يا ريت نبقى زيهم ...في دي ؟؟
سلاماتي
بدايةً
اللهم فك عن أهلنا في غزة كربهم وفرج عنهم همهم وأصلح كل شئونهم يا كريم
آمين
********
قد يظن للوهله الأولى أني اتحدث عن الصناعات والعلوم المتقدمه في مختلف أنحاء المعموره عدا بلدنا الغالي
وقد يتخيل للحظة اني أتحدث عن الاتحاد الأوروبي الذي جمع اجناسا وأعراقا وأديانا متنوعه في اتحاد وبرلمان وعملة وقانون واحد
وقد يتوقع ايضا ان نتحدث عن أمور كثيرة مما أخفقنا فيها ونجح فيها غيرنا من غير المسلمين رغم امتلاكنا أسبابا للنجاح تفوق الكثير مما عندهم
لكني أحبتي أتكلم عن أمر قديم جديد ...عن أمر من المفترض أن يؤرق نفوسنا بعضا من الوقت ..عن تأثر الكفار بالقرآن
نعم ...القرآن
ونعم ...الكفار !!
...أجل فقد كانوا رغم عنادهم ورغم كفرهم يمتلكون آذانا واعية وقلوبا يطربها الكلام الجميل حين ينزل عليها
وكانوا يعترفون بذلك لأنفسهم في خلواتهم
ولكن الأمور النفسية قد طغت وأهوائهم ومصالحهم قد تجاوزت أن يكون الحق هو الظاهر
لنر سويا بعض المواقف التي أبهرنا بها بعض من صناديد قريش واعتى عتاة الكفار حين سمعوا القرآن
1-
ذكر في أسباب النزول للسيوطي أنه أبو جهل عندما سمع اية في سورة التكوير تقول "لمن شاء منكم أن يستقيم "
قال أبو جهل متأملاً إذاً هي لنا ....إن شئنا استقمنا وإن لم نشأ لم نستقم
فأنزل الله تعالى ..." وما تشاءون إلا أن يشاء الله رب العالمين"..التكوير
2-
وقف عمر بن الخطاب قبل أن يسلم بجوار النبي في الكعبة يريد الفتك به فكان الرسول الكريم صلى الله عليه وسلم يصلي ويقرأ في سورة الحاقة
وأسر كلام القرآن عمر وتابع بأذنه وعقله وقلبه الآيات حتى قال في نفسه
ان هذا قول شاعر
فقرأ النبي متابعا قراءته في السورة ..." وما هو بقول شاعر قليلا ما تؤمنون "..
فقال عمر في نفسه إذا هو قول كاهن
فتابع النبي في قراءته "ولا بقول كاهن قليلا ما تذكرون "
فقال عمر في نفسه
ويحي إذا ما هو ؟؟
فتابع النبي القراءة وقال
تنزيل من رب العالمين
3-
لما ذهب الوليد ابن المغيره ليتفاوض مع النبي صلى الله عليه وسلم حتى يترك دعوته بالدين الجديد وأسمعه النبي نحوا من القرآن
خرج الوليد متأثرا من عنده وسالوه عن ما سمع فقال القولة المشهوره
والله إن له لحلاوه
وإن عليه لطلاوه
وإن اعلاه لمثمر
وإن أسفله لمغدق
وإنه يعلو لا يعلى عليه
تلك مواقف بسيطه حدثت من أناس لا يؤمنون بالله , ويعادون النبي وهو بين أيديهم
فإذا كان الوضع الراهن يؤكد لنا :
* أننا من اتباع ذلك الدين الحنيف
* وأن الكتاب المنزل من عند الله كما هو لم يتبدل ولم يتغير
* وأن الله ورسوله اسموا كل فقرة من الكتاب ((آية ))...يعنى علامة ومعجزة
* وإذا كان منا الكثير يحفظون الكتاب ويعرفون الكثير من اياته
* وأننا أولى طائفة من البشرية يتحتم علينا أن نعطي كتاب ربنا حقه
إذا فبالله عليكم خبروني .....
ماذا حدث لقلوبنا ؟ !
وماذا حدث لنفوسنا ؟!
ولماذا بعدت المسافة بييننا وبين كتاب ربنا الى هذا الأمد البعيد ؟!
