لو لو لو ......يعني تاج
سلاماتي
وصلنا تاج لو من النجمه الصامده دكتوره جهاد ووجب عليه الرد واتمنى ان اوفق فيه ان شاء الله
و
بسم الله ابدأ
.
.
لو مكنتش مصري بس عربي كانت هتبقى إيه نظرتك للمصريين واللي بيحصل في مصر دلوقتي؟
. اولا الحمد لله قوي اني مصري لأني فعلا كنت هكون يعني ...مش مبسوط قوي اني من أي بلد تاني الا اني أكون من اكناف بيت المقدس أما غير ذلك فلا. نظرتي للمصريين كما قالها لي كثير من غير المصريين انه شعب مبدع لكن مقهور ..استطاع أن يثبت نفسه في كثير من المجالات برغم الفقر والقهر ..ونظرتي أنا أنه شعب يحب الاستسلام لدرجة الخنوع والصبر لدرجة الموت لكن ان شاء الله فيه بذور وجذور الصحوة والنهضه ان شاء الله
لو
كنت أوروبي أو غير مسلم بردو إيه نظرتك للعرب والمسلمين؟
. لو انا اعرف الإسلام كنت هحتقر الناس اللي عندها كنز ومش حاسسه بيه مع ان ده صعب جدا. لو معرفش الإسلام كنت هحتقر الناس والدين لأنه ببساطه سبب لتخلف معظم من تسموا بالمسلمين و سبب تعاسة وفقر كل من تسموا بالمسلمين في شتى ارجاء المعموره وخاصة أن الاعلام عندي يذكي هذا الإحساس
لو
قالولك إنت بقيت رئيس جمهورية هتعمل إيه؟
.نفس عميييييق واسترخاء للخلف وبعدين أوقف وانت بتكلمني وبعدين .......احم احم قالولك إنت بقيت رئيس جمهورية هتعمل إيه؟
. قرار عفو عام عن كل السجناء السياسيين
اعتقال كل المسؤولين السابقين واستتابتهم ثم العفو عنهم
وقف نزيف ثروات البلد المنهوبه
وضع الرجل المناسب في المكان المناسب واللي بدأت بي اساسا ..
ترك الحريات لكل من عنده دعوه بناءه يدعو الناس اليها
وضع ميزانيات خاصة للبحث العلمي ثم الطاقة النوويه
تغيير كل مراكز الخدمات في القاهره الى مناطق أخرى صحراويه ليست بعيده
......
......
والله انا عندي حاجات كتيييييير بس سيبوني بس
لو
كان ينفع ترجع طفل تاني وتخليك طفل علطول هترجع؟ وليه؟
. بصراحة لا كان ينفع ترجع طفل تاني وتخليك طفل علطول هترجع؟ وليه؟
.لأني مش بحب نفسي وأنا طفل خالص ..كنت حاسس اني ضعيف ومقهور ومساق ولا بحل ولا اربط في اي موضوع مع ان الناس كانت بتديني وضعي من وانا صغير لكن صفاتي الشخصيه التي اكتسبتها وانا كبير أحببتها اكثر من الصغر بكثيييير
لو
إنت طبيب وعندك مريض ميؤوس من حالته أيهما تفضل إنك تصارحه بالوضع وتقوله كل شيء بأمر الله في الاخر ولا تغرس فيه الامل لغاية لما يموت؟
. والله سؤال حيوي ممكن قوي يحصل معايا ...خصوصا مع الدكاتره المشهورين ..احم إنت طبيب وعندك مريض ميؤوس من حالته أيهما تفضل إنك تصارحه بالوضع وتقوله كل شيء بأمر الله في الاخر ولا تغرس فيه الامل لغاية لما يموت؟
. انا طبعا أفضل أطمنه بقدر الإمكان لكن اعرف كل أقرباؤه التشخيص الحقيقي حتى يستعدوا ويعاملوه على هذا الأساس وخاصة لو حالات مش هتفرق معاها المصارحه كتيير
