اتنين
سلاماتي
أعرف أني أطلت الغيبة لكن غصبت على هذا لظروف عملي لكني رجعت بجعبتي هذين التاجين السمينين من أخويا وخالي الصباغ ومن صاحب المضيفة ومن د ياسمين أجدع دكتورة ومش عارف بقى لو كان حد حولهم عليا تاني
عامة أرجو أن يكون تاجين خفاف ويكونوا في الصميم ان شاء الله
تاج 4
هل توافق على حذف خانة الديانة من البطاقة الشخصية ؟
في الحقيقة لا
لعلها تذكر الكثيرين بأنهم مازالوا ا يعتنقون الإسلام دينا رغم سلوكهم
أما عن المواطنة فأعتقد أنها لا تؤثر على العلاقات لأنها بالأساس تبنى على المواقف والمشاعر وليس على البطاقات
.
ما رأيك في المثليين ؟ هل هى حرية شخصية ؟
عافانا الله وعافاكم .....هي فعلا حرية شخصية ..لكنها من الأفعال المذمومة والمحرمه فلو صح لفاعلها أن يكون حرا ..لوجبت علينا دعوته للعوده والاستقامه
هل توافق على الاعتراف بالمثليين ؟ هل لديك أصدقاء من المثليين ؟
ما معنى الاعتراف ؟! كما قلت أقر بالوجود لكن لا أقر بصحته وبحله لكن أن يكون اعترافا رسميا ومدعوما من الوسائل المختلفه بحجة عدم دفن الرأس في الرمال فهذا من باب نشر الرذيله والتي لا يقبله الدين لأن الإشكال الأكبر عند قوم لوط كان في فضحهم أنفسهم ومجاهرتهم بالرذيله
هل تعتقد بوجود اضطهاد للمسيحيين في مصر ؟
غالبا لا
بل أعتقد أن هناك اضطهاد للمصريين في مصر
من هو الشخص الذي تختاره لرئاسة مصر ؟
لو حددت شخصا بعينه لظلمنا مصر كما ظلمها الحاكمون الآن لأنهم أيضا لا يرون الا شخصا واحدا مناسبا ويدعون أن البديل لا بد وأن يكون ضعيفا
المهم أن يكون شخصا متميزا مهنيا وتقنيا ومتقيا لله يعمل ما يعرف ويستشير من يعرف مالا يعرف
أذا قمت بتأسيس حزب سياسي
..
من هم الأشخاص الذين ستقوم بضمهم فى الحزب ليشاركوك فى حكم مصر حال فوزك فى الانتخابات ؟
لم تعجبني طريقة صياغة السؤال ...لأن تأسيس الحزب ليس مرهونا بالحكم بهذه الدرجه ..عندنا مشكله مزمنه في مصر بوجود عدم الثقه في الأحزاب وعدم وجود أحزاب وعدم وجود تفرغ للأحزاب وبالتالي أي حزب يحتاج الى جهد مضني وانجازات حتى يقنع الناس به وأظن أن ما يقنع الناس في الفتره الحاليه أي شخص يتحلى بالمهنية والأمانه
واللي عاوز يجي يتفضل ..
هل توافق على مشاركة كل من: الإخوان المسلمين - الأقباط في الحكم ؟
كما أسلفت ..مرحبا بكل من يتحلى بالمهنية والأمانه
.
