استقباااااال ....1
سلاماتي
بل أحر وأشوق تحياتي
بل أحر وأشوق تحياتي
رزقني الله تعالى وأنعم علي وابتلاني بشهر ما زلت أكمل فيه أكون فيه طبيب طواريء واستقبال لينقشع جانب الحرية قليلا من دكتور حر ويعلوا ويسطع جانب الدكتره
******
******
هو شهر كما سماه الأسبقون منا والراحلون ...شهر مدرسة
فترة تعلمت منها وفيها الكثير والكثير ...
فترة توقعت منها القليل وصدمت فيها بالكثير
فترة كنت قبلها ربع طبيب وبعدها ثلاثة أرباع نفس الشخص
فترة اختلطت فيها بكثير من الأحياء وعديد من المرضى وقليل من الأموات
فترة عاشرت فيها الكثير من الناس في أغلب الأوقات كانوا يتكلمون ويتعاملون تحت تأثير العواطف والضغوط والقلق والخوف والترقب
********
مرت على الكثير من الحالات منها ما مر مرور الكرام
ومنها ما نكت في قلبي ووصم فيها وصما
ومنها ما توقف ولم يمر
سأستعير أفكار اختنا الكبيرة خمسه فضفضه لبعض المشاهد في مشور الحياة وإن كنت لن أجاريها الأسلوب في الوقوف سويا على بعض المواقف على مرتين ان شاء الله
********
من أكبر المشاهد التي أثرت فينا هي أول حالة وفاة نعيشها داخل غرفة الاستقبال والتي كانت قد لفظت أنفاسها بالفعل على باب المستشفى ولكن حاول أكثر من عشرة أطباء عبثا ان يحاولوا أن يحركو قلب الميت من جديد أو يعملوا نفسه ميكانيكيا الا ان الله قد اختار له مغادرة الدنيا وقت أذان الفجر لأقول للوهلة الأولى يا لحظ هذا الرجلالا أنني سرعان ما اعرفت أن الميت رجل مسيحي قد صرخت زوجته ليلا فهرع جيرانه المسلمون اليه واتو له بالاسعاف لينقلوه الى المشفى لم يتأخر منها أحد في موقف رائع لأقول الحمد لله على نعمة الاسلام
ولأدعوا
اللهم ارزقنا الهداية وحسن الختام
********
من المشاهد التي تكررت علينا كثيرا
مشاهد المشاجرات الكثيره والعديده لأذكر ثلاث سيدات أتوا الينا وقت أذان الجمعه أحدهما مقطوعة الأذن تقريبا وأمها تمشي تعرج بقدميها من الضرب وأختها أيضا ليكون احد مغاوير بيتهم الأشاوس من الرجال قد أخذته نخوة احساسه برجولته ليطيح في أهله بهذا الشكل وآخر في نفس اليوم يأتي ابوه وأخته وزوجته بأثار ضربه لهم بحديدة قوية على بطونهم وصدورهم لأتعجب من امر هذه الدنيا وحقارتها التي لا تستحق كل هذا النزاع والصراع المميتمع ان رب العزة قال في وصف الدنيا في شعور الناس يوم القيامة
كأن لم يلبثوا الا ساعة من النهار يتعارفون بينهم
فهل تستحق هذه الساعة منا كل هذا
أم نقف ونجتهد ان تمر بسلام حتى دار المستقر لأعود فأقول
اللهم ارزقنا الهداية وحسن الختام
********
من المشاهد الرائعة التي تكررت كثيرا هي مشاهد العطف والحب التي يحظى بها كثير من المرضى وخاصة صغار السن من ان تأتي أم بابنها أو بزوجها أو ابن بأبيه أو ما شابه ليكون تعبهم كتعب المريض وهمهم اعلى من هم المريض نفسه لترتسم حقا صورة من أسمى المشاعر وانقاها على النقيض من علاقات السابقينعلاقة كلها رحمة وحب وحنان تخاف الأم على ولدها وابنها