يا رب سامحنا على هجرنا لكتابك وسامحنا على هجراننا لتلاوته وهجرنا لحفظه وهجرنا للعمل به وهجرنا لتحكيمه والعمل بما حكم
ووفقنا يا ربنا أن نتمتع بما تمتع به هؤلاء النفر من الكفار من حسن التأمل والاستماع والانصات وزد لنا أن نؤمن به وأن يخالط شغاف قلوبنا ونقترب بآياته من جنابك
آمين
اخواني واخواتي
كتاب الله أو المصحف
في بيوتنا على مكاتبنا في سيارتنا في الراديو في التليفزيون في أفواهنا وفي كل مكان نستطيع أن نصل إليه ولكن
تبقى تلك المسافة التي بين ايدينا وأعيننا من ناحية ....وبين عقولنا وقلوبنا من ناحية اخرى مازالت كبيره وبعيده
بدايةً
اللهم فك عن أهلنا في غزة كربهم وفرج عنهم همهم وأصلح كل شئونهم يا كريم
آمين
********
قد يظن للوهله الأولى أني اتحدث عن الصناعات والعلوم المتقدمه في مختلف أنحاء المعموره عدا بلدنا الغالي
وقد يتخيل للحظة اني أتحدث عن الاتحاد الأوروبي الذي جمع اجناسا وأعراقا وأديانا متنوعه في اتحاد وبرلمان وعملة وقانون واحد
وقد يتوقع ايضا ان نتحدث عن أمور كثيرة مما أخفقنا فيها ونجح فيها غيرنا من غير المسلمين رغم امتلاكنا أسبابا للنجاح تفوق الكثير مما عندهم
لكني أحبتي أتكلم عن أمر قديم جديد ...عن أمر من المفترض أن يؤرق نفوسنا بعضا من الوقت ..عن تأثر الكفار بالقرآن
نعم ...القرآن
ونعم ...الكفار !!
...أجل فقد كانوا رغم عنادهم ورغم كفرهم يمتلكون آذانا واعية وقلوبا يطربها الكلام الجميل حين ينزل عليها
وكانوا يعترفون بذلك لأنفسهم في خلواتهم
ولكن الأمور النفسية قد طغت وأهوائهم ومصالحهم قد تجاوزت أن يكون الحق هو الظاهر
لنر سويا بعض المواقف التي أبهرنا بها بعض من صناديد قريش واعتى عتاة الكفار حين سمعوا القرآن
1-
ذكر في أسباب النزول للسيوطي أنه أبو جهل عندما سمع اية في سورة التكوير تقول "لمن شاء منكم أن يستقيم "
قال أبو جهل متأملاً إذاً هي لنا ....إن شئنا استقمنا وإن لم نشأ لم نستقم
فأنزل الله تعالى ..." وما تشاءون إلا أن يشاء الله رب العالمين"..التكوير
2-
وقف عمر بن الخطاب قبل أن يسلم بجوار النبي في الكعبة يريد الفتك به فكان الرسول الكريم صلى الله عليه وسلم يصلي ويقرأ في سورة الحاقة
وأسر كلام القرآن عمر وتابع بأذنه وعقله وقلبه الآيات حتى قال في نفسه
ان هذا قول شاعر
فقرأ النبي متابعا قراءته في السورة ..." وما هو بقول شاعر قليلا ما تؤمنون "..
فقال عمر في نفسه إذا هو قول كاهن
فتابع النبي في قراءته "ولا بقول كاهن قليلا ما تذكرون "
فقال عمر في نفسه
ويحي إذا ما هو ؟؟
فتابع النبي القراءة وقال
تنزيل من رب العالمين
3-
لما ذهب الوليد ابن المغيره ليتفاوض مع النبي صلى الله عليه وسلم حتى يترك دعوته بالدين الجديد وأسمعه النبي نحوا من القرآن
خرج الوليد متأثرا من عنده وسالوه عن ما سمع فقال القولة المشهوره
والله إن له لحلاوه
وإن عليه لطلاوه
وإن اعلاه لمثمر
وإن أسفله لمغدق
وإنه يعلو لا يعلى عليه
*******
تلك مواقف بسيطه حدثت من أناس لا يؤمنون بالله , ويعادون النبي وهو بين أيديهم
فإذا كان الوضع الراهن يؤكد لنا :
* أننا من اتباع ذلك الدين الحنيف
* وأن الكتاب المنزل من عند الله كما هو لم يتبدل ولم يتغير
* وأن الله ورسوله اسموا كل فقرة من الكتاب ((آية ))...يعنى علامة ومعجزة
* وإذا كان منا الكثير يحفظون الكتاب ويعرفون الكثير من اياته
* وأننا أولى طائفة من البشرية يتحتم علينا أن نعطي كتاب ربنا حقه
إذا فبالله عليكم خبروني .....
