العالم الجديد
سلاماتي
منذ فترة أنشأت مدونتي قدراً
قد يكون لفراغي وقتا ما
وقد يكون لأنها قابلت هوىً في نفسي وفي ما أريد
بدأت وكتبت
وكتبت وكتبت
حتى أصبح الأمر يتعدى صفحة أو ورقة يكتب عليها
تعدى وتجاوز حتى ارتطمت أقدامي بآخرين حولي وبجانبي
و تلاقت أفكاري وكتاباتي مع أناس مثلي وتصادمت مع آخرين
أصبح كل واحد يمثل للآخر اسما نشطا على الكمبيوتر يضغط عليه لينتقل تلقائيا وببساطة إلى صفحة ذلك الاسم ليقرأ ما كتب
مرت الأيام
وإذ بنا نكتشف وكأننا لم نكن نعرف أن أصحاب هذه الصفحات أشخاص قريبون منا والأحلى أنهم من صفوة المجتمع لأنهم ببساطة استطاعوا أن يمتلكوا فكرا ليكتبوه
حتى قررت يوما أن أفعل كما يسميه أستاذي العصفور
ننزل بالعالم الخيالي والالكتروني إلى أرض الواقع
وبدأت الرحلة
وبدأت مشتاقا للبحث عن هؤلاء الناس في العالم الجديد الذي اكتشفته
لأكتشف وببساطه أني إن لم أكن قد خسرت الكثير بعدم معرفتهم من قبل إلى إنني بالتأكيد قد كسبت معرفتهم
لأجد بادئ الأمر أن أقربهم لي هو المهندس خالد حفظي صاحب مدونة وطني - القريب الحبيب الذي عرفنا بعضنا متأخرا بالرغم من معرفته المسبقة لأسرتي ووالدي رحمه الله لأذهب إليه وألتقي به لتبدأ علاقة أظنني سأتعلم منها الكثير
*************
تعرفت في هذه الأحيان أيضا على حبيبي وأستاذي المهندس محمد عصفور المدينة والذي يعتبر من أصول المدونين في العالم الجديد
إن شئت فسمه رمانة الميزان أو شيخ المدونين أو ما يحلو لك أن تسمي شخصية مسلمة متزنة ناضجة لا تعيش لنفسها فقط
لتمر الأيام والتقي به بصحبة الدكتور محمد صيد الخاطر لنقضي سويا يوما جميلا تعلمت فيه منهما الكثير لتضاف إلى قائمة محبتي وأخوتي المهندس محمد والدكتور محمد المتميز بعلمه وتفوقه الذي أهله بإذن الله ليسلك سلك أعضاء التدريس في العلوم الشرعية والذي سرعان ما يدخل قلبك بعقله وقلبه معاً قبل أن تسرع في عدم الإشفاق عليه في أي أمر لمجرد انه قد يكون ((يستاهل اللي بيجراله))
***************
أيام جاءت بعدها لألتقي بالثنائي الجميل الفاتحان أحمد الجعفري ومحمود اليعقوبي
لأقضي معهما وقتا رائعا أيام كأس الأمم لنكسب يومها المباراة ونربح صديقين لدودين ونملأ بطوننا بالفتة
المتمكنان فيها
************
ثم تعثرت في مدونة أخرى حزينة لكنها رقيقه
قد تراها باكية لكنها متزنة وراسية
اسمها انكسارات لأحمد البوهي ((الصغير الكبير))
الذي أعجبتني يوما قطعة شعر ألفها لأقوم مباشرة بتلحينها وغنائها وإرسالها له ليفاجأ بذلك
لتنقضي الأيام ونلتقي يوما في قاهرة المعز لأقابل شخصا جميلا هادئا له حكم محترم على الأشخاص والأمور والحياة لأكسب في العالم الجديد نقطة أخرى
************
تشاء الأقدار بعدها أن احضر مؤتمرا ليومين في الاسكندرية لأجد يداي وقلبي تتصلان بجمعاوي روش طحن الذي ما توانى عن اللقاء بل وأضاف اليه فاكهتين جميلتين الجمعاوي الأصيل ود خبيب الذي كنت اتعرف عليه للمرة الأولى والذين قضيت معهم ليلة رائعة على شاطء الثغر في الاسكندرية ولعل الجمعاوي قد أسهب بعضا ما في تفاصيل اللقاء الجميل والذي تعلمت واستفدت من ثلاثتهما الكثير
************
أتواصل بعدها مع محمد إمام الجيل بالهاتف أياما وأسابيع لنلتقي ولا نلتقي
أنشغل أنا فيتفرغ هو
وأتفرغ أنا لينشغل هو
حتى جاءت اللحظة الحاسمة
القاصمة
الفاصلة
لنلتقي أنا والقرين محمد إمام الجيل