لأتذكر قول المصطفى الكريم في ما معناه
لله أرحم بعبده من هذه الأم بابنها
وللحديث بقية ان شاء الله
67 قالوا رأيهم/ أضف تعليقك:
حمدلله على السلامة
يا دوك
كنت قلقانة على غيابك دا
بس الحمدلله كان فى خير
ربنا يوفقك يا رب فى كل خطواتك
تحياتى الخالصة
يا نهار ابيض
دانا جي جري ألاقي فاتيما سبقتني
شفت يا دكتور عيادتك قصدي مدونتك مليانة ازاي
صباح وقررررر
بجد احساس هايل يا دكتور
وموضوع رائع لأبعد الحدود
فعلاً موت أبي رحمه الله في مستشفي الطواريء ذكرتني به مواقفك
تحياتي لك وتمنياتي بالخير
أرك علي خير ان شاء الله
دمت سالمأً
وما زالت تلك الدنيا تعملنا كل يوم المزيد والمزيد
تحياتي
كل يوم بيعدى بينا فى الدنيا بنتعلم كتيييييييير
وفقك الله يادكتور
وأخيرا نزلت الشارع يا محمد
أعانك الله
لقد جرى لأخيك خطب في غيابك ولم يجدك بجواره
:)
سبحان الله
هو ده الاحتكاك الحقيقي الاول بالحياة يادكتور محمد والاحداث هتلاقيها بتتوالي عليك
أرجوك بس انك تكون طبيب رحيم ورؤوف بمرضاك
وماتنساش ابتسامة على ثغرك هتنول بيها صدقة وهاتخفف عن المريض واهله كتير
للاسف الشديد كتير من اطبائنا بينسوا انه المريض واهله احوج ما يكونوا لكلمة عطف واتبسامة ود تخفف عنهم
اما الدنيا التي لا تساوي جناح بعوضة ... فربنا يخرجنا منها على خير
دمتم بكل خير
موضوع انساني لابعد حد حمدلي على السلامة يا دكتور مهمتك انسانية قبل ان تكون مهنية لو جيت لك متاخدش عليا كشف
تحياتي لك من الدمام لحد عندك
اولا حمد لله على السلامه تانى وتالت
ثانيا بجد مبسوطه من المواقف دى بتنبه الانسان لحاجات كتير قوى واواى يأخد باله على الرغم من انها مؤلمه قوى
فاكر مسلسل ٌُ الاجنبى كنت بحب اشوف بتاع الطوارئ ده علشان المواقف اللى فيه كمل الحاجات دى يا دكتور وربنا يهدى
عودا حميدا يادكتور
واعانك الله على عملك
وجعلك طبيبا رحيما بكل مرضاه
تحياتى لك ياصديقى
فاتيما
كتر خيرك والله يا أم يوسف عالسؤال والمتابعة
وربنا يتقبل دعائك يا رب
************
د محمد بيه الجوهري
الخفيف يكسب
معلش
:)
وقر يا سيدي براحتك ولا يهمك
ولسه الحياة مليانه
ورحم الله والدك
صاحب المضيفة
نورت يا سيدي
وعندك حقك
وربنا المعين
**********
عاشقة الأقصى
صدقت حقيقة
نورت بمرورك
وتقبل الله منك
عصفور المدينة
ليه هو أنا زي ناس
بس قلقتني
مال اتصل عليك مش بترد
لعله خير
ان لم يكن اللي في بالي
ربنا معاك يا غالي
**********
همسة قلم
يادي النور يا دي النور
شايفة
بقايل حلو أهو
وابش في وجوه الناس
لا
أخوكي في الحته دي جامد
والحمد لله
وربنا المعين