ماذا حدث لقلوبنا ؟ !
وماذا حدث لنفوسنا ؟!
ولماذا بعدت المسافة بييننا وبين كتاب ربنا الى هذا الأمد البعيد ؟!
يا رب سامحنا على هجرنا لكتابك وسامحنا على هجراننا لتلاوته وهجرنا لحفظه وهجرنا للعمل به وهجرنا لتحكيمه والعمل بما حكم
ووفقنا يا ربنا أن نتمتع بما تمتع به هؤلاء النفر من الكفار من حسن التأمل والاستماع والانصات وزد لنا أن نؤمن به وأن يخالط شغاف قلوبنا ونقترب بآياته من جنابك
آمين
********
اخواني واخواتي
كتاب الله أو المصحف
في بيوتنا على مكاتبنا في سيارتنا في الراديو في التليفزيون في أفواهنا وفي كل مكان نستطيع أن نصل إليه ولكن
تبقى تلك المسافة التي بين ايدينا وأعيننا من ناحية ....وبين عقولنا وقلوبنا من ناحية اخرى مازالت كبيره وبعيده
فهلا سمعنا القرآن بآذان أخرى
46 قالوا رأيهم/ أضف تعليقك:
مش ممكن التعليق الاول عند دكتور حر
هييييييييييييييييييه
جزاااااااااااااااكم الله خيرا
دائما ما تمس القلوب بهذه المعانى الجميلة والرقراقة ...والتذكرة العظيمة
وأؤمن على دعائك
والله اسأل أن يجعل كل هذا فى ميزان حسناتك وان بيارك لك وينفع بك
اللهم آآآآآمين
وما تنسااااش حلاوة اول تعليق دى عمرها ما حصلت وياعاااااااااالم هتكرر تانى ولا اييه؟
دمت بكل خير وزياااااااادة
السلام عليكم
بيعجبني موضوعاتك بس مبعرفش اعلق اقول ايه
بس بتابعك باستمرار
تحياتي
قلوبنا صدأت و لم نقم بجلائها
هعتبر كلامك ده تانى رساله توصلنى النهاره
يارب ثبتني
يارب ثبتنى
يارب ثبتنى
يارب فرج كر اخواننا فى غزه
يارب ثبتهم فى هذا البلاء وازحه عنهم
فعلا والله
احيانا بتقرا القران وتشعر بكل حرف فيه
واحيانا تقراه وتحس انك مااستوعبتش غير ايه واحده بس
اللهم ارزقنا القلوب الواعيه وارزقنا تلاوته اناء الليل واطراف النهار
اللهم امين
اللهم نور قلوبنا بالقرآن
فإن أعرضوا فقل أنذرتكم صاعقة مثل صاعقة عاد وثمود
جزاك الله خيرا على الموضوع الجميل
اللهم يا معلم ابراهيم علمنا ويا مفهم سليمان فهمنا
فعلا القران بين ايدينا نعمة كبيرة لا ندرك قيمتها
مبارك يادكتور على الجيد جدا ويارب تكون نافع للمسلمين...هارجع تانى اعلق علىالبوست...والله ولى التوفيق.
