حتى لا نضل الطريق
سلاماتي
على الهامش ((والله نفسي أكتب وأدون واتابع واعلق بس النِّفس))
لكن عله خير
عندما يدخل لاعب متميز إلى المباراة فيستفزه أحد اللاعبين المنافسين بحركات أو مضايقة أو عرقلات حتى يفقده تركيزه ويتحول تفكير هذا اللاعب المتميز إلى كيفية الانتقام من هذا اللاعب وينسى أن عليه أن يلعب مع زملائه ويسجل ويفوز فإنه قد ضل الطريق
عندما يجلس أحد الطلاب في امتحان آخر العام ويجد الطاولة التي يجيب عليها الأسئلة تتلخلخ أو تتحرك قليلا فيشغل نفسه طول الوقت بتثبيتها ويستدعي عاملا ليحضر له مسامير ليثبتها ويجعلها جل اهتمامه فإنه يكون قد ضل الطريق
عندما يذهب طالب لجامعته ليحصل العلم والشهادة فيرى من الجنس الآخر ما لذ وطاب فينشغل به ويجعله همه الأول والأخير أو أن ينشغل حتى بالأنشطة الطلابية حتى يؤثر ذلك على دراسته فيخرج من المقبولين أو من الراسبين فإنه يكون قد ضل الطريق
ما أود أن نصل إليه لكل فرد في حياته هدف واحد لا يحيد عنه أبدا
كل ما يفعله في الوقت بين إدراكه الهدف ووصوله اليه لابد وأن يكون مساعدا لذلك
فتخيل لو أن فردا ولد لآباء ميسوري الحال وتفوق في تعليمه وتزوجامراة فائقة الجمال ثم عين في وظيفة بمرتب لم يكن يتخيله ثم بنى بيتا فخما كبيره انتقل اليه واولاده من البنين والبنات ثم مات ودخل النار
فهذا يكون ممن ضلوا الطريق مع أن في ظاهره للناس أن هذا هو النجاح وأن هذه هي الحياة
كل ما نفعله في حياتنا يجب أن يوجه لوجهته الصحيحه من عبادات ومعاملات
فالغالب على الناس انهم يقولون أن فلانا متدينا عندما يصلي ويفعل العبادات
ولكن
الدين ليس العبادات
انما جزء يسير من الدين فقط أن تصلي وتصوم وتقرأ القرآن وتحضر وتسمع دروس العلم فعلا قدر بسيط جدا
لكن الدين أن تذاكر وأن تنجح وأن تلبس ما يرضي ربك وأن تتزوج وان تنجب وأن تعلم وتتعلم وأن تركب سيارتك وتأخذ معك آخرين لو توفر المكان وأن تربي أولادك وأن تذهب للمصيف إن أردت وأن تزور أهلك وأن تلهو مع أصدقائك وأن تسمع من الأغاني ما يرضاه الله
كل هذا من الدين
وخلاصة القول
أن نركز في حياتنا واعمالنا لنوجهها لوجهتها الصحيحه
أن يرضى الله عنا وأن يدخلنا الجنه
لا تغرنا ولا يشغلنا العمل والوظيفة ولا الأولاد ولا الفسح ولا الحب ولا الكره
لنفعل كل ذلك ولكن في مكانه الصحيح
وهذا هو حديث النبي صلى الله عليه وسلم الرائع لكل المسلمين
والله المعين
73 قالوا رأيهم/ أضف تعليقك:
اول تعليق بس
هحجز وارجع اقرأ
تانى تعليق
بحجز بس!
