السياسة لأ
سلاماتي
بداية فكرة هذا الموضوع ليست لي ولكنها اوحيت لي من مقال للدكتوره شاهيناز النجار على ما أذكر من جريدة الدستور والتي كانت بنفس العنوان لكني سأقتبس منها بعضا وأزيد
****************
عندما ننظر الى ما يحدث على الساحة الشعبية من جميع النواحي نجد مفهوما غريبا للغايه عن السياسة ولا عبيها في بلادنا فتجد أنه لا يجب أن ينشغل او يتكلم احد بها الا أفراد قليلون للغاية من الملايين المصريه تجد أنه يستهجن ويستغرب ويستنكر على أي شخص أن يناقشها او يتطرق اليها بمفاهيم عجيبه
فمثلاً
بعض القضاة عندما تكلموا في التزوير وفي الفساد وفي التدخلات الأمنيه قالوا ان هذه سياسه ولا يجوز للقضاء التحدث فيها
وعندما رفع أبو تريكه شعاره الشعير تضامنا مع غزه ثار الثائرون وقالوا لا علاقة للرياضه بالسياسه
وعندما يتحدث أحد خطباء المساجد او المشايخ بأمر من امور السياسه هاجوا عليه وقالوا لا دخل للدين بالسياسه
ولو تحدث فنان أو ممثل وشارك في فعاليات سياسيه قالوا له لا علاقة لفنه بالسياسه
ولو تحرك طلاب في جامعة ما بمظاهرات وتعبيرات سياسيه صرخوا في ةجوههم انتم هنا للتعلم لا للسياسه
وهكذا
حتى غدت السياسة وكأنه أمر عام ممنوع وكأنه شيء مقدس أو كأنه شيء صعب للغاية لا يستطيع أي أحد أن يفهمه ببساطه أو كأنه شيء محظور يوجب غضب الرب على من يتدخل فيه
وهكذا
حتى قصروا السياسة على فئة محدوده من البشر أكثرهم لا يفقهون وغالبيتهم دخلوها بأهداف أخرى ومآرب ثانية غير ما يقصدون
وأصبح العرف وكأنهم أصحاب الحق الوحيد في التحدث فيها
وإذا رجعنا بذاكرتنا قليلا للتعريفات التي عرفوها للسياسة نجد هذا التعريف الجميل
السياسة هي رعاية شؤون الأمة داخلياً وخارجياً، وتكون من قبل الدولة والأمة، فالدولة هي التي تباشر هذه الرعاية عملياً، والأمة هي التي تحاسب بها الدولة.
فبالتالي تكون النتيجة انها علاقة بين طرفين لا ينبغي أبدا أن تكون من طرف واحد وإل فسدت
واذا تطرقنا الى أسلافنا المسلمين نجد أن السياسة جزء من الحياة لا يتجزأ منها
وإذا سلمنا بأن الاسلام منهج حياة
فلا بد وأن يكون منظما لها كلها بما فيها الجانب الساسي
فنبينا الكريم كما كان داعية للعبادات والطاعات كان قائدا حربيا ومحنكا سياسيا
عرف الملوك وأقدارهم وطبائعهم وعرف طباع شعوبهم والتعامل مع كل موقف بما يقتضيه
وكذلك كان أبو بكر ثم عمر ثم من تبعهم
وكذلك كانت الشعوب دائما ما تهتم بمن يحكمهم ويوجهون له النصح والتقويم ونرى أبو بكر يقول لهم ان رايتموني على عوج فقوموني وقال عمر لا خير فيكم ان لم تقولوها ولا خير في ان لم أسمعها
لا أتحدث الآن عن مقارنة
بقدر ما اتحدث عن المبدأ المغلوط الذي ترسخ في أذهان معظمنا عن المشاركة السياسيه الفعاله والفاعلة والمدروسه بشكل كبير
لا أن نكون سلبيين في كل وقت
لا نريد ان نطوق أعناقنا وحركاتنا بأطواق صنعناها لأنفسنا لأو تركتها لنا موروثاتنا وخوف أباءنا وأجدادنا
لنضع صورة الحاضر في الإطار
ونحكم ونميز ونعدل ونحتار
ثم لنستشرف المستقبل لأنفسنا وبلدن وأمتنا فالله سأئلنا عن ذلك كله
ولنعتبر أن هذه التدوينه دعوة لإعادة التفكير ثم الايجابيه ...والله المعين
************
مش بحرض حد والله
(:
بداية فكرة هذا الموضوع ليست لي ولكنها اوحيت لي من مقال للدكتوره شاهيناز النجار على ما أذكر من جريدة الدستور والتي كانت بنفس العنوان لكني سأقتبس منها بعضا وأزيد
****************
عندما ننظر الى ما يحدث على الساحة الشعبية من جميع النواحي نجد مفهوما غريبا للغايه عن السياسة ولا عبيها في بلادنا فتجد أنه لا يجب أن ينشغل او يتكلم احد بها الا أفراد قليلون للغاية من الملايين المصريه تجد أنه يستهجن ويستغرب ويستنكر على أي شخص أن يناقشها او يتطرق اليها بمفاهيم عجيبه