لو
سمح لك برؤية الرسول عليه الصلاة والسلام وإنك تقوله كلمة واحدة بس أو جملة واحدة بس هتكون إيه؟
. يااااه بس أشوفه بس سمح لك برؤية الرسول عليه الصلاة والسلام وإنك تقوله كلمة واحدة بس أو جملة واحدة بس هتكون إيه؟
. والله هسأله سؤال واحد سأله أناس صالحون من قبلي لما أتيح لهم ذلك
يا رسول الله ..أنحن على الحق
لو
خطبت واحدة أو اتخطبتي لواحد وأثناء الخطبة اكتشفت أو اكتشفتي إن الطرف الآخر غير قادر على الإنجاب هيكون تصرفك إيه؟
.نفس إجابة صمودلو
طلعت القمر هتكتب إيه عليه؟
. صراحه أحلى رد رد حبيبنا عصفور المدينه طلعت القمر هتكتب إيه عليه؟
. هسيب عليه علامة السجود والخضوع لله رب العالمين
لو
كنا في عصر ازدهار الأندلس كنت تتخيل نفسك إزاي؟
. تقريبا مش عارف لأني حاسس إن كل امكاناتي من جنس عصري كنا في عصر ازدهار الأندلس كنت تتخيل نفسك إزاي؟
. لكن برضه ممكن أتخيل نفسي بانشد براحتي في ساحات الخلافه والدوله الأمويه
. وكمان شاعر أو خطاط أو مدرس أو إمام .....المهم مش دكتور
لو
أنا مررت التاج ده لحد وما جاوبش عليه أعمل فيه إيه؟
:D
مهو ده السؤال اللي خلاني أحلهأنا مررت التاج ده لحد وما جاوبش عليه أعمل فيه إيه؟
:D
متعبريهوش بتاجات تاني .
لو أحب أمرره أمرره لمين ؟
لأي حد عايزه وبالذات
اللؤلؤة المكنونه
البيروني
ابن عمر
انا مصري
فرنسا هانم
طبيب جراح
44 قالوا رأيهم/ أضف تعليقك:
ماشي يا سيادة الدكتور
تبعتلي تاج...دا أنا لسة بادئ في التدوين قريب ...
وأنا راجل على نياتي ييعني..
ماشي ربنا يسامحك
هجاوب عليه بإذن الله
....................
باين كدة إنك عاوز تبقى رئيس جمهورية
أحلامك كتير
ربنا يوفقك في إمتحاناتك
دمتم
سلام
بارك الله فيك يادكتور
اول واحد يقول مش عايز ارجع صغير
وبعدين انت كدة بتنافسني على الرئاسة
يااااااا....أخيرا
ردود جميلة بجد وواضحة..
دمتم دائما فى تميز وارتقاء
اللهم آمين...
متشكر على التاج
جيه في و قته
و اخجلتم تواضعنا
لو ما كنتش دى ردودك يبقى انت مش دكتور حر
لو ما بعتليش التاج ما كنتش ازعل
لو ما ردتش على التاج هيحصل ايه؟؟؟
عموما متشكرين ويدينا ربنا طولة العمر ونرد
؟؟؟؟؟؟؟؟
إجابات متميزة تنم عن شخصية ذات عقل راجح
بارك الله فيك
عرفت مين هي سعيدة الحظ
هقولك بعدين
تحياتي لك
دمتم
وأنا جاوبت على التاج
المنايفة كلوا كل حاجة
حتى الأمنيات والتدوينات
ياواد يا دكتور اطلع من دول
تقولى اجابتك احلى اجابه
وانت بسم الله ماشاء الله الاروع
منى بمراحل
سلام لكل اصحاب الارض الطاهره
عبد الرحمن ياسين
أي خدمه يا عم
وايه المشكله لما "أعوز" بس
يلا خير
عصفور المدينه
يعني هجيب منين
والحمد لله اهي فرنسا هانم كمان قالت زيي
بالنسبه لموضوع الرئاسه انا هسيبك فترتين بس لحد ما اكمل ال 40
وخصوصا انك قايل مش هجدد