وتحياتي الخالصة
أبو إعصار
منور يا غالي من الدمام لحد هنا
طبعا انسانيه
وربنا ما يحوجك ليا ولا تديني ولا آخد منك
ويعطيك الصحة والعافية
ومنور تاني
**********
آبي
الله يكرمك على كلماتك
وحياة الانسان هي مجموعة مواقف فعلا
المهم نتعلم منها
وربنا المعين
***********
الشاعر افندي
منور يا عم محمد
وتقبل الله دعواتك
وجزيت كل الخير
لا ولسه
ربنا يستر
يااااااااااه |..أخيراً رجعت تكتب ..طب الحمدلله
موضوع جميل والله ..لا وبصراحة بتتعب ..انا اشهد لك بذلك...ربنا يعينك ويقويك ... استقبال استقبال...ولعلها خير ليك..انك تشوف مريض وتقول الحمد لله على نعمة الصحة ..وزي مانت عارف المرض ده الوحيد اللي بيقهر الانسان مش الفقر ولا الحاجة
وبرضو انك تشوف ميت امامك اكتر من مرة...دي رسالة ليك ولينا من ربنا لعلنا جميعا نتعظ
وانا عارف ياعم حاجات تانية كتير من اللي بتحصل في الطوارئ عشان انا قاعد معاك وبتحكيلنا
ربنا معاك ويقويك
وما خفي كان اعظم
احنا بنشوف شوية
ده القصص والمواقف لو تتكتب تكفي مئات الكتب
عودا ا حمدا يا دفعة
اعلم انه لكي تكون
professional
يجب الا تتعاطف مع الحالات التي تراها
بلاش تتعاطف وانت بتديني حقنه او وانت بتشق صدري وتعمل عملية
لكن حس بالمي
عشان تعمل كل جهدك انك تخففه
لان سبب بلاوينا في الطب في بلدنا
هو فقدان التعاطف والاحساس بالناس
ادام الله عليك نعمته
يا مراحب بعودتك يا دكترة
انت واحشنا يا راجل .. ربنا يعينك على اللى بتشوفه
بس عايز أقولك حاجة .. فيه صفة عند الدكاترة بتغيظنى بس انا عاذرهم برضه .. الصفة دى هى إن حساسيتهم و استجابتهم لآلام الآخرين بتبقى ضعيفة .. يعنى الدكتور لما يشوف واحد بيصرخ من الألم بيتعامل معاه كأنه فى حالة عادية و يتصرف معاه كأنه شخص فى حالته العادية لا بيتألم و لا بيصرخ .. مع إن المتوقع إنه يسرع فى علاجه عشان يخلصه من آلامه بسرعة
لكن بعد ما عرفت إنكم بتشوفوا ويلات فى شغلكم أدركت إن حالة هذا الشخص الذى يصرخ من الألم ربما أفضل من غيره بمراحل .. على الأقل دة قادر يصرخ
بجد الله يكون فى عونكم ... و عوننا احنا كمان
و ترجع لنا بالسلامة يا دكترة من معتقل "الاستقبال" اللى انت فيه
الله يبارك فيك
بس احيانا بنقابل دكاترة مش حاسين بتعب المريض واهله
ارجوا الله الا تكون مثلهم
تحياتى
حمدا لله على سلاماتك أسعدنيواشجاني واطربني وابقاني
سماع صوتك الجميل عبر الاثير
اسال الله تعالى بعزته ان ينفع بك الدين وان يديم علينا الحب فيه جل وعلا
والله بوست اكثر منرائع
عارفالحاجات اللي بتبقى خارجة من عالم الواقع
بيبقى ليها طعم تاني
وحشتني قوي
وادعيلي اعدي من الامتحانات دي على خير
ياه يا دكتور
اكيد شفت العجب
والمواقف دى على اد صعوبتها على اد ما هتخليك تشوف الحياة من منظور مختلف