فمثلاً
بعض القضاة عندما تكلموا في التزوير وفي الفساد وفي التدخلات الأمنيه قالوا ان هذه سياسه ولا يجوز للقضاء التحدث فيها
وعندما رفع أبو تريكه شعاره الشعير تضامنا مع غزه ثار الثائرون وقالوا لا علاقة للرياضه بالسياسه
وعندما يتحدث أحد خطباء المساجد او المشايخ بأمر من امور السياسه هاجوا عليه وقالوا لا دخل للدين بالسياسه
ولو تحدث فنان أو ممثل وشارك في فعاليات سياسيه قالوا له لا علاقة لفنه بالسياسه
ولو تحرك طلاب في جامعة ما بمظاهرات وتعبيرات سياسيه صرخوا في ةجوههم انتم هنا للتعلم لا للسياسه
وهكذا
حتى غدت السياسة وكأنه أمر عام ممنوع وكأنه شيء مقدس أو كأنه شيء صعب للغاية لا يستطيع أي أحد أن يفهمه ببساطه أو كأنه شيء محظور يوجب غضب الرب على من يتدخل فيه
وهكذا
حتى قصروا السياسة على فئة محدوده من البشر أكثرهم لا يفقهون وغالبيتهم دخلوها بأهداف أخرى ومآرب ثانية غير ما يقصدون
وأصبح العرف وكأنهم أصحاب الحق الوحيد في التحدث فيها
وإذا رجعنا بذاكرتنا قليلا للتعريفات التي عرفوها للسياسة نجد هذا التعريف الجميل
السياسة هي رعاية شؤون الأمة داخلياً وخارجياً، وتكون من قبل الدولة والأمة، فالدولة هي التي تباشر هذه الرعاية عملياً، والأمة هي التي تحاسب بها الدولة.
فبالتالي تكون النتيجة انها علاقة بين طرفين لا ينبغي أبدا أن تكون من طرف واحد وإل فسدت
واذا تطرقنا الى أسلافنا المسلمين نجد أن السياسة جزء من الحياة لا يتجزأ منها
وإذا سلمنا بأن الاسلام منهج حياة
فلا بد وأن يكون منظما لها كلها بما فيها الجانب الساسي
فنبينا الكريم كما كان داعية للعبادات والطاعات كان قائدا حربيا ومحنكا سياسيا
عرف الملوك وأقدارهم وطبائعهم وعرف طباع شعوبهم والتعامل مع كل موقف بما يقتضيه
وكذلك كان أبو بكر ثم عمر ثم من تبعهم
وكذلك كانت الشعوب دائما ما تهتم بمن يحكمهم ويوجهون له النصح والتقويم ونرى أبو بكر يقول لهم ان رايتموني على عوج فقوموني وقال عمر لا خير فيكم ان لم تقولوها ولا خير في ان لم أسمعها
لا أتحدث الآن عن مقارنة
بقدر ما اتحدث عن المبدأ المغلوط الذي ترسخ في أذهان معظمنا عن المشاركة السياسيه الفعاله والفاعلة والمدروسه بشكل كبير
لا أن نكون سلبيين في كل وقت
لا نريد ان نطوق أعناقنا وحركاتنا بأطواق صنعناها لأنفسنا لأو تركتها لنا موروثاتنا وخوف أباءنا وأجدادنا
لنضع صورة الحاضر في الإطار
ونحكم ونميز ونعدل ونحتار
ثم لنستشرف المستقبل لأنفسنا وبلدن وأمتنا فالله سأئلنا عن ذلك كله
ولنعتبر أن هذه التدوينه دعوة لإعادة التفكير ثم الايجابيه ...والله المعين
************
مش بحرض حد والله
(:
57 قالوا رأيهم/ أضف تعليقك:
لتاااااااااااااانى مرة عند الدكتور الحر
مش ممكن
معلش بقى ياخلو
:)
يجعل كلامنا خفيف
:D
لا للسياسة بس
طيب كمل جميلك وقول لأ للحزب الوطنى كمان
دا احنا شكلنا هنصيف تصيفة حلوة
اخوك احمد فلا
للاسف اصبح اي صاحب ضمير يحاول المشاركة سياسياً متهم بأنه طالب سلطة
و أنه لا يسعى للإصلاح و يجب عليه حل مشاكل الأمة جميعها قبل أن يلمس أي مقعد من مقاعد السلطة
لكي يسمح له بالتفكير فيه
و تنهال الإتهامات من كل جانب
مما يجعل ضعاف الهمة يفضلون القعود عن الإصلاح بدلاً من التعرض للهجمات من كل جانب و من الذين يفهمون و الذين لا يفهمون في السياسة على قدر سواء
أما ذوي الهمة العالية
فأدعو الله ان يعينهم
أنا لما بأتكلم في السياسة مع اصحابي أو زمايلي بيحسسوني اني بأرتكب أحد المحرمات
و كلهم مجمعون إن آخرتي وحشة في الدنيا دي
:)
ربنا يستر
لكن لو علقوا صورة رئيس الحزب الوطني على باب محكمة في دمنهور
دي مش سياسة