اولا السلامو عليكوووووو
بجد البوست ده رااااااااائع -من غير اي مجامله يا دكتور-بجد رائع
هو ده ديننا اللى بجد
وفعلا لازم نركز على هدفنا
حتى
لا نضل الطريق
احييك
بوست بجد مفيد
جزاك الله خيرا
جزاك الله كل خير موضوع مفيد و قيم جدا
موضوع ممتاز
بجد اسلوب رائع
تحياتي يا دكتور
والصورة اللي في الآخر ممتازة
دمت سالما
ربنا يكرمك يارب
والله اسلوبك اخر روعة وجمال وتشويق
تسلم لى
واحشنى كتير
اخوك احمد
السلام عليكم ازيك يا د محمد الكلام ده عالي يدل على فهم عميق وشامل وربنا يزيدك ويزيدنا (فهم طبعا)
ادعيلنا بقى نخلص السنة اللي مش عايزة تخلص دي
اه وللاسف كثيرا مانحيد عن الطريق
ولكن نسال الله الثبات علي الطريق القويم
ثبتنا الله واياك
دكتور مصر الاول
كلامك رائع يكتب بماء الذهب
هى الفكره
أن لا يفتقدك الله حيث أمرك وأن لا يجدك حيث نهاك
وقت الصلاه صلاه
ووقت التعامل مع الناس برضه يظهر فيك سمات المسلم نهاك انك تكون وتكون وتكون مع الناس يبقى خلاص متكنش
وامرك انك تعمل وتعمل وتعمل مع الناس خلا تبقى تعمل
ربنا يكرمك يااااااااارب
متفقة معاك يا دكتور محمد
الدين سلوك فى المقام الاول
و ما فائدة المعروف و المبادىء و الأخلاقيات إن كانت لا تنفذ و لا تعاش
ربنا خلقنا عشان نعبد و نعمر الكون
مش نحرم العيشة على نفسنا تحت مسمى الزهد و التدين و العزوف عن الدنيا
و كأن الدنيا ليست من نعم الله
المهم هنعمل فيها إيه
الله يفتح عليك
موضوع جميل يا جميل بس همسة صغيرة ( اللي واخد عقلك .....)
المقدمة جميلة والأمثلة رائعة و لكن لب الموضوع يحتاج تركيز أكثر و تحديدا هذه الجملة
(لكن الدين أن تذاكر وأن تنجح وأن تلبس ما يرضي ربك وأن تتزوج وان تنجب وأن تعلم وتتعلم و و و و ..... إلخ الجملة )
أشكرك لاتساع صدرك
اي ان يكون الاسلام منهج حياة كامل
نعمل لنرضي الله ونلبس لنرضي الله وناكل لنرضي الله ونلهو ونلعب لرضي الله
اللهم انا نسالك رضاك والجنة ونعوذ بك من سخطك والنار
كتبت فأوفيت وأصبت يادكتور
ربنا يكرمك يارب
وحتى لا نضل الطريق
علينا التذكر الدائم
لاسم الله الرقيب
فلنستمتع بالحياة بكل مافيها
ولكن فى رضا الله عز وجل
دمت سالما ومرشدا
:)
حتى لا نضل الطريق
عندما تزوغ اعيننا عن الهدف نضل الطريق
بجد كلامك رائع جزاك الله خيرا
تحياتى
حقيقي دي من الحاجات غللي لازم نعملها أو ناخد بالنا منها حتى لا نضل الطرق ...إللي كله متاهات
أكرمك الله
تحياتي
والله كلام حضرتك جميل أوى
مفروض يكون للواحد طريق ومبدأ صحيح يسير عليه مش يكون لنا مبدأ خاطئ نجرى وراءه
وهو ده جوهر الحياه
مصطفى
يابنى أنا ماعرفش بتجيب الكلام دة منين ... و بصراحة الكلام مؤثر جدا
و الله فكرتنى بالكلام اللى كان بيقوله لينا الأستاذ أحمد محمد على صاحب "يوميات عيل مصرى" .. كلامه لسة بيرن فى عقلى لغاية دلوقتى
أوقات كتير قوى الواحد بيبتعد عن طريقه اللى المفروض يمشى فيه .. بس لا يلبث أن يتراجع .. بس لما آجى أسأل نفسى لو الواحد ابتعد و لو بمقدار ضئيل عن الصراط .. هل هايقدر له أن يعود مرة أخرى ؟؟؟ اللهم نجنا من النار و اغفر لنا و تول أمرنا و آتنا فى الدنيا حسنة و فى الآخرة حسنة و قنا عذاب النار
بس معلش اسمح لى أعلق على حاجة صغيرة كدة على جنب .. العبارة اللى جاية دى ممكن تخلى ناس تغير تفكيرها عنك مية و تمانين درجة:"وأن تسمع من الأغاني ما يرضاه الله" .. و ممكن يكتبوا فيها عنك مطولات
هل بالفعل نحن من سعة الأفق بحيث ندرك أن هناك أغانى يرضاها الله ؟؟
بارك الله فيك يا دكتور و زادك إيمانا و رجاحة عقل و حسن خلق ... و جمالا
اللهم انا نسألك ثباتا على الطريق لا يحيد
....