صدمت لما رأيته لأني وجدته ببساطه العكس المقابل تماما لما رسمته له من صورة
وجلست مشدوها لوقت ما حتى أمتعني بهدوئه ورزانته و حكمه الجميل على الأشياء لأرتفع دورا آخر في بناء العالم الجديد
**************
ومر وقت بسيط حتى تمكنت أيضا من مقابلة الثنائي الرائع
أحمد الصباغ - خال المدونين خال المخاليل - الذي أصبح نجما في عالم المدونين والذي وجدت فيه الكثير والعديد من الصفات الجميلة التي تجذب إليه الكثير بالإضافة لتمتعه بروح قيادية أو إدارية جميله لا تتعب من حولها
والثاني كان المهندس محمد ابن حجر العسقلاني الذي كان أيضا شخصا جميلا رائعا صاحب فكر ورأي متألق وعقل واع ومتزن
سعدت بقضاء سهرة معهما في القاهرة
***************
إلى أن جاء اليوم لأقابل مدونين ومدونات للمرة الأولى في الحملة الخيخية للتبرع بالدم
لأقابل الصباغ مرة أخرى ومعه عصام ومحمد وسووو ونوران بت خيخة وأي كلام ورودي بنوته مصرية وشيماء فضفضه وفاطيما بالاضافة لبقية عائلتي والتفاصيل من عند خيخه
****************
فقد ابتلانا ورزقنا الله بانضمام شلة إلى المدونين من العائلة الموقرة عائلتي
لينضم أخي د خليفة بمدونته عايز أتعلم
وأماني بنت العم بمدونتها آخر العنقود
وابن العمة صاحب المضيفة
وأخوه المدون المعتزل المهاجر صاحب مزاجات
وخطيبتي وزوجة المستقبل بإذن الله الدكتورة اللؤلؤة المكنونة صاحبة مدونة الله غايتي
وبقية العائلة الذين يتابعون وقد يعلقون وفقط إلى أن نجر أرجلهم إلى المستنقع التدويني رويدا رويدا بإذن الله
كان هذا هو عالمي الجديد الذي اكتسبته في بضعة أشهر منذ معرفتي بهذا العالم
أتمنى من الله أن تكون المعارف كلها وسيلة نبلغ بها رضا الله
وأن تكون معينة لنا لنيل جنة الرحمن سبحانه وأن يجمعنا في الآخرة على سرر متقابلين كما جمعنا في الدنيا على غير انساب ولا أرحام بيننا
60 قالوا رأيهم/ أضف تعليقك:
ان شاء الله لازم نتقابل في يوم يا دكتور
مصير الحي يتلاقى
:)
هو فعلا عالم اخر .. اروع ما فيه تطوير القلم والقدره الكتابية وإعمال الفكر والالتقاء باشخاص من مختلف البيئات
مكنتش اعرف ان محمد اخويا بيستاهل اللي بيجراله للدرجه دي :)
السلام عليكم ورحمة الله وبركاته
بجد صدمنى هذا المقال
من شدة الإعجاب
أتم الله عليك نعمة الحب والدفء والأمان
من الجميل جدا أن ننقل عالمنا الجميل الخيالى إلى دنيا الواقع وحاكاة الحياه
اللى أنت بتحيكه عشته بجد كأنى أنت فكم برعت فى تصوير ماتعيش
تنويه : لك منى جزيل الشكر فأنت صاحب الفضل على فى إنشاء مدونتى بعد الله بل أنت أصلا من أعلمتنى بوجود شىء يطلق عليه المدونات
جزاك الله كل خير
أرجو منك الدعاء
شمس ................. أرجو الزياره
ههههههههههههه
وانا بقول رن ليه
قلت اكيد فيه مصيبة
هههههههههههههه
عسل يا دكتور
يا عم اذا كان شكلى يجيب 45 سنة شكلك يجيب 32 يعنى قريبين وهعملك كاخويا الصغنن :)
يلا معلش ادينا بنضحك على الناس
محظورين فى كل شئ
:)
انى احبك فى الله على فكرة
تعرف انى ككنت ناوى اكتب بوست مشابه لده بجد والله
بعد ما اتقبلنا علطول
بس معرفش لح عليا موضوع وكتبته وتبعه اخر
بس خير هتفلت منى فين:)
ربنا يكرمك ويدخلك الجنة قول امين
أحبك الله الذي أحببتنا فيه يا ابن الغالي
أعذرني لعدم المتابعة فأنا مشغوووووووووووووووول جدا
أسالك الدعاء
تدوينة رائعة ...
بكل معاني الكلمة...
أغبطك كثيرا عليها...
