عاوز تكدب ... انا اقولك
تحياتى ... بس اكيد مش بتاعت منى الشاذلى لو حد متابع العاشرة مساءا... ما علينا.....المهم انا بأكتب البوست ده بعد امتحان الاطفال مباشرة.. يعنى ممكن تأثيره يكون لسه موجود بالذات لما تبقى الحالة اللى المفروض تمتحن عليها جفاف وتفاجأ ان داخل لدكتور شرح قلب علشان يمتحنك صدر..اكيد دا مش ممكن يحصل الا فى مصر واكيد برضه ان مش ممكن يحصل الا فى المنوفية ..بس فى الاخير ربنا قدر ولطف .. المهم قبل ما انسى..انا بارسل سلامى وامتنانى وشكرى واحترامى لصاحب هذه المدونة الاخ الكبير الجميل الدكتور محمدواشكره على ثقته بأن يسمح لى ان اشارك فى مدونته الجميلة _مع انه دائما ما كان يلومنى ان مش بعرف اقول كلمتين على بعض _ بس هو تنازل عن رأيه ده وسمحلى بهذا الشرف كما لا انسى ان ارحب بحبيب قلبى ورفيق عمرى (اتمنى ذلك) الدكتور احمد طلعت وأقوله منور المدونة والتدوين والنت كله يا كبيركما لا انسى حبيبى اللى دايما زعلان منى وواخد على خاطره عمنا الكبير..الكبير اوى الدكتور ايهاب ...كانت هذه استهلاله لابد منها
بصراحة موضوع البوست ده يمكن يكون غريب شويه ... يعنى انا خلال الايام اللى فاتت دى كنت بفكر فى موضوع الكدب وسرحت شويه فى الكدب مش من الناحية الشرعية والدينية بل من الناحية الانسانية والعملية وبالمتابعة وجدت الكذب انواع ... معايا بقى وقولى رأيك...فى كذب المضطريين يعنى مثلا ولد ابوه يسأله انت روحت المسجد اليوم وهو طبعا لسه ما نسيش العلقة بتاعت اول امبارح لما راح يلعب كورة وما راح المسجد ... طبعا الولد لو كدب بعد الكدب اكيد هيفكر هو ليه كدب وهيكون متضايق وهيفكر ازاى ما يكدبش تانى دا بفرض انه مربى تربية سليمة .. بالاضافة لذلك فى لحظة النطق بالكذب ستجده مرتبك ..مطرق الى الارض ..وربما اذنية حمراواتان..هناك نوع اخر من الكذب سميته كذب اللاوعى .. وهو ما يطلق عليه البعض اسم التهويل .. يعنى مثلا تقرأ خبر على النت ان الاخوان هيمسكوا الحكم فى ماليزيا .. طبعا دى حاجة انت نفسك فيها .. فتقول لاصحابك ان الاخوان هيمسكوا الحكم فى مالزيا وهم ليهم شعبية كاسحة وخدمات طائلة ..وو..و..و .. وطبعا دا كله محض استنتاجات من الخبر البسيط ..فى بعض الاحيان تراجع نفسك وتقول كان لابد ان انقل الخبر كما هو او لو انك من المتمرسين فى هذا الامر .. فغالبا مش هتاخد بالك ...وربما ظهر عليك اثناء الحديث انك تهول .. كذب اللاوعى .. وربما لا يظهر حسب تمرسك ...وهناك نوع ثالث من الكذب ..وهو سر وقوفى امام هذه الظاهرة الانسانية.. لا استطيع ان اتخيل الى الان كيف يتقنه القائمين به .. ربما اعرف دوافعه .. ولكن كيف يمارس وبكل هذا الفن والاتقان .. بصراحة لا اعرف ..وسميته فن الكذب .. لانه فعلا اصبح فن له رواده ومعتنقوه ....ان تكذب كذبا صريحا امام اناس تعلم تماما انهم يعلمون انك كاذب ثم لا يتغير لونك ولا تهتز بل وتدافع عن كذبك كأنك تماما صاحب الحق هذا هو فن الكذب .. ان يخرج علينا احدهم فى فلسطين وهو يعلم انه متورط فى مقتل ياسر عرفات ويدعى ياسر عبد ربه ويتشنج دفاعا عن عرفات وحرمة بيته وعن القضية والوطن والقدس ..وكأنه رجع لتوه من عملية فدائية ..فهذا هو فن الكذب .. سألتنى امى لم تستمع الى هذا الرجل وكان فى مؤتمر صحفى قلت لها بصراحة وجائت اجابتى عفوية تماما .. لاتعلم منه الكذب .. ثم تابعت التفكير فى هذه الظاهرة ..هذا الفن يتقنه كثيرونفى فلسطين الان وفى غيرها و ايضا فى حكومتنا الغراء وفى حزبنا الهمام ولا يخفى عليكم ذلك ... فى النهاية سواءا كان الكذب ايا من الانواع الثلاثه او غيرها فهو كذب والكذب يهدى الى الفجور .وأظن تحرى الكذب هو ما سميته فن الكذب .كمافى حديث المصطفى عليه الصلاة والسلام ..ومعذره على اطالتى والى لقاء فى بوست جديد وتصبحون على كل خير
4 قالوا رأيهم/ أضف تعليقك:
أرد تحياتك بأحسن منها ان شاء الله وربنا يجمعنا جميعا في جنته لكن احب أوضحلك إني أفتخر ان سعادتك بتكتب عندي أو عندنا بالأصح فالمدونة بقت بتاع اي دكتور حر وان أي نعم مبتعرفش تجمع بس الكلام ده في الأمثال وبس
وربنا يوفقك
أرد تحياتك بأحسن منها ان شاء الله وربنا يجمعنا جميعا في جنته لكن احب أوضحلك إني أفتخر ان سعادتك بتكتب عندي أو عندنا بالأصح فالمدونة بقت بتاع اي دكتور حر وان أي نعم مبتعرفش تجمع بس الكلام ده في الأمثال وبس
وربنا يوفقك
طرح بسيط جدا للموضوع
كنت آمل أن تتناول ظاهرة الكذب بشكل أكثر تفصيلا وعلمية
ولكن في النهاية وجدت الهدف من العرض مختلف
ولكن ماذا عسانا نفعل
وحكامنا (جميعا) لم يعودوا
ومن البداية أصلا لا يتقنون سوى
(فن الكذب)
نسأل الله خلاصا
جزاكم الله خيرا
اشكر كل من علق على هذا البوست من صاحبالبيت وزواره واقول هو طرح بسيط حقا لم اتناول الكذب بشكله التفصيلى ولكن ربما قصدت من ذلك الطرح هدفا ربما استطعت تقديمه وربما اخطأت ولكن فى النهاية الامر اصبح اوضح من اى تعليق
Post a Comment
زد الموضوع جمالا بتعليقك