جزاكم الله خيرا على تلك التدوينة الرائعة وتقبل زيارتى الاولى لمدونتكم وان شاء الله تكرر كثيرا
السلام عليكم يا دكتور
جئناكم بدعوة لقبول تاج خاص جدا على مدونتي الجديدة
I'm a Dentist
ولكم التحايا الطيبات
عندما يذهب طالب لجامعته ليحصل العلم والشهادة فيرى من الجنس الآخر ما لذ وطاب فينشغل به ويجعله همه الأول والأخير أو أن ينشغل حتى بالأنشطة الطلابية حتى يؤثر ذلك على دراسته فيخرج من المقبولين أو من الراسبين فإنه يكون قد ضل الطريق
ده كلامك يا ابو الطب :)
بص يا سيديانا متفقمعاك في الجزءالاول من كلامك بتاع اللي مالذ وطاب
لكن معلش يعني الجزء التاني بتاع الانشطه الطلابيه فمعلش انا عكسك تماما
اولا يعني يااستاذي فيه انشطه طلابيه في مصر هادفه جدا و بتعمل خيرللبلد كلها و فعلا بتنمي قدرات الطلاب
كمان معلش برضه ان اللي بيحصل هنا غلط لان في اي بلد متقدم بيكون احد معايير تقييم الطلاب بيبقي المشاركه في الانشطه الطلابيه دي
مش انالطالبيفضل يحفظ لاخر السنه و يطرش اللي حفظه في الورقه وشكرا
بجانبكمان ان اصلانظام التقييم عندناو الامتحانات غلط شويه وعلي ايدي دول ناس في الامتحانات فاهمه كويس و طلعت بمقبول و ناس مش ليها في اي حاجه و طلعت بالامتيازالجميله
الموضوع اكبر من ان الانشطه الطلابيه بتاخر في الدراسه
حياكم الله
اخي الدكتور
فعلاً احنا سعانت بنشغل نفسنا بحجات
تبعدنا كتير عن هدفنا الاساسي
وده اللي بيعملوه اعدائنا بيشغلونا
بحجات كتير علشان نبعد عن الهدف
كنت سمعت اخ كبير بيقول الحديث (( بني
الاسلام على خمس ))اي ان المقصود لس
الاسلام هو الخمس ولكن هم عمدان المبني
الذي سيبنى عليهم الاسلام
فالاسلام ليس عبادات فقط
ادخلوا في السلم كافة
جزاكم الله خيراً
رؤية متميزة كالعادة
اسال الله تعالى ان يلهمنا الرشد في امرنا كله
تحياتي
السلام عليكم ورحمه الله وبركاته
جزاك الله خيرا يا دكتور علي هذا البوست الرائع
ولكن
ان نسمع ما يرضي الله من الاغاني ....؟
ليست علامة الاستغهام هذه مني ولكن ممن لم يتقرب منك ويعرفك. نعم انا وانت تناقشنا فيها في الرحلة الاخيرة في الجمعةما قبل الماضيه بجانب ايضا الموسيقي ووصلنا انها من الاحاديث المعلقة في الامام البخاري.
واساند ما قاله ابو حجر العسقلاني هل نحن فعلا من سعة الافق بحيث ندري ان هناك اغاني يرضاها الله....؟
بوست رائع انت اوجزت فيه
الغرض منه ان يكون لك لك مبدأ وهدف تعمل وتخلص له ولا تنس في البدايه ان يقف المرء مع نفسه وقفة
هل هذا العمل سيرضي الله....
هل هذا العمل لله....
هل هذا العمل سيدخلني الجنة....
نسأل الله دائما وابدا لنا ولك الاخلاص في القول والعمل.