في رأيك الشخصي .. ما هي أفضل مدونة على بلوجر قمت بزيارتها ؟
لا أستطيع تحديدها عموما لكن لكل وقت وكل حالة هناك من يتميز في مجاله
لكن في النضج كما ذكرت من قبل ...مدونة د ابراهيم الزعفراني وحكاياتها ومدونة وطني ومدونة عصفور المدينه وعائلة الشلتوني
وفي مهارات التدوين القوية من ناحية الأفكار والأسلوب هناك نوران الشاملي وأحمد الصباغ وجمعاوي روش طحن
وهناك الكثير ممن وضعتهم على المفضلتين أتعلم منهم الكثير
أيهما تفضل كزوجة .. امرأة عاملة ، أم ربة منزل ؟
ربة منزل لكن لو المجتمع في حاجه لزوجتي ممكن أضحي برغبتي شوية
إذا تزوجت وأنجبت ولدين وبنتين .. أي الأسماء تحب أن تسمى ؟
انسوا
مش هقول لحد تاني
أحسن بيتسرقوا
هل تعتقد أن توريث الحكم في مصر . . سيتم فعلا أم لا ؟
والله لا أدري
لكن عندي إحساس كبير جدا وعميق للغاية أنه لن يتم بتدبير رباني
في رأيك الشخصي: ما هو أفضل إنجاز لحكومة مبارك ؟ وما هو أسوأ عمل قامت به ؟
الأفضل ..للأسف نفرح بها ..هو مساحة حرية الصحافه والإعلام نوعا ما
الأسوأ هو التعليم والبحث العلمي
***************
تاج 5
دخلت مجلس الشعب من أوسع أبوابه إيه هو رمزك الانتخابي المفضل ؟؟؟؟
مادام من أوسع أبوابه يبقى الرمز مش حكاية
لكن أحب انه يكون الشجره أو النخلة
كنت تفضل الدخول مستقلا أو تتبع حزب معين ؟؟؟؟
حاليا بالنظام الحالي مستقل طبعا
إذا دخلت مستقل هل توافق على التوقيع للحزب الوطني بعد نجاحك كمستقل ؟؟؟؟
وايه اللي كان خلاني ادخل مستقل من الأول ده الوطني يتمنى أدخل معاه من الأول
ربنا يعافينا
إيه أول حاجه هتعملها لنفسك ولأسرتك ؟؟؟؟؟
هقعد معاهم وأفكرهم بالمسؤليه وانهم هيكونوا محط انظار الناس في الفتره القادمه وتصرفاتهم يجب إنها تكون محسوبه وفي نفس الوقت أطلب منهم ان يكونوا عونا لي بإرشادي وتذكيري على المسؤلية الجديده >
إيه المشروع اللي ناوي تعمله لأهل دايرتك ؟؟؟؟دون ذكر اسم الدائرة إن أردت
إكمال المرافق والخدمات وتحسين الطرق ثم محاولة إنشاء مصانع لتوظيف الطاقات البشرية وأيضا افتتاح مركز تنمية قدرات وطاقات بشرية
قعدت فى المجلس جنب نائب مميز . من هو النائب ؟؟؟
عامة ولا خاصة
عامة أي نائب محترم متميز ونشيط ومبتكر
بالتحديد أحب أكون جنب الدكتور جمال حشمت
قدمت سؤال للحكومة إيه هو السؤال ؟؟؟؟؟
هنقل إجابة الدكتوره لماضه لأنها عجباني قوي :
اكل وسممتوه بقر وجننتوه دعم ولغيتوه عمر افندي وبعتوه بنك مصر ونهبتوه نهر النيل ولوثتوه فاضل ايه تانى ناويين تعملوووه؟؟؟
استجواب لوزير ؟؟؟ وليه؟؟؟
والله أنا الوزراء في مصر بيصعبوا عليا لأن بحس ان مش بإيديهم حاجه
اللي محتاج الاستجواب حد تاني
طلبين احاطه موضوعهم إيه وبقدمهم لمين؟؟؟؟
زي الاستجوابات
هل أنت مع الخصخصة ؟؟؟؟؟؟
اذا كانت مبرمجه بمعني أخصخص بعض المشاريع القديمه لعمل شركات عامة أخرى جديده ويكون المجتمع في حاجه لها
أما انها تتخصخص وكان الله بالسر عليم
فطبعا مش موافق
هل أنت مع قطع العلاقة مع إسرائيل ؟؟؟؟؟
انا مع قطع اسرائيل نفسها
هل تؤيد الحرب على العراق ؟؟؟؟؟؟؟؟
سؤال برئ
مش هجاوبه
هل تؤيد مرور الأمريكان في القناة ؟؟؟؟؟؟
تجاري أه
حربي لا
ومش بغني والله
بتمرر التاج ده لمين ؟؟؟؟؟؟؟؟
متهيألي مفيش حد بعدي
دعواتكم يا عالم
60 قالوا رأيهم/ أضف تعليقك:
والله لا أدري
لكن عندي إحساس كبير جدا وعميق للغاية أنه لن يتم بتدبير رباني
يسمع منك ربنا
حمدا لله عالسلامة يا دكتورنا
شوفت ؟؟ اللي يصبر بينول
أنا صبرت على غيابك ونلت
أول تعليق بعد الغياب
ماشاء الله اجابات ممتازة وفي الصميم
صحيح انت اتسرق منك اسماء قبل كدة ؟؟
ربنا يوفقك وتحقق اللي بتتمناه
اللهم امين
حمدااااااااااااااله ع السلاااامة
طيب مش كنت تقول
بتاع مفاجآت دايما يادكتور
:)
بجد فعلا صحيح يعنى اجاباتك عجبتنى جدا
وواقعية وممتازة ماشاء الله
تحياتى ليك يادكتورنا
وربنا معاك
وبلاش الغيبة تطول كده بس
وأخيييييييرا هعلق عندك باسم المدونة
دمت بكل خير
لكن هل المثلية الجنسية حرية شخصية؟؟؟
أنا حاسس ان السؤال ما أخدشي حقه في الاجابة
مبروك يا عم ع الشغل..
