ورقه في المحفظة
سلاماتي
محفظتي في جيبي دايما
فيها شوية صور
وفيها شهادة استثمار ب 10 جنيه مش عارف شايلها ليه
والكارنيه والبطاقه
وأحيانا أحياناً بيكون فيها فلوس
بس المهم هي فيها ورقتين كل فتره أبص فيهم وأتأمل كلماتهم وأعيش معاهم ...ومحدش دماغه تروح بعيد ...
بجد فيها حبة جمل سمعتها من فتره وكتبتها ورا اللي قالها .... أنا هكتبها زي ما هي وكل واحد يقرأها يحاول يفكر فيها ويعيش معاهم زي ما هو عايز
محفظتي في جيبي دايما
فيها شوية صور
وفيها شهادة استثمار ب 10 جنيه مش عارف شايلها ليه
والكارنيه والبطاقه
وأحيانا أحياناً بيكون فيها فلوس
بس المهم هي فيها ورقتين كل فتره أبص فيهم وأتأمل كلماتهم وأعيش معاهم ...ومحدش دماغه تروح بعيد ...
بجد فيها حبة جمل سمعتها من فتره وكتبتها ورا اللي قالها .... أنا هكتبها زي ما هي وكل واحد يقرأها يحاول يفكر فيها ويعيش معاهم زي ما هو عايز
بس انتبه ....اقرأ بهدوء
والآن مع المحفظة ....قصدي الكلمات
1
يأتي نصر الله على غير مألوف العقول
2
ليست العبرة بالنصر ....لكنها بما بعد النصر ....فكل عمل لابد به من باعث ورسالة
3
العمل للإسلام لابد أن يكون مصحوبا بالأمل في وعد الله
4
ما يحرك للعمل ....حب الدين ..., وهذا يستوجب الشكر ...والشكر يكون أيضا بالعمل
5
لا انتساب لدين بلا تضحيه
6
يقول ابن تيميه " ....ويبقى ايمان العبد ناقصاً بقدر نقصان سعيه لتمكين شرع الله في الأرض وتحقيق لا إله الا الله وحتى تكون كلمة الله هي العليا وكلمة الذين كفروا هي السفلى ..." اهـ
أتمنى أن تعيشوا وتقولولي
63 قالوا رأيهم/ أضف تعليقك:
هي منظومة متكاملة ما أجملها
غاية ووسائل وأهداف وما بعد تحقيق الأهداف
ومبدأ ذلك كله من الله فله الحمد وله الشكر سبحانه
ليست العبرة بالنصر ....لكنها بما بعد النصر ....فكل عمل لابد به من باعث ورسالة
-----------
جميل اوى
وعجبني كمان الكلمة المكتوبة فوق الرد "زد الموضوع جمالا بتعليقك"
جميلة جدا ماشاء الله
سعدت بمرور حضرتك بمدونتى يافندم :)
ليست العبرة بالنصر ....لكنها بما بعد النصر ....فكل عمل لابد به من باعث ورسالة
عجبنى قوى الكلام ده
لان المحافظه على النصر اصعب بكثير من تحقيق النصر نفسه
اول زياره لمدونتك
وبعد كده
هتاخد رجلى على هنا
بس محدش يزهق منى
كلمات رائعة أخي الحبيب
خصوصا كلمات شيخ الاسلام
بورك فيك وجزيت خيرا على ماخطت يمينك
العمل للإسلام لابد أن يكون مصحوبا بالأمل في وعد الله
----
كلمات معبرة
جزيت خيرا لكتابتها اخونا الفاضل
احم احم
يااااااااااااااه
جمال قوي
يارب يكونوا في قلب كل واحد
وربنا يوفقك في الامتحانات و تعدي بسرعة عشان أقولك أنتم السابقون ونحن اللاحقون وفاضلك زلطة وتتطلع برة
موضوع جميل ... وكلمات اجمل واجملها
ان العمل للاسلام لابد ان يكون مصحوبا بتضحية
..