نسألك الدعاء غلشان نخلص من التدريب والقاعدة في السويس
وجزاك الله خيرا
السلام عليكم
بصراحة بحس براحة نفسية وهدوء
كلما اقرا كلماتك
بجد جزاك الله خيرا ومتعك بالصحة دائما
اسلوبك اسلوب السهل الممتنع فى السرد والكتابة
تسلم ايديك اخى الكريم
حتى لا نضل الطريق
يجب أن يكون لدينا خريطة واضحة
وهدف واضح نود الوصول اليه
الخريطة هى اتباع منهج الله الذى ارتضاه لنا
والهدف هو نيل رضا الله والفوز بالجنة
اذا كان هذا واضحا فى جميع الأذهان فلن يضل أحد الطريق
وسنصل جميعا الى الهدف المنشود
بعون الله ومشيئته
المهم الثبات والتمسك بالخريطة جيدا والصبر على صعاب الطريق
مش الهدف يستاهل برضه
متألق كالعادة
بعوضك بس عن غياب فرنسا
قرأت التدوينة
حتى لا أضل الطريق
جازكم الله خيرا
تذكرة رائعه جداً يا دكتور ربنا يعزك و يكرمك ..
السلام عليكم
نسال الله العلي العظيم ان يرشدناو يثبتنا على الطريق الصحيح
الموضوع جميل تسلم يديك وموضوع استقبال ما شاء الله
جزيت الخير ونفع الله بك
تحياتي
عايز أتعلم
سمسم
*****
مبروك الحجز زمنورين بس متطنش يا ريس
:))
سمسم
وعليكم السلام ورحمة الله
ربنا يكرمك لكلامك
وموفقين بإذن الله لكل خير
**************
أريج السمر
نورتي في زيارتك الأولى
وجزاكم ربنا خيرا ان شاء الله
تحياتي
د محمد الجوهري
منور يا جميل وتحياتي لكلماتك
ونسأل الله القبول والتوفيق للعمل
***********
أحمد بيه الصباغ
منور يا خال
وحمدالله على سلامتك
وانت والله واحشنا أكتر
ونشوفك على خير ان شاء الله
حسام
منور يا حبيبي وربنا يكرمك لزيارتك الجميله وتخلص على خير ان شاء الله
وفيري جوود برضه واكتر ان شاء الله
*********
عاشقة الفردوس
وتلك طبيعة الانسان
ولذا كان من دعارء الرسول الكريم
وأسألك العزيمة على الرشد
جزيت خيرا
بطوط حبوب
ايه يا سيدي الكلام الكبير ده
ربنا يكرمك
وطبعا انت سيد من توصل الفكرة لدماغه على طول
ربنا يكرمك ويوفقك يارب
**************
فاتيما هانم
ربنا يكرمك يا شيخه
المهم هنعمل فيها ايه
والدين سلوك
انت كده وصلتي للبهاريز
بس اهم شيء ربنا يوفقنا للعمل
والقبول
جزيتي خيرا
رد عائلي
:)
************************************
النجم الكبير وطني
اللي واخد عقلي كتير قوي يا باشمهندس
لكن ملحوظتنك على راسي طبعا وأعتز بها
لكن الواحد بيكون نفسه يختصر بقدر الإمكان بمقدار لا يخرب الفكرة ويوصل الهدف في أقل مساحة ممكنة حتى لا يمل القاريء
وربنا يسهل ويتقبل
وتحياتي لمرورك الجميل
*********
النجمة الصامدة
د جهاد
هو ما ذكرتي ان يكون الاسلام منهج حياة
كثر الله من فاهمي دينهم أمثالك
جزيت كل الخير
والله يا دكتور انا عادة تعليقاتي طويله وفيها إسهاب كتير بس المره دي مش لاقي غير إني أقول رائع ربنا يبارك فيك ويارب نبقى إصحاب
تحياتي
جزاك الله خيرا
لا بقى مش كل شوية تدخل تاخد حسنات على قفانا
بس عارف انا فعلا بستفيد من مدونتك جدا
وحاسة انك فعلا هاتكون دكتور شاطر
يالا ياريت نشوف عيادتك قريب
السلام عليكم ورحمة الله وبركاته
جزاك الله خيرا
دكتور حر..
أولاً تقبل مرورى..
ثانياً تقبل تحياتى..
عن جد البوست رائع..فى مضمونه وفى اسلوبه وفى كل شئ..
وعاوزه أقول حاجه..
يمكن هى مجمل كل الموضوع..
"الدين المعاااامله"..
فى كل شئ..
وتقبل تحياتى مره أخرى..
