دكــــتـــــور تــــغــــطية


سلاماتي



انتظرت قليلا عل أحدهم ممن يمتلكون القدرة على التصوير ونقل الأحداث يقوم بذلك


لكن لم تأتي تغطية مرضية حتى الآن بما فيها تغطية العريسان أصحاب الليلة ( أنا وصاحبي) وتغطية (الصباغ) خال المدونين



فقررت أن أغطي على الأقل أحداثي وما حدث لي


بداية كان المكان جميلا ومريحا على ضفاف النيل ومن رأيي أن هذا المكان الواسع كان من أسباب قول الكثيرين بقلة العدد رغم اعتقادي أنه كان الأكبر


كان معظم الحضور ممن لم يشرفوا الحفل الأول وكان معظم من أعرفهم من الحفل الأول لم ياتوا للثاني ولا ادري السبب وبالتأكيد فأن الحفل الأول له رونقه وجذبه تماما (كالزوجة الأولى) عند المعددين .....تشبيه يوضح المعنى فقط


:)




بالنسبة لي كان ذهابي حقيقة لاغتنام فرصة تجمع عدد كبير من المدونين في هذه المناسبه الجميلة


وكذا الحال للكثيرين




شخص جميل رائع كان أمنيتي أن أقابله ومن أحد أسباب حضوري عمنا الكبير أبو خالد
الذي يحرص على المشاركة في معظم التجمعات رغم بعد مسافاته وسفره من بور سعيد



حرصت أن أتعرف عليه وأجلس بجواره معظم الوقت وأشهد الله أنها كانت من أروع وأحلى الشخصيات التي عرفتها
وأسجل من هنا له

والدي العزيز أبو خالد ...............إني أحبك في الله




شخصية أخرى كان بودي أن القاها من زمن ....الاستاذ الصعيدي الجدع خالد ...همس الأحباب
خفيف الروح والظل والوزن أيضا


أمتعنا بكرمه وحركته الجميله وروحه العاليه أسال الله له أن يبارك في همس ويديم عليه العافيه




لم يفتني أن أتحادث مع السكر أحمد سكر رفيق الطائرات عريق الأصول الذي كنت قد قابلته سريعا في الحفل الأول لكن
وفقني الله لمجالسته ومصاحبته وقتا رائعا



الأفندي اللذيذ الذي لم أقابله من 7 سنوات تقريبا بالطبع لأنه بلدياتي الجميل محمود بطوط حبوب خفيف الروح أيضا الذي استمتعت به وبمصاحبته طول الأمسيه وفي رحلة الرجوع الى الارض الطاهرة


وممن رأيت وكان في شوق لأن أتعرف عليه شريف عبد العزيز صاحب العدالة الجميع عقل وآراء تجبرك على احترامه



خالنا وخال الكل العسل أحمد الصباغ كان ملحوظا عليه كما هو الحال على مدونته الانشغال والارهاق وعدم التركيز كسابق عهدنا به
رغم اجتهاده أن يكون كما هو او على الأقل أن يظهر كذلك


وأناشده من هنا





ارجع يا صبااااااااااااااغ

والله نسأل لك العون والسداد



والحبيب الذي أتشرف به فعلا كلما رأيته الغالي ابن حجر العسقلاني المفكر القادم بقوه ان شاء الله





وأيضا المفيد ابن المفيد
محمد مفيد في الصميم اللي تقلان علينا شويه ومشغول شويتين بس الواضح انه شخصيه جميله فعلا



الشرقاوي اللي نورنا خبيب اللي فرحت جدا لما لقيته لأنه لم اقابله الا مرة الاسكندريه فقط حضر ومعه رفيق التدوين دكتور محمد
وتصنع في نهاية الحفل الانشغال بالمذاكره لكي يرجع لبلده لكن ...............على مين؟؟



أيضا قابلة فتوة المسلمين ( الفاتح اليعقوبي ) محمود الذي لم أره من زمن والذي اسعدني بخبر نتيجته و ربنا يكرمك بالشغل والعروسه يا سيدي



