مبارك شاعرا
تماشيا مع جو المدونة العام الذى يغلب عليه الطابع السياسى ...
انا ما قررتش اكتب فى السياسة معاذ الله..... مش كره فيها ا ولا حاجة...ولكن اتباعا للمثل اللى بيقول ادى العيش لخبازه
بصراحة متناهية بحس ان السياسة دى موضوع كبيييييير قوى وبحر غوييييييييط خالص لا اجيد السباحة فيه
المهم انا قرأت هذة القصيدة فى موقع الدكتور عبدالرحمن يوسف وعجبتنى وحبيت اوريهلكم وربنا يستر
انا ما قررتش اكتب فى السياسة معاذ الله..... مش كره فيها ا ولا حاجة...ولكن اتباعا للمثل اللى بيقول ادى العيش لخبازه
بصراحة متناهية بحس ان السياسة دى موضوع كبيييييير قوى وبحر غوييييييييط خالص لا اجيد السباحة فيه
المهم انا قرأت هذة القصيدة فى موقع الدكتور عبدالرحمن يوسف وعجبتنى وحبيت اوريهلكم وربنا يستر
مبارك شاعرا
ياشعبي حبيبي ياروحي يابيبي
ياحاطك في جيبي يابن الحلال
ياشعبي ياشاطر ياجابر خواطر
ياساكن مقابر وصابر وعال
ياواكل سمومك يابايع هدومك
ياحامل همومك وشايل جبال
ياشعبي اللي نايم وسارح وهايم
وفي الفقر عايم وحاله ده حال
احبك محشش مفرفش مطنش
ودايخ مدروخ واخر انسطال
احبك مكبر دماغك مخدر
ممشي امورك كده باتكال
واحب اللي ينصب واحب اللي يكدب
واحب اللي ينهب ويسرق تلال
واحب اللي شايف وعارف وخايف
وبالع لسانه وكاتم ماقال
واحب اللي قافل عيونه المغفل
واحب البهايم واحب البغال
واحب اللي راضي واحب اللي فاضي
واحب اللي عايز يربي العيال
واحب اللي يائس واحب اللي بائس
واحب اللي محبط وشايف محال
واحبك تسافر وتبعد تهاجر
وتبعت فلوسك دولاراو ريال
واحبك تطبل تهلل تهبل
عشان ماتش كوره وفيلم ومقال
واحبك تأيد تعضض تمجد
توافق تنافق وتلحس نعال
تحضر نشادر تجمع كوادر
تلمع تقمع تظبط مجال
لكن لو تفكر تخطط تقرر
تشغلي مخك وتفتح جدال
وتبدأ تشاكل وتعمل مشاكل
وتنكش مسائل وتسأل سؤال
وعايز تنور وعايز تطور
وتعمللي روحك مفرد رجال
ساعتها هجيبك لايمكن اسيبك
وراح تبقى عبره وتصبح مثال
هبهدل جنابك واذل اللي جابك
وهيكون عذابك ده فوق الاحتمال
وامرمط سعادتك واهزأ سيادتك
واخلي كرامتك في حالة هزال
وتلبس قضيه وتصبح رزيه
وباقي حياتك تعيش في انعزال
هتقبل هحبك هترفض هلبك
هتطلع هتنزل هجيبلك جمااااال
دكتوره حره
2 قالوا رأيهم/ أضف تعليقك:
هل أنت مسلم مهتم لأخواتك المسلمات؟
هل تؤمن بدور المرأة في تربية وإصلاح المجتمع؟
هل تحلم بجيل من الفتيات كالخنساء ورفيدة؟
إذا شاركنا مقترحاتك وآراءك ورؤيتك
إذا كنتِ ممن يرون للفتاة المسملة
دورا هاما في الحياة
إذا كنتِ ممن يحلمون بفتاة تصلح لتربية الاجيال
شاركينا آراءكِ ومقترحاتك
لكِ من القلب أعذب التحايا
مدونة
بـنـاتـيـت
www.banateet.blogspot.com
قصيدة جميلة ربما تعبر بذكاء ما يدور فى خلد كل مصرى او قل معظمهم حتى لا نقع فى داء التعميم .. ولكن لى ملاحظة .. ربما يغلب على المدونة طابع السياسة ولكن ليس هذا عيبا .. وذلك لان الشأن العام اصبح كله سياسة .. هموم الناس والشباب اصبح كل سياسة ... اذا تلكمت عن التعليم فانت تتكلم فى السياسة ..اذا تلكمت عن البطالة .. عن العنوسة . عن تيه الشباب .ز عن الخبز .. فكله سياسة .. اذا تلكمت عن فلسطين عن القدس عن لبنان وبلاد الرافدين .. فهو سياسة .. ويبقى انه اذا تكلمت عن الحب والعشق والحرية .. فصدقونى انها سياسة .. لذا فلنتكلم فى الساسة لانها حياتنا وعيشنا وانسانيتنا المهدرة ولا نخاف ..فبطن الارض الان ربما اهون علينا من ظهرها
Post a Comment
زد الموضوع جمالا بتعليقك