وعلى عالمك الجديد...
المفيد...
منذ يومين جال ببالي هذا الخاطر
العالم الاخر
(النت)
والعالم الواقعي
وحقا وجدت مجالا واسعا لغوص العقل في التفكير
حديث يطوووووول بهذا الشأن
ملخصه
أني خرجت من هذا العالم
بأعز انسانة على قلبي
:)
فهو واقع
أكثر من الواقع في كثير من الاحيان
:)
تحياتي
اقول ايه بس طول عمرك غلباوي جواك حاجات كتيير بس رغم كده بحب اتكلم معاك وربنا يا عم يورينا فيك يوم وتتجوز بقى
السلام عليكم
والله يادكتور انا اتشرف اني انضم ايضا لهؤلاء الاجلاء من اخواننا المدونين الاعزاء
لكني سعيد جدا بمكالمتك وحادثتك
فقد كانت من اجمل المفاجآت من محمد
ولكنه معملش قبل كده مفلجآت بس يلا
ههههههههه
تحياتي
الله يسمحك يادكتور
اهئ اهئ اهئ
انا استاهل الخير طبعا
انا عارف
وجزاك اله خيرا حبيبي على ماقلت عني ما ليس في واسال الله تعالى ان يجعلني خيرا مما تظن وان يغفر لي مالا تعلم
بس تصدق بالله
والله انت عسل
ويومها
والله الواحد كان فرحان جداجداجا
عموما ياريت نتقابل في القاهرة قريب بس اللقاء بقى يتوسع
يارتنى كنت معاكم
:((
بس جميل والله التجمع ده وموفقاك
اني فعلا كسبت عائلة جميله جدا
كنت اتمنى اعرفها من زمان قوي
وبحمد ربنا ان عرفني على الناس الجميله دي كلها
ربنا يديم المعروف
واحشني
إيه ده هو انت بتنزل الشارع
:D
ياخبااااااااااااااااار
الباشهمندس هنا
شفت ياعم بيقولك
بتنزل الشارع
ما شاء الله
ايه الانتشار ده يا دكترة ؟
احنا الأسعد والله والأكثر فوزا بالتعرف عليك
---
نفع الله بك
يارب زي مااتجمعتوا في الدنيا علي طلعه الله تجتمعون في ظل عرش الرحمن اخوه متحابين في الله
اسال الله العظيم ان يوطد اخوتكم وان يفتح علكم من بركاته ورحماته
صدمت لما رأيته لأني وجدته ببساطه العكس المقابل تماما لما رسمته له من صورة
وجلست مشدوها لوقت ما
هذا ما حدث لى عندما رأيت معظم المدونين الذين اعرفهم لأول مره
ربنا يديم الود بينكم
عارف
انا قبل موضوع المدونات ده وقبل معرفكم الواحد كان فعلا بياده هموم الحياة ويمكن لو طول اليوم على الكمبيوتر برده ممكن يصيبنى الملل ولكننى ما يثير فضولى اننى اتواجد بينكم يوميا صباحا من خلال التفاوت فى اوقات عملى وبكون مشتاقة جدا انى اعرف الجديد عند كل اللى بيضيفو حاجة جوايا وبلاقيكم بمنتهى السهولة واليسر بتذوقونى لبعييييييييييد وبتدونى طاقة كبيرة لحب الاشياء والحياة والبشر وقدرة تجعلنى اساعد بها الكثيرين وفيض من الحب وكذلك راحة نفسية قليلا ما نجدها فى ايامنا الحالية
الواحد كل لما بيعدى يوم وبيعرفكم اكتر بيقول ان ده من كرم ربنا بييننا اننا اتعرفنا وبنتعامل مع بعض حتى وان كان من وراءبعض الشاشات الالكترونية ولكن لها تأثير عميق على نفوسنا وعقولنا وقلبنا
وعلى الرغم ان المدونة ممكن الواحد يكتب فيها اللى ميقدرش يقوله لاهله لكن لو حتى لقيت نفسك فى وقت ضيق وكتبته ولقيت تعليقات أحبه الله وقريتها بتلاقى مفعول السحر جوه قلوبنا وبتلاقى رجعنا أقوى من الأول مليون مرة
ربنا يقدرنا ونكون دائما أحبه فى الله ونظل نتسبح ف خلقه ونستغفره لخطايانا ونبتهل لرضاه علينا
ربنا يكرمك ويراضيك يا محمد
هبة
سلام الله عليك أخي: ما شاء الله ربنا يبارك في هذه الكنوز من الصحبة والاخوة فيه. حقا عالم عجيب ربما لا يلتقي أصحابه في الدنيا أبدا ،بل ربما يلقى أحدهم الآخر وجها لوجه فلا يعرفه مع أنهم تحابوا في الله، اجتمعوا عليه وتفرقوا عليه. لا ضير، فهناك تحت ظل عرش الله سوف يلتقون ويتعارفون و عندالحوض موعدهم .