أيضا قابلت يوسف الدكتور الصغير الصعيدي وشمس الدين ربة السيف والقلم ورودي بنوته مصرية وأحمد صاحب مدونة رحايا العمر
وكذا صاحب الليلة الجميل أحمد مهنى صاحب مزاج ودعاء مواجهات وسارة صرصارة ومصطفى ريان والاستاذ بتاع العمق الكريم محمد عبد الغفار ورجالة المنصوره الشاعر وحسام يحيى



أناس كثيرون حضروا الحفل الأول كنت أتمنى فعلا أن يكونوا موجودين وافتقدتهم بشده
على رأسهم

الدكتور أحمد على صاحب يوميات عيل مصري

والمهندس محمد شلبي عصفور المدينه

ومحمد صيد الخاطر

وأنس صاحب المضيفه

وأحمد البوهي العريس الغائب صاحب انكسارات

وأحمد الفاتح الجعفري

ومحمد إمام الجيل

وأبو إعصار

وكل الصحبة الجميله التي خرجنا بها من الحفل الأول

لكن تبقى النهاية


أن نجاح فكرة الكتاب أعطتني أملا كبيرا في تحقق كل أحلامنا لأنفسنا ولوطننا لكنها فقط تحتاج التصميم


وأن صدور الثاني ليس الا لنجاح الأول

وأيضا


مقابلة هذه النخبة المثقفه حقا من الدوافع القوية لاثبات أننا نستطيع




أرجو ان أكون قد وفقت في نقل بعض الصورة بمقدار عيناي
والله المعين


تحديث

بناء على طلب المعلقين هذه قائمة بالمدونا تالمشاركة في العدد الأول نقلتها من عند خالو الصباغ



54 قالوا رأيهم/ أضف تعليقك:

mohammed alsha3r said...

كنت منوووور ياااااااحر

قصدى ياااادكتور


ربنا يكرمك بقى وتكمل نصك التاني

Unknown said...

امممممم
يارتني كنت معاكم
كفايه بس انك شفت الناس الجميله دي
يا بختك يا دفعه
ربنا يديم الحب والود دايما يارب
وعقبال الاعداد الجايه باذن الله

حسن حنفى said...

ربنا يخلي حضرتك

وتشرفنا ان شاء الله في المنصوره

عصفور المدينة said...

جزاك الله خيرا يادكترة
وأعتذر شديد الاعتذار عن تغيبي لأن ظروف العمل منعتني

ثم إني أفتقدك كثيرا
وسعيد جدا ان شريف حضر

فاتيما said...

يا دكتور محمد
إيه النظام بقى
إنت بتنشن على اللقاءات
اللى مش بقدر احضرها
و متجيش فى الأيام اللى بجى فيها ؟
دا إستنصاد ؟؟
آه إستنصاد
مش كدا
يبقى تعمد مع سبق الإرصاد و الترصدة
طب لحين إثبات التهمة دى
مضطرة أصدق إنها مصادفة
بس مؤسفة طبعاً لأنى كان نفسى أشوفك
جدا و أتونس بيك
دمت بكل خير يا دوك
و دائما من حسن إلى أحسن
و احسن

د/اجدع بنوته said...

دمنا صحبة خير بأمر الله

هو ليه مفيش تنويه لاصحاب الموضوعات اللى صدرت ف العدد الثانى

زى مااتعمل ف العدد الاول

ولا الاول كان ليه زهوته

ويعنى ايه معددين ده ههههههههه

دمت رائعا زميلى العزيز

وكل رمضان وانت بخير

Dr.Mohammed Gohary said...

كان نفسي أكون معاكو يا دوك

بس خبيب قام بالواجب

تحياااااااااااتي

أشوفك علي خير

Dr.Mohammed Gohary said...

آآآآآآآآآآآه
نسيت أقول كان نفسي آجي أشوفكم
أشوفك يا دوك
وأشوف حبيبي أبو خالد


تحياتي لكم جميعا

متعوضة إن شاء الله

Unknown said...