ربنا يوفقك ان شاء الله وفى انتظار جديدك
لذلك لا اعجب من ان يصير الطبيب اديب
وكيف لا
وهو يري الدراما ماثلة كل يوم تتجدد
بكل المشاعر وكل المواقف
هنا عندك يلعب الموت والحياة لبعتهما في صمت
ربنا ينفعنا
بقيت تتقل علينا على ما تكتب بوست جديد... ربنا يعينك
احنا بقى بنشوف الحاجات دي غصب عننا لو بصينا من الشباك ، واحيانا بنسمع صراخ وخناقات وبنبقى في احلا نومة ، وبنشوف الناس بتتذل ازاي لو حد مات في المستشفى بيطلعوه بعد خناقات والستات بيقعدوا يصرخوا وبتبقى ..يلا ربنا يعافينا يارب ويعينكوا يادكاترة وتقدروا فعلا تساعدوا الناس
يعني أجمل شيء في ترويسة مدونة هو طبيب وبتحب الناس
نعمة يفتقدها كثير من الأطباء
ومهنة الطب أصبحت مجرد مهنة لجني المال فقط ون مراعاة للدين والانسانية فيها الا ما رحم ربي
ربنا يجعلك من الأطباء المخلصين ويبارك في عملك
امين
نورت يا سيدى
وجميل انك فى شهر واحد اتعلمت دروس
هذا ليس ابتلاء
بل نعمة
عقبال ما نشوفك كده ولا حاجة
ربنا يعينك
عود حميد يا دكاتره
أنا قلت إنت فكيتك من المدونة
بص يا سيدى
" اللى يعيش ياما يشوف "
على طول أبويا يقولى المقولة دى
و أنا على إقتناع تاااااااام إن اللى عاوز يتعظ و يعتبر يدخل المستشفى
" بس مش مريض "
لا يخش صحيح جدا و ماشى على رجليه و ميه ميه
و يشوف البلاوى اللى جوه
و ياسلام لو يخش قسم الحريق مثلا
كنت لسه بأقول للإخوة عندنا و هم كانوا عاوزيين يعملوا زيارة مقابر
إحنا أحسن نروح المستشفى
مش لازم يبقى حبنا لربنا - عز و جل - خوف منه ..ليه مايكونش إمتنان ليه على نعمة الصحه مثلا ؟
معهلش التعليق خارج السرب قليلا ..إعذرنى
حمد الله ع السلامة مرة كمان
يا خبر ابيض عليك يا دكتور انا قلت انت نسيتنا ولا ايييييييه
ما تبقاش تغيب علينا كده والله جيت ميت مره ابص عليك قلقنا عليك .
حقيقى باشفق على الدكاتره اصحاب القلوب من شغلتهم
اصحاب القلوب بس عشان في منهم موتوا قلبهم من زمان .
فى انتظار البقيه
ازيك يا دكتور ايه الحلاوه دية الكلام الى انت كاتبه مش عارف ليه خوفنى بصراحه انا مش عارف انت ازاى بتتحمل تشوف الناس بتموت قدام عينيك وتشوف الدم الى نازل والدم الى طالع ربنا يثبتك ويعينك وده لان شغلانة دكتور الاسعاف شغلانه مرهقة وبتخليك ما تملكشى وقتك ربنا يقويك ويجعلك امام المخدرين امين يا رب العلمين
والله بتديني تفاؤل شويه بعد ماجالي اكتئاب من مذاكرة كلية الطب
مش عارفه ليه بحس ان اللي في الكليه دي ماينفعش يبقوا في حريه ابدا بجد ساعات بحس اني في معتقل
يللا ربنا معانا ونطلع منها علي خير
في لقاء للمدونين يوم الجمعه 27يونيو بالاسكندريه ميامي346ش جمال عبد الناصر امام اسواق الشريف اعلي مصر للتأمين جمعية مصر الثقافيه الساعه 2 الضهر