ولو قاضي كتب في حيثيات حكم ضد معارض للنظام كتب شعر في رئيس الجمهورية
دي مش سياسة
ربنا يلطف بينا
جميل والله ياعمو الموضوع
فعلا جميع البشر لهم الحق في ممارسة السياسة في اي مكان ومن اي شخص وتحت اي ظرف
لأن هذا باختصار حق تكفله لهم بشريتهم وكونهم افراد في مجتمع ما
تحياتي لك ايها الغالي
موضوع شيق فعلاً
زمان كنت مفكر أن الناس مبتتكلمش في السياسة عشان خايفين من الحكومة... إنما دلوقتي اكتشفت حاجة غريبة... غالبية الشعب المصري مبيتكلموش في السياسة عشان عيب!!!!!! أيوه ناس كتير مفكرين ان الكلام في السياسة عيب وحرام زي الكلام في الدعارة مثلاً أو أكتر وبالتالي فالحكومة عندها حق تعاقب أي مجرم يتكلم في السياسة زي معندها حق تعاقب الحرامية والنصابين (ده لو كانت حكومتنا بتعاقبهم أصلاً) ربنا يشفي
مش عارفة ليه بقعد اركز اوى فى موضوعاتك
طبعا ما هتصدق وتقولى عشان تصدقينى
:)
وهوه مش كلوا طبعا عشان ماتفرحش اوى بس
*****
بس كده يادكتور انت بتظلمهم
هما مش بيقولوا السياسة لأ
هما بيوقوا السياسة أه
بس بمزاجنا
مزاجهم هما مش احنا طبببببعا
لما يحسوا ان الموضوع هيفوق الناس يقولوا السياسة لأ
لما يكون فى تفاعل وصحوة يقولوا سياسة لأ
يعنى من الاخر لما يكون مش على هواهم يقولوا سياية لأ
هما عايزينا نكون زى اللى فيها
لا أرى... لا أسمع... لا أتكلم
ياريتنا نتعلم ونطبق افعال رسولنا والصحابة
اخييييرا بقى
هما يقولوا ...سياسة لأ
واحنا نقول دكتور حر ...أه
:)
دمت بكل الخير والسعادة
السلام عليكم
بنعتذر اولا على التقصير
فى زيارتنا ليكم والله المستعان
ونتابع ان شاء الله
لا للسياسة هي دي بقى فعلا
السياسة سياستهم ان الناس
تفهم ان لا علاقة للسياسة باي شىء
وبالتالي تفقدهم الايجابية
الايجابية اللي ممكن تاثر عليهم
هما بالسلب لكن للاسف الناس
ركبها الخوف خلاص ومش داريانين بحاجة
ربنا يعفو عنا ويرحمنا
ويرزقنا الاخلاص فى القول
والعمل ان شاء الله وبحيي حضرتك
على الموضوع دا ربنا يكرمك
السلام عليكم
والله يادكتور كان لسه النهارده اخويا الكبير بيقوللى سيبك بقى من المدونات والسياسة والحاجات اللى هتبوظلك دماغك دى....مش عارفة ليه
بس اللى انا متأكدة منه انه هو واصحابه من اكتر الناس المتحدثه ف السياسه وبيعرف حاجات كتييير انا معرفهاش...بس بيقوللى كده ليه مش عارفه؟
وان طبعا مخدتش واديت ف الكلام قولتله مش كل الممدونات سياسية بس
سياسه لا
لا
لا
ياماما
سياسه زي بعبع
اجي اقول ياعيني اطفال فلسطين بيموتو
يقوللي اسكتي ماتتدخليش في السياسه
اقول نفسي اشوفنا متوحدين المسلمين عامهوالعرب خاصه
يقولولي اسكتي ماتتكلميش في السياسه
طيب عايزة اكل عدس ياناس
يقولولي انكتمي دي سياسه
:))
فعلا أغلبهم دخلوا السياسة من باب المصالح الشخصية ولأجلها
أخى الحبيب لأنهم يعرفون أن الخطر الرئيسى هو أن يعرف الناس ما لهم وما عليهم فهم يحاولون من خلال أبواقهم المتعددة أن يجعلوا من الكلام فى السياسة نوع تهور وعلامة نزق
آخر العنقود
زي ما قلتلك بقى
:)
***********
لماضة
يارب
وكلامك يكتر
***********
ahmed fala
مين اللي بتتكلم عليه ده
لا يا سيد ي
هم اللي بيقولوا
لكن انا حقى كل حاجه
واللي مش عاجبه هو اللي هيصيف
:)
***********
مهندس مصري
صاحب ضمير
ذوي الهمة العالية
صفتين جميلتين قلتهم في وصفك للمتحرك في السياسه بحق
اضف عليهم
صاحب عقل واعي
ونخوه
ورجوله
A.SAMIR
اه طبعا دي مش سياسه
لسبب واحد
انك في مصر المخروسه
نورتنا
*************
صيد الخاطر
يا عمنا تعليقك بيضفي شرعية على الموضوع
لما الشيخ الدكتور محمد يقول صح يبقى صح
وحقنا يبقى حقنا
مشكور يا غالي
***********
Anonymous Anonymous
كمان ؟؟
اصل احنا شعب خجول ومؤدب
بنخاف بابا يزعل مننا او يزعقلنا