السلام عليكم ورحمة الله وبركاتة
انا اول مرة ادخل مدونتك دكتور حر
وسمعت عنك من بابا ابو خالد
والكلام ماشاء الله كله طيب
ان شاء الله تتعدد اللقاءات فى الخير
رمضان كريم

Unknown said...

اه
كنت اتمنى اكون معاكم بس حظى وحش بس ارسلت لكم سلامى مع بابا ابو خالد
وكمان مع ميراا وانتم فى النادى
يا بختك بس نحن السابقون لاننا كنا هناك الجمعه مع عسقول وبابا

صيد الخاطر said...

السلام عليك ياعسل

ياسلام ياولاد
والله انت واحشني جامد ياجدع مش عارف كل مرة بتزداد وحشة ليه كده

أما نشوف ربنا يكرمكم وينتعكم بالسلامة وتيجوا بقى

ربنا كريم

انت عارف طبعا ان التلميذ ميقدرش يخرج عن شيخه

متعوضة باذن الله تعالى
سلامات ياعسل

بس صحيح مش قولتلنا مين اللي نزل المرة دي

(احمد سكر ) said...

السلام عليكم ورحمة الله وبركاته

ازيك يادكتره

جريس بتسلم عليك (بتعطيش الجيم ع الاخر)

بتطلع منك زى العسل والله

بجد يادكتور انا اتشرفت بالحديث معاك

ومن المرهع اللى فاتت وانا كان نفسى ااقعد معاك اطول فتره

وربنا كرمنى المره دى وقعدنا مع بعض

اشكرك على اللقاء الجميل

واتمنى ان اراك ف اللقاءات القادمه

وتحياتى لاسرتك الكريمه

اخيك
احمد سكر

محمد عبد الغفار said...

سعدت بلقائك

مـحـمـد مـفـيـد said...

مفيد ابن المفيد
والله العظيم موتني من الضحك
يخرب عقلك
والله ما تقلان ولا حاجه
بس والله انت عرفت اللي فيها
بجد انت شخص جدير بالاحترام يا محمد وسعدت بمعرفتك ولقاءك

Empress appy said...

نؤسف على عدم الحضور
والله كان عندى غسيل لمده شهرين وقبلها بيوم بؤجه الخير فكنت ميته جدا جدا جدا

آخر العنقود said...

تغطية تغيظ يادكتور
:))
ربنا يكرمكوا يارب ودايما متجمعين على الخير يارب
وكل سنة وانت طيب يادوكتورنا

أبو خالد said...

أبني الحبيب /دكتور محمد
كلماتك أبكتني حفاوتك بي تكريم لشخصي
الضعيف ارجو من الله أن استحقه جلوسي بجوارك في نادي المهندسين و الحوار الذي دار بيننا جعلني أشعر أن ارواحنا متشابهة في حب كل منا لوالده و مدي تأثره به، لا املك كلمات تعبر عن سعادتي بالتعرف علي شخصك الكريم و خفة دمك العفويةو لن أقول إلا أني أحبك في الله
دمت أغلي الناس

مهندس مصري بيحب مصر said...

لازم التغطيات اللي تغيظ دي و تحسر الواحد انه مش في مصر علشان يقابل الناس الحلوين دول كلهم
سلامنا لكم كلكم يا سيدي
و يارب دايماً متجمعين في الخير
:)

جمعاوى said...

عملواها الوحوش


ياريتنى كنت معاهم


كان نفسى أحضر بجد


بس ما عرفتش الإ متأخر


خيرها فى غيرها إن شاء الله

مشروع انسان said...

مكنتش عارف انك هتيجى
بس انا بالفعل مشغول جدا


ويبدو ان الانشغال هيطول
ومعرفش هيخلص امتا

المهم عايزين نفطر يوم مع بعض فى رمضان
كلمت محمد صيد الخاطر
واتفقنا

عايزين ننسق ونظبط

سى يو
:)

اللؤلؤة المكنونة said...