السلام عليكم ورحمة الله وبركاته
ازيك يا دكتور محمد اخيارك ايه
ربنا يعينك علي سنة الامتياز دي اللي اعتقد انها من اصعب السنين اللي بتمكر علي طبيب
كل حد في المستشفي بيلطش في الدكتور ال ايه عشان يتعلم
يلا اهي كلها شويه وتفوت وتبقي ذكري جميله
بس تعالي هنا بقي انت هاتكبرني ليه
لا يا عم انا لسه شباب
ههههههههههه
الموزاقف اللي انت ذكرتهادي اكيد بيتكرر منها كتير
عارف ان الواحد لما بيقرب اوي من الموت ويشوف بعينه اد ايه الحياه دي رخيصه وماتساويش حتي جناح بعوضه
بيضحك اوي علي كل االلي بيعمله الناس من عراك ومنافسه وجري ورا ملذات زائله
ربنا يخرجنا منها علي خير
آمين
سلام
بارك الله فيك
كام واحد منا بيعدى عليه مواقف
ولا بيعتبر ولا حاجة بتمر كانها ولا حاجة
بس اهم حاجة نستفاد
منها
د/هيما
بجد نادر قوى لما تلاقى دكتور عنده احساس ويتاثر بالام الاخرين مثل حضرتك
لم اجد من الدكاترة الا كل قسوة من كتر ما بيشوفوا
قلبهم اصبح قاسى
هايفرق كتير قوى فى حياه المرضى لو الطبيب ظل على انسانيته ومراعته للاخرين
ربنا يوفق حضرتك وييسر لك الخير اللهم امين
ازيك يادكتور انا رايح سنه تانية ولسه مشوفتش بس أكيد هشوف ولا ايه
بس حلوه اوى الكلام ده علشان نستعد وبما أننا دكاتره زى بعد بدعوك للزياره العاجله لمدونتى
مصطفى
استقبال جانب مهم من دكتور حر
...........................
أنا عن نفسى ....نفسى أعيش الأيام ده واحس بقى انى دكتورة بجد
ممكن يكون عندى شوية تخوف أو ممكن نقول ترقب للفترة ده
وبالذات ان الواحد مش حاسس انه بيتعلم حاجة تفيده قوى فى حياته العملية
بس ربنا يسهل والواحد يعرف يبقى دكتور
تحياتى لكلماتك ولاحساسك
وابقى كتر من الكلام ده
كله فى صالحك
هانت خلاص
....
شهر الاستقبال على وشك الانتهاء
ربنا يعينك ويوفقك وتحقق كل اللى بتتمناه
تقبل خالص تقديرى واحترامى
اكيد تجربة استفدت منها واثرت فيك ان شاء الله يكون تأثير بالايجاب على مستقبلك
ومتغيبش علينا كتير
تحياتى
السلام عليكم
فعلا كم اغبطك
وكم كنت اتمني ان اعمل في الطوارئ
فهي المكان الوحيد اللي منكن تشوف فيه جميع المشاعر الانسانيه
الحب القلق الخوف الغضب العنف ..... وكل مايخطر علي بالك
الاجمل في الموضوع هو ان حضرتك استغليت التامل ده
في معرف نعم ربنا عليك
ربنا يبارك لك
علي فكره كان في اكثر من مسلسل اجنبي يحكي قصص مستشفيات الطوارئ انا بحب اتابعهم جدا جدا
تقبل تحياتي
السلام عليكم
حنمد الله على السلامة
الدنيا مليانة يا دكتور
واذا وقفت تتفرج شوية من بلكونة هتشوف حكايات وحكايات
وموقعك دة مليان على الاخر
ياريت الناس تفكر وتوعى ان الدنيا ما تسوى ما باقي الا وجهه الكريم
انتظر سلسة استقبال
تحياتي وتقديري
السلام عليكم
اغبطك ايضا على العمل فى الطوارىء..