ربنا يهدينا قبل فوات الاوان
جزاك الله خيرا على تلك التذكرة
وحقاً لو كانت هناك آذان صاغية وعقول واعية لما حدث مايحدث لنا من ذل وهوان بسبب هؤلاء وعنادهم وملاوعتهم وحيادهم عن الطريق الصحيح وعن إعمال عقولهم
ثانياً ..لافتة الى الآية التي ذكرتها في سورة الحاقة... صحح (ولابقول كاهن قليلاً ما تذكرون)..............وجزاكم الله خيراً
جزاكم الله خيرا يادكتور علي المواضيع اللي كل مدي بتحلي وتجمل
فجزاكم الله خيرا علي المواضيع الهادفة الجميلة
وسلاماتي لحضرتك
يا دكتور
المفروض
فهلا سمعنا القرآن بقلوب أخرى ؟
شكرا لحضرتك على التذكرة
بس مش دايما قلوبنا لا تفقه القران
احيانا بنركز فى معانيه واحيانا بتكون قلوبنا لاهية ولا تفهم ما تقراه
فعلا فى بعض المعانى تنقصنا , وبعض الأشياء أخذناها فى حياتنا كمسلمات ولم ننظر إلى المعانى أو حتى الجماليات فيها
القرآن يحتاج منا إلى قراءة بطريقة مختلفة غير طريقة مجرد إحصاء الحسنات
وجزاكم الله خيرا على التذكرة
الحرية للمدون الدكتور ابراهيم الزعفرانى
وقع على وثيقة الالف مدون للافراج عن الطبيب المدون
www.dahayaa.com
جزاك الله خيرا على ذكرك لأنواع هجر القرآن
اللهم ذكرنا منه ما نسينا وعلمنا منه ماجهلنا
وارزقنا تلاوته آناء الليل وأطراف النهار على الوجه الذى يرضيك عنا يارب العالمين
سبحان الله كنت أتكلم مع أحد أقاربي في نفس النقطة وذكرنا في حديثنا بعض الأمثلة التي ذكرتها
ولا زلت أفكر فيما دار بيني وبينه حتى لحظتها
أفلا يتدبرون القرآن أم على قلوب أقفالها
يااااااااااااااه هو احنا قلوبنا بقت قاسية للدرجة دى الكفار يتأثروا بالقراءان واحنا لا بجد احنا حالنا بقى صعب قوى(بقى يصعب على الكفار اللى بيتأثروا وإحنا لا)بجد يعينى علينا
والناس بتسأل احنا ليه بقينا متأخرين ومفيش بركة فى أى حاجة ليه لا فى مال ولا فى وقت ولا ......ولا0000
بجد يا دكتر أنت حزنتى على حالى ولا على حال كل المسلمين
بس لعل هذه تكون تذكرة ورسالة ربانية ليا ولكل من قرأ الرسالة دى
وجزاكم الله ألف خير
(فهلا سمعنا القراءن بأذان صاغية)
ياااااااااااااه
ربنا يكرمك يا محمد يارب
والله مش عارفة اقول ايه
انا مكسوفة قوي بجد
ياااه
بجد مكسوفة قوي
لا اله الا الله
لا اله الا الله
لا اله الا الله
لاحول ولا قوة الا بالله
استغفر الله
استغفر الله
الله يكرمك ويوفقك ويرضي عنك يارب
ياااارب
الجملة الاخيرة اجمل ما في المقال الجميل بذاته
جزاك الله خيرا كثيرا
معلومات كنت اعرفها و لكن اسلوبك الشيق جعلني استمتع بقراءتها
ربما قرأتها بعيون جديدة
دمت مبدعا
كتاب الله أو المصحف
في بيوتنا على مكاتبنا في سيارتنا في الراديو في التليفزيون في أفواهنا وفي كل مكان نستطيع أن نصل إليه ولكن
تبقى تلك المسافة التي بين ايدينا وأعيننا من ناحية ....وبين عقولنا وقلوبنا من ناحية اخرى مازالت كبيره وبعيده
فهلا سمعنا القرآن بآذان أخرى
----------
----------
كلمات رااائعه
ومعانى اروع
رغم المها بالطبع
بارك الله فيك...
جزاكم الله خيرا
نحتاج إلى سماع القرآن بقلوب أخرى لاآذان أخرى
لأن قلوبنا وللأسف تتحجر في بعض الأحيان ولا تعي ما تقرأ أو تسمع
لذا لا بد من إحيائها من جديد
بوركت
ما شاء الله بوست قيم
استحضرت ايه(أفلا يتدبرون القران أم على قلوب أقفالها)