ما شاء الله عليك يا دكتور
والله كنت بتمنى ابقى معاكم امبارح بس انت عارف الظروف بقى
هههههههههههههههههههه
يلا المرة الجاية ان شاء الله ابقى فاضية
جزاكم الله خيرا وجعل هذا الحب بينكم خالصا لوجهه الكريم
تحياتى لك
ابنة عمك
ام محمد وتقى
الله عليك يا دكتور جميل قوى
كلامك
ولقاءتك
انا من سوء حظى انى ما قابلتش حضرتك
فى التبرع بالدم مع انى كنت نفسى اجى قوى
بس الظروف ما سمحتش
عامة خيرها فى غيرها
تحياتى خالد
السلام عليكم
اخي الدكتور حر
المعلومة الجديدة بالنسببة لي
ان الاخت اللؤلؤة هي خطيبتك
ما جمع الا اما وفق
وربنا يتمم بخير
ويلا روح اشري عصير ليمون عليه عسل اسود بدل السكر علشان تعوض شوية الدم اللي اتبرعتهم وربنا يعافيك يا رب ويبارك فيكم
تحياتي
كلامك اسعدنى جدا انا جديد فى التدوين
واتمنى ان التقى بصحبه صالحه كصحبتك الصالحه
ظلكم الله فى ظله يوم لا ظل الا ظله
ياسلام عليك يا دكتور مبتنساش حاجة ..... ماشاء الله
مش قولتلك كلك على بعضك حلو
ربنا يزود احبابك المدونين يا دكتور
اجمل ما في عالم المدونات ده، انك فعلا بتحتك بناس كتير، معظمهم مش كلهم طبعا، من المثقفين، اللس مش لاقين مساحة يعبروا فيها عن آراءهم وافكارهم.
تقبل مروري
يا دكتور حر
أنا التى تشرفت بمقابلتك جدا انت و كل الناس الحلوة اللى جت
و ربنا يديم المحبة دى
تحياتى الخالصة
و الله يا أبو الدكاتير الأحرار أنا عايز أقول لك حاجة
أنا أول ما دخلت مدونتك أكتر حاجة لفتت انتباهى هى الجملة دى:"زد الموضوع جمالا بتعليقك".. و قلت من هذا الشخص الذى
أولا يبحث عن قيمة مثل "الجمال" فى آراء الناس و يجعل لها أولوية على "الاتزان" مثلا أو "الحيادية" أو "الفائدة العلمية" أو "العقلانية" أو ما إلى ذلك من القيم
ثانيا يرى و يقرر أن الآخرين لديهم قدرا من هذا "الجمال"ا
و كأنك تحرك داخل هذا الشخص الذى يزورك مواطن راقية فى نفسه لم يتطرق لها أحد من المدونين
و بعد عدة متابعات لمدونتك وجدت أنك فعلا و سلوكا و كلاما تخاطب الجماليات فى كل شىء .. و أبرز دليل على ذلك سلسلة السلوكيات التى اهتممت بعرضها فى عدة تدوينات
و الصورة اللى اترسمت لك فى ذهنى هى صورة شخص وجهه أبيض و بيضحك ضحكة مبهجة .. نحيف الجسم لامع العينين هادئ الطباع .. و كل الصفات دى اتحققت لما شوفتك ماعدا صفة واحدة .. ألا و هى
:
:
:
:
:
نحافة الجسم :-)
و بصراحة بكلامى معاك حسستنى إن فيه حاجات لازم الواحد ياخد باله منها
أنا أحمد الله على إنى اتعرفت على شخص "جميل" مثلك
يعني جات علي انا ومش عملت لاسمي رابط
تسلم يا عم محمد ومش كان العشم برضو
على العموم ملحوقة ويارب يديمها نعمة ويحفظهامن الزاول
سلام يا صاحبي
يعنى احقد عليك يا دكتور حر ولا ايه ؟؟؟
والله انا طبعا مستجده هنا انت عارف بس الناس الي انت قلت عليهم اتشوقت اعرفهم هادور عليهم بقى واشوف مين دول وبيعملوا ايه
بس كفايه وصفك لهم
ربنا يكرمك يا دكتور
لأكثر من عشر مرات آتى الى هنا ولا استطع التعليق .. اكرمك الله
ـــ
فقط اقول لك انى احبك فى الله
فانت نعم الاخ الصديق
انسان يتميز برؤية واضحة وفكر متعمق
انسان يطربنى بكلماته كما اطربنى بانشودة هى الاجمل لانها كانت سببا فى تعارفنا
وفضلا عن ذلك فلك معزّة خاصة عندى لسببين لا اقولهما لك
ـــ
عالهامش ... انا معتمد عليك يا دكتره فى الموضوع اياه
ولا اقولك استنانى بس لما اقرر واحدد المكان ..انت موسوعة انا عارف
):
ـــــــ
