
الجميل جميل يا غالي
وربنا ما يحرمنا منك يا رب
************
القلم السكندري
الحضاره سلوك لا أسلاك
جمله جميله
ربنا يكرمك يا حبيب
************
بيدو
ايوه الحاجه دي فعلا حلوه
حاول نعمل زيها
دمت بكل ود
وشكرا لمتابعتك
***********
د خالد
مبروك النيو لوك
وهي دي اللي خدتها
اما انت شيخ صحيح
خخخخخخ
ربنا يبارك فيك يا رب وتخلص على خير
***********
المهاجر
نورتنا في زيارتك الأولى
وبتتريق كمان
هو كلامك صح
بس احنا منتغناش بالماضي
وكمان بنستشرف المستقبل اللي احنا المفروض نكون أبطاله
أ محمد عبد الغفار
دايما منورنا ربنا يكرمك يا رب
والحمد لله الذي بنعمته تتم الصالحات
**********
يوميات عيل مصري
عمنا الغالي ابو فداء
أبو الذوق ولا أبوزيد
ههههه
ما علينا
منورنا دايما يا غالي
**********
اسامه
نورتنا ياابو الأدب
المسلم .......القدوه
عنوان كبير
لك كل الود
**********
وضاح
ده حبة كتب اللي بتقول عليهم يعملك مشروع لافتات تمام
ربنا يكرمك يا رب
**********
رفقة عمر
ديننا دين الجمال وكل حاجه حلوه
بس نتعلم ونعمل بس
ربنا يبارك فيكي يا رب
السلام عليكم بمناسبة اول زيارة ليا
انا قلت ابتدى برضة بحاجة ذوق كده
كل كلام حضرتك جميل جدا وفعلا مهم اوى
بس اللى ضحكنى ان فيه معلومة غير صحيحة
مين اللى قال ان ست البيت بتزعل لما الضيوف مش بياكلوا؟دى بتبقى آخر سعادة انها تانى ويمكن تالت يوم للعزومة مش حتعمل اكل وحتستريح
وهو مش برضة من الذوق اننا نريح الست اللى تعبت دى يومين واللا حاجة؟
:)
خالتنا الغاليه فرنسا هانم
على اتفاقنا مفيش نكوص
وجميل قوي تعبير المتاحف ده
من بقك لباب السما
وربنا يتم شفاك على خير يا غاليه
*********
حبيبنا وخالنا
صباغ باشا
يا سيدي ربنا يكرمك على الكلام الجميل اللي ما استاهلوش ده
واتفضل يا عم المدونه كلها
متغلاش عليك
ربنا يكرمك يا رب
************
محمد على
يا ريت الكل يسمع منك
أشكرك لحضورك ومتابعتك
ولك كل الود
*************
only spot
أشكرك ومرحبا بك في زيارتك الأولى
وتنورونا دايما ان شاء الله
دمتم بكل خير
*************
عاشقة الفردوس
ناس ذوق طبعا
"الدين المعامله"
هي دي الخلاصه
***********
مش هنسى
انت واحشنا اكتر يا عريس والله
وانت مش خيخه ولا حاجه اللي خيخه عارفين نفسهم متقلقش
ربنا ما يحرمني منك يا رب
************
مشمش
فعلا كما تقول
ونورتنا في زيارتك وتنورنا دوما ان شاء الله
*********
صريح أوي
نورتنا يا حبيب
انت علقت على تدوينتين هنا
صح؟
ولا يهمك
احنا قدوه
ده اللي لازم يكو ن ان شاء الله
**********
صيد الخاطر
يا عم 28 حلوه قوي بس تيجي
وان شاء الله مش هعفر خالص
بس تيجي
ربنا يكرمك يا غالي ويعلي ذوقك
***********
مبرمج حر
تحياتي لمرورك الكريم
************
هبه دوبا
ضحكتيني بإيحائك ده وحسستيني اني لازم اعمل باب
وأشكرك على كلامك الجميل ده
ربنا يبارك فيك ويوفقك
نسيتي التجاره بالمره
هع هع
دمتي بكل خير
******************
نور
جزانا وإياكي
وأشكرك على دوام التواصل
ودمت بكل خير
************
وطني
عمنا الغالي م خالد
بنتظر تعليقك دوما
مع اني عارف انك من عزب عدم التعليق على الفاضي والمليان معايا أنا وخالتي فرنسا
مين قد اللؤلؤه المكنونه بقى دلوقتي
ربنا يكرمها يارب