بورك فيك
ودعواتك
سكر
الأول بعتذر عن تقصيرى فى متابعة مدونتك يا صديقى العزيز
بس اخر مره دخلت هنا .. كنت ناوى اعلق لقيت اسمع القرآن بصوت والدى رحمه الله ..
دخلت ونزلت سورة طه .. وسمعت الوالد .. بسم الله ما شاء الله متقن فى القراءه ربنا يدخله فسيح جناته
اما بالنسبة للكلمات
فأنا بعمل كده برضه
وما تعرفش اد ايه الجمل دى بتدينى دفعات للأمام
وانته فعلاً بتختار صح
تحياتى اخى العزيز
حبينا المهندس محمد
عصفور المدينه
كنت متأكد ان حضرتك أول تعليق
جزيت خيرا على التواصل والتعليق
كفايه طيبه
نورتي يا ستي التعليقات
وأتمنى أن تداومي مرورك الرائق بالمدونه
دمت بكل خير
فرنسا هانم
يا سلام
والله نورتي المدونه
وان شاء الله عمرنا ما هنزهق أبدا
بس حضرتك تشرفينا على طول
فرنسا هانم
يا سلام
والله نورتي المدونه
وان شاء الله عمرنا ما هنزهق أبدا
بس حضرتك تشرفينا على طول
حبيبي محمد صائد الخواطر
أتمنى ذلك
ومشكور على دوام المتابعه
اسـتاذه أسماء
همسة قلم
دائما ما تشرفينا بمرورك وتعليقك
دام لك الخير والصحه
حبيبي البيروني
يا ريت يا خويا زي ما بتقول
وبعدين انت لاوم تخليك تقوللي كده على طول مش شرط لما أخلص
سكر
فينك من زمان
جزيت خير على المرور
وموفقه ان شاء الله
يااااااااااه
ياسر باشا
والله منورنا يا عسل
أؤمن على دعائك لوالدي
وفعلا موضوع الكلمات ده بتاعك اساسا ولا ايه
ربنا ينفع بيها يا رب
ودمت بخير
عشنا فيها
كلمات صادقة
وحكم مجربة
لكن من يستمع
ومن ينفذ
من
فعلا كلمات رائعة
وبحاجة لتأمل وفهم
شكرا لأنك طلعتها من محفظتك:)
نفسى الحق مرة واعلق فى الاول...بس يالا بقى
**
ياسلام على المحافظ العمرانة....
**
فعلا كلمات رائعة تستحق التدوين....و كل منها تحتاج الى تعليق كامل بحق والى وقفة تأمل لما وراء المعنى..
**
اسال الله ان يبارك لك وان ينفع بك
وجزاكم الله خيرا على هذه الافادة
**
مدونة رائعة ومتنوعة
إبن الغالي
لا اجد ما أقوله
غير
اللهم انفع به وبعلمه واجعله خير خلف لخير سلف واجعله من عبادك الصالحين
اللهم آمين
دائما ما تتحفنا بواضيعك الهادفة والجادة
جعلها الله فى ميزان حسناتك وجعلك ممن يفعلون ما يقولون ويعملون بما يعلمون
كلمات يجب ان تنقل من على الاوراق وتحفظ فى العقول والأذهان وتكون نصب الأعين عند الشروع فى الأعمال
ما يحرك للعمل حب الدين ...وهذا يستوجب الشكر .. والشكر لا يكون الا بالعمل
اللهم اجعلنا ممن يسمعون القول فيتبعون أحسنه
بنت الإسلام
أشكرك على المرور
وان شاء الله يكون فيه من يسمع
ويا ريت تكوني معانا على طول وتتابعينا
بجد كلمات حكم ودرر
الله ينور
ربنا يكرمك يا عم بهاء
على المتابعه والتواصل
ودمت بخير ان شاء الله
جميل جدا
جزيت خيرا
فعلا
هناك جمل وتعابير تملك الانسان لفتره فيظل يكررها وهو في شدة التأمل
ممكن اقول ان من الحاجات اللي بتنأثر فيا الجمل دي :
- أينا زرعك الله أثمر
