عشــــــــــــــــان إنت مـــصــــري
سلاماتي
قصيده مكسوف وانا بأنشرها هنا لكنها فعلا واقعيه جداً ....
وربنا يتوب علينا كلنا
قصيده مكسوف وانا بأنشرها هنا لكنها فعلا واقعيه جداً ....
وربنا يتوب علينا كلنا
وتفقد كرامتك بكل المعانى
وتحرق فى دمك سنين مش ثوانى
واوعى تصدق كلام الأغانى
بتاع الحضارة وكانى ومانى
ده كله هجايص مايدخل ودانى
عشان انت مصرى العذاب بيناديك
بتبدأ فى يومك حاجات بترازيك
فى نومك فى قومك تعكنن عليك
تضايقك ولسه العماص فى عينيك
مافيش مية تشطف صابونة فى إيديك
وجسمك ملزق وريحتك عاديك
فتلبس وتنزل وفيك اللى فيك
ورايح لشغلك حتحتاج مواصلة
أدى المترو واقف وكهربته فاصلة
وفى الميكروباص خناقة وحاصلة
أوتوبيس فرامله عايزالها وصلة
وتوك توك ده تايه ومحتاج لبوصلة
بتوصل لشغلك بدم اتحرق
فى زحمة وكتمة وحر وعرق
رئيسك سايبلك كومة ورق
ده غير دمغة ضايعة وملف اتسرق
وفيه كام مواطن عامللك قلق
بيشكى تقول له روح اندعق
وعركة وهوجة وشاى اندلق
ومخك خلاص م الصداع اتفلق
هترجع لبيتك ده لو كان فى بيت
هتوصل هتندم ياريتك ماجيت
مراتك بتصرخ خلاص استويت
عيالك بتطلب وهات كيت وكيت
تزعق تِهاتى ياناس اتهريت
ولا حد سامعك مهما هاتيت
عشان انت مصرى وده للاسف
فلازم تقاسى تعيش تتقرف
وكل الأساسى فى حياتك ترف
فتنسى الكرامة وتنسى الشرف
وتسرق وتنصب أو تنحرَف
ودمعك بيجرى وجرحك نزف
مش انت اللى مصرى؟؟؟
جتك ميت قرف
Ahmed Fouad Negm
38 قالوا رأيهم/ أضف تعليقك:
ياه انا اول واحدة اعلق !!بصراحة ... قصيدة للا سف تعبر عن فعلا الحياة الواقعية .. وممكن يكون فيها بعض المبالغة .. وحتى لو فعلا مصر كده مش لازم نقول ونحسس الناس انهم فعلا كده
متهيالي لو بصينا للحياة من منظور تاني هتبقى احلى .. ودايما الواحد عنده امل
سكر
الباشا الكبيييير
ماكنتش أعرف انك بتحب الشعر
فيييييييييييييينك ؟
الله يسامحك
ايه يا عم ده
وكمان شاعر
ربنا يستر عليك
سلاماتي .... حلو كده
ودمعك بيجرى وجرحك نزف
ده اللي حصلي بعد ما قريت القصيدة
والله يا دكتور
االواحد كل مابيفتكر
....
ولا بلاش
هنقول ايه ولا ايه
ولا ايه
الهم لا احد لأهل مصر الا انت
لا اخوان ولا معارضة ولا حكومة
لا أحد الاك
ياكريم
يارب كن بأهل مصر رحيما
كن بأهل مصر رحيما
ارحمهم مما هم فيه
عافهم من بعض ما ابتليتهم به
الله ارحم مصرنا يااااااااااااااااااااااااااااااااااااااااااااارب
أدعوك صادقا يا الهي
أسألك بكل كياني أن ترحم أهل مصر
يارب
لا تمتني حتى تقر عيني بمصر حرة كريمة أ[ية
عزيزة وأهلها كرام
انك على كل شيء قدير
الظاهر ان امتحان الجراحة هو اللي خلاك تقول كده
ربنا يقويكم على ما بليتم
لاأريد أن أكون دخيله على الموضوع
لكن ثق ياأخي الكريم أن كل انسان مهما كانت جنسيته يعاني
كما أحب أن اضيف أن المواطن مصري رغم كل مايعانيه أثبت نفسه ليس فقط في مصر انما في جميع أنحاء العالم وفي كل المجالات
بارك الله فيك وسدد خطاك
و جبة نكد دسمة
سامحك الله
يادى الكسوف...بس والله حسيت بيها اووى
ممكن لانه واقع..ملايييين من لمصريين
ياربي فرجها من عندك
Please!
Send an email to the Brazil embassj your country and repor the injustice that the brazilian courts are making with this girl
Release on Flavia’s accident and status of the process.