ربنا يستر
**********
آخر العنقود
موضوع التركيز طبيعي وربنا يسهلك
:)
هم فعلابيعملوا كده أحيانا
لكن حتى دي والله كمان مش بقو يعملوها عشان الناس مش تاخد بالها ان في حاجات صح وحاجات غلط
لك تحياتي
ما شاء الله عليك يا اخى
احنا تقريبا عندنا ناس بعدد شعر راسك بيفتو فى الدين كل يوم وعينى عينك كدة فيهم الصح وفيهم كتير اللى مش مؤهل للفتوى ومحدش بيمنعهم مع ان الدين هو الحاجة الوحيدة اللى مينفعش فيها يمكن او احتمال انما بقى السياسة لا محدش يتكلم فيها عشان ده ميخصكوش
الله المستعان
بنات افكارى
الناس ركبها الخوف خلاص ومش داريانين بحاجة
كلمة مظبوطه
وأضيفي عليها انهم اصبحوا محتاجين النماذج عشان تتحرك
(الشموع)
**************
مستــ ج ــــدة
بس انتي عرفيني على اخوكي الكبير وانا اظبطه
تاني حاجه
المدونات دي وسيله بس يعني لو هتعملي حاجه يبقىمش في المدونات بس
ربنا يكرمك ويوفقك
************
عاشقه الفردوس
بلاد واحده بتيجي ورا بعضها ما شاء الله
كله من محافظتنا الطاهره
البعبع ده بقى حجة البليد
وهيجيلهم يوم ويفوقوا
وربنا يسهل
************
طال الليل
كلامك فعا مضبوط
هم بيخافوا من الادراك والتوعيه اكتر حاجه
لكن على مين ؟؟
:)
يا دكتور ...الدولة ...محتاجة عمدان علشان تشيلها ...والدين أحد هذه العملدان..فلن تقام دولة صحيحة ...سياستها صحيحة ...
حكومتها نظيفة ...إلا بالدين ...
ولكن الصهاينة ألغو هذه الفكرة في عقول الناس...
وحتى هم طلعوا إسم .."العلمانية."ظ
هم إلي طلعوه ...دا حتى إسم جميل إذا بصيت للإسم ..هتلاقه ..عن العلم""
بس هم مش عاوزين دولة الإسلام تقام في العالم..
حتى هم لما بيحربوا بيحربوا بمدأ عندهم...علشان كدة محتلين إلى الآن فلسطين...
تدوينة جميلة...
وأرجو ان تقبل إعتذاري "علشان انا متقل عليك"
تحياتي لك..
ودمتم دائما طيبين
أخوك عبدالرحمن "ياسين"
الموضوع دلوقتى من وجهة نظرى الشخصية لا يمكن ان يتقارن باللى فات من ايام الرسول والخلفاء وده للأثيرات السلبية اللى البلد مرت بيها تباعا ومينفعشى نعملها اسقاط من الذاكرة
فى الوقت الحالى الموضوع مش بقى موضوع سياسى بقدر مهو تأثير سلطة + مال
اى حد بيكون عنده اموال كتير الشيطان بيلعب بيه حلو قوى فمابالك بقى لما يتجمع معاها السلطة
بقى شايف نفسه جبار
ومتجيش بقى تقولى اى حد من عامة الشعب هيتكلم - مهو مينفعشى - لانه مهما عمل مش هيكون فى نفس مقدار معرفة وخبرة هذا الجبار المارد
وبس خلاص
مش عارفة اقول حاجة تانية
ومعتقدش ان حد هيعيد وجهة نظره ويمكن دى رؤية سلبية ولكننا تعردنا على السلبية فيما يتعلق بهذه النقطة خاصة ولما لها من تأثير مؤلم للغاية فى التعذيب اذا ما اصررت من جهات معينة
سلام بقى قبل متضرب انا
هبة
امسسسسسسسسك محرض
:)
لا صحيح فعلا زى برضه ما بيتكملوا عن الاسلام ويمنعوه فى كل جوانب الحياة
وعايزين يقصروه بالمسجد فقط
المشكلة ان اللى بيتكلموا هما اكتر ناس متواجدين ويبرزهم الاعلام
فتجد ان للاسف الناس ممكن تصدق ويمشوا جوا الحيط
جنب الحيط اتزحم
خيررررررر
ربك كريم
من المفترض البحث في كيفية تطبيق السياسة على مفهوما الدقيق بعيدا عن الملاعبات السياسية بين الفرقاء الموجودين في أي مجتمع مدني يسير بشكل طبيعي
وعلى ذلك يوجد نقص كبير في كيفية تطبيق السياسة كما ينبغي في المجتمع الذي نحيا فيه والذي يعبر عن وجهات نظر متباينة ومختلفة بشكل جذري بل ويظل هناك مساحة كبيرة من الأفكار المتضادة التي تبحث عن خطايا الأخرين للوصول لحالة تعجيزية له في خطوة غير أخلاقية سياسيا وعرفيا
هذه الحالة انعكست بشكل كبير على حياتنا اليومية وواقعنا المعيش الذي يظل دوما في تدهور مستمر على كافة الأصعدة