- إلزم حمى الله تسلم من خطاياك َ واطلب رضاه لكي تسعد أخراك َ
كان فيه حاجات كتير مش فاكرها
ومن اكتر الحاجات اللي بتعجبني اشعار الامام الشافعي
أماني
يا رايقه كا ممكن تلحقيه بس حظك بقى
وبعدين بتتريقي عالمحفظه
ماشي مقبوله يا ستي
ربنا ينفع بالكلمات
ودمت بخير
أستاذنا الغالي وطني
دائما ما يسعدني وجودكم وزيارتكم
ولا أجد الا ان أؤمن على دعاءكم
جزيتم خير الجزاء
اللؤلؤة المكنونه
هعديلك البوست اللي فات
لكن أشكرك على التفاعل والتواصل
وأؤمن على دعواتك
ودمت بخير
مظلومين
شرفتنا في زيارتك الأولى واتمنى ان تتكرر
وأسأل الله أن ينفع بهذه الكلمات
ودمت بكل ود
حمزة
تحياتي لك ولزيارتك الاولى لنا
شكر الله لك الاضافه الجميله ومعاك لحد لما تفتكر
افتكر بس وانا اعملك بوست تاني
دمت بكل خير
كلمات جميله
بس يارب المحفظة ما تتسرقش
ممكن اقتباس الجمله دى
لا انتساب لدين بلا تضحيه
بجد محتاجين نضحى كتير عشان الاسلام ينهض ويقوم على ايدينا
تسلم ايدك وجزاك الله خيراااا
الله الله الله
بجد كل كلمة منهم لها وزنها
المفروض كل حد يحطهم في محفظته وعقله وقلبه كمان .. ويمشي بيهم دايما في حياته
تحياتي لك أخي
ما شاء اله على كلماتك
انا بئه فى محفظتى كارت صغنون من صديقتى مكتوب فيه ما اسعد قلب ينعم بصحبتك باستمرار ابص فيه
وكمان صور لصديقة التانية
وكمان لاء انا كدا هفضل اقول للصبح اصل فيها كام كارت شخصى لناس قرايبى
واكيد بطاقتى يعنى
وتحت بطاقتى مائة بيسة
تحياتى
لا انتساب لدين بلا تضحيه
تصدق الجملة ديه أثرت فبا اوى
اه نسيت اقولك
ياريت تسمح لى احط مدونتك عندى فى الدونة
ليك حق يا دكتور
كل شوية تطلعهم وتقرأهم وتعيش معاهم
...
فى كلمات بنقراها بتكون ذات تاثير كبير جوانا
انا بردوا كنت بعمل كدا فى كلمات معينة
وخصوصا ايام الثانوية
وكان بيبقى اغلبها حسبنا الله ونعم الوكيل
:D
بوست جميل
ويحوى كلمات مميزة
ربنا يكرمك
كلمات مؤثرة وجميلة ونادرة في هذا الزمن
لعلي أتذكر بها أياما خوالى مرت على طيف مخيلتي الان
شكر الله لك
كلمات في منتهي الروعة
أجملها
لا انتساب لدين بلا تضحية
جزاكم الله خيرا
جزاكم الله خير .. يا دكتور حر .. كلمات فعلا رائعة .. أنا أول مرة أزور المدونة ..وأن شاء الله مش هتكون الاخيرة .. وشكرا لأنك جبتلي حقي من عند الجعلي .. انت عملتلي خدمة عظيمة .. سلاماتي .. وبالتوفيق
السلام عليكم ورحمة الله وبركاته
فعلا لك حق ان انت كل ما تقرأها تتأثر بها
واكثر عبارة اثرت في حينما قرأتهم هي
العمل للإسلام لابد أن يكون مصحوبا بالأمل في وعد الله
وهذا هو اساس العمل في دعوة الله سبحانه وتعالى
ان تثق ان النصر اتي لا محالة الا ان نصر الله قريب الا ان نصر الله قريب
صاحب مدونة ميخا
جميلة العبارات صادقة المعنى ... وان جعلتني العبارة الأولى اقف للحظات واعاود قراءتها .. ففيها متعه عقليه ونفسيه
اذ وجدت فيها بابا من الامل رحب...
دمتم بكل ود..