تصدق انا بردو بعد لقاءكم بيوم

استنيت تغطية حلوة للقاء فى أى مدونة

ملقتش حاجة مرضية بالفعل


هذه التغطية مرضية لى شخصيا


جميل الحب اللى بينكم ده واللى باين فى التعليقات

أدام الله حب الناس لك وأنسهم بيك
:))




الحمد لله انك انبسطت وقضيت وقت ممتع


دمت مستمتعا وممتعا


عقبال الأعداد الجاية ان شاء الله

walaa rizk said...

سلام عليكم

ازيك يادكتور

فعلا كان نفسى اكون معاكم جدااااااا

لكن للأسف كان ورايا سفر مهم يومها

انا كنت حاسه ان الحفل هيبقى رائع

ان شاء الله المره اللى جايه اجى

من تألق الى تألق

وياريت تقولنا مين اللى نزلهم موضوعات

لحد لما نشترى الكتاب

مصــــري said...

دكتور حر

تشرفت جدا بلقاء سيادتك
كان يوم جميل
والمكان كان جميل بحس الناس اللي فيه

تحياتي
أسامة

رفقة عمر said...

جزاك الله خيرا
على التغطيه الحفل
عقبال الحفلات الجايه
كل سنه وحضرتك طيب رمضان كريم

Anonymous said...

السلام عليكم
ربنا يكرمك يامولانا تغطية جميلة بس ناقصها صور

وبعدين ايه فتوة المدونين دي
شكرا يامولانا
والسلام

Saadya Arafat said...

مدونه رائعه تنم عن شخصيه اجمل

تحياتى
:)

Ahmed Kamal said...

حلوة التغطية يا دكتور ، و أحلى وجودك في الحفل :)

تحياتي لك

ابن حـجـر الـعـسـقـلانـى said...

يا دكترة أنا كنت سعيد لما لقيتك بتكلمنى فى التليفون يوميها و بتقول لى إنك هاتيجى

الجو العام يومها كان جميل جدا .. بس كان نفسى لما نروح نادى النقابة إننا نركب الفرقاطة و نلف بيها حوالين الجزيرة .. بس معلش .. خليها الزيارة الجاية ان شاء الله

أنا بجد كان نفسى أقعد بينك و بين أستاذنا أبو خالد و افضل اتكلم معاكم

عايزين نرتب لقاء حلو كدة على بعد رمضان ان شاء الله يجمع كل قريب و بعيد

ابن حـجـر الـعـسـقـلانـى said...

و إيه حكاية المفنكر القادم بقوة دى ..يعنى إيه مفنكر ؟؟

ثم انت كات اسمى باللون الأحمر ليه ؟؟؟ انت مش عارف إن أنا زملكاوى؟؟

Mahmoud البطراوى said...

نورت يا دكتره


ومسير الحى يتلاقى

بنت الأسلام said...

تغطية رائعة للحدث كما لو كنا حاضرين.مشكور على مجهوداتك.وياريت تشرفنا بزيارة لمدونتنا همسة صيدلانية

صاحب المضيفة said...

كان نفسي أجي بس اعمل ايه للشغل بقى


ربنا يسهل ونعرف نيجي اول تجمع تاني باذن الله


انا مجرب علشان كده شوق الواحد اكبر لرؤية الناس الجميلة دي


ربنا يكرمك يا دكتور على العرض الحلو ده



رمضان كريم يا عم

!!! عارفة ... مش عارف ليه said...

الف مبروك
وإن شاء الله
من نجاح إلى نجاح

تحياتي
وليد

عاشــــــ النقاب ـقــــة"نونو" said...

السلام عليكم
سألت عليك العافية يا دكنور ربنا يكرمك
الحمد لله انا وبنتي بقينا كويسين بفضل الله
وباذن الله الكتاب الجي نحضر باذن الله
الشرف فاتنا المرة دي
بس المكان جميل بجد فيصلح فسحة كمان للاولاد على ضفاف النيل
فباذن الله سيكون
الف مبروك الكتاب ومن نجاح لمجاح باذن الله
كل عام وانتم الى الرحمن اقرب
تحياتي

Unknown said...

انا رجعت عشان اقولك عجبنى اوى تشبيهك لحال مصر اللى فى مدونتك رغم انه مؤلم لكنه للاسف واقعى
فقرأت التعليقات
بتاعتى اصدقائى اللى عندك :$
تحياتى لك
وكل عام وانت بخير

شــــمـس الديـن said...