اراك قريبا ان شاء الله
دمت بكل خير
ماشاء الله ربنا يديم عليك الصحبه الصالحه
ويزيدك من فضله
كنت متاكدة انك هتكتب عنه يادكتور
بس مش تعرفنا طيب ولا تخلينا نتفاجئ
صحيح
نسيت انك دايما بتاع مفاجات
:)
عندك حق والله
ده عالم جديد بس فعلا متميز ومختلف
فى الوان كتير
وفى خبرات كتير
وفعلا انا كنت سعيدة جداااااااااا باللقاء اللى تم
لانى فعلا اتعلمت منه كتير رغم وقته اللى مش كتير
وطبعا هنا ياتى موضع الشكر لكم على التحفيز والمبادرة
نفعنا الله واياك بما نعلم
ووفقك لما يحب ويرضى دائما
دمت بسعادة وهنا
حبيب قلبي الغالي
ربنا يحفظك ويبارك فيك
وشك كان حلو يادكتور وكسبنا الحمد لله ,بس الفتة اللي كان عاملها عز متعبتكش ولاحاجه ,انا قولتله الراجل علي سفر حرام عليك تعمل فيه كده بس الحمد لله
اني احبك في الله يااخي الكريم
جزاكم الله كل خير
ازيك يا دوك بجد انا سعيده اني اتعرفت علي حضرتك وعلي هند واماني ربنا يحفظهم يارب
وان شاء الله يدوم الاخوه بيننا
ودائما متجمعين في الخير يارب
تحياتي لك
ولكل اسره ابو زيد
رودي
سلام عليكم
فعلا عالم التدوين ده عالم غريب جدا لم اعتقد منذ اللحظه الاولى لى فى التدوين انى سارتبط به كل هذا الارتباط حتى صار البحث والجرى وراء افكار الاخرين عاده وادمان بالنسبه لى
احمد الله رغم تعرفى على عدد قليل من المدونين الا انهم كانو خيرة الناس وتعلمت منهم كثير وساتعلم منهم
سعدت جدا وكان لى الشرف بدخول مدونتك منذ فتره طويله ولكن لعدم قدرتى على التعليق لاعترافى انى مازلت اتعلم واعترف انى مازلت احتاج للكثير كى استطيع ان اتناقش مع شخص مثلك وكثير من المدونين الا انى ادين لكم بالفضل واشكركم من اعماق قلبى على ما ضفتوه لى من خبرات ومعارف
وبجد سعدت للتعرف علىك وعلى اخر العنقود وايضا سلامى لاختك الجميله
ادام الله عليك نعمه العقل والحكمه ومتعنا جميعا برضاه
خالص تحياتى
طيب أنا غيرانه منك
:)
أشعر برغبة شديدة بالفعل
للنزول الى ارض الواقع
وعبور تلك الشاشة التى اطل منها ويطل منها كل من احببت من المدونات والمدونين
احتاج جدا أن اعبر تلك الشاشة
وألتقى بهم
لأننى جداً أحببتهم
ولكنى تفصلنى عنها المسافات
وأول ما سأفعل.. أن أقترب
وأقرب تلك المسافات
فكلهم فى بلد واحد ,, فى مصر
يارب
أعطنى العمر حتى أراهم
تحياتى وتقديرى
ماشاء الله
اسمى منور البوست عندك
نيهاهاهاهاع
متواضعة جدااااااا
بصراحة يا محمد
انا اللى اتشرفت جدا بلقائك
بس بصراحة اكتر يعنى
انا جاتلى حالة هلع من كتر الفرحة
لما شوفت قدامى نانا وهند
بجد يعنى مجيتهم دى
مش قادرة اوصفلك مدى فرحتى بيها
انا لحد هذه اللحظة مش قادرة اصدق انهم جم فعلا
ولما اتشرفت بمعرفتكم
بقيت متشوقة اكتر انى اتشرف بمعرفة باقى الاسرة الكريمة
واتمنى ان ده يكون قريب باذن الله
شكرا ليك يا محمد
اختك خيخة
نتمنى ندخل العالم الجديد بتاعك
احمد مهنى
السلام عليكم ورحمة الله وبركاته
اللهم آمين
بجد يا بختكم بهذه الصحبه الطيبه
ربنا يديم المحبه ويجمعنا جميعا في جنات الفردوس
انا سعيد جدا يا دكتور اني اتعرفت على شخصيه محترمه زيك كده
والحقيقه انا مستمتع بقراءة مواضيعك القديمه واللي للاسف ماكنتش قريتها
بس اديني باصلح غلطتي اهو ومجهز شوب فيسكافيه مليان على آخره وعمال اقرى واستمتع الحقيقه
وفعلا زي مانت قلت .. لما الواحد بيخرج من العالم الالكتروني وبيتجه للواقع وبيبدأ انه يتعرف على اشخاص وصحاب المدونات المتنوعه اللي هو بيقراها بيستفيد بطريقة غريبه .. غير التدوين والفكر والاسلوب الادبي .. بيكتس اصدقاء في الواقع