أجمل ما استوقفنى فيه هو أن كل فقرة من الكتاب اسمها آية..أول مرة آخد بالى منها
بجد جزاكم الله خيرا
الناس دلوقتى
ومش كل الناس لكن ناس كتير
بيفتكروا ان فى مصحف فى البيت لما يجوا يحلفوا عليه
صدقنى
والله انا شفت النوعيه دى بعينى
دايما
ودائما
وعلى طول
متأأأأأأأأأأأألق
خالتك فرنسا
جزاك الله خيرا على هذه التذكرة الجميلة ولا أندهش لأنها من إبن أخ فاضل رحمه الله وأسكنه فسيح جناته فهى زرية بعضها من بعض نسأل الله تعالى أن يجمعنا على محبته ويشملنا برحمته
أخى الكريم لأننا مع زحمة الحياة وكثرة المسئوليات وتكدر الجو المحيط بنا بأناس يفترض أنهم ولاة أمورنا ولكنهم فى طغيانهم يعمهون, أفقدونا أحاسيسنا المرهفة الجميلة التى تتعامل مع كل ماهو جميل فأصبحنا لا نرى مصرنا الحبيبة بنيلها الصافى وشمسها المشرقة وخضرتها الجميلة كما كنا نوصف قبل ذلك (بالمية والهواء والوجه الحسن) وسبب مانحن فيه أخى الكريم هو بعدنا عن ربنا وبعدنا عن كتابه الكريم فنسأل الله تعالى الهداية وحسن الخاتمة
د.أيمن حفظى
صراحة انا كنت قريت البوست ساعة ما حضرتك بعت رسالة وما قدرتش ارد
لان كان عندى حالة وفاة
بس بامانة تذكرت كلامك وانا بسمع القران في العزا تاملته وبالفعل ادركت انى باسمعه باذن اخرى عما اسمعه بايام الرخاء قصدى يعنى الايام العادية
مش هقدر اقول غير ربنا يكرمك لان كلامك دا ممكن خلانى افطن للموضوع دا
وجزاك الله كل خير
ليست الآذان وإنما هي القلوب التى عليها ران من كثرة المعاصى والذنوب
وفيه حاليا حملة شرسه ضد القرآن الكريم
وقريبا سيتم انتاج فيلم يسيئ إليه ويعارض الكثير عرضه لما سيسببه من مشاكل
فنحن ننتظر المصائب حتى نهتم بديننا
وليست الهجمة الشرسة على رسولنا صلى الله عليه وسلم عنا ببعيدة
اول زيارة ليا للمدونه وباسجل انبهاري بيها
البوست دا عجبني جدا وشدني بجد
سلام
ايه يادكتور فينك
واحشنا جدا
مكنتش اعرف ان الشغل والفلوس بتغير الواحد كده
امال اما تفتح مستشفي خاص هتعمل ايه
-------
بعد فاصل القر ده اعلق بقي
والله يادكتور فعلا القلوب صدت من اللي بيحصل من الذنوب والمعاصي
انظر الي قوله تعالي (كلا بل ران علي قلوبهم ماكانوا يكسبون)نحن بهجرنا للقران هجرنا القران لان القران عزيز من اقبل عليه اقبل عليه ومن وتركه تركه وهو حبل الله المتين ماتركه من جبار قسمه الله
ان رسول الله يشتكي هاجر القران (وقال الرسول يارب ان قومي اتخذوا هذا القران مهجورا)
الله احينا بالقران واجعله لنا شفيعا وهاديا واماما
وجزاكم الله خير يادكتور
كلامك صح فعلا أنا من مراجعة المواقف التاريخية و مقارنتها بنا الآن بأحس إن إحنا ما بنفهمش و هما كانوا بيفهوا كويس قوى. علشان كده كان ممكن الكافر يسمع آية و يصبح مسلم.
أما الآن تجد المسلم يسمع الآية و لا هو هنا و يروح يعمل عكسها و فاكر نفسه بينه و بين ربنا عمار !
إزاى؟
ما أعرفش!
ايه يا عم الشيخ الكلام الحلو ده
انته خلصت ولا لسه؟؟؟
ادعي لي يا جميل...
هانت ان شاء الله
الكلام ده يحسوا أكتر اللي متعاهد القرآن...
يا أخي والله القلوب مش ممكن...
ايه ده وكأننا أصبحنا جبال...بل الجبال لها خشية من القرآن...
نسأل الله أن يمن علينا بقلوب خاشعة
انته مبتكتبشي اسمك ليه :(
نسيت أقولك صحيح...