مواقف من الحياة قد تغير حياتك
وفقك الله
أخي الفاضل
تعرف ايه اكتر شيء لفت نظري في كلامك انك لسه بتشتغل بقلبك و بتحس بالناس لان فيه اطباء بعد فترة من العمل بيفقدوا هذا الاحساس و يتحول العمل بالنسبة لهم لروتين مهما كان صعوبة ما يقابلونه
يارب تفضل كده و ما تتغيرش مرور الزمن
منتظرة اسمع باقي مواقفك لأن كل موقف رسالة سبحان الله
وفقك الله
السلام عليكم
وفقكم الله يا اخانا الحبيب
من الجميل ان يعمل الانسان ويكون عمله دائم الموعظة له
سلاماتي لحضرتك
اتفلوا شوفوا الجهل بعينكم
http://scandal--blogger.blogspot.com
عصفورى الحبيب كى جى ون بتنادى عليك
كعادتى متاخرة
:P
بوست حلو ماشاء الله
احلى حاجة فعل ان يكون عملك دائم الموعظة والتذكرة والافادة لينا
بجد مواقف فعلا مفيدة للينظر عليها من زاوية اخرى
ناحية ايجابية انه اتعلم منها الكتيييير
بالتوفيييق
:)
ياه ولسه
الواحد بجد بيشوف حاجات بتأثر فيه اوى
ويمكن كمان تغير حياته تماما
مستنيين البقيه
موضوع هايل ربنا يوفقك من حسن لاحسن
سبحان الله
حقا ان التدبر والتفكر لعبادة توقظ القلوب
كم من هم الذين تمر عليهم مثل هذه المشاهد دونما ان تحرك فيهم ساكنا
رزقنا الله واياكم حسن التدبر
جزيتم خيرا
حقا الدنيا مسرح كبير ، وكل من يلعب فيها دوره
مع أنها كلمات لرجل ليس بمسلم الا أنه رجل ذو عقل ، وبقليل من التفكير توصل الى هذه النتيجة
ماتحدثت عنه يا دكتورنا العزيز كان أحد الاسباب التى جعلتنى أحلم دوما بأن أصبح طبيبا ، فالمستشفى فى حد ذاته مكان له تأثيره الخاص على من يدخله ، لان فيها يكون البشر فى أضعف حالاتهم ، فيها ينكسر الجبابرة والقياصرة فيصبح الكل سواسية ، الكل مرضى ، الكل محتاج الى المساعدة والرعاية ، لذلك فإن التاثير فى هذه النفوس يكون عظيما جللا .
وفقك الله أخى الكريم فى حياتك طبيب ، لانها فى رأيى أروع مهنة على وجه الارض .
واسمح لى بإضافة مدونتك الى قائمة المدونات الصديقة
تحياتى
عاشقه الفردوس
يارب
*****************
عايز أتعلم
شهادتك جامده يا خلو
بس عاوز اخدك تقعد معانا شوية
انا متوقع هتعمل ايه
لماضة
ربنا يكرمك يا دفعة
وفي انتظار مغامراتك
*****************
حل وسط
هو ميزان سهل الانكسار
ربنا يزقنا الرحمة
ويتولانا برحمته
وتحياتي لمتابعتك
ابن حـجـر الـعـسـقـلانـى
والله انت اللي واحشني أكتر يا عم العسقول
الصفة اللي انت بتقول عليها دي لازمة طبعا
ولا عاوزنا نصوت معا العيان كمان
وزي مانت قلت
لما تموت لك كذا واحد بيبقى عادي خالص
وربنا يسترها يا هندسه
انت آخرك تبوظ عدة تليفون
))
*****************
خواطر رئيس شاب
منور يا ريس
انت بس بتقول كده اكمنك شاب
لما تكبر أكيد هتغير رأيك
:::))
صيد الخاطر
محظوظ انت والله يا بني
بتكلمني هنا وهناك
ربنا بس يثبتنا ونظل متأثرين
وربنا يوفقك يا غالي
