أخيراً

سلاماتي

أخيرا كتبت تدوينة الحمد لله

حسيت وأنا بكتبها بمدى معاناة الولادة القيصرية لأي حاجه مش بتيجي بالسهل

:))
وصلنا التاج الورطة ده من اختنا أم رحمة صاحبة مدونة صبرني يا رب ومن القريب صاحب المضيفة
ووجب الرد
أولا:اذكر عشرة أشياء عن نفسك
ثانيا:اختر خمس أشخاص تهدى لهم التاج
ثالثا:لا تهدى التاج لمن أهداه إليك
رابعا:عرف اللي بعتلك التاج انك نزلته عندك

ماشي حاضر
بسم الله
أولا

أنا محمد .... دكتور حر يعني دكتور بشري وكمان عندي عمل حر

تخين - وبكرش متوسط القطر - وقمحاوي

اجتماعي الى حد كبير وبزيادة على رأي ناس

بحاول أكون ملتزم ومتدين بقدر كبير وبحاول أفهم الدين صح وبيطلب مني ايه وليه

النمط الشخصي يتجول بين الأنماط الآتية ( تحليلي - تربوي - تنفيذي - قيادي ) رايح جاي

بحب القرآن جدا ..لما بعيش معاه بحس بيه وأفرح قوي .. ولما بسيبه شوية بحس ان الدنيا كلها وحشه وخنقة واني مش تمام

بحب الارتباط بالأفكار والمبادئ أكثر من الأشخاص لكن بحب يكون عندي مبدأ

بحب المثالية لكن بغلفها بالواقعية وبطلبها ولو مش كاملة لكن الجزء منها يؤدي الى الكل بالتدرج إن شاء الله

بحب الطبخ وبعرف أعمل معظم الأكلات ما عدا الباشميل بس وكسل برضه مش صعوبة يعني وبحب أشتغل قوي في أعمال البيت بتاع النظافة وغيرها

تحديث ( اضافة كلمة بمزاجي بعد الاعتراف السابق للأهمية ) ::)

بحاول الى حد كبير أكون هادئ ومش حامي وأستوعب اللي قدامي ومش أتنرفز بسرعة بقدر كبير وآخد الموضوع على دماغي قبل ما أشغل الجهاز العضلي

وبحبكم

وثانيا بأمرر التاج لكل من

اللؤلؤة المكنونة

عايز أتعلم

لماضة

يا سر سليم

هبة دوبا