بتاخد كام الوقتي؟؟
230 ولا 240 ؟؟؟
ان ان شاء الله بكم لاحقون :)
أيووووو يا جدعان
الدكتور رجع تانى
عود حميد يا دكتور .فيينك يا عمنا من زمان ؟
أنا بإحسب إن إنت إتخطفت
ع العموم عود حميد
أما عن التعليق
فبصراحة أخجلتم تواضعنا
يا عمنا هو الواحد ييجوا جبنجكوا إيه ؟
إحنا لسه عيال يا دكتور
بارك الله فيك يا دكترة
تجميع التاجين دول على بعض كان صحي جدا عشان مترابطين
حفظك الله وأعانك ويسر لك واقر أعيننا بالاطمئنان عليك دوما
عمي وعم عيالي الكبير اوي جدا طحن
يااااااااااه يادكتور بقالنا كتير مشفناش تدويناتك مرت الايام وكأنها دهر ----
ايه رايك في البكش ده
طبعا الاجابات متميزه جدا ورائعه يعني اجابات واقعيه ومنظمه يعني دكتور فعلا
وجزاكم الله كل خير
تاج الصباغ بقى فى كل المدونات دلوقتى
كل لما اروح ازور حد الاقى التاج
ماشاء الله كلكم اجابتكم تفرح كده
بس العوض على الله بقى
ولله الامر من قبل ومن بعد
تحياتى ويارب يوفقك دايما ويصلح خطاك
هبة
ازيك يا دكتور
حمد الله علي السلامة
غبت وطولت الغيبة وعلي فكرة انا اخدتك في الحزب معايا هناك عندي
ماشاء الله اجاباتك كويسة و تنم عن عقلية كويسة ومتزنة ربنا يباركلك
:)
لكن اختلف معاك في حكاية التوريث لان التعديلات الدستورية ستؤدي الي التوريث وكذلك الواقع كما حصل في سوريا و تستعد ليبيا لاستقبال ابن القذافي
تحياتي ليك
منور دايما
حمد لله على السلامه يا دفعه
فعلا طولت الغيبه الله يعينك على الشغل
اجابات قاطعه فعلا
بس بختلف معاك فى حرية الصحافه والاعلان اللى تعتبرمن الانجازات
للاسف اللى بيجهر بالحق بيتقبض عليه وبيتمنع واللى بيدعوا للفاحشه بيتصقفله
تحياتي يا دفعه
السلام عليكم
اجاباتك
جيدة
حقيقي
والله عندك حق
انا بأفكر أمسح الأسماء
جزاكم الله كل خير
لكن انا اعترض معك فى كون المثلية حرية شخصية
السلام عليكم
يووووووووووووووووووووووووووووووه
رغغم اني كنت وعدتك اني مش هعلق عشان كل مرة تنزل البوست وانا نايم
بس يالللا ..انا بس كنت عاوز الحق التعليق الاول
بس انت حر
اجاباتك جميلة جدا ... وبخصوص الاسماء انا مش هفتن عليك
وعندك حق فعلا ان الاضطهاد للمصريين اجمع
اجابات جميلة بعد استاذنا عصفور طبعا
ربنا يكرمك
وابقى قوللي اول ماتنزل البوست عشان الحق اول تعليق
سلام
اخوك
اجابات جميلة يادكتور زي ما عودتنا
ومتبقاش تغيب كتيـــــــــــــر علينا
ام عمار
اخى الحبيب محمد دكتور حر
تسلم ايديك كلامك جميل
شوف يا سيدى
اولا انا كان نفسى تحدد اسم شخص ترشحة لرئاسة مصر بس ماشى
ثانيا انا ما ربطتش بين تأسيس حزب والحكم
لكن بقول لو حصل وفاز الحزب فى انتخابات المؤهلة للحكم
:)
هو كمان اسماء الاولاد بقت بتتسرق ؟
ههههههه
تقصد بإيييييه المحتاج للاستجواب حد تانى ؟؟؟
ههههه سؤال محرج صح ؟
عموما
انت اجاباتك كلها مختصرة وفى الصميم
واغلب الاجابات انا متفق معاك فيها