السلام عليكم..
والله العظيم تحفة يابن الحلال
ايه الحلاوة دي اللهم صلي على سيدنا النبي
صلى الله عليه وآله وسلم
ربنا ينفه بيك الدين بجد بجد ابدعت نفع الله بك
مش هتيجي تتغدى عندي بقى
امي طبخها حلو اوي
السلام عليكم
اخاف ان نضل الطريق ونأمن مكر الله فلا نجد شئ في النهاية ولا حول ولاقوة الا بالله
والسلام
حتى لا نضل الطريق لازم نأخذ طريق واحد به كل الطرق
طريق سبحانه وتعالى
ومن يتخذ يبغى غير دين الله سبيلا
نسأل الله أن يثبتا على طريقه حتى لانضل الطريق
تحياتى ليك
آخر العنقود
اسم الله الرقيب
نعم الدليل
رزقنا الله واياك حسن الفطرة
وجزيتي خيرا لكلامك الجميل
********
رئـــــيسـة حزب الأحلام
ربنا يثبتنا جميعا
ويرزقنا الاستقامة
جزيتي خيرا يا ريسه
إيما ( أم البنين)
بس أهم شيء نلحق ناخد يالنا فعلا
وربنا يستر
نورتينا يا ام البنين
egyboy
بيني وبينك يا مصطفى الواحدأحيانا بيتمنى ان اي حد يكون بس عنده اي مبدأ
بس بالتأكيد كلامك صحيح
منورني دايما يا درش
السلام عليكم اخى دكتور حر فكرة الموضوع بسيطه تحمل فى طياتها الكثير والكثير فهى تحمل التذكره والتنوير والفهم والرشد والعلم بحقيقه ان تعلم وتعمل ولكن اخى اعلق على نقطتين اولها ما لذ وطاب فلا تصح هذه الكلمات وكان من باب اولى ان تقول على مايرى ما خبث وفساد والثانيه كما قال عبد المجيد من لا يعلم شروط صحه الاغانى التى يرضى الله عنها يرى ان فى فى كلامك مضاربات بين السعى لنيل رضاء الله وبين التلذذ بالاغانى فعليك اخى الكريم ان تقدم الادلة حتى يقتنع من لايقتنع الا بالدليل بوجود اغانى حلال
نفع الله بك الاسلام والمسلمين
حياكم الله
وجزاكم الله خيرااا
الله الله على المواضيع الجامدة... ايوا كده سيبك من الطب ووجع القلب وارجع لنا بمواضيعك الحلوة ده... وفعلا الناس بتبص للدين نظرة ضيقة جدا وياريت كل الناس تصحح المفهوم الحقيقي للدين
وربنا يكرمك
كلنا بنضل الطريق لحظات او ساعات
بس المهم ان احنا نرجع وبسرعه
تحياتى ويارب تكون بخير يامحمد انت وكل اهلك
ابن حـجـر الـعـسـقـلانـى
ياعم محمد ده من ذوقك بس
وربنا يتقبل
ومتقلقش كلامي والاستاذ أحمد كله في الفدان
:))
وأنا دايما موقن بمبدأ ان الانسان الكويس هو اللي بيغلب خيره شره
مش اللي مش بيغلط لأنه مش موجود
وبالنسبه للأغاني
يقى حد يكلمني كده بس
وانت هتشوف
:))))
ودي مش سعة أفق
دي
أصووووووووووووووول
بس
نرتني يا جميل
*******************
الزهراء
نورتينا يا زهراء
وربنا يتقبل منا
ويتقبل منكم دعواتكم الجميله
آمين
وتنورونا دايما ان شاء الله
النجمة الصامدة
والله في سنانس
قصدي في دماغي هحله ان شاء الله
بس دعواتكم
ولكم التحايا الطيبات برضه
***************
Ehab
نورت يا عم ايهاب
وده كلام أبو الطب على رأيك
الظاهر انك مش خدت بالك بس
انا يا سيدي نفسي الناس كلها تقطع السمكه وديلها في الانشطه الرائعه اللي بتقول عليها