فكيف ياترى نعمل على حل تلك الإشكالية في مجتمع ينبغي اعادة تأهيله من جديد ليواكب الحد الأدنى من أخلاقيات التعامل مع الغير في عالم يبحث عن الهداية والمثالية
دمت بخير
ربنا سبحانه وتعالى قال
وان جنحوا للسلم فاجنح لها وتوكل على الله
اظن دة قمه السياسه
بس هما عايزين يفصلوا السياسه على مقاسهم هما بس
السلام عليكم
مش انا قولتلك قبل كدة دخول امدونة دي إدمان عندي
معذرة لقلة الزيارات
بس لانشغالي اصل كل اللي معايا
في الشغل سابوني وراحوا يصيفوا في طرة ووادي النطرون
لكن لو انا رحتلهم قريب
هيبقي أول طلب لي
قبل ما أدخل
هو زيارة مدونتك
جزاكم الله خيرا
اخويا حبيبي والله
ياسلام
دكتور ورئيس قسم
بص بقي
احنا نرشحك بدل الشاذلي
تمام ياعم
---
والله يادكتور انا مش عارف الناس دي بتفكر ازاي
السياسه لا
والاقتصاد لا
والتاريخ هنبكي علي اللبن المسكوب
والكوره نبطل تفاهه
والدين
التين في القلب
يعني مش في المعده
يااخي زي ماانت نوهت هي سلبيه متئصله في النفوس ,والناس بتحب تعمل عمليه اسقاط
كان زمان مثلا اللي يكلم في السياسه يقولك شيوعي
ودلوقتي اخوانجي
هو مش اي حاجه
هو الدين شموليه ومنهج حياه
-------------
يقول الشهيد سيد قطب
"انهم يريدون اسلاما امريكانيا يحارب الشيوعيه فقط ويستفتي في نواقض الوضوء فقط اما ان يحكم ويتحكم ويسود ويقود ويدافع كلا انهم لايريدون ذلك ,انها لحقا المهزله"
-----------
وجزاكم الله خير
السلام عليكم
والله يادكتور الواحد زهق من الكلام ده
لادخل للدين بالسياسة
كلمة اصبحت لبانة في فم كل واحد فاكر نفسه فقيه
مع ان الاشتغال بالسياسة والتعبير عن الرأي من حق كل مواطن مطحون في البلد ده
السلام عليكم ازاى الحال وايه اخبار السياسة معانا
حلوه يابن اختى
دايما تدويناتك فى الجون
زى التدوينه اللى فاتت بتاعه ع م م
بس انت عارف السبب ايه ؟
السبب خوف الناس من السياسه
ومن الاهوال بتاعه السياسه
ومن الكلام فى السياسه
علشان كده
بيقولوا
ابعد السياسه عن اى حاجه
طب نوديها فين ؟
نرميها فى الترعه يمكن السمك يبقى دبلوماسى
السياسه لمين
الوزرا لا مش سياسين
السفر لا مش سياسين
الموظفين لا طبعا مش سياسين
نفسى افهممممممممم
مين فعلا ف البلدى اللى مسمحله يتكلم ف السياسه
الحمدلله الحاجه والدتى لحقتنى بالاجابه
قلتلى ياحماره
السايس كل يوم شغال سياسه
م مزنقى هذا ابعت لامى بوسه قويه
فعلا اخيرا حصلت ع اجابه
تسلم ايدك ع ربطك كل حاجه دايما
بدينا واسلامنا وعصر الرسول
علشان تبكينا ع حالنا فعلا
عصفور المدينة
طاااار من عند محمود المصري
http://misr-islamiya.blogspot.com/2008/03/blog-post_11.html
إلى هنا مباشر فسبحان الله
السلام قبل الكلام
الله ينور يادكتور
بس ياريت تخفها شويه وربنا يسترها علينا وعليك
:)
انا معاك ان الكل يشارك فى الامور السياسية
بس الكل ده اللى هما فاهمين سياسة
لكن اللى مالهمش فيها زى حالاتى
يقعدوا على جنب ويروحوا يفهموا الاول الحياة السياسية ماشية ازاى
وبعد كدة يشاركوا
ولو حد سألنى هاقولهم هو ده اللى حرضنى
وهاشاور عليك
سلام
اختك خيخة
السلام عليكم اولا
والله يا اخي الفاضل الموضوع مش موضوع بس اننا مقتنعين ان السياسه حكر على فئه معينه .
لا المشكله اننا ما عندناش قناعات اصلا .
احنا اصبحنا منساقين ( زي المثل الى بيقول مطرح ما ترسى دقلها ) حقيقى احنا ما عدش لنا اعتقاد اصلاااااا
طبعا باتكلم عن مجمل حال الشعب .
واساسا الكل بيقول مش بس مالناش دعوه بالسياسه لا اكتر من كده ...... بنقول وانا ماااااااالي خلينا اكل عيش واربي عيالي .
وفى الاخر الي هايحصل انه مش هايلاقي عيش لحد ما يحصل ده سنظل هكذا منساااااااقين افعلانا لا تعبر ابدا عن اعتقادتنا او راينا او اي حاجه اصلا .