*****************
اهو ده عيبه
ملخص ما قلت زي ما بيقولوا ان
العملي غير النظري
وربنا يسترها معانا
ومنورنا
fahd
ايه يا عم فهد الكلام الكبير ده
انا خفت يا جدع وعمال افهم بيقول ايه الجدع ده
ربنا يكرمك
وي فعلا دراما زي ما بتقول
وربنا يتولانا يا هندسه
*****************
somaya abozaid
حمدالله عالسلامة يا أم عمار
بس على فكره الشباك حاجة وتحت حاجه تانيه خالص
تحت أكيد أجمل
بــــهــاء
عمنا بهاء
منورني والله
اي والله منورني
وربنا يجعلنا زي ما بنقول وبتقول
ويجعلنا من العاملين المخلصين
تحياتي ودعواتي
********************
امام الجيل
تشوفني ولا حاجه
هو ده اللي ربنا قدرك عليه
خلاص
انا هصرف نظري عن الموضوع اللي قولتلك هدورلك عليها وامشيلك فيه واحاول اقنعها
::)))
وانا قلت رزقني فعلا
وربنا يتولانا يا شيخ
دعواتك يا ريس
جمعاوى روش طحن
انت اللي حمدالله على سلامتك يا عسل
كلامك مش خارج السرب ولا حاجه
كلامك في الصميم
وده أكيد لنك خدت مني كتير
احم احم
بس سيبك
انت واحشني تقريبا
خلينا نشوفك يا ريس
********************************
صبرني يارب
مقدرش انساكم والله يا أم رحمة
بس دعواتكم
وربنا يجعلنا من دول
الحلوين يا رب
وعقبال اولادك
احمد داود
يا عم أحمد جمد قلبك ولا يهمك
سيبها لله
بس شكلي غيرت رأيي عن التخدير يا احمد فادعيلي استقر بقى
********************
أميرة محمد محمد محمد
طب كويس انك خدتي تفاؤل
مع اني غير متفائل بمذاكرة الطب دي خالص
والحمد لله انا خرجنا
بس برضه ربنا يوفقك ويعينك
وتحياتي لمرورك
رفقة عمر
حمدالله على سلامتك
وربنا يحعلنا كما تحبون ان شاء الله
والله المعين
تحياتي
***********************
egyboy
والله يا مصطفى انت صعبت عليا لما قلتلي سنى تانيه
لسه هتشووووف كتير
ربنا معاك
ونورتني
حمداً لله علي سلامنك ووحشني جداً والله مش
عاوز تيجيلنا تاني ولا ايه
وايه اخبار الاستقبال مش الحمد لله عال العال
مممممممممممم
شتان فرق
فعلا الدنيا ساعه و لا تستحق كل هذا
مش عارفه اقول اني بحسدك علي التجارب دي و لا اقولك معلش
فقد كنت في قلب الدنيا مصغره مركزه في غرفة الطواريء
و منها ما يشفق له القلب و العين و اللسان و منها ما يرفضه ذاك الثلاثي
تحياتي
ياسميـن
نوته و قلم
كل كلمة تحدثت بها أثرت بأيامى كثيراً
فسنظل دائما فى حاجة للتعلم والتشبث بالإيمان بالله
من المؤكد أن كلماتك أثرت فى الآخرين مثلى وأتمنى أن يتقبل الله لك حسن أفعالك وإيثارك مساعدة الآخرين والتأثير الإيجابى بحياتهم
ربنا يباركلنا فيك يا دكتور
تحياتى
هبة
تخيل لو كل الناس وقت مع نفسها كده تشوف بعد كل شهر اتعلمت ايه واستفادت ايه وظلمت مين وجارت على مين
ونصفت مين وراعت ربها ولا لأ
وكانت قريبه منه ولا بعيده ولا خطوه وخطوه
وليه كل شهر كل اسبوع وكل يوم
صدقني هتفرق كتير