لكن بشرط واحد
ان مش يحيد عن هدفه الاساسي ومقدار التحصيل الرئيسي
المذاكره
ومفيش تعارض ان شاء الله
ونورتني
الجمعاوي الاصيل
نورت المحكمه يا ميخا يا كبير
وأملي ان شاء الله الله ان الاعداء دول مش يطولوك
ودعواتك ورناتك يا غالي
وسلاماتي لحبايبك
*************
Unique
جزيتي خيرا لكلامك الجميل
وأسأل الله لنا ولك القبول
تحياتي
باشمهندس احمد عبد المجيد
نورت يا هندسه
بالانسبه للأغاني
الموضوع في وجهة نظري
مش سعة أفق عند المثقفين
قد ما هو تقوى من العامة
وبالنسبه للموضوع
ربنا يكرمك لرؤيتك وفهمك الجميل
*******************
همس الاحباب
أخونا الجميل
أبو همس
ربنا يكرمك على كلماتك الرقيقة
وربنا يتقبل يارب
جزيت خيرا
وياريت تنورنا على طول يا جميل
اللؤلؤة المكنونة
حتى لا نضل الطريق
لازم رد لوحدك طبعا
:)))
خريطة وهدف وكلام كبير
بسم الله ما شاء الله
فعلا
لازم الواحد يصبر على تحمل الوضول للهدف اللي يستاهل
ومنره كالعاده
من غير فرنسا اللي ربنا يردها لنا سالمه يا رب
جمعاوى روش طحن
منورني يا حبيب
وربنا يرزقنا واياك الثبات والتوفيق
**********
ابن ادم
آمين يارب
ونورتني يا ابن آدم
نونو
نورتينا
وأشكرك على المتابعه
وربنا ينفع بهذه الكلمات يارب
وتحياتي الخالصه
*************
محمد فوزي
يشرفني نكون أصحاب
وأشكرك لكلماتك الجميله
وخالص مودتي
بووليد
وجزاكم
ونرتني يا بو وليد
**************
تائهة فى أرض الأحلام
يا ستي
بس ربنا يتقبل
وربنا ما يجيبلك مرض أبدا ولا تتحوجي لي ولا غيري
:::)
ونورتينا
السلام عليكم ورحمة الله وبركاته
يشرفنى دعوتكم لحضور حفل توقيع ديوانى الاول
اطياف الصمت
وذلك فى الثانى من شهر اغسطس
يوم السبت القادم باذن الله
الساعة 7
بمكتبة طلعت حرب
يشرفنى حضوركم جدااااا
السلام عليكم جزاكم الله خيرا هذه اول مره ازور هذه المدونه وسررت بها جدا انا طبيبه بالامتياز جامعة المنصوره واتمنى ان تساعدني في اختياري للوظيفه ترتيبي الثامنه على الدفعه لكنني للأسف دور ثاني لأني كنت أجلت الباطنه كان حلمي أخد باثولوجي لكن الدور التاني فيه بس كلينيكال وامامي اطفال او اشعه محتاره بينهم خايفه تكون الاشعه لها أضرارها في بلدنا الحلوه ديه وحاسه ان الاطفال شاقه جدا ياريت تسألي وتساعدني في اتخاذ القرارأيهم أفضل وربنا يكرمك
تحياتي دكتور
على مقصدك الذي أسأل الله ان يديم عليك الاخلاص فيه
وعلى أسلوب طرحك الذي لك ان تفخر به والمنة والفضل لله
وعلى هذه التدوينة التي جذبتني لانال متعة القراءة ثم التجول بين أركان حريتك الواضحة
حريتك به جل شأنه ....
:)
الدين ليس مجرد عبادات
لست أدري كم وصلت لدرجة من تطبيقي لهذه الحقيقة
ولكني على يقين من أني كنت ممن تغرهم في الآخرين همة العبادات فيظنون غير الحقيقة في البعض وينخدعون !
وتدريجيا أدركت بالتجربة روعة ان يكون الدين هو الحياة .... ولكن بالوجهة الصحيحة
!