انما فى نسبة مش قليلة انا مختلف معاك
واظن الاختلاف ده ظاهرة صحية
صديقى العزيز
تقبل تحياتى
أحمد الصباغ
الدكتور الكبير اوي
اجابات هادية وراسية
بس اختلف معاك في حكاية الاقباط دي
لااري انه يجب مشاركتهم في الحكم حتي لو كانوا اهل خبرة
وذلك لان:0
اهل الخبرة المسلمين لم ينقطعوا من مصر لناتي بنصاري
الشرع يمنع مسئلة مشاركتهم في الحكم دي
كيف اطلب من رجل نصراني ان طبق شرع الاسلام الذي هو المصدر الرئيسي للتشريع في بلادنا
والسلام
بسم الله
حمدلله على السلامة يا دكتور
طب انت لسه متخرج وتقول لي مشغول امال بعد ماتتشهر شوية وتبدأ تقبض بالدولار هتعمل اية ههههههههههه
اجاباتك جميلة ربنا يبارك فيك
بس يعني اي اسماء الولاد هتتسرق
ولا انت لسه مافكرتش في موضوع الولاد اصلا
تحياتي اليك ولا تنسانا من دعائك
وطني
عمنا الكبير قوي
حمدالله على سلامتك يا غالي
يارب يسمع منا
وانا كده اللي نولت
ومبروك علي اول تعليق
ربنا يخليك للغلابه
***********
يونيك
الله يكرمك يا ستنا
اتسرقت والله ومن ساعتها مش بقيت اقول
اقولها ساعتها ان شاء الله
موفقه ان شاء الله
**********
آخر العنقود
مرحبا بك في زيارتك الأولى
طبعا بالاسم الجديد
وابقى صحصحي معايا كده
لازم تفهميها قبل ما تطير
ض خالد
ايوه طبعا كل الأفعال والحركات الانسان مخير فيها يختار فيها ما يشاء بغض النظر عما ان كانت حلالا أو حراما
فذلك الأمر حسابه عند الله
لأن لا أحد يستطيع أن يمنع الأفعال الخاصه لدي أي انسان
ومش عارف كده واضحه ولا فيها كلام
*******
وعقبالك يا ريس في النتيجه اللأول وبعدين الشغل
ان شاء الله
لك كل الود والتحيه
جمعاوي بيه
ربنا يكرمك يا ريس
كانوا عايزين يخطفوني بس مقدروش يشيلوني
ههههه
انا اقصد معاك بس الصياغه التدوينه جميله ربنا يبارك فيك ويكرمك ان شاء الله
***********
عصفور المدينه
معلمنا الكبير ابو يحيى الغالي
حضرتك قول متناسق مترابط متكافيء كده يعني
انما صحي
معلش بقة دي بتاعتي انا
ههههههه
ربنا يخليك لينا ياغالي
************
الفاتح الجعفري
أحمد باشا
سيبنالك البكش بما حنش
اي حاجه
ربنا يكرمك ويخليك لينا يا حبيب
***********
هبه دوبا
مش اي اي ولا زي زي برضه
بس حته تواضع بس
ووجه خجول
ربنا يعوض علينا
ان شاء الله
بس قصدك على ايه
انا حسيت ان فيه عزا في الاخر
؟؟
MerMaid
انت اختلفتي معايا في حاجه انا مقولتهاش
ولا ايه؟
انا قلت لا ادري
وهتيجي من عند ربنا
يعني دورك بقى تدعي
مش تختفي الله يكرمك
ريحيني وخديني على قد عقلي
في دي بس
ههههه
تحياتي لمتابعتك وتعليقك
لماضه
كان فيه مقوله بتقول
رب زمن بكيت فيه
فلما مضى بكيت عليه
وقالوا كمان
ايه الأحسن من الأعمى
قالوا الأعور
وقالوا
ايه اللي رماك عالمر
قال اللي أمر منه
هههههه
المهم اللي عاوز أوصله
ان النظام بإمكانه يقفل الجرايد المستقله والبرامج الحواريه ومواقع الانترنت