المجتمع محتاج اعادة بناء نفسي واجتماعي ودينى
والى يقول الدين مالوش دعوه بالسياسه يبقى حد شاذج مالوش لازمه نناقشه بقى.
لانى في رايي انا الدين هو الدستورالحقيقى للحياه
دستور الهي مش دستور من بتاع شيل وحط وعدل وفصل لمعووووووض.
شكرا يا دكتور واسفه على الاطاله
اختك ام مريم
يقولون لا سياسة في الدين ولا دين في السياسة
إذاً لماذا تمنعون الناس من المساجد وأنتم جهة سياسة ؟؟
تقبل مروري
تمنياتي لك بالتوفيق دائما
خالص التحيات
بسم الله
والله لسه كنت باتناقش مع احدهم امبارح وهو عاوز يقنعني ان السياسة ليها ناسها واحنا مالناش دعوة
من الاخر كده قلته هما عاوزينا كده ناكل نشرب نصحى ننام ونسيب لهم البلد بما فيها ليفسدوا فيها
قلته كمان ان البلد دي بلدنا واحنا مش ضيوف فيها وان تقدمها ونهضتها مسئوليتي انا من الدرجة الاولى
قلته ان افضل الجهاد هو قول حق عند سياسي فاسد
قلته ....
تحياتي
انا مش جاية علشان اعق تانى
انا بس عايزاك فى خدمة يا محمد
مش برضه مدونة اللؤلؤة المكنونة تبعكم تبع عائلة ابو زيد يعنى
طب لو سمحت انا عايزاك تتوسطلى عندها وتخليها تجاوب على اسئلتى اللى كنت سالتها عندها فى تعليقى على اخر بوست ليها
وكل يوم اروح اشوفها يمكن تكوت ردت عليا
الاقيها لسة ما رديتش عليا
فقلت احتمال تكون هى مستخيخانى ولا حاجة ومش عايزة ترد عليا
فلو سمحت يا محمد اتوسطلا عندها ووسط كمان نانا وخليفة وكل عائلة ابو زيد الكريمة وناشد اللؤلؤة المكنونة انها ترد عليا علشان متعتى بالبوست اللى كانت كاتباه تكتمل
ولك جزيل الشكر
اختك خيخة
بتفق معاك يا دكتور
وحاسس كلامك ده قوى
ــ
اعتقد ان فترة الخمسينات هى ما جعل لفظة السياسة ترتبط ارتباط وثيق بالخوف فاصبحت ثقافة الخوف تجرى فى الدم كالهيموجلوبين ..وتوارثها الاجيال
ــ
ولكن اعتقد انه حان الوقت لان يعزل لفظ السياسة عن مفهوم الخوف .. اما بالنسبة للمشاركة فالسياسة ليها ناسها والقادرين علة ممارستها
ــــ
تحياتى
لا علاقة للقضاء بالسياسة
لا علاقة للشرطة بالسياسة
لا علاقة لجيش بالسياسة
لا علاقة للرياضة بالسياسة
لا علاقة للتعليم بالسياسة
خلاص اية الى باقى
مدام كل دول ماخاصمين السياسة يبقى نلغى السياسة احسن
اممممممممممم
انا قولت من زمان الباميه لا محدش صدقنى اصل يا دكتورنا الناس اللى حصروا عليها موضوع الباميا دى اصلا كوفتجيه فهمت ولا اوضح لا خلينا فى المطبخ احسن
عموما انا من الناس اللى كنت رافضه السياسه مع الدين بس فى شق واحد بس الحمد لله فهمته وكنت فاكرة غلط مش كل السياسه مع الدين لا فرع نونو بس جو الموضوع ده
انما انا فعلا شمه ريحه تحريض هنا اللهم اخزيك يا شيطان يا وحش لاااااااااا امشى الدكتور ميقصدش ههههههههههه
السلام عليكم ورحمة الله وبركاته
سياسه ....!!!!يعني ايه سياسه ؟؟؟؟
سيب السياسه في حالها يا دكتور وخليك في الطب
الطب مالوش دعوه بالسياسيه
ربنا يعافينا
:-)
الساسة لأ
تخ تخ تخ تخ تخ تخ
السياسة أه
ههههههههههههههه
بضحك معاك
موضوع جميل بارك الله فيك
انا من رأي ان حرية الرأي مكفوله للجميع
زي مينشوف و نقرا في الجرايد و التلفاز.....شفت الفصاحه
بس حرية الرأي ووجهة النظر لا تعني البته الافتاااااااااااااء
لحسن احنا بقي عندنا مليون مفتي ماشالله
وللأسف نجد هذا البعد يتجلى فى عزوف المصريين عن المشاركة فى الإنتخابات
طيب إنت بتقولى السياسة محظورة فى الجامعة, الطالب إللى هيتخرج ده هيعرف إمتى حقوقه وواجباته وإزاى هيقدر يمارس حقوقه السياسية
فحاليا الكل مكبر دماغه
مقتنعة تماما إن السياسة شىء عام ومهم هنتكلم عن الإقتصاد يبقى هندخل فى سياسة
هنتكلم عن إجتماع حتى أو فن هندخل برضوه فى السياسة
دمت سياسيا
بجد موضوع جامد قوي