وأدركت أيضا معنى ان يكون الانسان مخلوق في كبد
لأنه _ إن تبصر بفضل الله _ سيسعى دوما نحو تطبيق هذه الحقيقة وسيسعى أيضا _ وفقط _ لمن هم على هذه الحقيقة بعمقها الدريّ
ومن يصل .... فقد وصل
وفي درب المحاولة قبل الوصول _ وخاصة ي هذا الزمان _ يكون الكبد
الله المستعان
شكرا لك :)وخالص تقديري
طول عمرك خطير يا دكتور
فاكر لما قابلتك وسالتني عن انتمائي الحزبي قلتلك مع نفسي
قلتلي عيش حياتك بس بما يرضي الله
اعتقد الكلمتين دول تلخيص البوست
بس برده انا استزدت استفاده
جزاك الله خير
السلام عليكم .. إزيك ؟؟
بصراحة بوست فظيع .. متميز ..
جدا جدا
يمكن أنا أكون ممن ضلوا الطريق لفترة ما من باب اني كنت منشغلة أوي بالأنشطة الطلابيه
بس الحمد لله الواحد مبيتعلمش ببلاش .. و عسي ان تكرهوا شيئا و هو خير لكم..
تحياتي..
ياسمين..
نوته و قلم :)
خمسة فضفضة
دكتونا الكبيره
وعليكم السلام
وإياكم ان شاء الله
*********
miada ref3at
نوريتينا في زيارتك ومرورك الأول
و
أتمنى دوام المتابعه ان شاء الله
واسمحيلي اعمم اكتر من المعامله ان
الدن هو الحياه
ومنهج حياة
صيد الخاطر
منورني يا غالي
لكن فعلا
تعليقك حسسني ان احنا فقها ودراويش
وسمعني الصلاة عالحبيب
:))
*******
الفاتح اليعقوبي
مرحبا بيك يا عز
ربنا يسترها يا خويا يارب
وطمنا عليك
دكتور محمد
ازيك ؟؟
كان نفسى تيجى التبرع بالدم
كان جمع حلو قوى و يستاهل وجودك
المرة الجاية مفيش تفاهم و لا أعذار و لازم هتيجى بإذن الله
أنا جيت أسلم بس و اطمن عليك
تحياتى يا دوك
المنسى
منور يا منسي
وربنا يتقبل منك يارب
****************
ابو داود
معك يا ابو داوود ان ممكن الاصح نقول ما لذ وخبث
لأنه الشهوه كده
لكن موضوع الاغاني لا طبعا
لان المعظم عارف الصح بالضبط
والجدال بين فئه بسيطه
ومنور
رُدَّ إلى َّ روحى
آ مين يا رب
وجزيت خيرا
***********************
somaya abozaid
والله زمان يام عمار
فينك يا شيخه
ربنا بس يرزقنا العمل ويوفقنا يارب
alqassam
ماشي يا سيدي
***********************
د/اجدع بنوته
فعلا المهم ندرك ونرجع
منوره يا دكتوره
وربنا يوفقك في امتحاناتك يا رب
shaimaa samir
الف مبروك الديوان
لكن
والله مش شفت الدعوه الا بعد الموعد
الف مبروك كمان مره
**********************
Anonymous Anonymous
مرحبا بالزميله
نورتي المدونة
بالنسبه للتخصص
لو انتي ناوية تشتغلي وتفغي وقت كبير للعمل يبقى تاخدي الاطفال أحسن وخاصة لو انتي من قرية او مدينه صغيره
لكن لو مش ناويه تتعبي نفسك قوي بعد كده تاخدي اشعه
متعبه في النيابه حبتين لكن راحه بعد كده
وعامة تصلي استخاره وربنا يكتب لك الخير ان شاء الله
رشا عبد الرازق
تحياتي دكتوره رشا
ربنا يكرمك لكلماتك التي أثلجت صدري حقا
وتسحق ان تصاغ من جديد على صفحات المدونة
ربنا يتقبل
ويوفقنا لما يحب ويرضى
*********************
ابو اعصار
منورني يا ابو اعصار
وربنا يرزقنا زاياك العمل يا حبيب
دعواتك من عندك يا غالي
عاقلة علي ارض الجنون
مرحيا ياسمين
الانشطه الطلابيه شيء ممتاز
لكن في الوقت والمكان الصحيح
ربنا يكرمك ويوفقك
***************
فاتيما
والله نسيت فعلا خالص
ومحدش فكرني
ربنا يتقبل منكم يارب
وان شاء الله نكون معاكم بعد كده
وشكرا للسؤال
excellent
excellent
Post a Comment
زد الموضوع جمالا بتعليقك