ممكن بعد فتره يتعكز عليهم .. ويكونو هم سنده
سعيد جدا بمعرفتك وبلقاءك ولو انه كان على عجاله ومالحقتش اقعد اتكلم معاك بمزاج .. لكن ان شاء الله الجايات اكتر من الرايحات
سلامووووووووووز
جميل أوي يا دكتور النزول من عالم الخيال الي عالم الواقع .. أ؟ن ان التواصل الانساني فعلا نعمة من نعم الله علينا .. جزاكم الله خير
أجمل ما ف التدوين هو التواصل الفكرى والروحى
ويكتمل الجمال إذا ما أصبح هذا التواصل
حقيقيا
أعتقد أن فكرة التدوين كانت أحلى الأفكار التى أبدع فيها "جوجل "
ولذلك ومن موقعى هذا
أشكره على مجهوداته الرائعة
انا دايما يادكتور متابع لمدونك ولو انى مش بعلق كتير بس باجى اتعلم عندك حاجات كتير ويارب دايما نتعلم منك ويارب يديم عليكم المحبه والصداقه
وانا بضم صوتى لصوت المهندس المصرى
واتمنى فعلا نتقابل
وكنت اتمنى اكون فى مصر
فى يوم التبرع بالدم
بس للاسف كنت بمأمورية عمل خارج البلاد
تحياتى اخى الفاضل
وان شاء الله صديق المستقبل
اخيك احمد عبد المقصود البوهى
ومن هنا احب اشكرك لانك ومن خلال البوست دا
اتعرفت على قريب ليا
من العائله
وهو الاستاذ احمد البوهى
احمد سكر
ولسه لما تقابلني مش بعيد تعتزل الكتابة خالص
هههههه
هو مفيش رحله خلوية كده حتى في شم النسيم نروح قناطر اسيوط مثلا ولا حاجه
ربنا يكرمك
البوست ده دليل على طيبة قلبك وحبك للناس
مهندس مصري
نورتنا يا غالي
وان شاء الله هنتقابل
رترجع لنا بالسلامة ان شاء الله
**************************
شهيدة
تطوير القلم
والقدره الكتابية
وإعمال الفكر
والالتقاء باشخاص من مختلف البيئات
ترتيبة موفقة لفوائد من التدوين
جزيتي خيرا
بس انت اكيد كده اتفقتي معايا ان محمد يستاهل اللي يجراله لدرجة ما على الأقل
:)
*************************
friendsever
نورتنا يا هندسة
أخيرا نورتنا وعلقت كده
ربنا يكرمك على الكلام الكبير الذي لا أستحقه
وربنا يجعل كلماتي وكلماتك في ميزاننا
ويوفقنا لخدمة دينه ان شاء الله
*********************
امام الجيل
آه يا ظالمني
والله كنت برن لله
:)))
ويا عم نجيب زي ما احنا عاوزين من السن
والصيت ولا الغنى
ولا يهمك خالص
وعلى فكره برضه أنا تقريبا كمان بحبك في الله كمان
وفكرة المواضيع الموحده دي مش غريبه عالقرناء
:))
وآمين
وربنا اللي بيرزق با غالي
**************************
وطني
نورتنا والله يا عمنا
وربنا يعينك ويوفقك على ما انت فيه
ولا تحرمنا من طلاتك من حين لآخر
************************
أبو الفـــداء
شهادة غالية يا أبو الفدا
ومنورنا يا كريم
وربنا يكرمك أكتر وأكتر
جزيت خيرا
********************
النجمة الصامدة
وقد يجد أحدنا في العالم الآخر بغيته والتي لا يجدها في عالمه الحقيقي
أسأل الله أن يزقنا من الجديد ما يعمر القديم ويثقل به موازيينا
تحياتي
*********************
Anonymous
يا رب يا خويا
ويا رب اتجوز كمان
وانا غلباوي يمكن
بس انت مين؟؟
قول بس ومتخافش
:)))
*********************************
آفاق الحرية
مهندس محمد
برضه مصيرنا هنتلاقى ان شاء الله
وانا الأسعد بمكالمتك
وواضح معزتكم لبعض ربنا يديم عليكم الحب فيه ان شاء الله
واي خدمه يا ريس
*****************************
صيد الخاطر
آه طبعا من غير ما تقول
وتستاهل كل كل كل كل خير ان شاء الله