وبغض النظر انه سايبها ليه او بمزاجه ولا لا
تظل نقطه بسيطه وهامس بسيط جدا من حقنا يحسب للحكومه
ولا ايه رأيك يا دفعه
مهند
منورنا دايما وربنا يبارك فيك
وشكرا على كلماتك الجميله
******
مؤمن محمد
منورنا يا عم مؤمن
ويا ريت تنورنا دايما
شوف ردي على ض خالد قبلك على النقطه دي وقوللي
*******
خليفه باشا
يا عم انت تعلق وقت منت عاوز
وهتبقى الأول برضه كوسه
بس ياراجل عمك العصفور اجاباته أحسن
ولا مجامله بس
ربنا يوفقك ويبارك لك
******
أم عمار
هو مين اللي بيغيب بقى ؟
وبعدين ايه الافترا ده كمان
هو مين قالك انه هيوافق عى عمار؟
عمنا الكبير وخالنا
احمد بيه الصباغ
يا عم لو عاوزني انتخبك رئيس بس ابقى قوللي وانا اقوم بالواجب
بس بعد ما تظبني
هههه
انت بتقول مختلف معايا
جميل كده
بس نفسي تقوللي في ايه
منتظرك
الفاتح اليعقوبي
عز بيه
يا ابو كرش
ليه كده بس
يا عم الحاج في فرق بين الوظائف وبين الولايه
الوظائف لا غبار عليها وده ثابت من أول الخلافه الأمويه الى نهاية الخلافه العثمانيه انه كان في وزراء ورجال دوله من النصارى
يعني شرعا مفيهاش حاجه
وثانيا من مباديء المواطنه في الاسلام التكافؤ
ومين كان قال ان القبطي في دوله مسلمه لا يلتزم بقوانين الشريعه الاسلاميه
يلتزم ويطبقها بحكم القانون بس الأهم ان المسلمين كمان يطبقوها
الدين عبادات ومعاملات
والمعاملات هي الجزء الغالب في الدين
والعبادات حره لكل فرد
اتمنى لو فيه حاجه انا مش فاهمها توضحهالي
وربنا يحفظك ويبارك فيك
أحمد سعيد بيه
انت اللي حمدالله على سلامتك
انت لسه فاكر النت والمدونه
بتتسرق والله يا دكتور
بس يلا بقى مش مشكله
ربنا يبارك فيك ويعزك
*********
أبو مفراح
عمنا الكبير أحمد
صاحب الصاروخ
منورنا على طول
ايه ده انا اسمى مكتوب
طيب
تشكر يا محمد جدا على ذكرك اسمى من ضمن الناس اللى بيعجبك افكارها واسلوب كتابتها
ده شئ يشرفنى جدا
عجبتنى اوى اجابة الاسماء وانك خايف يتسرقوا
بصراحة كانت اجابة غير متوقعة وضحكتنى جدا
عموما ردك على التاج كله كان مدروس بعناية احسدك عليها
عجبتنى فى ردك على قطع العلاقة مع اسرائيل
بصراحة اجاباتك كلها موفقة
تحياتى ليك
اختك خيخة
السلام عليكمورحمة الله وبركاته
حمد الله عهلي السلامه
ومبروك علي التاجات يتربوا في عزك
:-D
لله ينور عليك يا دكتور .. و زادك الله حرية
حضرتك زدت التاجيين جمالا بردك
:)))))))
ماشاء الله
ربنا يبارك في حضرتك
بت خيخه وأي كلام
اي والله حصل
ومأروض منه كمان
وبعدين ركزي انا قلت طريقة كتابتها التدوينيه والافكار اللي بتجيبها مش تفكيرها وفكرها
بس برضه يعني بتاخدي درجه عاليه في الموضوع ده
ربنا يكرمك
واللهم لا نق ولا نق تربيع
************
خمسه فضفضه
هم مين دول ؟
وعزو مين
انا على كدى لازم أكون حماده بقى
ربنا يكرمك ويبارك فيكي
************
ابن حجر العسقلاني
آمين