The resignation is to stop the evolution. (David Santos in times without end)
Thank you
أظن هذا الحال مش بس في مصر
كل بلد ولها معاناتها
حتفرج بإذن الله
السلام عليكم ورحمة الله وبركاته
اخي الفاضل دكتور حر
شعر جججججججججججججججامد
بيفكرني باسلوب احمد فؤاد نجم
في رسالة من الرئيس الى شعب مصر
شعبي حبيبي يا روحي يا بيبي يا حاطك في جيبي يا ابن الحلال
يا شعبي يا شاطر يا جابر خواطر يا ساكن مقابر وصابر وعال
يا واكل سمومك يا بايع هدومك يا حامل همومك و شايل جبال
يا شعبي اللي نايم وسارح وهايم وفي الفقر عايم وحاله دا حال
أحبك محشش مفرفش مطنش ودايخ مدروخ وآخر انسطال
أحبـك مكبـر دماغـك مخـدر ممشـّي امورك كدة باتكال
وأحب اللي ينصب وأحب اللي يكذب وأحب اللي ينهب ويسرق تلال
وأحب اللي شايف وعارف وخايف وبــالع لســانه وكاتم ما قال
وأحب اللي قافل عيونه المغفل وأحب البهايم وأحب البغال
وأحب اللي راضي وأحب اللي فاضي وأحب اللي عايز يربي العيال
وأحب اللي يائس واحب اللي بائس و احب اللي محبط وشايف محال
واحبك تســـافر وتبعد تهاجــر وتبعت فلوسك دولار أو ريال
واحبك تطبـّل تهـلل تهبـّـل عشان ماتش كورة وفيلم ومقال
واحبـك تأيــّد تعضّـد تمجّــد توافق تنافق وتلحس نعال
تحضّر نشـادر تجـمّع كوادر تلمـّع تقمـّع تظبـّط مجـال
لكن لـو تفكـّر تخـطط تقـرر تشغللي مخك وتفتح جدال
وتبدأ تشاكل وتعمل مشاكل وتنكش مسائل وتسأل سؤال
وعايز تنور وعايز تطور وتعمللي روحك مفرد رجال
ساعتها هاجيبك.. لايمكن أسيبك وراح تبقى عبرة وتصبح مثال
هابهدل جنابك وأذل اللي جابك وهيكون عذابك دا فوق الاحتمال
وامرمط سعادتك واهزأ سيادتك واخللي كرامتك في حالة هزال
وتلبس قضية وتصبح رزية وباقي حياتك تعيش في انعزال
هتقبل ها حبك.. هترفض هلبـّك هتطلع هتنزل هاجيبلك جمال
السلام عليكم
هو الكلام فعلا صعب جدا
بس للاسف مش هيحس بيه غير اللي عايشه فعلا وهم اكيد غالبية الشعب المصري
ربنا يقوينا على مابلانا ويخلينا نحس بهموم شعبنا وامتنا وتتحسن الظروف بس نكون في حكم الاسلام
احسن حاجة في المدونه انها دايما موضوعاتها متجدده
فعلا
جزاكم الله خيرا
ونفع بكم
m.abozaid
صدقا بارك الله فيك وفى قلمك..
ما أراك تركت واقعا الا ذكرته..
رغم بكاء قلوبنا لحالنا..
سلمت الأيادى ودمت لنا بود وعطاء..
***
***
تحياتى لك ولقلمك ..
مع كل تقديرى ..
**
**
فى انتظار المزيد..
أعانك الله ..
..
أمانى z
سكر
نورت أول تعليق
طبعا ان من أشد المتفائلين ولكنها من باب الفضفضه فقط
مشكوره على المرور
الأفندي الكبييير برضه
جمعاوي
أديك عرفت يا ريس
وادعيلي
باشمهندسنا العصفور الغالي
الله يسامحنا كلنا
ويسامح اللي كتب
صاحب المضيفه
حلو يا ريس
بس مش أنا
صيد الخاطر
مشكور سيدنا على المرور
وأسأل الله أن يتقبل دعائك
ونفسي في اللي نفسك فيه والله
البيروني
نورت التعليقات
لا والله مش هو
ده كان حلو
مدونة الوعدد
مشكوره أختنا على دوام التواصل
فعلا عندك حق فيما تقولين
ويا رب يطلع كلامك على المصري مضبوط
أستاذنا الغالي وطني
مبتفرقش مع الرجاله
وبرضه
ربنا يسامحنا كلنا
نازك الملائكه
مشكوره على المرور
لكن بس نعمل ايه
ربنا يتقبل منك
david santos
plz sir
i read that but i cannot understand what the request from this msg
plz try again
أخونا الفاضل بهاء
أشكرك أخي على التواصل
وهتفرج بإذن الله
خونا الجمعاوي الأصيل
أشكرك على المرور والاضافه
ومين سمعك
اخونا الجمعاوي الأصيل
أشكرك على المرور والاضافه
ومين سمعك
m.abozaid
قعدت أقول مين ده
انا بعلق على نفسي
وبعدين افتكرت
لأن غيبتك طولت
عموما مشكوره على المرور وأرجو دوام التواصل وجزيت خيرا
أماني z
مشكوره على المرور وربنا يتقبل دعائك
لكن مش أنا والله
على اسم مصر يقدر يقول التاريخ ما شاء
انا مصر عندى احب واجمل الاشياء
فعلا بقت حاجه مولمه انك مصرى
القصيده رائعه
تحياتى لشاعرنا الكبير
اكيد اكيد اكيد
انت كده مصرى مش حد تانى
صدقت .. وما خفي كان اعظم
انا كل ما بنزل الكلية كل يوم الصبح
يتوالى علي كم هائل من خيبات الامل
واحيانا اتمنى ان حال مصر يكون مجرد كابوس
هيزول لما نفوق من النوم
لكن واضح ان السبات عميق وما من مجيب
شكرا ليك على الموضوع المؤلم
سمسم
بس هنعمل ايه
الصبر حلو
محمد علي باشا
هو حد قال حاجه تانيه
يونيك
ان شاء الله هتفرج
مش عارفه يادكتور انت كنت تقصدها فعلا ولا هكون متعارضه معاك ايه علاقة الجنسيه بحال الشعب نفسو طيب ماهو الفراعنه كانوا مصرين .. الختلاف ف الشعب نفسو اللى قبل بالواقع ده ودخل الشرنقه وفضل الصمت والخضوع وبقى م سىء الى اسوء لكن انا ارفض ان ده يكون حال مصرى .. لا ده حال ناس لغت دماغها ماشى لكن المصرى هيفضل طول عمره مصرى النيل رواه والخير جواه هههههههههههههههههه ويارب حالنا يتعدل تانى محدش عارف السنين الجايه مخبيالنا ايه
تحياتى
Post a Comment
زد الموضوع جمالا بتعليقك