وبقية الحاجات في الميزان متقلقش
وان شاء الله نتقابل قريبا ان شاء الله
ربنا يكرمك ويوفقك
************************
لماضة
ربنا يكرمك يا دفعه ويوفقك ويباركلك
ويعينك على نبطشياتك واللي بقو على قلبك قد كده
ويوفقنا لمعرفة الصالحين ومن يقربونا الى الله
جزيتي خيرا
****************
عصفور المدينة
انت أكتر والله
شفت بقى :))
*******************
صيد الخاطر
معلش يا عم محمد
اللي على راسه بطحه
:)))))
**********************
خبيب
منورنا يا حبيب
ولا انتشار ولا حاجه لسه
ده كله عالماشي
بس لسه مقتنع ان الشراقوه أغلبيه ولا خلاص
سعدنا بلقياك ونأمل في التكرار ان شاء الله
*********************
عاشقه الفردوس
يا رب يتقبل دعائك
جزاكم الله خيرا
*******************
حزيــــــــــــــــــن
وطلع حتى أنا كمان
يلا على بركة الله
سعدت بمعرفتك يا حزين
وربنا يوفقك ويباركلك ان شاء الله
**********************
Doba
منوره يا أم يوسف وفعلا كلامك سليم تماما
ان الواحد من غير المدونات كان بيوهق كتير من الكمبيوتر
وكان بالنسبه له حاجه مش جزابه الى حد كبير
لكن الخطر يا أحتنا
ان يجرنا ان احنا ننسى الواقع وأثرنا في الواقع ونفرح بعالمنا الالكتروني المحدود
لكن ان احنا ناخد من ده ما يقوينا لده زي ما بتقولي يبقى هننجو ان شاء الله
جزيت خيرا
******************
حرة المداد.
نورتي في زيارتك الأولى
هم فعلا كنوز
وهو فعلا عالم عجيب
أسال الله أن يكون فاتحة خير علينا جميعا
جزيتي خيرا
******************
as.zaid
لا كفاية بقى أحسن كنا نتحسد
:)))
ربنا يكرمك ويوفقك ويقدرلك الخير ان شاء الله
جزيتي خيرا
******************
همس الاحباب
متعوضه
دايمننننننننن
ولا يهمك يا أبو خالد
وان شاء الله هنتقابل عما قريب
جزيت خيرا
*******************
nonoymm
ربنا يكرمك على كلامك
ويوفقنا لما يحبه ويوضاه
بس جبتي كلام الدكاتره ده منين ؟؟؟
********************
ابن حـجـر الـعـسـقـلانـى
عمي وأخويا وحبيبي
ابن حجر
ربنا يكرمك
اهو الحتت دي ما ياخدش بالهم منها الا الناس الجميله والعقول الكبيره
بس نسيت اني بفترض ان اللي بكتبه أصلا جميل كمان :)))
والحمد لله ان فرق الصورتين جه على قد كده
ربنا يكرمك ويباركلك يارب
وأنا الاسعد بمعرفتك والله
وربنا يقدرلك الخير حيث كان
************************************
صاحب المضيفة
والله عملت للكل يا عمنا
بس لما جه ينشر اختار بعض الناس فقط لكن ملحوقه ولا يهمك
ربنا يوفقك ويباركلك ياسيدنا
********************************
صبرني يارب
يا ستي ولا حقد ولا حاجه
ارغي بس
:))
ربنا يجمعنا كلنا دائما وأبدا على الخير ان شاء الله
****************************
inksarat
أحبك الله الذي احببتنا فيه
ويا عم مبتقدرش تعلق عندي
أومال انا أعمل ايه بقى
ربنا يكرمك ويبارك لك يارب
ويا رب أكون فاهم الموضوع اياه ده صح
وبراحتك خالص
سلامي لك ولصاحبك
*************************
رفقة عمر
يا رب تقبل منا ومنك
جزيت خيرا
**************************
آخر العنقود
انت عارفه العمليه عندي بتشتغل لما بتطق بس
مش أكتر والله
يا رب فعلا تكونوا انبسطم واستفدتم من اللقاء
ربنا يكرمك ويبارك لك يارب
وجزيتي خيرا لكلماتك
***************************
الفاتح الجعفري
الحمد لله الذي بنعمته تتم الصالحات
وأهم حاجه حلاوة الروح مش الفته خالص
ربنا يكرمكم ويوفقك
وسلامي للعز بن يعقوب عليه اللحمه
:))
**********************
بنوته مصرية