هي القصص اللي موجودة في التدوينة صحيحة ولا حسنة ولا ضعيفة :(
اذكر لنا حتى الاسناد
عشان احبك :|
بصراحة مش لاقية تعليق مناسب يتناسب مع مشاعرى فى الوقت الحالى
ولا أملك إلا الدعاء لك
تقبل تحياتى
هبة
فعلا محتاجين نتدبر القراءن واحنا بنقراه
محتاجين نحس معانيه
ناس كتير بتقرا وهى مش فاهمه وبتكسل انها تفتح حتى تفسير القراءن علشان تعرف المعنى
بيعتبره واجب عليهم
ربنا يهدينا ويهدى المسلمين جميعا
يااااه يا دكتور
فعلاً كنت محتاجة البوست ده عن الموضوع ده
قلوبنا بقى فيها حاجة غريبة
فقدت الاحساس .. والاستماع
وفقدت حاجات كتير اوي
وعلى رأى اختنا آخر العنقود لازم نعمل اعادة نظر فى انفسنا
ونشوف اللى خلنا قلوبنا تبقى كدا وازى نرجع بيها تاني
:)
جزاكم الله خيراً
فعلا سؤال يحتاج الي اجابه والاجابة لا يجب ان تكون اجابه شفهيه فحسب بل لابد ان تعبر عما وقر في القلب وصدقه العمل
اللهم اجعل حبك أحب الاشياء الي وخشيتك اخوف الاشياء عندي
لا اله الا انت سبحانك اني كنت من الظالمين
تحياتي
جزيت خيرا على الموضوع الجميل
وبالنسبة للمواقع اللي على الرئيسية
مش بشوفك خالص على موقع كووورة
حقا صدقت فيما قلت ودائما ما تستطيع ان تمس القلوب بكلماتك المقنعه اللهم ارزقنا تلاوة كتابك وتدبره والعمل به
جزاك الله كل الخير
تحياتى
عايز اقولك حاجه يا دكتور انا لما بحس انى مخنوق بدخل مدونتك اقأ ما فيها
بصراحه مواضيعك جميله برتاح عندك
شكرا ليك على كلامك ومواضيعك اللى بجد بستفاد منها
أماني
ألف ألف مبروك
وأول ما عملتي أول تعليق وصلت على طول وبقى عندك مدونة
آخر العنقود
أحمدك يارب
وعقبال بقية الليله
(:
مهند
سعيد بتواصلك وزياراتك
وربنا يكرمك ويوفقك
******
مهندس محمد
صدقت
*******
لماضه
الرسائل بتبقى للقلوب الجاهزة ومن عند ربنا ربنا يكرمك ويبارك فيكي
********
عاشقة الفردوس
أؤمن على كلماتك ودعواتك
ثبتنا الله وثبتك
وددمت بكل الخير
********
د سيد
ربنا يتقبل
ازيك يا محمد
اولا احب اعتذر عن تأخيرى
وده بسبب الانترنت واشياء اخرى
الانترنت مشكلته معروفة للجميع
الاشياء الاخرى تتعلق بيا انا لما بقرا اى بوست ليك
والله يا محمد انا دخلت قريت البوست ده اكتر من مرة
وكل ما اجى اعلق معرفش اكتب اقول ايه
وفى نفس الوقت مش عايزة اكتب جزاك الله خيرا وامشى
ببقى عايزة اكتب تعليق يليق مع البوست بتاعك
المهم بص بقى يا سيدى
طبعا مقدرش انكر ان البوست اثر فيا جامد
وياريت فعلا الناس اللى حطة المصحف فى بيتها ولا عربيتها منظر ياريت فعلا يقروا كلام ربنا ويفكروا فيه لعلهم يتعظوا
وانا عن نفسى بتمنى انى احفظ القرآن
لكن مش معنى كدة انى مش بقرا فيه بالعكس الحمد الله دايما بقراه باستمرار ومش مشترطة انى اقراه بس فى رمضان
وبينى وبينك ساعات بقرا لمجرد انى عايزة اقرا وبس
وساعات تانية بقرا واركز اوى علشان عايزة افهم معنى الايات
وساعات بقراه لهدف انى احفظ بعض الايات
وربنا يسهل واقدر افهمه قبل ماحفظه
وبس خلاص
دلوقتى اقدر اقولك جزاك الله خيرا
اختك خيخة
سمحت لنفسى .. انى اقدملك تاجين هديه
هتقبلهم ..
النبى قبل الهديه ؟؟
ع العموم هما عندى .. شرفنى وخدهم
السلام عليكم ورحمة الله
هذه هى اول زيارة لىّ وان شاء الله لن تكون الاخيره.المدونة عجبتنى جدآ.انا بدات مدونتى الخاصه من اول الشهر ده وربنايسهل.كل يوم باعرف حاجات جديده وباكتسب مهارات جديدة كمان,اصل الصراحه انا عندى 55 سنه ولم اعرف الكومبيوتر الا السنه اللى فاتت بس وعلى رأى المثل اللى يعيش ياما يشوف نسيت استاذن حضرتك لو موضوع عجبنى فى المدونة بتاعتك ممكن ابقى اكتبه عندى مع الاشاره الى المصدر الاصلى للموضوع.وشكرآ.
Post a Comment
زد الموضوع جمالا بتعليقك