يمكن تكون شفت كتير في الشهر ده بس لسه اللي جاي اكتر
وكل ما زادت المؤثرات كل ما زادت الصعوبات وصعب الاختيار والثبات على المباديء
وبيقولوا اللي يعيش ياما يشوف
ربنا يعينك ويقدرك ويقويك ويجعلك ممن تنصلح بهم الامه
----------------
اشكرك على التوضيح جدا
اللؤلؤة المكنونة
استقبال جانب مهم من دكتور حر
آآآآآآآآآآآخ
الكلام اللي يخوف
وربنا يستر
لكن مش تقلقلي من الجاي خالص
كله بيفوت
وكله بيعرف
وان شاء الله تطلعي طبيبة مميزة
وادعيلنا ومتتقليش
:::)))
************* *************
ayman badr
بالطبع تجربة لن تنسى
ويارب يوفقنا دايما لكل خير
ومشكور لمتابعتك
Nesreen
وعليكم السلام
أنا كمان بحب مسلسل الطواريء فعلا
لكن طول فترة الطواريء بيتعب الأعصاب جدا وبيمل كمان
هو شهر تمام قوي
وربنا يعافينا
وتحياتي لمرورك
************* *************
نونو
وعليكم السلام
والله يسلمك يا رب
مليانه بس اللي يشوف
ربنا يرزقنا العمل يارب
وتحياتي لمرورك ونورتينا
حملة ساندوا
وعليكم السلام
مرحبا بساندوا
وأتمنى ان يظل التأثير كما هو
ولكم خالص تقديري
************* *************
أم أحمد المصرية
مرحبا بأم احمد
الموضوع ده ان شاء الله نناقشه في بداية الموضوع القادم
ويا رب يديم علينا نعمه يا رب
ونورتينا تاني يا أم احمد
آفاق الحرية
مرحبا يا هندسه
والهندسه كمان كله نعم كمان
وبتفكر بقسم العظام
:))
ربنا يخليك يا عسل
ودعواتك
************* *************
Nazk El Maleka
مرحبا بالدكتوره
ويا رب يوفقك في حياتك وامتحاناتك
الدنيا مدرسة
والنتيجه بالآخرة
والله المعين
وتحياتي الخالصة
dr.nour
مرحبا بالدكاتره بيهلوا ورا بعضهم
كده يبقى طواريء تمام
وعلى رأيك
ولسه
:))
************* *************
ابتسم من فضلك
جزيت خيرا
وربنا يسمع منك
يارب
النجمة الصامدة
ربنا يديم علينا نعمة التفكر
ويوفقنا للعمل بما تؤول له
جزيت خيرا على النظر للجوهر
وموفقه ان شاء الله
************* *************
Abd Al-Rahman
نورت بكلامك الجميل يا عبد الرحمن
واضافتك كلها في لب الموضوع
جزيت خيرا عليها
واضافتك تشرفني
و منور تاني
:))
الجمعاوي الاصيل
يا درس منور يا عسل
كلمت صاحبك لقيتكم في فرح
قلت عقبالكم
وتنورونا انتم بقى
وشد حيلك يا غالي
ودعواتك
************* *************
عاقلة علي ارض الجنون
ماشاء الله
فعلا تعليق واحدة عاقله
ربنا يبارك فيكي
المهم أن يستفيد الانسان
لأنه هو وحده المحاسب عن نفسه
وأشكرك على متابعتك
Doba
استاذه هبة
أم يوسف الغاليه
ربنا يتقبل يا رب
وأشكرك على تعليقك وكلامك الجميل
وربنا يسترها علينا وعليكي يا رب
************* *************
زُمُرده
مرحبا بالشاعرة
السعيد من اتعظ بغيره
والتعيس من اتعظ بنفسه
دي خلاصة مواقف كتير فعلا
ربنا يرزقنا الاستقامه عليها
ونورتي المدونه
Post a Comment
زد الموضوع جمالا بتعليقك