وبيرد على مدعي التسيس وهم سياسيين السلطة الذين يظنون أنفسهم أوصياء على السياسة وأن لا أحد غيرهم يفهم في السياسة
الله ينور عليك يادوك نورت المحكمة كعادتك
السلام عليكم
المشكله ان السياسه عندنا مرتبطه بما يحدث فى ارض الواقع من فساد و انحلال و اصحاب الفساد و الانحلال عندمنا يتحدث عنهم احد يتحرجون فلا يجدوا مخرجا غير بلاش تتكلم فى السياسه
و سلملى على السياسه
تحياتى ابو مفراح
الله يا دكتور الكلام فى الوضع الحالى بقى بالنسبة لى منفر جدا ... و بجد ما بقيتش قادر أتكلم مع حد فى حال البلد .. أصلى اتكلمت كتير فى كل حاجة تقريبا .. تعليم .. اقتصاد .. سياسة خارجية .. العراق .. فلسطين .. إلخ .. حكومة .. وزرا .. مصالح حكومية .. أكل .. شرب .. لحد ما خلاص .. تشبعت من كتر الكلام ... آجى اسأل نفسى طب ممكن أعمل إيه مؤثر ؟؟ ألاقى المجال محدود جدا .. الحاجة الوحيدة اللى ممكن أعملها .. إن الواحد يحاول يخلى نفسه إنسان كويس .. دة اللى ممكن .. أما إن الواحد يتجاوز حدود نفسه فهايلاقى أطنان من المعوقات
معلش ... حبة يأس .. بس دة اللى أنا حاسس بيه دلوقتى
سؤال
وات اميننج اوف سياسة
؟؟؟؟؟؟؟؟؟؟
مش فاهمة يعنى
خلاص كل سنة وانت طيب
as.zaid
نورتي يا أم ميدو
ملاحظتك جيده فعلا ان احنا ممكن نتحمل الكلام ده في السياسه
لكن في دين مش ممكن فعلا
ربنا يكرمك
*****************
عبدالرحمن ياسين
حبيبي عبد الرحمن
كلامك سليم فعلا
لكن الدين مش عمود ومش ينفع يكون عمود
الدين ممكن يكون القاعده
او السمل
لكن عمودمن الأعمده لا ماظنش
وانت تنور في اي وقت يا غالي وبراحتك خالص
وعلى فكره
انت تقلان مش متقل خالص
:)
*****************
Doba
انا قلت بلاش مقارنه فعلا من الأول لكن بس نتعلم المبدأ ونعمله اسقاط زي ما بتقولي حضرتك
الحاجه التانيه ان اقتران السلطه بالمال في اي مكان مدعاه للفساد فعلا
ودي نقطه مهمه اسقاطيا على الواقع
لكن تهويل حجم المارد لهذا الحد هو اللي بنختلف فيه
لا تهوين ولا تهويل
الأثر بتاع الشعب ممكن يكون تراكمي
وده اللي نفسنا نوصل له
ولك خالص تحياتي على القراءه الواعيه
*******************
امام الجيل
امسسسسسسسسك محرض
بقى كده تيجي منك انت
========
جنب الحيط اتزحم
لدرجة انهم عرفوه وفقسوه وقلبوا عليه
============
نقطه من ضمن نقاط المشكله هي البعد الإعلامي الصاخب فعلا
ربنا يكرمك على الكلام الجميل
صاحب المضيفة
ما زالت جذور المشكله تكمن في غياب الأفق والانسداد السياسي
نحاول بأي أفكار أن نجل هذه الأزمه ثم بعد ذلك
نتكلم في نقطتك
تحياتي على كلامك الجزل
:)
******************
رفقة عمر
ومن ده كتير يا رفقه
بس الأهم نفهم
ربنا يبارك فيكي
******************
صريح أوي
ربنا يكرمك يا سيدي
وعلى كده محتاج مصحه انت بقى
وأهم شيء مش تقول حاجه في التحقيقات عن المدونه
اتفقنا
:)
*****************
الفاتح الجعفري
دكتور ورئيس قسم
ماشي
احنا نرشحك بدل الشاذلي
يا مفتري خلصت على ده
---
تعجبك معاك فيه..... وإضافتك جميله
-------------
يقول الشهيد سيد قطب
"انهم يريدون اسلاما امريكانيا يحارب الشيوعيه فقط ويستفتي في نواقض الوضوء فقط اما ان يحكم ويتحكم ويسود ويقود ويدافع كلا انهم لايريدون ذلك ,انها لحقا المهزله"
-----------
ربنا يخليك لينا يا عم أحمد
ويوفقك على كلامك الجميل
*****************
آفاق الحرية
هو كان من حق
لكن دلوقتي بقى واجب على كل واحد يعرف حقوقه
ويدور عليها
ربنا يكرمك ويبارك لك
****************
أريد عريساً
ربنا يرزقك بعريس يكون كويس كده
ونورتينا
فرنسا هانم
خالتنا الغاليه
مع انك بتاكلينا وتموتينا في التعليق
الا
اني لا اشك في فهمك وعقلك أبدا
وشر البلية ما يضحك
ربنا يتولانا
وتحياتي لك
*****************
د/اجدع بنوته
وكمان غير السايس