ويا باشا حضرتك مش تقترح وتطلي
دانت تقول سيبوا المدونه نسيبها شيلوا المدونه نشيلها
هحط الموضوع في المسودات وأبدا اجمع فيه بإذن الله
والنيه سبق أن تكلمنا فيها في كذا موضوع لكن ان شاء الله ننوه لها
لك منا كل التحيه والود
************
د السيد باشا شبل
ربنا ينفع بيك يا رب ويتقبل منك
وعام سعيد عليك وعلينا
************
أموله
نورتينا في زيارتك الأولى
وبرضه برأيك الشناوي ده
المخالف يعني
بس انا بصراحه اللي شفتهم كلهم بيفرحوا بالموضوع ده
ربنا يكرمك ويبارك فيكي يارب
ولك كل التحيه
جزاك الله خيرا والله على ذكرك للمسأله دى لأن فعلا الذوق دة فعلا حاجه مهمه اوى فى حياة الناس لأنه ببساطه ممكن يغير انطباع الناس عنك 180 درجه وكم من أناس فقدوا هذه الميزة وفقدو معها أشياء أخرى والذوق ده يعتبر كمان طريقه للتواصل مع الاّخرين وهو فى الحقيقه فن ويارتنا كلنا نكتسب هذه الميزه ونحاول نحسّن سلوكنا مع اللى حوالينا والأجدر بهذا طبعا هم الأهل ولازم نذكر ان ديننا دين الاسلام هو اساس هذا الفن"فن النعامل مع الغير" ومحاوله كسبهم ومحاوله تجنب نفورهم منا...وفى انتظار البقية
السلام عليكم ورحمته وبركاته
أعجبني الموضوع لأن حضرتك وضحت شئ هام
وهو ان الذوق أصله من الدين الإسلامي
ومشكور كتير علي مجهودك
أكرمك الله وأعزك و رفع قدرك
والسلام عليكم ورحمته وبركاته
هايدي
السلام عليكم
ازيك ادكترة عامل ايه
ربنا يكرمك
الاذواق والاخلاق شئ بنفتقده في هذه الايام للاسف الا من رحم الله
ولكن ةدعنا نقول ان رسالة الانبياء جميعا كانت تدعو الي الاخلاق وكان الانبياء يحاربون التطرف والانحراف الاخلاقي
قال رسول الله صلي الله عليه وسلم :انما بعثت لاتمم مكارم الاخلاق
فاذا كان هناك مسلما ليس عنده اخلاق فقد فقد الحظ الاغلب من الاسلام
وهكذا تري ان الذين يفتقدون الاخلاق مع الناس يفتقدوا ادب التعامل مع الله من حيث اوامره ونواهيه واجتناب محارمه
والسلام
حلو البوست اوى
احييك عليه
جميل جدا يا دكتور
فعلا أشياء تستحق أت تقرأ
وأن يقف عندها المرء طويلا ليتعلم
فكم من هذه السلوكيات السلبية منتشرة حتى أصبحت كأنها اعتيادية
بارك الله فيك على التذكير
فاضيه قوي
أشكرك على زيارتك للمدونه
وتنورينا دايما ان شاء الله
وكلامك مظبوط فعلا
**********
هايدي
ارسم بالرصاص
موفقه في امنتحاناتك ان شاء الله
وديننا غالي بس احنا اللي مش عارفين
**********
فاتح باشا يعقوبي
ازيك انت يا عم عز
ربنا يبارك فيك يا رب
وكلامك تمام فعلا ان ديننا اساساه الأخلاق
ومن يفتقد الذوق من الناس حقا يفتقده مع ربه
دمت بكل خير
***********
حبة حاجات
ايمان
نورتينا في زيارتك الأولى
وان شاء الله نشوفك دايما
بوركت
*********
بهاء
أخونا الغالي
منورنا دائما
استمراء القبائح فعلا من أخطر الآفات علينا
ربنا يسترها معانا
جميل جدا جدا جدا جدا
والله بجد لو يدرسوا للاولاد الصوغيرين الحجات دى
سلوكيات بجد كلنا مفتقدينها
وللاسف انها جزء م دينا اصلا
بس محدش عنده خبر بيها
ربنا يجازيك خير ع نشرها
واستأذن حضرتك انى اخدها المدونه عندى .. لنشرها باقصى صوره ممكنه
تحياتى
والله انا معتقدش ان شعبنا الحبيب العظيم اللئيم
ممكن ينفذ حاجة من الحاجات دي