هه
أماني
أخيرا
مش عارف على اجابة التاج
ولا الاجابه الواضحه
بس عامة
أشكرك على الدعاء والتواصل
دمت بخير
أي خدمه يا بيروني
ومش هخجلو تاني يا سيدي
اللؤلؤة المكنونه
طب الحمد لله انك اتأكدتي انه انا
أنا مقدر فعلا روحك العاليه وانك مش هتزعلي
ولو مش عايزه تجاوبيه قدمي التماس أو طلب تأجيل بس
وربنا يطول عمرنا ونشوف الاجابه ان شاء الله
دمت بخير
مهندس مصري
تنحياتي لمرورك الكريم وثنائك المشرف
نرجو دوام التواصل ودمت بخير
عبد الرحمن
يا بودي يا جامد
خلاص لما أشوفك بقى خلينا مستورين بقى
وعقبالك
ماشي يا عم الكوماندوز
والظاهر انهم كلو التعليقات كمان
تحياتي لمرورك العطر
خالتو فرنسا
التلقائي تلقائي برضه
الله يكرمك ويعزك يا رب
وعقبال تاجات تانيه ان شاء الله
جزاكم الله خيرا على التاج
ردودك جميله
يا دكتور
ربنا يعنا على رد الجمايل دى
ايه الجمال ده يادكتور فعلا اجابات دكتور بس فيه نقطه
اعتقد ان سؤالك للنبي مش موفق لاننا علي الحق وده امر بديهي
واو يكون لحضرتك دلاله من السؤال ممكن توضحهلنا
وربنا يعزك يادكتور
تصدق بإيه يا شيخ؟
قول لا اله الا الله
قبل ما أقرأ بعض الاجابات كنت متأكد إنك ح تجاوبها كده
دبلوماسى يا مولانا
و اللى ف قلبك على كيبوردك
ماشاء الله
إجابات موفقة ماشاء الله
زادكم الله حرية
ايه ياعم ؟؟ عايز تبقى رئيس جمهورية ؟؟ طب أنا كدة هاروح أبلغ عنك مباحث رياسة الجمهورية
عشان انا بصراحة كنت طمعان فى المنصب دة و انت شكلك كدة هاتاخده منى
السلام عليكم
ازيك يادكتور عامل ايه
هوبس الليجذب انتباهي في الاجابات
انت لما تقالب رسول الله صلي الله عليه وسلم هتساله انحن علي الحق؟؟؟؟؟؟؟؟
الاجابة عندك يادكتور يفترض انك تتحري الطرق والشوارع قبل المشي فيها لازم تعرف الحق من الباطل
لان الق ظاهر والباطل ظاهر
يقول رسول الله صلي الله عليه وسلم:(الحلال بين والحرام بين وهناك امور متشابهات فمن اتقي الشبهات فقد استبرا لدينه وعرضه ومن وقع في الشبهات فقد وقع في الحرام )الي اخر الحديث
لكي تعرف نفسك علي الحق ام لا
فقط اعرض نفسك علي القران والسنة
وحدد اخطائك وعيوبك واعرف انها خطئ
وسيهديك الله الي الخير
بس كل ده محتاج تجرد لله عز وجل بدون هوي او تاثير راي شخصي
والسلام ياجميل
اجابات حلوة جدا
بارك الله فيكم
وربنا يوفقك
بس بالراحه علينا شويه
البوستات بتاعتك جامده جدا
دعواتك
m.abozaid
يعني ردودك ممتازة وآرائك عاجباني قدرت تحط نفسك في مكان أنت مجربتوش
بس عاوز أقولك لو أنت ضابط في أمن الدولة وواحد في مصر وجالك جمل وأنت مصمم أنه حصان هتخليه يعترف ازاي
تاج جميل وردود جميلة
تاج جميل وردود جميلة
ماشاء الله الأجابات حلوه وبعدين دا انتا بتقول انك من الدكتره المشهورين يعني موضوع انك تبقي رأيس دا سهل بالنسبه لدكتور مشهور زي حضرتك هه هه هه...