خالص تحياتي
دكتور زور البوست الجديد وسامحني على اللي فيه
أسف لأنى علقت متأخر
ولكن نعوضها ان شاء الله
كلمات جميل ربنا يكرمك
جزاك الله خيرا
ربنا يكرمك
كلمات في الصميم
محمد باشا علي
انت بتقول فيها
المحفظه فعلا اتقطعت بس النهارده
والبطاقه وقعت
بس لقيتها الحمد لله
أشكرك على المرور والتواصل
د نور
والله يا فندم مفيش مشاكل تحطيهم في محفظتك خالص
بس فعلا في القلب أهم
أشكرك على المرور والتفاعل
Desert cat
قطة الصحراء
ده كده انتي عايزه بوست لمحفظتك كمان
أشكرك على الزياره
واتمنى دوام التواصل
تائهه في أرض الأحلام
شرفتينا بعد غيبه
وأتمنى فعلا أن ينفع الله بهذه الكلمات
وضعك لرابط شيء يشرفني
أشكرك على المرور والتواصل
د نهى
تحياتي لمرورك الكريم
أكيد ايام الثانويه كانت بتحتاج
حسبنا الله ونعم الوكيل
بس أكيد أيام الكليه
طلبت
الشهادتان تاني
(:
صاحب المضيفه
تعيش وتفتكر
انا مقدر ان كل الناس الكبار اللي زي حضرتك الكلمات اللي زي دي بتعيشها جامد
بوركت على المرور
اسراء
جزاكم الله خيرا
واشكرك على المرور الكريم
شاهنشي
نورتنا يا ريس
وتنورنا على طول ان شاء الله
وخلاص بقى عشان الإخلاص
الجمعاوي الأصيل
ياا رب يا سيدي فعلا الكلمات تصل للقلوب
والكلام الأصيل للناس الأصيله
تحياتي لمرورك
أسامه
شكلك من اصحاب اللغات الجزله
شيء جميل
وده سبب انك تقف مع الجمله الأولى
لأن الاولى بالذات محتاجه تركيز جامد
بورك مرورك وان شاء الله
تنورنا دايما
استاذ أحمد سينا وسيد العيال
تمت يا فندم
وربنا يرحمه ويسامحه ويسامحك
يا عم ابن عمر
انا قلتلك اللي لقى احبابه نسى اصحابه
مبروك الخطوبه يا عم
ومتعوضه ان شاء الله
ابن سليمان
أيوه كده يا عسل
ربنا ينفع بيها ان شاء الله
وخليك كده معانا على طول
الواحد فعلا ساعات جمل معينه يقراها وتعلق معاه وساعات يفضل يكتبها على كتبه وكشاكيله
والغريب ان الجمله انت ممكن تاخد منها احساس معين وصاحبك يفهمها بمعنى اخر ويحسها باسلوب تانى
جميل البوست
ما هي فعلا كده
الحكمه ضالة المؤمن
وكمان انا لم أكتب فهمي لها عشان كل واحد يفسرها بمزاجه
وكمان أجمل ما في التعليقات ان كل واحد اتأثر بحاجه غير التاني
تحياتي لك ولمرورك د نور
جميلة الكلمات يا د. حر
شكرا على البوست
شكرا للمواطنه على الزياره
وتشرفينا على طول ان شاء الله
ما شاء الله لا قوة إلا بالله
مدونة رائعة
بوركت دكتور
وهذه الورقة ثمينة
ولعل اكثر ما أعجبني
لا انتساب لدين بلا تضحيه
............
يقول تعالى:
((أَحَسِبَ النَّاسُ أَنْ يُتْرَكُوا أَنْ يَقُولُوا آمَنَّا وَهُمْ لَا يُفْتَنُونَ * وَلَقَدْ فَتَنَّا الَّذِينَ مِنْ قَبْلِهِمْ فَلَيَعْلَمَنَّ اللَّهُ الَّذِينَ صَدَقُوا وَلَيَعْلَمَنَّ الْكَاذِبِينَ))
خالص تحياتي وتقديري
Post a Comment
زد الموضوع جمالا بتعليقك