مش عارفة

بس انا حاسة بردوا ان الحماس و الناس كانت اكثر تحمسا للعدد الاول منهم للعدد التاني

اتمني ان فعلا يكون انطباعي انا اللي غلط و ان المكان علشان واسع الناس مشافتش بعض

لكن عامة انا فعلا سعيدة اني اتعرفت عليك

ربنا يديم المعروف يا رب و فعلا اهم شئ بيحسسك ان لسه فيه امل في البلد دي و ان رغم تجفيف المنابع لكن لسة فيه ناس بتفهم

Anonymous said...

انا اتشرفت بمعرفه حضرتك

وبجد كان يوم جميل

:)

ابو اعصار said...

مش عارف اقول ايه بس ربنا يعوضها
كل ععااام وانت بالف خير

mostafa rayan said...

انا فرحان قوي اني شوفتك يوم الحفلة
كل سنةوانت طيب

Unknown said...

اتوسم فيك انسان على قدر عالي من الاخلاق و الهدوء
ربما لم يكتب لنا القدر اللقاء حتى الان
ولكن من خلال كلماتك اشعر بود وكاني اعرفك منذ زمن

بالنسبه لكتاب المدونين فهو طاقة نور قادمة باذن الله
ليت مجرد فضفضه شباب
انها انتفاضه
فكريه وثقافيه
ربنا يكون اثرها اقوى من انتفاضة العسكر
من يدري
ولكن عشمنا في الله كبير

تحياتي ياصديقي العزيز

همس الاحباب said...

هههههههه ههههههههه
ايه يا دكترة التسييح ده كله
عامة انا كنت سعيد جدا جدا بمقابلة حضرتك
وكنت اسعد لاننا قعدنا مع بعض فترة اكبر
كل سنة وحضرتك طيب
ورمضان كريم
ونلتقى دائما على خير
تحياتى وتقديرى

حنين القلب said...

كنت اتمنى اكون معاكم ربنا يجمعكم دايما فى الخير
كل سنه وحضرتك طيب
تقبل مرورى

كفاح احمد said...

كان نفسى اكون موجود

يلا
خيرها فى غيرها


تحياتى

كفاح احمد

خمسة فضفضة said...

السلام عليكم ورحمة الله وبركاته

ازيك يا دكتور محمد كل سنة وانت طيب

بجد كان نفسي احضر اللقاء الجميل ده واتعرف علي احسن ناس

ملحوقه ان شاء الله في لقاءات جايه كتير

سلام

Anonymous said...

السلام عليكم ورحمه الله وبركاته
كل عام وانت من الله اقرب
رمضان كريم يا دكترة
شئ جميل ان الانترنت يجعل من العالم قرية صغيره وان نعرف مع من نتعامل وعلي من نتعرف.بل الاجمل ان نتقابل ويكون التعارف حقيقي فكريا وشخصيا بل واجتماعيا ومما يعطي هذه المقابلة حلاوة ان تطيل في وقتها ويكون النقاش واسع في مجلات عديدة.لا املك الا ان اقول لك تغطية جيده ونتمني الكثير
وفقك الله وسدد لله قلمك

د. إيمان مكاوي said...

سعيده بتعرفي السريع على حضرتك
وكل عام وأنتم بخيرورمضان كريم

Ahmed Al-Sabbagh said...

دكتورنا الجميل

جامد دايما ومتألق

كل سنة وانت والأسرة الكريمة بكل خير

ورمضان كريم

وبعودة الايام

تقديرى ومحبتى

أحمد

قوس قزح said...

يارب
كلما طرق هذا العبد بابك
أفتح له كنوزك
و سخر له عبيدك
و ابسط له رحمتك
اللهم اجعله من الصائمين القاثمين
الركع السجود
و بارك له فى شعبان و بلغه رمضان
فى يسر و سلامة و امان
اللهم امين

كل سنة و انت الى الله اقرب

Soul.o0o.Whisper said...