متأخر طبعا
بس مش ذنبي
ادعوا على شركة النت عندنا
المدونات عندي بتتحدث بعد يومين او تلاتة
عموما
اجابات جميلة وموفقة
وبعدين ليه ما تكون دكتور في عصر الازدهار
كنت تكسب أجر في البلدان المحيطة تطلع تعالجهم
ربنا يبارك فيك يا رب
ابن عمر وجزاكم
ويا سيدي ولا يهمك ابقى ابعت التاج للحبايب
عمي الفاتح الجعفري
ربنا يتم الفتح على ايديك
ومنورنا يا عسل
اه طبعا السؤال ده عن طريقة الالتزام والمنهج اللي الواحد وفق له في الالتزام
أكيد طبعا الواحد لازم يستبصر عما يفعل لكن بس كمان ياخد الختم من النبي صلى الله عليه وسلم
عم الجمعاوي الروش الطحن
معلش انت كده تعبت نفسك وقريته
عندي دي
منتظرين باقي المذكرات يا بتاع الفراخ الزراعه
د جهاد
النجمه الصامده
الحمد لله يعني نجحت
بس كده من غير درجات
يلا خير الحمد لله
ابن حجر العسقلاني
مش بقولك انت مش مظبط مع الاسم
يعني في ابن حجر يبلغ عن حد
او في رئيس مصر اسمه ابن حجر
لكن عامة لو رسيت عليا انا وانت هسيبها لعصقور المدينه
ههه
تحياتي لمرورك
الفاتح اليعقوبي
نورتنا يا سيدي
هو انتو ناويين تفتحو المدونه ولا ايه بالضبط
عموما انا رديت على أخوك في الموضوع ده
دمت بخير
د مروه
منا بالراحه خالص اهو
بس انتو اللي بتتقلوا بس علينا
ربنا يعينكم يا رب
وتحياتي لمرورك الكريم
اعصار الحق
ياااااااه
حمدالله على سلامتك
مهو الناس مقامات برضه مش اي شخصيه ممكن أتقمصها
لكن هو يعرف ونص
قدرات بقى
ربنا معاك ويسهلك ان شاء الله
شاهنشي
ربنا يكرمك يا حبيب
اتفضل
التوأمان
يا ريت يا سيدي
بس انت عمرك شفت رئيس دكتور
تحياتي للمرور ومنورينا دايما ان شاء الله
العزيز بهاء
ربنا يخلي شركات النت عندكم
اللي بتخلينا نشوفك هنا ونكلمك
لكن غربيه انهم يتحكموا في التحديث
بورك مرورك الكريم
ودمت بخير
اجمل رد بتاع لو كنت رئيس الجمهوريه
اجابات حضرتك ممتعه جدا
لا معرفش انا مختلف مع حضرتك ف اجابتين ومتفقه معاك ف باقى الاجابات كلها
معرفش انا بدى نفسى الحق ف الاختلاف والموافقه ع اساس ايه
بس كفايه ان احنا دكاتره مشهورين زى بعض احم احم
اولا مصر ومايخص نظرة العالم المصرى
مصر ياسيدى الفاضل ف نظر العالم الغربى والعربى ع السواء تتلخص فى
1- شارع الهرم ومايحتويه م ملاهى ليليه
2- الهرم نفسو المرادى وابوالهول
3- شرم الشيخ والمناظر الجميله
لك ان تتخيل
ان عيله سوريه كنت بتكلم معاهم وفوجئوا ان احنا عندنا هنا ف ضواحى ومحافظات مصر عربيات وكده
فاكرينا لسه بنتحرك ع جمال وان العربيات ده بس ف القاهره وشرم وكده
ده عيله عربيه مابالك بقى برااى العالم الغربى
..........................
اما الاجابه التانيه وهى تقول للمريض حالتو ولا منقلش .. انا م انصارى ان احنا نقول الصراحه
وتحط المريض ع ارض الواقع تمام بس برده تحطو ف بروجرام لرفع معنوياتى
يعنى تشد وترخى .. مش تجيبوا الارض اوى ولا تسيبوا عايش الحلم حقيقه
اتمنى تتقبل ردى بسعة صدر
تحياتى
بسم الله الرحمن الرحيم عس ربكم أن يهلك عدوكم ويستخلفكم في الارض فينظر كيف تعملون صدق الله العظيم ذكرني بهذه الاية سؤال الرئاسة فندعو الله ان نكون علي قدرها وأن يستخدمنا ولا يستبدلنا
Post a Comment
زد الموضوع جمالا بتعليقك