سلاماتي

بالطبع ده أول تاج ليا ممرره لي الدكتور صاحب مدونة أنا البحر ربنا يكرمه

لكن أحب أوضح فقط اني مش هحط صورة تاج زي معظم المدونين

لأن لا علاقة بين التاجين على الاطلاق

لأن الكلمه كلمه منقوله لنا من الانجليزي tag زي ما هي ودي أساسا مأخوذه كما سمعت من لعبه تشبه لعبة الملك أو لاستغماية عندنا واللي بيتمسك بيقولوله tag, you are it

يعني حاجة زي انت اللي فيها عندنا

ده بس توضيح قبل ما نخش في المهم

ونبدأ باسم الله

من أحب الشخصيات إلى قلبك في الدنيا؟

أبي طبعا رحمه الله

إنسان مستعد تضحي بحياتك عشانه؟

بصراحة أمي فقط

إنسان كرهته لدرجة الجنون و تمنيت لو تمسك سكينة وتنقض عليه وتغرزها في قلبه تقتله وتقف تبص لجثته وتشفي غليل قلبك ؟

يا ساتر يا رب الواحد مش وحش قوي كده

هو صحيح في ناس وخصوصا في مصر بتكون نفسها تنال هذا الشرف في نفس الواحد

لكن ربنا كبييييير

أهم جهاز منزلي أنت متعلق بيه وبتستخدمه كتييير

اضحك عليك لو قلت الكمبيوتر هو صحيح بستخدمه كتير

لكنه لا يأتي في إلا في المرتبة الثالثه بعد

البوتاجاز

الثلاجة

شيء تحس بالراحة النفسية عندما تنظر إليه؟

اللون الأخضر في الأرض وخصوصا في الشتاء

مكان تحس فيه بالحنان إلي شيء لا تدري ما هو وذكريات جارفة على لا شيء؟

كل مكان عشت فيه وقضيت فيه ايام سعيده

يعني مثلا

دولة قطر

وشبين أثناء الدراسة "6 سنوات "

وقويسنا ...أثناء الطفولة

أجمل مدينة زرتها داخل مصر؟

مرسى مطروح طبعا

شخصية كارتونية بتحبها؟

بالظبط بالظبط

هو

بومبا

أهم هدف أنت واضعة لحياتك دلوقتي؟

حاليا ً أخلص سنة سادسة واشتغل واجوز طبعاً ...وبعد كده .....,........بعدين

مواصفات فتاة الأحلام بالنسبة ليك ؟

لا بقولكم ايه ؟.. المدونات ليها ودان

هو يعني ..بصراحة ..الحقيقة يعني انها مبقتش في الأحلام خلاص

لون البطانية اللي بتتغطى بيها في الشتا

والله مش فاكر بس تقريبا آخر سنة كانت زرقاء

إحساس يراودك في إشارة مرور مغلقة بسبب مسئول كبيير

متفكرنييش

ده احساس خنقة

الواحد بيكون نفسه ان ينزل من العربية بسرعة

..

..

..

ويعدي الطريق على رجليه أحسن

مين أكتر 6 أشخاص بتحبهم؟

أكيد طبعاً في ناس خارج المنافسة زي

"أبي وأمي وإخواتي وأزواج اخواتي" بعد كده

الاستاذ عبد الله صالح

الدكتور محمد الاسكندراني

الدكتور عبد المنعم أبو الفتوح

الاستاذ يوسف ندا

الشيخين القرضاوي والغزالي

وشخص أحتفظ به لنفسي

هل أنت سعيد

لا أنا محمد

لو اجتمعت مع حسني مبارك في مكان واحد هتقوله إيه؟

مش عارف والله

حاسس انه مش هيفهمني

لكن مجمل اللي ممكن أقوله اللي أي واحد لو شافه ممكن يقوله

وربنا يسترها على الجميع

إيه اكتر موقف محرج تعرضت له؟

كتييييييييييييييييييييير

لكن في موقف من أيام الثانوية احب اقوله

كنا في الفصل في حصة انجليزي وكان استاذ مبنحبهوش وبنتجنب الحوار معاه

وفجأة الجو أمطر بصوره رهيبة

فالفصل كله قعد يهيص ويسقف

وأنا خدتني الجلالة وقعدت أطبل على المكتب

ولكن

الجبناء ..

سكتوا كلهم مره واحده بنظرة الاستاذ

وأنا شغال

فكان شكلي زي البنطلووووووون خالص

وقعدت أقدم الاعتذارات الى الاستاذ الذي لم أكن أحب أن أقف أمامه هذا الموقف بتاتا

الأمنية التي تتمنى تحققها

أن يرضى الله عني

وأن يمكن لأمتنا في كل المجالات

وأن يرد الناس اليه ردا جميلا

تحب تمرره لمين ؟

أمرره للي عايزه لكن أخص

مدونة الله غايتي

ومدونة الدستور

هذه بعض المشاهد التي وردتني وأتمنى أن تنال اعجابكم