السلام عليكم و رحمة الله و بركاته

رغم إنى مش فاهمة حاجة
لأن بقالى فترة غايبة عن الساحة

لكن أكيد هأرجع و أحاول افهم عن ايه البوست دا

حقيقى أنا داخلة أقولك كل سنة و أنت طيب و رمضان كريم
و يعوده عليك بصحة وسلامة يارب


و لى رجعةإن شاءالله

القلم السكندري said...

كل عام وانتم بخير يا دكتور

تقبل الله منا ومنكم صالح الاعمال


وعقبال عُرسك يادكترة

Unknown said...

أسأل الله الذي لن تطيب الدنيا إلا بذكره
ولن تطيب الآخرة إلا بعفوه
ولن تطيب الجنة إلا برؤيته
أن يديم ثباتك ويقوي إيمانك وصحتك
ويرفع قدرك ويشرح صدرك
ويسهل خطاك لدروب الجنة
وأن يجعلك من عتقائه من النار
ومبروك عليك شهر رمضان

انا مش معاهم said...

كل سنه وانتم الي الله اقرب
رمضان كريم
اخوكم سيف الاسلام

Doba said...

انا جيت علشان أسلم واقولك كل سنة وانت طيب مع غنها متأخرة حبات كتيرات

السنة الجاية تكون فى بيت العدل انت وجوهرتك الجميلة

ربنا يسعدك يا دكتور كما تبث السعادة والمل للآخرين

تحياتى لك وللأسرة
هبة

ibn_abdel_aziz said...

شكرا يا دوك
:)
جزاكم الله خيرا علي هذه الكلمات الرقيقة
لسة شايف الموضوع الان

تقبل الله منا ومنكم
ونراكم قريبا ان شاء الله


حمادة - عصفور المدينة
يبني كنت عاوز اشوفك دا انا حموت اشوفك
فوق بقى حبة لحسن كدة صعب قوي
:)

Post a Comment

زد الموضوع جمالا بتعليقك

Newer Post Older Post Home

    يا خسارة علينا .

    يا خسارة علينا         .

مدوناتي


المصحف الشريف مكتوب
ملف وورد
هدية للمدونين للاستفادة في الاقتباس
اضغط على الصورة
father small

شرفونا

كلمات أحبها


قال الله تعالى
اني والانس والجن في نبأ عظيم
اخلق ويعبد غيري ... ارزق ويشكر سواي خيري الي العباد نازل ... وشرهم الي صاعد اتودد اليهم بالنعم ... وانا الغني عنهم ويتبغضون الي بالمعاصي ... وهم افقر مايكونوا الي اهل ذكري اهل مجالستي فمن اراد ان يجالسني فليذكرني اهل طاعتي اهل محبتي اهل معصيتي لا اقنطهم من رحمتي ان تابوا فانا حبيبهم وانا ابوا فانا طبيبهم ابتليهم بالمعاصي لاطهرهم من المعايب من اتاني منهم تائبا تلقيته من بعيد ومن اعرض عني ناديته من قريب اقول له: اين تذهب؟ الك رب سواي؟الحسنة عندي بعشر امثالها وازيد والسيئة عندي بمثلها واعفووعزتي وجلالي لو استغفروني منها لغفرت لهم

About Me

My photo
مشروع طبيب أحب الحرية جدا واحب الحب وأكره الظلم والنفاق أتمنى أن أرى بلادنا اسمها في السماء و احبكم

لمـــــــــــــــــــاذا دكتـــــــــــــور حر ؟

دكتور لأني طبيب
وحر لأني أؤمن بالحرية وأعشقها وأحلم بها تعم بلادي وكل الدنيا

أكتب هنا في مدونتي أشياء مني تعلمتها وشهدتها أو أصوغها كما رأيتها
خير من أن تظل الفكرة حبيسة الجمجمة
وكما قيل فإن الفكرة طائر وصيدها كتابتها
ولأجعلها ميراثا مكتوبا لمن بعدي
والله المعين

    دكتور حر على الفيس بوك

    القرآن بصوت والدي رحمه الله

    father small

    اخترنا لك


Recent Comments