بس بجد جزاك الله كل الخير
هي قيمة احنا مفتقدينها فعلا
:)))
اولا جزاك الله خير على الكلام الجميل اللى لو كل انسان اتبعه كنا اصبحنا ارق الامم زى ما كنا قبل كده ويسلام لو يعملوا ماده تدرس للاولاد الصغيرين فى مدارس الابتدائى ماده الزوقيات او حتى باب فى كتاب الدين بيتكلم عن الذوقيات دى....يارب اشوف اهلى والمصيرين كلهم اهم افضل الناس فى الايتكيت او فى الذوق علشان يتقال علينا اننا جدعان وذوق اوى زى ما كانوا بيقولوا علينا اننا اهل زوق وشهامه.....الموضوع جميل جداا يادكتور ربنا يوفقك ويجعل مدونتك فى ميزان حسناتك
صحيح بدأت الناس تفقد الذوق
واجمل كتاب قرأته عن الذوق هو الذوق لعباس السيسى
ياااااااااااااااااه
قلبت الموااجع
واحد قلي الكلام ده زماااان وخصوصا
موضوع الجزمه بعد الصلاه
بس تصدق انك فكرتني بحاجه كنت قربت انساها
بجد دزاكم الله خيرا
قبل ما أقرأ هذه التدوينة بفترة بسيطة كنت لسة بفكر في أمر مضايقني
أخت باعتالي مسج بتطلب مني طلب صيغته على وجه الأمر .. لم أتضايق من الأسلوب مطلقاً ، لكن اللي ضايقني إن ده أسلوبها مع الجميع .
الموضوع في محله ووقته ، جزاك الله خيراً
وجزا اللؤلؤة المكنونة الخير كله على الذوقيات التي اشارت إليها في تعقيبها .
بجد موضوع ممتاز والله انت اتكلمت عن حاجات بجد بتخنقنى
بجد الناس بقئت منتهى قلة الذوق ماانساش يوم اما كنت راكبة الميكروباص والراجل اللي جمبي ريحة عرقة قالبة كل العربية وانامش قادرة استحمل
دة ميعرفشى انى فى اختراع اسمة دش دة موقف من المواقف اللي بتحصل كل يوم سواء في الشارع ولا الشغل ولا المواصلات حاجة استغفر الله العظيم منتهى الارف
وبردة فكرتنى بالست اللى رفعت ع جوزها قضية خلع علشان مابيستحماش ويومها كل الناس قعدت تتريق طب ماهى بجد حاجة ارف مش عارفة لية تخيلت نفسي مكانها وجوزها دة جوزى ع مااظن وقتها كنت هقضى الوقت كلة فى التواليت عشان ارجع من ريحتة الجميلة
وكمان موضوع قلة الذوق بقئت منتشرة لا فى نظام ولا ذوق ولا احترام من الراجل للمراه اه مش معنى اننا واخدين حقوقنا اننا بقئينا رجالة لا بالعكس والله
جربوا تعاملونا اننا بنات واننا منتهى الرقة وهتلاقونا فعلا كدة ماهو طبيعى لكل فعل رد فعل
لو واحدة واقفة فى صف ممكن تلاقى راجل وبمنتهى قلة الادب وعايز يقف ادامها عشان يخلص مصلحتة قبلها
وبردة تلاقى الراجل ييجى يركب اى مواصلة ويلاقى البنت او ست كبيرة واقفةولا على بالة المهم انة قاعد ياسبحان الله
انا عندى راي نعملوة ان اى انسان سواء كان راجل او ست عشان ماتقولوليش انتى من الصبح عمالة تتكلمى بس عن الرجالة يعاب في ميدان عام ويضعوة فى التواليت لمدة سنة لكى يتعود على الاستحمام
يااه لو القانون دة يطبق والله هنلاقى شباب مصر بقئة احسن من شباب اوربا
وطبعا بردة اناموافقة كل الاراء اللى قالت اننا ندرس للاطفال مادة عن الذوق والنضافة احسن من مواد كتيرة بياخدوها اماتكبر مش بتنفعهم لكن لو اتربوا فعلا فى المدرسة والبيت على المبادىء دى هنتغير جامد اول اما همسك وزارة التعليم هنزل المادة
ميرسي يادكتور على الموضوع حلو اوى
وانا بعتذر بجد لو استخدمت اسلوب غير لائق فى كلامى بس فعلا مش بقصد
Post a Comment
زد الموضوع جمالا بتعليقك