منوره يا رودي
وأنا كمان والله سعيد بالصحبة
وبطيبة قلبكم
وحبكم للخير
ربنا يتقبل دعائك وتتواصلي دايما معانا ان شاء الله
*************************
spot
والله ولا أنا كنت متوقع خالص
وربنا يكرمك يا ستنا على الكلام الكبير اللي ما نستهالهوش
ويا ريت تنورينا دايما وعلى طول بزيارتك وتعليقاتك
واحنا الأسعد بالصحة الطيبه
لك تحياتي
*********************
كاميليا
غيرانه ليه
اي نعم احنا كلنا في مصر
بس بنحاول نخفف على نفسنا بالحاجات دي
عشان مش نحس بالبلاوي التانيه
ربنا يكرمك
ويقدرلك الخير ويرجعك بالسلامه ان شاء الله
***********************
بت خيخة وأى كلام
اه طبعا انتي حد يقدر ينكش في تواضعك خالص
:))
وكمان ولا يهمك يا ستي
بس هاتي عمك هاني
وأبوك الحاج شريف
وباعربية عالأرض الطاهرة
وتشوفي العيله كلها
فردا فردا
ربنا يجزيكي خير يا رب
ويوفقك ليه دايما وأبدا
*************************
أنا وصاحبى
مبروك يا رجاله
وزي ما قلتلكم كده هتقفلوا عليا خالص
ربنا يوفقك ويقدرلكم الخير على طول
لكم تحياتي
***********************
خمسة فضفضة
ربنا يتقبل منك يارب
جزيتي خيرا على مشاركتك
وربنا يحمعنا كلنا دائما وأبدا على الخير يا رب
************************
Soooo
سعيد أكتر والله يا عم سوو بمعرفتك وتعليقك
ويا رب يتم لك الفيسكافية على خير وتبطل البرو 600 بقى ..ماشي؟؟
ومتابعتك لمدونتي شيء يفرحني طبعا
ومكسب الصداقات أحسن كمان من القراءات
وربنا يديم الود والمعروف
وجزيت كل الخير
***************************
SHAHEENSHY...فوضى منظمة
أي واللهج ميل يا هندسه
وعوزين نحليه أكتر بمعرفتك كمان
جزيت خيرا
*****************************
فزلوكة
كلامك فعلا تمام
التواصل الحقيقي بعد الفكري رائع رائع رائع
لكن بس احب اقولك ان جوجل متأخر شوية في موضوع التدوين لأنه موجود من زمان
لكن فقط هو لم ينشط الا لما زادت قيمته
جزيت كل الخير على مروروك
*********************
بحبك يامصر
يا رب
وسعيد جدا بالنتابعه والزيارة
وربنا يوفقكم ان شاء الله
لك خالص تحياتي
******************
سكــر
ان شاء الله لو عشنا نتقابل زي ما قال المصري
وأنا الأكثر شوقا لذلك
وجميل انك طلعت قريب البوهي
يبقى العملية قربت ان شاء الله
لك خالص ودي وتحياتي
************************
الباحث عن الحقيقة
الله يسامحك
كنت مستني البوست ده عشان تقول عليا طيب وبحب الناس
سا راجل ده انا كاتبها مع اسم المدونة فوق
هههههههههه
عامة سالت عليك ابن حجر كتير
وفي شوق لرؤيتك ان شاء الله
ربنا يخليك لينا ويوفقك يارب
لك خالص تحياتي
ياه
كان شرف ليه يا دك
اني افليب شخصية محترمة ورزينة
ومفكرة ادام الله عليك هذه الصفات الجميلة
وكم وصل بنا عالم الندون باحباب لنل احبناهم قبل ان نراهم وازداد
حيهم في قلوبنا يعد ان رايناهم
وتحياتي
شاركنا الحلم
مدونات مصرية للجيب
ــــ
عنوان الجروب عالفيس بوك
سيد بمقابلتك ونعرفي عليك في اليوم الدموي اللي قادته نوران
:)
البوست ده بجد تحفة جداً
ربنا يكرمك ياارب ويثرى عالمك الجديد كمان وكمان
:)
الجمعاوي الاصيل
نورتنا يا حبيب ولو انك اتأخرت
وسلملي على صاحبك المطنش
:))
**********
inksarat
نشارك بس مش في الحلم بس
ماشي يا عمنا
محمد
وأنا والله أسهدج برؤيتك
وياريت أشوفك في يوم مش يكون دموي ان شاء الله
نهى
نورتينا
وجزيتي خيرا على الكلمات الطيبه
Post a Comment
زد الموضوع جمالا بتعليقك