كاني جدي الله يرحمه لما كان يعوز حاجه من حد كان بيسايسه
فكده كمان يبقى سياسي
ربنا يكرمك با دكتوره
وبوفقك
***************
عصفور المدينة
امكانيات
:)
*************
محمود أبوزيد
نورت يا غالي
وأول ما تيجي
تيجي قلقان كده
سيبها لله يا عسل
*****************
بت خيخة وأى كلام
شاوري ولا يهمك يا خيخه
:)
مقلتش نبقى سياسيين ومحللين
لكن نفهم اللي حوالينا من ابسط المصادر
ونعيش حال النناس
اللي هو حالنا
اللي حال بلدنا
واللي هي امتنا
واللي ربنا هيسألنا قدمنا ايه في تصليحها كل واحد على قد طاقته
ولا ايه؟
صبرني يارب
أم مريم
نورتينا في زيارتك الأولى
وجميل اننا عرفناك ومدونتك وكمان تعليقاتك
أثرت كذا نقطه مهمه
ان مفيش قناعات أصلا عند المعظم )صح)
ان الناس هتسكت لحد ما متلاقيش العيش كمان (صح)
المجتمع محتاج اعادة بناء نفسي واجتماعي ودينى (صح)
والى يقول الدين مالوش دعوه بالسياسه يبقى حد شاذج مالوش لازمه نناقشه
دي بقى (غلط)
لفي حاله واحده كلامك يكون صح لو مجادل أو صاحب فكر
انما لو مش فاهم
يبقى نفهمه
لو ظل كما هو
ينطبق عليه كلامك
ولك خالص تحياتي
*****************
وضـّاح
قلبك أبيض يا غالي
:)
*****************
أحمد سعيد بسيوني
افضل الجهاد هو قول حق عند سياسي فاسد
تأليفه حلوه وشغاله
ايوه كده ربنا يكرمك
دمت بكل الود والخير
***************
بت خيخة وأى كلام
تمام يا فندم
**************
inksarat
منور يا أحمد بيه
الخوف مش هيمشي الا بالممارسه والنماذج
لكن النقطه التانيه لازم نقول ان في فرق بين الاهتمام بالسياسه والمشاركه العامه فيها من جهه
وممارسة السياسه بتخصص وحرفيه من جهه أخرى
أظن وصلت
ولا نعمل سكان تاني
:)
لك خالص تحاتي
ايوية
والله هم مش مخاصمين
في ناس بتوقع بالعافيه
لو مخاصمين
نلغيها على رأيك
نورتي
***************
appy
طب وطي عليه لايشيط الله يكرمك
خليها مطبخ ولا يهمك
بس يا رب تكوني فاهمه اللي انا فاهماه
احسن نكون بنتفق على الهوا
:)
ربنا يكرمك
**************
خمسة فضفضة
ازاي بس يا دكتوره
ده انتوا عندكو مركز كبييييير
اسمه السياسات الدوائيه
يبقى الصيدله في السياسه ولا لا
**************
الجمعاوي الاصيل
تخ
ورش
وبم
كمان
:)
*************
koukawy
الحرية بتخرق من قمع معين بيفوت اللي هو عاوزه
نورتنا يا قوقاوي
وتنورنا دايما ان شاء الله
فزلوكة
عشان محدش فاهم حاجه
وده دورنا
والأمل فينا يا زهراء
ولا دمت فزلوكه
**************
mazlomen
هو فيه دوك بينور المحكمه برضه
ومتنساش
حين يوسد الأمر الى غير أهله
...............
***************
ابو مفراح
حجه البليد
ابعد عن السياسه
وانت كمان سلملي عليها وعلى مفرح كمان الله يخليك
لك تحياتي
**************
ابن حـجـر الـعـسـقـلانـى
ايه يا جدعان ابن حجر هييأس ولا ايه
مش كده يا جدع
عامة النقطه اللي قفلتك دي هاطرحها قريبا ن شاء الله
بس نفسي افوق لها كده
دعواتك يا غالي
****************
مروة الزارع
خلاص
هبارك له
وأسأله
:)
وانت راجل مدون
مالك بقي ومال السياسة
السياسة فن
وكلنا فنانين
لا ومش بس
احتراف كمان
سيبونا نتكلم
هو احنا بنعمل حاجة غير كلام
تحياتي
السلام عليكم
أخي الكريم
بارك الله فيك علي تناولك لهذا الموضوع المهم بطريقة سلسة وبسيطة وبكلمات واضحة
بورك قلمك
حياك الله
سياااااسة يعني ايه الكلمة دي
بعدين انا ما بحبش اتكلم على حد
وهو مش عاوز
:D
يجعل كلامنا خفيف عليها لو اتكلمنا يعني:]
بوركت اخي
ايه دا
انت بتتكلم في السياسه
مش السياسه دي لو صح بتعمل اصلاح
والناس ترتاح
وتعيش مبسوطه وممنه على لقمه العيش
يبقه السياسه وحشه طالما عملت كده
وطبيعي يمنعوها من الناس
وتدخل الجدول
ربنا يهديهم
ويسترها معانا
Post a Comment
زد الموضوع جمالا بتعليقك