و منور يا عمنا
**********
نازك الملائكه
يا دكتوره الله يكرمك
ده من ذوقك بس
قواكي الله
اخي دكتور حر
ماشاء الله اجابات حضرتك موفقة جدا
وانا معاك ان اسرائيل لازم تتقطع لكن هتقطعها ازاي
وايضا اجاباتك في اضطهاد المصريين جميلة جدا جدابس انا للحقيقة مش شايف اي انجازات في الصحافة والاعلام هو يمكن الفضائيات عملت انجازات جميلة بس ده كان رغم انف الحكومة
والله أنا الوزراء في مصر بيصعبوا عليا لأن بحس ان مش بإيديهم حاجه
اللي محتاج الاستجواب حد تاني
هههههههههههههههه
ربنا يسترها معاك ومعانا
جيبها جمايل م عندك ياربى
معاك ف كل راى كتبته
خصوصا رايك ف المثليين
تحياتى
جميل ..
وأوافقك في كثير من إجابات التاج الأول
اممممممممم اجابتك حلوة اول مرة الاقى حد يجاوب علىالتاجات بعقلانيه بجد قوى انا عن نفسى بهزر فيها
بس ربنا يكرمك تحفه اجابتك ومنطقيه
اخبارك ايه
***
انا حاسس انى نهايته قربت
والشعب بدا يغلى
*********
الوزرا فعلا مش بيمشوا بمزاجهم ده فيه اللى بيمشيهم وهما اللى بيشيلوا الكارثة فى الاخر فعلا المفروض ميتحسبوش
مدونتك جميلة
Excellent posting, thank you.
Congratulations Egypt!!!!!!!!!!
اجاباتك جميله وبتدل على انك انسان حر
وبتحب وطنك
شكراا يادكتور
الأخ الكريم .. أتمنى أن أرى إجابتك على هذا التاج .. أنا مسلم
السلام عليكم
------
ردود جيده ما شاء الله
زيارتى الاولى للمدونه ولن شاء الرحمن ليست الاخيره
جزيتم خيرا
ايوى جاااااااااااااااااااااااى
دكتورنا العزيز حمدالله على السلامة
فقدنا شوفتك والله نتمنى تكون بخير
وابقى عدى وبعدين انته مش كاتب عنوان القهوة عندك ليه هو احنا مش قد المقام والا ايه
يا دكتور كذلك كنتم من قبل
ادينا بنتعلم منك
ايوى جاااااااااااااااى
ردود جميلة
تعرف انا كمان عندى احساس قوى جداااااااااا
انه لن يتم برضه
مش عارف ليه بس احساس قوى جدا
وربنا يقطع اسرائيل نفسها
اما بخصوص المثليين هما اكيد موجودين
بس المشكلة انهم بيحاولوا ينشروا فكرهم وسط الناس كمان
ومش بيقبلوا النصح من احد
على فكرة استغربت جدااااااا من التشابه فى تدوينتى الاخيرة وتدوينتك عن التدوين والله مش مسروقة :))
بس متشابهين جدا
عايز اعرف اسمك بالكامل ممكن تكون قرينى
:))
واكترهم بيبقى سليط اللسان
فى المدونين يعنى مش عارف ليه
ربنا يهدى ويعافى
ردود جامدة
جزاك الله خيرا
ومبروك لمصر
السلام عليكم
اجابات موفقه
هادئه
ومتزنه
ومدونه رائعه
سعيده بزيارتها
اجابات اقل ما توصف به بانها حقيقيه ومن القلب
تحياتي
اجابات جميلة جدا وبسيطة جدا
اكرمك الله واعز بك الاسلام
تحياتي لك اخي
آفاق الحرية
منورنا يا هندسه
لكن بختلف معك في رغم انفها دي
لأن الفضائيا المصريه ليها سقف فعلا
وهذا ما تحدث عنه وزير الاعلام آنفا
حياك ربي
*************
د أجدع بنوته
معاي في كل اللي كتبته
ماشاء الله
تبقى أجدع مدونه
كمان
ربنا يوفقك للخير
*************
عم الوضاح
طيب
متوضحلي ايه مشكلة التاج التاني
appy
طيب الحمد لله انه عجبك
ربنا يكرمك ويكرمنا ويوفقك ويوفقنا
********
ابن عمر
ربنا يكرمك
يسمع من بقك ربنا
************
هند هنادي
مش كده برضه
عامة نورتينا
وتنورينا دوما ان شاء الله
************
ديفيد سانتوس
ربنا يسهلك
بحبك يا مصر
هو انت تقييمك كله على حب مصر كمان
ربنا يكرمك على المرور الكريم
وتنورنا دوما ان شاء الله
*************
وضاح
حاضر وجزاكم الله خيرا
*************
حطم القيود
تنورينا دايما
مدونتك
جزيت كل الخير
******
سلكاوي
يا عم تمت الاضافه والضرايب عليك بقى
انت عارف يفط القهاوي
وتنورنا يا غالي على طول
وبمشاريبك كمان
جزيت الخير الكثير
***********
امام الجيل
على ما افتكر احنا فعلا قرناء سنا
وانا متاكد ان المجدد الجاي مواليد الدفعه بتاعتنا دي
ههههه
عامة ايميلاتي في المدونة موجوده
لو تحب نكمل التعارف
في انتظارك ان شاء الله
مروة الزارع
وتعليق أجمد
ومبروك علينا كلنا يا هندسه
مش كده برضه
العزة للإسلام
منورانا دايما
ويا ريت نشرف بكم على طول ان شاء الله
white Angel
أشكرك على التعليق الجميل
ونتنمنى أن نشرف بزيارتك دوما بإذن الله
نـــــــور
مرحبا بدكتورة الهمه
وموفقه ان شاء الله
ونسعد بزيارتكم دوما
دمتي بكل خير
السلام عليكم
اولا انا سعيد جدا
انى مريت على مدونتك
وقربت منك عن قرب
ودا طبعا من خلال حروفك وكلماتك
رائع اخى
تقبل مرورى
احمد سكر
عجبني ردك أوي على الضكتور خالد كما يسمي نفسه ... بجد يسلم فمك و يدك
و إن يدل على شيء فهو في نظري الفرق بين الإخوان و السلفيين بجد
هل لاحظتم رسالة المرشد بتهنئة المنتخب؟
عجبني اوي رسالته الحاصة على الإيمان بالنفس و الثقة بالله و بالنفس ... رسالة بناة امة بجد و ليس فقط دعاة آخرة
سلام عمي الحر و فعلا إسم على مسمى
متألق كعادتك...
بارك الله فيك...
بعد طووووووووووووول غياب
الحمد لله عودة للتدوين عبر دينامو الإخوان
أتمني التواصل بلا إنقطاع
السلام عليكم ورحمة الله وبركاته
قصدي يعني التاجات هما اللي يتربو في عزك
ويكبروا كده ويفقسوا كمان تاجين تلاته
:-D
لماضه
أشكرك بشده
وتمت الازاله لرغبتك
*********
سكر
نورتنا يا عم السكر
واشكرك لكلامك الجميل
وتنورنا دايما ان شاء الله
السامواري الأخير
فينك يا راجل من زمن
وعامة انا لا ارد للرد والله يعلم
لكن هذا ما نتعلمه
وما وضع اللين والرفق في شيء الا زانااه
لك خالص تحياتي
**********
أبو الفدا
وانت
منور كعادتك
ربنا يبارك لك ويكرمك
**********
ياسر مدني
حمدالله عالسلامه
*********
خمسه فضفضة
أنا فاهم يا دكتوره طبعا
ربنا يكرمك ويخليك ويوفقك
يا دكترة الكلام ده كبير وجامد وفعلا الاضطهاد لكل المصريين وتحياتي للدكتور جمال حشمت في اول جلسة
Post a Comment
زد الموضوع جمالا بتعليقك